MYC in MPSC lam hawi tum

Mizoram Youth Commission (MYC) chuan Union Public Service Commission (UPSC) lam aiin Mizoram Public Service Commission (MPSC) lama thalaite hna hmuh theihna turin insawrbing an tum tih MYC Chairman Malsawmzuala Ralte chuan tunhnaia chanchinbumite a kawmna ah a sawi a, “Sawrkar hmasa in Mizo thalaite IAS tlin tir a tumna 'Super IAS' ah khan sum a hek a, kum 3/4 vel chhung khan nuai 50 vel an seng hman a. Kan sum sen nena ngaihtuahin MPSC lama in sawrbing zawk hi tha in kan hria a, Mizo thalai UPSC Prelims Exam-a a tling an awm chuan Mains atana an inbuatsaihna senso tul ang angte tum sak kan tum tawh zawk a ni,” a ti.