CM in Lehkhabu tlangzarh

Chief Minister Lalduhoma chuan nimin khan Aizawl-a Assembly House Conference Hall-ah ‘Chhura Thawnthu (Hnam hrang hrangte sawi dan)’ tih lehkhabu Padma Shree RL. Thanmawia ziak chu a tlangzarh a, “Chhura chanchin kan hriat dan tlanglawn hi chu lakkhawm harsa a nih a rinawm loh a. Nimahsela, kan Zo hnahthlak hnam hrang hrang ten Chhura chanchin an hriat dan leh an inhlanchhawn dan rintlak tak han lakkhawm erawh chu a hautak hlein ka ring,” a ti a. Zofate hnam tobul chhuichhuaha, sawrkar pawmpui leh mipuite pawm tlan neih tul an tih thu sawiin, “A bultantu tur kan insiam chho mek a. Sawrkar hian Zofate tobul leh kan inpumkhatna hi kan ngaipawimawh hle a ni,” a ti bawk.