District Level Student’s Science Seminar neih a ni

Nimin khan Serchhip-a BRC Hall-ah ‘The Quantum Age Begins : Potentials and Challenge’ tih thupui hmangin District Level Student’s Science Seminar, 2025 neih a ni.
District Level Student’s Science Seminar hi Serchhip District Education Officer (DEO) Lalchhanhima Chhangte chuan khuallian nia hmanpuiin he hunah hian Serchhip District chhunga High School 8 ten intihsiakna an nei a, Marian High School atanga tel P. Khamhouplien chu pakhatna niin Lalmawipuia, St. Peters High School, Chhingchhip chu pahnihna leh B. Mal-sawmtluangi, Govt. J.M High School Serchhip chu pathumna an ni a, lawmman ah pawisafai leh Certificate an dawng a ni.

He intihsiakna a pakhatna P. Khamhouplien hian thla thar September 19-a Aizawl-a State Level Students’ Science Seminar neih turah Serchhip District ai a awh dawn a ni.