Posts

Latest News

MZP hruaitu tur thlang

MZP General Hqrs. chuan nimin khan kum 2019-2021 chhunga an hruaitu tur thlanna neiin President-ah Vice President nilai, B. Vanlaltana chu thlantlin niin Vice President-ah Peter Chhangte, General Secretary-ah Lalnunmawia Pautu, Asst. General Secretary-ah Jacob Lalmuanpuia, Treasurer-ah Andrew F. Lalramnghaka leh Fin. Secretary-ah Chinkhamang Thomte te thlan an ni.

Khawzawl District thar lawmna CM hovin neih a n

Khawzawl khua chuan nimin khan District thar an neih lawmna an nei a. He hun hi Chief Minister, Zoramthanga chuan khuallian niin a hmanpui a ni.

SHC-ah MNF leh HPC \angdun in hnehna an chang

Sinlung Hills Council (SHC) inthlan vawikhatna chu neih zawh a ni ta a, Seat 12 awmna ah MNF in seat 6 lain Seat la hnem ber an ni.

ASI-ah mi pathum tling

Mizoram Public Service Commission (MP-SC) in Mizoram sawrkar Home Department-a Assistant Sub-Inspector (UB) post 49 hnawhkhah nana Departmental Exam a buatsaih result chu nimin khan tihchhuah a ni a. Serchhip District chhunga Police hna thawk mek zingah Malsawmtluanga S/o Hmingthanzauva, N. Vanlaiphai Police Station, Michael Lalremsanga S/o Manliana leh Vanlallawma S/o Fakzuala, SP Office-a thawk lai te chu an tling a ni.

BBBP District Task Force thutkhawm neih a ni

Nimin khan Serchhip DC, Sangchhin Chinzah, BBBP District Task Force Chairman ni bawk hovin a Pisa-ah Serchhip District Beti Bachao Beti Padhao (BBBP) Task Force Committee chu an thukhawm a, kum 2019-2020 Annual Plan thlirhona an nei.

Hmeichhe naupiang te en

Nimin khan Serchhip District Beti Bachao Beti Padhao (BBBP) Task Force Committee chuan Monthly Girl Child Day an lo kalpui tawh thin kal zelah Serchhip District Hospital-a hmei-chhe naupiang thar pahnih te an en.

Serchhip District-a Thla ruk chhunga Zu man thubuai chinfel tawh tihchhiat a ni

Image
Kumin May thla atanga October thla thlenga Serchhip District chhunga Zu man, Serchhip District Court in an thubuai a chinfel tawh te chu nimin tlai khan Serchhip-ah tihchhiat a ni.

Serchhip District Bawrhsap in ni 2 awh Registrar of Births and Deaths Annual Training a hmanpui

Serchhip District chhunga Registrar of Births and Deaths te tana ni 2 awh Annual Training chu nimin khan Serchhip-ah zawhfel niin Serchhip District Bawrhsap, Sangchhin Chinzah chuan hmanpuiin, Registrar of Births and Deaths te chu an hnathawh pawimawh zia hre reng turin a chah.

Mizofed Petrol Pump kang

Nimin tlai dar 6:20 vel khan Thenzawl-a Mizofed Petrol Pump-ah kangmei chhuakin minute 20 hnu velah kangmei hi thelh theih a ni.
Beti Bachao Beti Padhao (BBBP) hmalakna in nimin khan E.Lungdar Block huamchhung khua te tan BBBP E.Lungdar Block Task Force Comittee chuan Thangburha Hall, E.Lungdar-ah 'Monthly Girl Child Day Celebration cum Baby Show Competition' a buatsaih.

Serchhip-ah District Level Declamation Contest nei

Nehru Yuva Kendra (NYK) Serchhip District buatsaihin nimin khan 'Patriotism and National Building' tih Thupui ah hmangin District Level Declamation Contest neih a ni.

Lawngtlai-ah One Stop Centre hawn a ni

Lawngtlai Bawrhsap, Pi Shashanka Ala-i chuan Ministry of Women and Child Development hnuaia din, Lawngtlai District-a hmeichhe baihvaite tlukluh lailawkna tur 'Sakhi - One Stop Centre' chu nimin khan Lawngtlai-ah a hawng.

Mamit-ah Hmeichhia te chen theihna tur hawng

Chhan hrang hrang avanga chenna tur mumal neilo hmeichhia ten an pan theih tur, Bethany Solace Home (Swadhar Greh) chu nimin khan Mamit-ah hawnna leh malsawmna neih a ni.

Dy. Speaker in Volleyball Tournament a hawng

Assembly Deputy Speaker leh Tuikum bialtu MLA, Er. Lalrinawma chuan nimin khan Chhing-chhip Mualpui-ah ‘Pu Lalpianthanga Memorial Volleyball Tournament’ a hawng.

National Highway-54, Aizawl-Tuipang via Lunglei chu NHIDCL kutah hlan fel a ni ta

Mizoram chhunga kawngpui pawimawh tak, National Highway-54 a kawngpui engemaw zat chu Mizoram State PWD chuan National Highways & Infrastructure Development Corporation Limited (NHIDCL) enkawl turin an hlan.

IOCL hotu ten CM an kawm

Indian Oil Corporation Ltd. (IOCL) North East (Assam Oil Division) Chief General Manager, Uttiya Bhatacharya leh Official dang te chuan nimin khan Chief Minister, Zoramthanga chu a Pisa-ah kawmin Mizorama eirawngbawlna Gas Supply tih that lehzualna atana pawimawh hrang hrang an sawipui.

Mizoram Larsap atan PS. Sreedharan Pillai lalut ta

Mizoram hmasawnna atan theihtawp chhuah ka tum - Larsap Mizoram Larsap 21-a ni turin nimin khan PS. Sreedharan Pillai chu Gauhati High Court Chief Justice, Justice Ajai Lamba chuan rinawmna thu tiam tirin a lalut a. Larsap thar chuan BJP a nihna chu a bansan tawh thu sawiin, Mizoram hmasawnna atan theihtawp chhuah a tum thu a sawi.

Tripura atangin Bru chhungkua 218 hruaikir tawh

Tripura Bru Relief camp-a Mizoram khua leh tui awmte Mizorama hruaikir thawh 9-na kal mekah nimin thleng khan chhungkaw 218 chu Mizoram-ah hruai kir an ni tawh.

Governor thar tur lo thleng

Mizoram Governor thar tur, PS. Sreedharan Pillai chuan nimin khan Mizoram rawn thlengin Vawiin-ah Mizoram Governor atan lakluh a ni ang.

Youth Icon Top-50 thlang

LPS Vision buatsaih, LBS Suzuki Youth Icon 2019 neih mekah Elimination Round zofelin Top-50 result puan a ni ta a, Top-50 ah hian mi 73 an tling a, Nov. 6, 7 leh 8 zanah te intihsiakna an nei leh ang. Top-50 a tling zingah hian Ser-chhip District atangin Angely Lalruatpuii, Chhing-chhip Venghlun; Lalnghakliana Hnamte, Mualcheng; Maria Lalmuanpuii, Chhiahtlang, Lalbiakhlua, Serchhip; Lalmankima, Thentlang leh C. Vanlalmuanpuii, Chhiahtlang te an tel a ni.