Posts

Latest News

Vawiin Tumkau Ni

Vawiin April 5, 2020 hi Kristian te ni pawi-mawh, Isua Krista Jerusalem-a ropui taka a luhna Ni, Tumkau Ni a ni a, kumdangah chuan he Ni hi Kohhran hrang hrang ten urhsun takin hmang thin mah se kumin ah erawh Coronavirus avanga lockdown kalpui mek a nih avangin Ser-chhip-a Kohhran hrang hrangte chuan he Ni pual hian hun an hmang dawn lo a. Veng thenkhat te chuan Local Level Task Force te huaihawt in he Ni pual hian zingkar-ah mahni In theuh atanga aurualna neiin hun an hmang ang.

SDCA in pawi tih thu an sawi

Serchhip District Consumer Association (SDCA) chuan Serchhip-a thlai thar hralh chungchanga an thil zirchianna tarlanah mi tam takin hriatfiah tawkloh neiin Serchhip thlai thar te hralh anih theih nana theihtawpa hmalatu, Horticulture Department leh Vegetable Supply Chain hnuaia awm Department te demna lam rawngkai a awm tih an hriat thu leh pawi an tih thu thu-chhuah siamin an tarlang a.

Chanchin thar thenkhat :

PPE chungchang sawifiah COVID-19 Medical Operational Team Chairman, Dr. ZR. Thiamsanga MLA chuan India ramah COVID-19 positive patient kan neih hnu khan Personal Protective Equipment (PPE) inchuhna a nasa hle tih sawiin, Mizoram Sawrkar pawhin a hnathawkte an him theih nan rang takin hma a la nghal tih a sawi a. Delhi leh Guwahati Mizoram House a hnathawkten theihtawp chhuah a an zawn hnuin engemaw zat hmuh a nih thu leh Mizoram atanga mahni ngei zuk kala, zuk enfiaha, duh thlang thei pawh kan nih loh avangin kan hmuh chhun, a awm ang ang chu harsa takin chanloh hlauin hmanhmawh takin lak khawm a nih thu a sawi a. Hetianga kan mamawhna a san em avanga hnawhsarum taka lakkhawm anih avangin a tha leh thalo pawh thliar theih a nih loh thu sawiin, duhthusam tlinglo te pawh alo tel nual niin a sawi a. A tha leh him tura ngaih te chu damlo enkawltu te ber hman tur atan dah a nih thu leh duhthusam lo te pawh a him theih dan tur bera thuamthat mek zel a nih thu a sawi bawk. Lawngtlai-ah

DoNER leh NEC hotute NE India dinhmun sawipui

Ministry of Development of North Eastern Region (DoNER) enkawltu Minister of State, Dr. Jitendra Singh hovin niminpiah khan Ministry of DoNER, North Eastern Council (NEC) leh NEDFi hotute chuan Video Conferencing kaltlangin COVID-19 in Hmarchhak a nghawng dan te, hemi atana an hmalakna leh ruahmanna te sawiho a ni a. Ram puma inkharkhipna kalpui mekah Hmarchhak chu a vil zui reng thu Minister chuan sawiin, Hmarchhak nghenga ramri boundary KM 5500 chuang chu khar vek a nih tawh thu a sawi bawk.

Home Minister in sawrkar hmalakna a tarlang

Home Minister, Lalchamliana chuan tunlaia COVID-19 leng mekah a Department enkawl te chuan chak taka hma an lak mek thu a sawi.

Workers’ Welfare Board Member te Account-ah Rs. 3000/- theuh thun sak a ni dawn

Labour Employment, Skill Development & Entrepreneurship Department Minister, Lalchhandama Ralte chuan Workers’ Welfare member mi 50,000 chuang te chhawmdawlna turin Direct Benefit Transfer-in an Bank account-ah Rs. 3000/- theuh thun a ni dawn tih a sawi.

Vegetable Supply Chain hnuaia Serchhip-a thlai thar hralh dan sawrkar in a sawifiah

Mizoram sawrkar-a Horticulture Department chuan tunhnaia Vegetable Supply Chain hnuaia Serchhip thlai thar hralh a nih dan sawifiahin, “He Vegetable Supply Chain chungchang hi thil thar a nih avang leh inpuahchahna hman a awm loh avangin a thawktute pawhin duhthu sam lohna tam tak kan nei ang tih a hriat,” an ti.

Serchhip-a Tui sem-ah harsatna a awm rihlo; Tui bill a hlawma siam a ngai dawn

Serchhip-a PHE Department hotute chuan Lockdown kalpui mek avangin Tui semchhuah chungchangah harsatna an tawklo tih sawiin, Tui Bill chu a hlawma siam a ngai dawn tih mipui ten lo hre lawk se an duh thu an sawi.

Task Group on Transport siam

COVID-19 Task Group on Transport Committee, Mizoram in alo rel tawh bawhzuiin Ser-chhip District Bawrhsap, H. Dolianbuaia MCS chuan 'COVID-19 Task Group on Transport, Serchhip District' a siam thar a, Nodal Officer atan Samuel Zodinsanga MCS, SDC (Ph. No. 9862409765) chu ruat niin Member atan Lal-rohlua, MVI Transport Department, Serchhip (Ph. No. 7005340163); Malsawmtluanga SI (MTO) Serchhip Police Station (Ph. No. 8974257164/9366782492) leh S. Lalpianga, President ZDU, Sub-Hqrs. Serchhip (Ph. No. 9089174946) te ruat an ni bawk.

Ramvah khapna tichhuak

Serchhip District Magistrate, H. Dolianbuaia, MCS chuan thuchhuah siamin sawrkar laipuiin COVID-19 hri leng mek avanga Total Lockdown a puan chhungin feh kal tur anga insawi, a ruka lui kal leh ramvah ching an tam nia a hriat thu leh heng mite hian fimkhur lohna avanga kangmei tichhuakin Serchhip District chhung hmun tam takah ramkang awmin buaina nasa tak a thlen thu a tarlang a. Hei vang hian Sec. 144 CrPc. 1973 in thuneihna a pek angin Total Lockdown hun chhungin ramvah leh lui kal khap tlat a ni tih tarlangin, Feh tur anga insawi ten Lockdown chhungin Silai, Airgun leh Sairaw-kherh ken chhuah khap tlat a nih thu leh lo keng lui an awm chuan Local Task Force duty ten man sakin thuneitute hnenah hlan tur a nih thu a tarlang a. He thupek zawmlo te chu IPC Sec. 188 hmanga hrem tur an nih thu leh sut leh a nih loh chuan he thupek hian April 3, 2020 atanga thla hnih (2) chhung a huam tur thu a tarlang bawk.

Chanchin thar thenkhat :

Mobile application tlangzarh

UD&PA in DAY-NULM kal-tlangin tanpuina an sem

Urban Development & Poverty Alleviation (UD&PA) Department chuan COVID-19 avanga Lockdown kalpui mekah DAY-NULM kaltlangin tanpuina an semchhuak.

India PM in mipuite hnenah sawmna a siam

Prime Minister, Narendra Modi chuan nimin khan ram mipuite hnenah thuchah sawiin, mahni inkhuahkhirh theihna leh inpekna inlantirna chu a ropui tih a sawi.

CM Relief fund semchhuah tan a ni dawn

Tunhnaia COVID-19 dona atana Chief Minister’s Relief Fund chhunluh te chu a thawhkhatna atan semchhuah a ni dawn.

Sa leh a kaihhnawih-ah sawrkar in hma la mek ze

Mizoram sawrkar chuan COVID-19 Lockdown chhunga Mizo-ram mipuiin Sa, Artui, Bawnghnute, Ran chaw leh Veterinary service te khaihlak lova an hmuh theihna turin chak takin hma a la mek.

President in Governor leh Lt. Governor te kawmin Mizoram mamawh pawimawh a thlen nghal

India President, Ram Nath Kovind chuan nimin khan Video Conference kaltlangin State leh Union Territory a Governor leh Lt. Governor zawng zawng te kawmin COVID-19 dona kawnga an hmalak mek chungchang a sawipui a. He hunah hian Mizoram Governor P.S. Sreedharan Pillai pawhin Mizoram mamawh pawimawh zual te a thlen nghal a ni.

Mipui nitin mamawh lakluh dan tur sawihona neih a ni

Nimin khan Serchhip-ah District Supply Chain Management Committee chu thukhawmin Serchhip District chhunga mipuite tana nitin mamawh lakluh leh pekchhuah kawnga hmalak dan tur an sawiho.

Chanchin thar thenkhat :

Buhfai phur chhunzawm dawn

SDRF hmanna puangzar

Mizoram sawrkar chuan COVID-19 leng kaihhnawih a State Disaster Response Fund (SDRF) hman chungchangah thuchhuah siamin Ministry of Home Affairs chuan COVID-19 hripui leng mek laka kan invenna leh kan lo hmachhawnna kawnga State Disaster Response Fund (SDRF) hman anih theih nan March 14, 2020 khan ‘notified disaster’ ah a puang tih an tarlang a.

Fu chingtu ten harsatna tawk

Serchhip District chhunga awm Khawlailung khua chuan an Kurtai tharchhuah tihral danah harsatna an tawk mek.