Zofate Pathian Biak Inpui ban phun hnatlang nei dawn

Zoram Thar Zofate Lairelna Inpui chuan Vawiin, April 21, 2025 (Thawhtanni) hian Zofate Pathian Biak Inpui sakna tur atan ban phun hnatlang an ko tih Inrinni khan Aizawl Press Club-ah thuthar thehdarhtute kawmin an sawi a. He hnatlang ah hian Zohnahthlak zawng zawng thawkchhuak turin an sawm tih sawiin, a hmuna hnatlang thei lo te pawh hnatlang thawhlawm hmangin a hnatlang theih tih an sawi bawk. Ruahmanna ah chuan Zofate Pathian Biak Inpui sakna atan hian Banpui 50 phun phawt tur a nih thu leh, ban pakhat man chu Rs. 50,000/- anga chhut a nih thu sawiin, an President Rev. Dr. Zaichhawna Hlawndo leh an Ziaktu Lian Lalruatfeli Hlawndo-te chuan Zofate Pathian Biak Inpui hriattirna (awareness) leh hnatlang thawhlawm lakkhawmna (fund raising) USA-a Zofate hnenah neih an tum tih an sawi bawk.