Sawrkar-ah sum chhung tam

Sawrkar kum kal mek 2024-2025 chhunga Lengpui Aiport atanga sum hmuh cheng nuai 1344 chu sawrkar sum bawmah chhunluh a ni tawh.

    Civil Aviation Wing hotute'n an sawi danin, April 2024 atanga tun thlenga sum an hmuh, sawrkar a an chhunluh chu Rs. 1344,17,180/- a tling tawh tih sawiin, sum an hmuhna hnar lian ber chu Usher Development Fee (UDF) leh Aviation Security Fee (ASF) atangin a ni a, hei bakah hian Rental Charges te, Display Hoarding leh Lengpui Airport-a Parking Fee an lakte atangin an hmu bawk. Lengpui Airport-ah hian khualzin lut chhuak an pung zel tih Civil Aviation Wing hotute chuan an sawi a, nitin khualzin Airport a rawn tum lut 700 leh hmun dang pana thlawkchhuak mi 700 bawr vel an awm ziah anga chhut a nih thu an sawi a, Manipura tualchhung buaina chhuak avangin khualzin lut chhuak hi an pun thu an sawi bawk.