Lenkawl

Nimin khan Serchhip-ah Rapid Antigen Test hmanga Sample 9 enfiah niin TrueNat Laboratory-ah Sample 30 enfiah a ni bawk a, heng Sample enfiah atang hian COVID-19 hri kai hmuh an awmlo. Kar hmasa lama Serchhip Chhim Veng a hri kai hmuhchhuah in a lo kawm hnaih mi 9 te Sample pawh nimin vek khan la a ni a, nimin khan TrueNat Laboratory-ah en hman tur beisei niin Vawiin lamah result pawh hriat theih beisei a ni.

Ni 4 chhung awh tur nei tan

Health Minister Dr. R. Lalthangliana chuan nimin khan Health Department Officers te thutkhawm neihpuiin Mizorama COVID-19 hri lo pung thar leh thut chungchanga hmalak dan tur hrang hrang an sawiho.

Pathianni khan Mizoram-ah Sample 520 enfiah niin heng atang hian COVID-19 hri kai mi 7 hmuhchhuah leh an ni a, hetihlai hian hri kai hmuhchhuah zingah Pathianni zan khan nunna chan an awm belh leh thung.

Tunhnaia MNF Party-in Serchhip Bye-Election atana Video Advertisement an siam pakhat a an thu tarlan te chu ZPM chuan Model Code of Conduct (MCC) bawhchhiatna a nih thu sawiin, MNF Party in an thehdarh zui zel a nih chuan a tul anga hma an lak zui tur thu an sawi.

Mizoram Pradesh Congress Committee (MPCC) hruaitute chuan Serchhip bial bye-election nei turah MNF Candidate, Vanlalzawma chu an Party chuan tling tak tak se an duhlo em ni tih tur a nih thu nimin khan thuthar thehdarhtute hmaah a sawi.

Serchhip bial Assembly bye-election neih tura BJP Candidate, Lalhriatrenga Chhangte chuan Serchhip bial in hma a sawn theihna tura amah Vote tura Serchhip bial mipuite sawmin, Serchhip bial hmasawnna atan hna a thawh chhunzawm zel tur thu a sawi.

Mizoram-ah COVID-19 hri kai hmuhchhuah an pung zel a, ni 2 chhung chauhin hri kai mi 54 zet hmuhchhuah an ni.

Serchhip Officers' Club (SOC) te chuan tunhnaia Serchhip Dinthar Veng-a chenna In kang tuartu chhungkaw pali te chu nimin khan tlawhin an member te sum thawhkhawm a\angin  Rs. 10,000/- theuh an hlan a, he hunah hian SOC member te an tel a ni.

Armed Veng-ah Vawk 25 thi

Mizoram-ah COVID-19 hri kai hmuhchhuah an pun leh tak deuh avangin Mizoram sawrkar chuan mipui khawsak phung kaihhruaina Dan a siam thar a, zan lama inkhawm leh inkhawmna a zai reng reng phal a ni rihlo ang.

Health Minister Dr. R. Lalthangliana chuan hlawhtling taka COVID-19 thawhkhatna kan do hneh chhan chu mi zawng zawng kan tanrual vang a ni tih sawiin, “A thawhhnihna min rawn run tan mek nia lang hi do hlawhtling leh tur chuan a hma anga kan zavaia thuawihna nena kan tanrual leh a ngai dawn a ni,” a ti

Inrinni khan Serchhip District-ah Rapid Antigen Test hmangin Sample 5 enfiah niin hri kai hmuhchhuah an awmlo a, Inrinni vek khan tunhnaia State pawn atanga Police rawn haw, PTS Thenzawl-a inkhunghrang mek te Sample chu lak niin TrueNat Laboratory-ah nizan thleng khan enfiah a ni a, Sample lak zat hi 175 zet niin Vawiin lam hian result kimchang hriat theih beisei a ni. Tunhnaia hri kai hmuhchhuah in a kawmhnaih te Sample pawh Vawiin hian lak a ni bawk ang.

Mizoram sawrkar in COVID-19 hri leng avanga mipui kaihhruaina thar a siam hnuah Ser-chhip District Magistrate, Kumar Abhishek IAS chuan Section 144 of Cr.PC 1973 in thuneihna a pek angin District Hqrs. chhungah zan dar 8:30 leh zing dar 4:00 inkarah pawn chhuah khap tlat a nih thu leh District Hqrs. a Dawr, Hotel, Restaurant leh sumdawnna hmun dang te chu zan Curfew tan hun bawhbuai lova khar tur a nih thu a tarlang a. He thupek hian thupek hmasa lo awm tawh chu luahlanin thuleh a awm hma chu chhuah a nih, April 10, 2021 atanga thla hnih (2) chhung huam tur a ni. He thupek hian phalna pek bik te chu a huam dawnlo a ni.

Serchhip P&E Veng ami Rev. Fr. James Lalruattluanga chu Inrinni khan Puithiam (Deacon) atan nemngheh a ni a, Mizo zinga Catholic Puithiam 37-na a ni.

Mizoram Synod Social Front bultumin nimin Pathianni khan Serchhip bial-a Presbyterian Kohhran Biak In hrang hrangah Political Education Campaign neih a ni a, Synod atanga rawn kal mithiam ten thu sawina hun an hmang a ni.

Serchhip District Anti-Tobacco Squad te chuan Inrinni zing khan Serchhip Bazar leh a chhehvel bakah damdawi In-ah te Squad Drive neiin Dan bawhchhia-a puipunna hmun mei zu an awm leh awmloh an enfiah a, hetah hian Dan bawhchhia-a puipunna hmuna mei zu mi 4 manin Dan in a phut angin pawisa chawitir nghal an ni.

ZPM Serchhip Block Committee chuan MNF Candidate, Vanlalzawma chu thu belhchian dawllo hmanga vote zawng tawhlo tura warning pe turin thuneitute hnenah an thlen tih an sawi.

Serchhip Bial-a Assembly bye-election neih tura inbuatsaihna kal zelah Inrinni khan Mizoram Peoples Forum (MPF) Thenzawl Joint Local Forum buatsaihin ‘MPF Joint Platform’ neih a ni.

Tuikhurhlu atanga Hnahthial-a lak tur nia sawi Rakzu litre 560 zet chu Inrinni zing khan Serchhip Police ten manin hemi kaihhnawih ah hian mi pahnih leh a phurhna motor pawh man nghal a ni.