A thiam 16 zingah Serchhip Vengchung Branch an tel ta
Serchhip Vengchung Branch te hi nimin khan Zobawk Vengthar Branch te nen Round of 32 khel tura tih an ni a, amaherawh chu Zobawk Veng-thar Branch-ah hian an Branch mi ni lo khel an awm nia sawi a awm avangin enfiah a nih hnuah khel zui thei lo tura hrem an ni a, hei vang hian an lo hneh tawh Armed Veng Branch chu Serchhip Vengchung Branch hian hmachhawnin an hneh ta tho a ni.
Chite Playground-a inkhel ah hian Ser-chhip Vengchung Branch te hian goal chhuah hmasa in minute 27-na ah Lawmfamkima ball pet sual chu an lamah a lut a, Laldikkima chuan he goal hi minute 56-na ah sutin Armed Veng lam tan Lalrintluanga chuan minute 60-na ah goal rawn khung lehin hma an hruai a, minute thum hnuah Lawmfamkima chuan Vengchung lam tan goal rawn khungin an si phurh a sut leh a, hei bak goal dang awm lovin 2-2 in an inhnehtawk a. Penalty Shootout hmanga chak zawk zawnna ah Armed Veng lam atanga pet hmasa berin a thelh hnuah midang zawngin pet goal in 5-4 in Serchhip Veng-chung Branch te hi an chak a, Round of 16 an lut ta a ni.
Serchhip Vengchung Branch hian Round of 16-ah Sialhawk Branch an hmachhawn leh dawn a, tunkar Inrinni-ah an inkhel dawn a ni.
.jfif)
Comments
Post a Comment
I ngaihdan i sawi hian mipui ngaihdan i tarlang a ni!