MNF ten FIR thehlut

MNF Unit-II P&E Veng Serchhip chuan nimin khan Serchhip Police Station-ah FIR thehlutin thu diklo hmanga an Party puhna chungchang chhui sak turin an ngen.

Nimin tlai-a Serchhip Police Station-a FIR an thehluh ah hian MNF Unit-II, P&E Veng, Serchhip nimin July 9, 2020 zing khan WhatsApp Group pakhat, 'Serchhip Politics Group' ah Serchhip-VIII VC huam-chhung, One Stop Centre bula Serchhip-VIII te Step siam mek chu MNF Party tih mualpho theihna a ngaih theiha tarchhuah a nih thu an tarlang a. Hetianga thu diklo hmanga an Party puhna chu na an tih thu leh a thehdarhtu hi chhuichhuaka Dan anga hma lak sak turin an ngen a ni.

MNF Unit-II P&E Veng Serchhip hian nimin vek khan thuchhuah siamin hetianga thudiklo hmanga an Party mualphona tur vawrhdarh a ni chu pawi an tih thu leh hetiang hi tun hnuah chuan thleng tawhlo se an duh thu an tarlang bawk.