Book of the Year-ah ‘Hun Inher Kara Zofate’ thlang

Mizo Academy of Letters (MAL) chuan Book of the Year 2024 atan ‘Hun Inher Kara Zofate’ tih F. Vanlalrochana ziah chu an thlang.

Mizo Academy of Letters hian nikum 2024 chhunga Mizo tawng a lehkhabu chhuak 215 zinga lehkhabu tha ber, Book of the Year 2024 atan nimin khan F. Vanlalrochana ziah ‘Hun Inher Kara Zofate' tih chu an thlang a, Book of the Year 2024 lawmman hi naktuk, April ni 23 hian Aizawl-a I&PR Auditorium-a MAL Foundation Day lawmnaah hlan a ni ang.

MAL hian kum 2024 chhunga Mizo tawng-a lehkhabu chhuak 215 atang hian lehkhabu tha ber thlang turin a tha zual 20 an thlang phawt a, heng atang hian, a tha zual 10 thlang lehin heng atang hian pathum thlanchhuah leh an ni a, chung te chu ‘Hun Inher Kara Zofate’ tih F. Vanlalrochana ziah bakah hian Lalfakzuala, IAS (Rtd) ziak, ‘Ka hringnun lehkhaphek’ tih leh ‘Par Har 2’ tih Prof. Dikteii Hnamte ziak te  an ni.