Lenkawl

Parliamentary Processes and Procedures Training in Delhi ah - Laltlanthanga, Lunglei

Swachhta Hi Seva hnuaiah nimin zing khan Serchhip-a YMA Branch \henkhat a YMA Chhang te chuan Serchhip khawpui chhunga a huhova Plastic bawlhhlawh chharkhawm hna an thawk a, hetihlai hian YMA Chhang Faina Project hnuaiah Veng fai endik hna chu kalpui leh a ni bawk.

Mizoram Pradesh Youth Congress Committee (MPYCC) chuan Chief Minister Zoram-thanga leh Minister, Dr. R. Lalthangliana te chu corruption laka an fihlim a nih chuan an fihlim zia te Zoram mipui hmaa puang chhuak ve tura an phut thu an sawi.

Tripura Reang (Bru) Camp 6 a\anga Mizoram khua leh tui Mizoram a hruaikir thawh 9 na (9 Batch Repatriation) Oct. 3, 2019 a\anga thawh \an chu niminpiah khan dodalna a awm avangin Mamit DC, Dr. Lalrozama chu nimin khan Naisingpara Camp-ah kalin Public Meeting a neihpui a.

Mizoram sawrkar-a Food, Civil Supplies & Consumer Affairs Department chuan thuchhuah siamin Indane Gas/LPG chungchanga harsatna chi hrang hrang awm theite sukiang turin FCS&CA Department chuan hma a la chho mek zel tih an tarlang.

National Service Scheme (NSS) Govt. HSS Serchhip Unit chuan Khawbung a Work Camp nei turin nimin khan Serchhip an chhuahsan.

Nimin khan Directorate of Science & Technology Conference Hall, Aizawl-ah 'Copyright' chungchang inhrilhfiahna leh zirhona neih a ni.

State Level Implementation and Monitoring Committee, Mizoram State Games chu nimin khan \hukhawmin Mizoram State Games chu kumin December thla khian neih tura rel a ni a. Sports Discipline hrang hrangah Constituency aiawhte inelna neih a ni ang.

Nimin zing khan Chief Minister, Zoramthanga hovin CM Cabinet Meeting Room-ah Village Level a khawtlang inrelbawlna thuam\hat, Reformation of Mizoram Rural Administration chung-chang sawihona chu  LAD hotute nen neih a ni.

Congress |halai, Mizoram Pradesh Youth Congress Committee (MPYCC) chuan tunlaia Mizoram hmun hrang hranga eirawngbawlna Gas harsatna thleng mek chu manganthlak an tih thu an sawi.

Kumtin rampum huapa October ni 5 -12 chhunga Right to Information (RTI) Week hman \hin chu kumin pawh hian hman leh mek niin nimin khan Chief Minister, Zoramthanga hovin Synod Conference Centre-ah he Hapta pual hian hun hman a ni.

Health Minister, Dr. R. Lalthangliana chuan Mizoram State Health Care Scheme thar chu a hmaa Health Care Scheme, natna thlan bik tlemte chauha Bill theih ang kha ni tawh lovin huam zau takin mipuite tan ruahmanna kalpui a ni tih sawiin, inziaklut turin mipuite chu a sawm bawk.

Mizoram sawrkar buatsaiha ni 2 chhung awh Anthuriuam Festival chu Inrinni khan Reiek a Tourist Resort-ah zawhfel a ni a, he hun hi Tourism Minister, Robert Romawia Royte chuan a hmanpui.

Union Home Minister, Amit Shah chuan Inrinni zan lehlangin Aizawl a rawn tlawh a, Chief Minister leh sawrkar mi pawimawh ten lo dawngsawngin North Eastern Council (NEC) buatsaiha Govt. Mizo High School Filed, Zarkawt-a North East Handloom and Handicrafts Exhibition neih chu a hawng nghal bawk.

Mizoram Pradesh Congress Committee (MPCC) chuan Citizenship Amendment Bill chu a tirte a\angin an do nghal tih sawiin, MNF chuan BJP malsawmna an a duh avangin CAB a dodal ngamlo niin an sawi bawk.

PRISM Party leh MPC Party te chuan Mizo-ram tlawhtu Union Home Minister, Amit Shah-a hmuh ah Citizenship Amendment Bill duhlohna lantirin Memorandum an thehlut tih an sawi.

BJP Mizoram Pradesh chuan Mizoram tlawha rawn zin Union Home Minister hnenah Memorandum thehlutin Mizoram mamawh hrang hrang an thlen.

Union Home Minister, Amit Shah leh Chief Minister, Zoramthanga chu Raj Bhavan-ah inkawmin, Chief Minister chuan Citizenship Amendment Bill chungchang bakah Mizoram mamawh hrang hrangte an sawidun.

Union Home Minister, Amit Shah chuan Citizenship Amendment Bill-2016 siam\hat a nih chuan Mizoram a nghawng lohna turin hmalak a ni ang, a ti.

Inrinni khan Serchhip Bazar-ah Vawk talh mumal a awmloh avangin Vawk sa lei tur a awm meuh lo a, hei vang hian Sa dang talhtute chuan nidang aiin an Sa zawrh hralh a nawm thu an sawi thung.