Lenkawl

Nimin khan Serchhip District-ah COVID-19 hri kai mi 56 hmuhchhuah belh leh an ni a, heti hian Serchhip District-a COVID-19 hri kai hmuh chu mi sang ruk aia tam tawhin hri kai enkawllai mi 271 zet an awm leh tawh bawk.

East Lungdar VC huamchhung leh Chhing-chhip VC huamchhunga Chhingchhip Venglai leh Venghlun area te chu COVID-19 hri leng avangin hmun khuahkhirh bikah puan leh an ni.

Serchhip khawpui chhunga boruak thianghlim dan enfiahna ah hundang zawng aiin Kumhlui thlah zan khan boruak-ah bawlhhlawh a tam.

Serchhip mipui ten kumthar (2022) lawmna an neih hnuah mipui khawsak phung a pangngai chho leh tan mek a, nimin khan Kohhran thenkhat ten kumthar lawmna ruai an theh laiin a hma lama ruai lo buatsaih tawh zingah Pathian chawimawina hmanga ruai la buatsaih Kohhran thenkhat an awm bawk a ni. Kumthar lawmna nei zo-a mipui khawsak a pangngai mek laiin Serchhip Bazar pawh a pangngai in a kal chho tan mek a, Vawiin lamah sawrkar Pisa te kumin atana hawn tan a nih tawh dawn bawk avangin mipui khawsak phung pawh a pangngai chho tan tura ngaih a ni bawk.

Kum 15 leh 18 inkar te tana COVID-19 Vaccine pek tur chu Serchhip District-ah tun thla ni 6 khian a hawnna neiin ni 15 thlengin pek zawh hman tura ruahmanna siam a ni.

Ramchhung hmundangte rualin nimin atang khan Mizoram-a kum 15 leh 18 inkar te hnenah CO-VID-19 Vaccine chu pekchhuah tan a ni ta.

Serchhip District-a COVID-19 hri kai hmuh tawh chu 5998 an tling tawh.

Vawiin January 3, 2022 (Thawhtanni) hi Mizoram sawrkar in kumthar lawmna atan Pisa chawlh ah a la puan avangin Mizoram sawrkar hnuaia Pisa hrang hrangte chu hawn ala ni dawn lova, naktuk atangin Pisa hi hawn tan tur a ni ang.

Nimin January 2, 2022 kha kumin atana Pathianni hmasa ber a ni a, Kohhran ten inkhawmna neiin Kohhran thenkhat chuan kumthar atana Sunday School hming ziakna hun atan an hmang a, Koh-hran thenkhat erawhin kumthar lawmna hun an la hmang thung a ni.

Kumhlui (2021) thlahna leh Kumthar (2022) lawmna chu Serchhip-ah pawh boruak muanawm tak hnuaiah neih a ni.

Ramchhung hmundangte rualin Vawiin, January 3, 2022 hian kum 15 leh 18 inkarte tan CO-VID-19 hri danna pek tan a ni dawn.

Nimin khan Serchhip District-ah COVID-19 hri kai mi 73 zet hmuhchhuah niin an zinga 58 te chu Sialsir khua an ni.

Serchhip District chhungah nimin (Dec. 30, 2021) atanga hman tan turin thla hnih huam turin zan lam Curfew Order tihchhuah leh a ni.

Chhiahtlang Chhim Veng Branch YMA te chuan an huamchhunga hmeithai pakhat chenna In tur sak hnatlang an nei mek.

Zoram Drivers’ Union (ZDU) Sub-Hqrs. Serchhip chuan nimin khan Serchhip Hmar Veng YMA Hall-ah Annual Assembly neiin kumthar 2022-a an pawl hruaitu tur thlanna an nei a. President-ah S. Lalpianga (Tuikhuah Veng), Vice President-ah Lalthlanthanga Chawngthu (Tuikhuah Veng), Secretary-ah LR. Bawlliana (Bazar Veng), Asst. Secretary-ah H. Malsawma (Kanan Veng), Treasurer-ah H. Raltawna (Vengchung) leh Fin. Secretary-ah C. Lalpianthanga (Tuikhuah Veng) te thlan an ni.

Nimin December 30, 2021 kha kumin atana Mizoram sawrkar hnuaia Pisa hrang hrangte inhawn tawp ni a ni a, sawrkar Pisa te inhawng tha viau tawh mah se pawimawh bik zual tih loh ah chuan mipuite atangin dawrtu an awm meuh lo thung a ni. Mizoram sawrkar hnuaia Pisa hrang hrangte hi kumhlui thlahna leh kumthar lawmna vuakvet-a khar a nih hnuah karleh Thawhlehni, January 4, 2022 khian kumthar atan hawn leh tan tur a ni ang.

Nizan hmasa zanlai vel-a Serchhip Bazar-a Police duty te beitu mi pahnih te chu Serchhip Police ten manin thubuai siam sak an ni.

Lunglei Zotlang Tourist Lodge Building-a RT-PCR Laboratory chu nimin khan Health Minister Dr. R. Lalthangliana chuan hman theih turin a hawng.

Chief Minister Zoramthanga chuan nimin zing khan Industrial Growth Centre, Luangmual-a hmalakna awm tura ruahmante a hmunah a enfiah.

HOTEL/HOMESTAY/TOURIST DORMITORIES/GUESTHOUSES/LODGES/ACCOMMODATION UNITS/RESTAURANTS/THINGPUI DAWR/KAWNGKAM HOTEL CHUNGCHANGA  TOURISM DEPARTMENT HRIATTIRNA