State Policy Coordination Committee thukhawm

Mizoram State Policy Coordination Committee chu nimin khan Chief Minister Lalduhoma hovin CM Conference Hall-ah an thukhawm a, hmalak tawhna te thlirin hmalak zel dan tur sawiho a ni.

He thutkhawm ah hian Bana Kaih thawh khatna (Pilot phase) hmanga Progress Partner thlanchhuah te hmachhawp an sawi a. Loan Component-a Progress Partner turte hi thlan fel an ni deuh vek tawh a, training te pawh an kal tawh hlawm a. An thawhpui Bank te Annual Closing Audit zawhfel hnuah an loan hi process tan theih beisei a ni a. Sanction mai theih te pawh a awm tawh a ni. Chief Minister Special Package, Pilot Phase hnuaiah Progress Partner mi 1740 vel pek theih tura ruahman a ni a, Line Department te chu allocation siamsak vek an ni a. Progress Partner ten tanpuina an dil zat a zirin a dawng thei zat hi an danglam hlek hlek thei a, June thla velah sem tan hman beisei a ni.

Gredit Guarantee Fund Trust for Micro and Small Enterprises (CGTMSE) leh Commerce & Industry ten February thla khan Memorandum of Understanding an ziak fel tawh a, a kalpui dan tur zirhona Workshop hi May thla chawhma lamah neih tum a ni. Hei bakah hian Monitoring lama hmalak dan tur te, I&PR kaltlanga Publicity and Documentation chak tak kalpui dan turte pawh sawiho a ni bawk.