Lenkawl

Kum 11 hnuailam te tana inelna, Mini National Badminton Championship 2022 khelh tura Mizoram aiawh tur mi 4 thlanchhuah zingah Serchhip mi pahnih an tel.

India ram zalenna sualtute chawimawina kawngzawh leh anmahni zahna lantirna atana Hnam Lam entirna chu nimin zing khan Serchhip-ah neih a ni.

Serchhip P&E Veng-a LPG Home Delivery kalpui a nih hnuah Serchhip-a Veng dang pathum-ah LPG Home Delivery hi kalpui leh tum a ni.

Tunkar Zirtawpni zan atanga Pathianni zan thleng awh tur Salvation Army thalai khawmpui lian, India Eastern Territory (IET) Salvation Army Youth (SAY) Congress vawi 26-na Serchhip in a thlen tur atana Serchhip P&E Veng Leisekawt Mual-a Pandal sak chu nizan khan Pathian hnena hlanna inkhawm neih a ni a, Kohhran hrang hrang atangin chhimtu an thahnem hle.

Serchhip District chhunga PHC leh Health & Welness Centre (Sub-Centre tih thin) hrang hranga Health Mela neih tura ruahmanna kal mekah nimin khan hmun 7-ah Health Mela hi neih a ni.

Tuikum bialtu MLA leh Assembly Deputy Speaker Er. Lalrinawma chuan nimin khan a bial chhunga Chhingchhip Mualpui leh Phulmawi khua ah Health Clinic Centre thar a hawng.

Nimin khan Mizoram-ah COVID-19 hri kai enkawllai mi 23 te chu anmahni enkawlna hmun atanga chhuahtir an ni leh a, nimin-ah hri hmuhchhuah mi 2 chhinchhiah belh leh an ni bawk. Heti hian nimin tlai thleng khan Mizo-ram-ah hri kai enkawllai mi 13 an la awm mek a, heng hri kai enkawllai la awm te hi Aizawl District-ah mi 9 leh Lunglei District-ah mi 4 niin District 2-ah hri kai enkawllai an la awm a ni.

National Institute of Technology (NIT) Mizoram chuan nimin khan NIT Auditorium, Mizoram University, Tanhril-ah Convocation vawi 6-na hmangin Governor Dr. Hari Babu Kambhampati  chuan khuallian niin a hmanpui a, he hunah hian zirlai 158 in degree dawngin an zinga 126 chu Bachelor of Technology (B.Tech) niin zirlai 26 in Masters of Technology (M.Tech) leh zirlai 11 in Doctor of Philosophy an dawng a ni.

All India Cooperative Week vawi 69-na chu nimin khan Aizawl Vanapa Hall-ah hman niin Cooperation Minister C. Lalrinsanga chuan khuallian niin a hmanpui a, ram sum leh pai dinhmun hmasawn zelna turin Cooperative Movement nasa zualin kalpui a ngai tih sawiin, Cooperative Society leh Movement darhzau leh than zelna tur ngaih pawimawh a hun hle tawh tih a sawi bawk. All India Cooperative Week hi India Prime Minister hmasa ber Jawaharlal Nehru hriatrengna atan kum 1953 atanga hman thin a ni.

Sports Minister Robert Romawia Royte chuan nimin khan Aizawl Chhinga Veng, Saron Veng leh Tuithiang Veng inkalpawhna lei, Lalat Bridge tia vuah chu a hawng a, Lei siam a nih theihna atana ram petute chungah lawmthu a sawi bawk. Lalat Bridge hi Saron Veng, Tuithiang Veng leh Chhinga Veng inkalpawhna laia awm niin, RCC framed structure-a siam a ni a. State Fund atanga dawh niin Expenditure Sanction Amount hi cheng nuai 200 a ni a. Lei sei zawng hi metre 76 niin a zau zawng hi metre 5.50 a ni.

Nimin atang khan RBSK, NHM, Mizoram hmalaknain Aizawl West DEIC leh Kulikawn YMA Hall-ah Congenital Heart Disease Screening Camp chu a tum 5-na atan neih leh a ni a, hripui leng avanga kum 2 chhung neih theih a nih loh hnuah RBSK leh Shija Hospitals and Research Institute, Imphal ten bultumin he hun hi hman a ni. He Screening Camp hi nau piang hlim atanga kum 18 inkar Lung lam harsatna nei te tana buatsaih niin, Veng leh khaw hrang hrang atang naupang 250 chuang vel inentir turin an kal a, naupang Lung zai ngai te chu Shija Hospitals and Research Institute-ah hian zai a ni anga, an inenkawlna senso Hospital Bill RBSK, NHM, Mizoram chuan a tumsak dawn a ni.

Niminpiah tlai-a Hnahthial District Maudarh khua a lung lakna hmun chim a thi zat chu 12 ni a hriat a ni a, ruang 8 lakchhuah a ni tawh.

Mizoram Governor Hari Babu Kambhampati chuan Tribal te hian India ram zalenna atana zalenna sual a nih lai khan an theihna sang tak an lo hlan tawh tih a sawi.

October 29, 2022 tlai-a Tuirial Airfield peng bula tuialhthei phur (Tank Lorry) chesual kang zui ta avanga thi chu nimin thleng khan mi 12 an tling ta a, he vanduaina thlenga mawhphurtu nia hriat chu Police ten an man tawh bawk.

Tun thla ni 19 thleng awh tur Tourism Kutpui International Tourism Mart (ITM) chu Vawiin hian Aizawl-ah neih tan a ni dawn.

Chief Minister Zoramthanga chuan Union Minister of Road Transport & Highways Nitin Gadkari-in Mizoram kawng siamna tura sum pek tur a puan thu sawiin, Vairengte atanga Kawnpui kawng laiha compensation buaina awm pawh chinfel a ni ta mek niin a sawi.

Nimin Nov. 14, 2022 tlai dar 3:30 vel khan Hnahthial leh Dawn inkar kawng laitu ABCI te lung lakna Maudarh hmun ami chu a chim a, mi 15 vel a chhilh bakah lai laihna khawl leh kawl dang engemaw zat a chhilh nia hriat a ni.

Chawlhkar hnih chhung awh tur Serchhip District tana Up-Scaling of Aapda Mitra Scheme Training Batch 2-na chu nimin khan Serchhip-ah neih tan niin khaw hrang hrang atanga Training mi 50 te chu chhiatna lo thlen thulha chhanchhuah leh chhawmdawl dan hrang hrang zirtir an ni dawn a ni.

Chhiahtlang South Village Council Executive Body thar thlanna chu nimin khan neih a ni.

MFA Inter-District Senior Women Football Championship khel tur Serchhip District Team te chuan nimin khan Serchhip chhuahsanin Siaha an pan.