Kuhva man sa lilam pawi an tih thu an sawi

Vairengte Kuhva Chingtu Co-operative Society, Bilkhawthlir Kuhva Chingtu Co-operative Society leh Hachhek Bial Kuhva Chingtu Pawl Joint Committee chuan dan lova ramdang kuhva man sa, Kolasib District Magistrate-in lilama a hralh chu pawi an tih thu thuchhuah siamin an tarlang a. Kuhva tawlhru thinte thil tum leh duhthusam anga rorelna kalpui a ni ta mai chu Kuhva chingtute tan a lungchhiat tak zet tih tarlangin, dan lova kuhva tawlh thin ten Mizoram kuhva market a tihbuai em em laia hetianga kuhva man sa lilam-a tihral a nih chuan an market a chhe lehzual dawn tih tarlangin, Kuhva tawlhru thinte chuan Mizoram sawrkar kuta luhtir a, lilam hmanga leichhuah leh mai chu an thiltum leh thiam taka an sawi fo thin a nih thu an tarlang bawk.