Posts

Latest News

Serchhip-ah SPELP hmang

Image
Sawrkar Laipui-a Ministry of Youth Affairs & Sports hnuaiah Student Police Experienctial Learning Programme (SPELP) chu nimin khan Serchhip Police Station-ah a hawnna hun hman a ni.

Kawlphetha renchem a tul zia inzirtirna a Serchhip District-a hma la tha te lawmman hlan an ni

Image
P&E Department hnuaia State Designated Agency for Energy Conservation hmalakna a Serchhip District chhunga Zirna In thlanchhuah 20-a Energy Club te tana intihsiakna hrang hrang buatsaiha lawmman semna hun chu nimin khan Serchhip Auditorium-ah hman a ni.

Serchhip-a Kohhran hrang hrang hruaitute Zuk leh hmuam that loh dan zirtir an ni

Image
Serchhip khawpui chhunga Kohhran hrang hrang hruaitute tan Vaihlo leh a kaihhnawih hrang hrang that loh zia inzirtirna chu nimin khan Serchhip CMO Conference Hall-ah neih a ni.

Cricket League Final-ah AO3C leh TKCC

Image
Serchhip District Cricket League 2023-2024 khelh mekah AO3C leh Tuikhuah Veng Cricket Club te Final-ah an inhmachhawn dawn ta.

Serchhip-ah Rulhut hlo pek beihpuithlak tan leh a ni

Image
Kumin atana National Deworming Day (NDD) vawi khatna chu nimin khan ramchhung hmun-dangte rualin Serchhip-ah pawh hman a ni.

RASTRAM in Meihawl tui an zuarchhuak tan

Image
Serchhip-a Society pakhat, Ramlai Society for Traditional Medicine (RASTRAM) chuan an Society Member te siam Meihawl tui fir chu tunhnaiah mipui lei theihin an hralhchhuak tan ta.

SAY ten thisen Unit 9 pe

Image
Salvation Army Youth (SAY) Serchhip Corps te chuan nimin khan Serchhip Blood Bank-a dah turin thisen Unit 9 an pe a, thisen petute hi Mipa 8 leh Hmeichhia pakhat niin Serchhip Blood Bank ah kalin thisen an pe a ni. SAY Serchhip te hian kumin chhungin tum thum thisen pek an tum a, tun tum hi kumin-a vawi khat an pekna a ni.

Minister in Museum a tlawh

Art & Culture Minister C. Lalsawivunga chuan nimin khan Aizawl MacDonald Hill-a Mizoram State Museum chu tlawhin thawktute nen an inkawm a, Mizo thil hlui vawnthat kawngah Museum enkawltu Curator and staff leh Art & Culture Department chu an fakawm tih sawiin, Museum hmunhma tha taka vawnfai a ni chu lawmawm a tih thu a sawi a. Mizo Hnam rohlu vawnhim leh chhawmnun kawngah theihtawp chhuah zel tur leh tan la sauh sauh turin Art & Culture Department thawktute a fuih a. Museum ti hmasawna tihchangtlun zel dan tur pawh Curator leh Staff te a sawipui nghal bawk a ni.

Kawng siam mek enfiah

Pradhan Mantri Gram Sadak Yojana (PM-GSY) 2.0 hnuaia Khawzawl leh Biate inkar kawngpui thawmthat hna thawh mek chu nimin khan Dy. Govt. Chief Whip leh Tuichang bialtu MLA W. Chhuanawma chuan tlawhin hna thawh dan te a enfiah a. He kawng hi km 60-a thui niin package 10-ah KM 6 theuha then niin cheng nuai 9,320.68 senna tur a ruahman a ni a, PMGSY 2.0 hnuaiah kum 2019-20 khan sanction niin Mizoram PWD Project Division -IV ten hun engemaw chen an enkawl hnuah June ni 5, 2023 atang khan PWD Khawzawl Division te kutah hlan a ni.

RD hmalakna thlirhona nei

Rural Development Department chuan nimin khan MLA Conference Hall, Annexe Building-ah RD Minister Prof. Lalnilawma hovin an hmalak dan thlirletna hun an hmang a. RD Minister chuan kan ram hmasawnna tura Department pawimawh ber an nih thu sawiin, an hmalakna chu thil tereuhtete aiin thil lian tham leh hriat tham deuh, khawtlang tan pawha rohlu ni thei se tih a sawi a, an hnathawh quality compromise lova Department dangte nena thawhhona dap uar tur leh mipuite tana thawk an nih ang ngeiin Officer biak nuam leh hawihhawm tak ni turin a chah bawk.