Home Minister in nimin khan Central Jail a tlawh

Home Minister K. Sapdanga chuan nimin khan Cemtral Jail tlawhin IG Prison R. Van-lalsawta leh Special Superintendent Laldingliana Chinzah te bakah thawktu dang ten an lo dawngsawng a ni.

Home Minister hian Central Jail chhunga Ward hrang hrang bakah Workshop, ICTC, Library, Hall leh a dangte a fang vek a. Central Jail-a cheng nuai 90.23 senga Ward sak thar (C Ward), Tang (prisoners) 70 vel awm theina tur chu a hawng nghal bawk. Central Jail a tlawh zawh hnuah hian Home Minister chuan hmeichhe Jail (Central Women’s Jail), Central Jail bula mi chu tlawh lehin, Ward hrang hrang a fang leh bawk a ni.

Central Jail hi September 15, 1986-a commission tawh kha a ni a, a building te a hluiin, a chhe tawh hle a. Tunah hian SASCI Part I hnuai atangin cheng vbc. 13.925 senga sak that turin ruahmanna chak taka kalpui mek a ni. Home Minister leh Concern Department Officials-te chuan Jail thiah huna tang (prisoners) te awm lailawkna lo ruahman dan tur te sawiho in, an thlirho nghal bawk a ni.

Tunah hian Central Jail-ah hian tang (Prisoners) 854 an awm mek a. Lifer 56, Under Trial Prisoner (UTP) 457, RI Convict 263 leh SI Convict 78) te an ni a. Central Women’s Jail-ah hian tang (prisoners) 132 an awm mek thung a. Lifer awm lovin, Under Trial Prisoner (UTP) 96, RI Convict 23, SI Convict 6 leh Naupang nu te tan avanga tang ve mi 7 an awm a ni.