State Special ration package dawngtu 29,785 awm

Mizoram sawrkarin khawsak harsa zawkte tana Scheme a duan hnuaiah Ration Buhfai man tlawma dawngtu 29785 an awm tawh.

Food Civil Supplies & Consumer Affairs Department chhinchhiah danin, December 2024 atang khan Mizoram State Special Ration Package hman tan a ni a; he Scheme hnuaiah hian mi pakhat tan buhfai kg.8 zela sem a ni. He Scheme thar hnuaiah hian December 31, 2024 thleng khan Mizoram-ah Ration Card 7652 leh beneficiary 29,785 chuang an awm tawh a. Antyodaya Anna Yojana (AAY) hnuaiah Mizoram-ah Ration Card 25,750 awmin beneficiaries 62,964 vel an awm a. Priority Household (PHH) hnuaiah Ration Card 150,555 awmin beneficiaries 633,980 vel an awm a. Non-NFSA hnuaia Ration Card zawng zawng chu 106589 niin beneficiaries 441902 an awm a ni.

AAY hnuaiah hian thla tin sawrkar laipui atangin buhfai quintal 9054.50 leh PHH hnuaiah quintal 32047.65 a thlawnin pekchhuah a ni a. Hemi atanga quintal 13696.18 chuang chu quintal khatah Rs. 830 hisap zela lei (tide over hnuaiah) a ni. Sawrkar laipuiin a pek bakah hian PDS kaltlanga semchuah tur mamawh belh chu Need-base in Open Market-ah sawrkar approved supplier kaltlangin lei belh leh thin a ni bawk.

Sawrkar hriatpui Welfare Home leh Tribal Hostel thenkhat hnena man man zawk (subsidized rate) a pek thin chu thawk khat lai khan tihtawp lailawk a ni tih FCS&CA Department chuan a sawi a. Sawrkar laipui hnenah ngenna thlen niin, he Scheme hi chhunzawm leh a ni a. He scheme hnuaiah hian tunah buhfai quintal 2212.20 vel Institution 203 leh an enkawl lai mi 14748 hnenah pek thin a ni bawk.