High Level Task Force on North East Economic Corridor (NEEC) Meeting hmasa ber neih a ni

Nimin khan Chief Minister Lalduhoma kaihhruaina in High Level Task Force on North East Economic Corridor (NEEC) Meeting vawi khatna chu Video Conference hmanga neih a ni.

    He Task Force hi Ministry of DoNER hnuaia din niin, India hmarchhak hmasawnna ruhrel pawimawh tak tak thawh tur (objectives), Short Term Medium Term leh Long Term ruahmanna neia rawtna siam tura din a ni a. Chief Minister Lalduhoma chu Convener niin Member te chu DoNER Minister Jyotiraditya M. Scindia; Meghalaya Chief Minister Conrad Sangma te, Assam Chief Minister Himanta Biswa Sharma leh Manipur Governor Ajay Kumar Bhalla te an ni a. Nimin thutkhawm ah hian Chief Minister Lalduhoma chuan, India ram hmasawnna tura hmarchhak bial pawimawhna sawiin, High Level Task Force on NEEC chu hmarchhak bial in hmasawnna chak leh ngelnghet a neih theih nan leh Asia ram te nena inthlunzawmna tha zawk a awm theih nana zirchianna leh rawtna duang tura din a ni tih a sawi a. “Vawiin ah Meeting bul kan tan ang a, sawiho tur rawtna te fel takin kan nei hmasa ang a, chungte chu chipchiar zawkin kan la sawiho leh dawn nia,” tiin Meeting hmasa ber a koh chhan a sawi a. Member ten hmalakna tur pawimawh nia an hriat te sawina an nei zui a ni.