Lenkawl

Inkaihhruaina kalpui zel dawn

 Tuihna humhalh ah tanlak a tul

Rampum huapa COVID-19 hri danna pek beihpui chu January 16, 2021 khian kalpui tan a ni dawn.

Inrinni-a Mizoram-a Sample enfiah te atangin COVID-19 hri kai 17 hmuh belh leh an ni a, nimin khan hri kai zingah nunna chan pakhat an awm belh leh bawk.

Mizoram Rajya Sabha MP, K. Vanlalvena chuan Inrinni khan Champhai District-a Zokhawthar tlawhin, khawtlang mamawh leh harsatna hrang hrangte a enpui.

India ram hmun thenkhata leng mek Arva pulhri (Bird Flu) lakah Mizoram a la him niin AH & Vety Department chuan an sawi. Avian Influenza tia sawi bawk.

Aizawl Municipal Corporation (AMC) chuan Property Tax atangin cheng nuai 1,193.07 a hmu tawh a, AMC hian mi 5,854 hnenah Insak phalna a pe tawh bawk.

Sawrkar kum kal mek, April 2020 atanga December 2020 thleng khan Mizoram sawrkar-a Taxation Department chuan chhiah Rs. 4,34,18,79,509 a hmu tawh a, hemi hun chhung vek kum hmasa lam, April-December 2019 chhunga chhiah hmuh a phak lohna chu Rs. 57,49,36,089 a tling.

Inrinni khan Serchhip District-a TrueNat Laboratory-ah Sample 6 enfiah niin COVID-19 hri kai hmuh thar an awm lova, nimin khan Serchhip Distict-ah COVID-19 hri kai enkawl dam an awm belh lo bawk. Serchhip District-ah hri kai hmuhchhuah tawh chu 179 niin an zinga mi 177 te enkawl dam an ni tawh a, hri kai enkawllai mi pakhat leh nunna chan pakhat an awm a ni.

Mizoram Synod in Serchhip-a Family Guidance & Counselling Centre (FG&CC) a din-a Counsellor, Rev. Lalhleia chu taksa chaklohna avanga Synod Office-a thu tura sawn a nih hnuah a aiawh tur Rev. Rolungmuana chu Inrinni khan lakluhna neih a ni a, Rev. Rolungmuana hi Sai-rang Dinthar bial atanga rawn awm a ni a, Synod Executive Secretary, Rev. B. Sangthanga chuan Counsellor thar hi a lalut a ni.

Mizoram Synod in Mizoram-a Presbyterian Pastor thenkhat awmna a siksawi anga Serchhip Vengchung bialtu Pastor, Rev. C. Lalrintluanga chu Muallungthu bial-a sawn a nih hnuah a aiawh tura ruat, Rev. Lalremruata chu nimin khan Serchhip Vengchung bialtu Pastor atan lakluh a ni a, Rev. Lalremruata hi Sumsuih bial atanga rawn awm niin Serchhip Vengchung Kohhran Biak In ah Pastor thar lawmluhna hun hi neih a ni.

Vawiin January 11, 2021 hi Mizoram-a Chan-chintha thlenna Ni champhaphak, Missionary Day a ni a, he ni hi sawrkar Pisa chawlh ah puan a nih angin sawrkar Pisa leh zirna In te khar a ni anga, Kohhran thenkhat ten urhsun takin hmang thin mah se kumin hian hri leng avangin he Ni puala inkhawm erawh neih theih a ni dawnlo thung.

Nikum October 26 atanga nimin thleng khan Serchhip District-ah COVID-19 hri leng laka himna tura Dan siam bawhchhia mi 2233 man an ni tawh.

Sawrkar kum kal mek (2020-2021) chhungin Serchhip Blood Bank-a a thlawna thisen pek chu thisen pek zawng zawng atanga chhutin zaa 95.11 a tling tawh a. Hetihlai hian kum kalta (2019-2020) aiin kumin sawrkar kum kal mekah hian Serchhip Blood Bank-a thisen pek chu a pung chho dawn niin a lang.

Health Minister in tlawh

Saitual District-a Office hmunpui tur, ‘District Commissioner's Office Complex’ lungphum chu nimin khan Chief Minister, Zoramthanga chuan a phum a, Saitual-ah hian District Horticulture Officer (DHO) Office thar a hawng nghal bawk.

Mizoram-a COVID-19 hri kai hmuhchhuah chu 4259 an tling tawh a, hri kai zinga za zela 98.26 te chu enkawl dam an ni tawh thung.

MNF Vice President, Lalthlengliana chuan AMC inthlanna lo awm turah Pathian leh mipui zarah hnehna sang takin MNF AMC Candidate-te an tling ngei dawn niin a sawi.

ZPM Leader, Lalduhoma chuan AMC inthlan lo awm tur leh Serchhip Bial-a By-election lo awm tura an chak ngei a rin thu a sawi.

Mizoram sawrkar in COVID-19 hri leng laka mipuite him theihna tura inkaihhruaina a siam anga ‘COVID-19 No Tolerance Drive’ kalpui mek chu naktuk, January 10, 2021 hian a tawp dawn ta a, he thu buatsaih lai thleng hian kaih-hruaina thar siam ala awm leh lo thung.