Lenkawl

Serchhip Sub-Hqrs. YMA chuan nimin tlai khan Serchhip a sumdawng lian te kokhawmin ram leh Hnam humhalhna kawnga sumdawng te pawimawhna an sawipui bakah thawhho dan tur an sawiho.

Agriculture Minister, C. Lalrinsanga chuan, “Kan thlai tharte chemical hmang lova, Organic hmanga thar hi kan hmachhawp lian tak a ni,” tiin Crop insurance pawh an sawrkar tirh phatah an kalpui nghal thu leh sawrkar thiltum lian tak a nih thu a sawi.

Mizoram-ah thih hnu-a midang tana an Mit pe mi 386 an awm tawh.

Mizoram khaw fai inelna neih mekah nimin khan Serchhip khawpui chu rawn enfiah niin Serchhip khawpui chhung hmun hrang hrang enfiah a ni.

India hmarchhak State 7-a pawl hrang hrang kalkhawm North East Forum for Indigenous People (NEFIP) chuan Mizoram Larsap, Prof. Jagdish Mukhi chu Mizoram Household Registration Bill, 2019 pawm thuai turin a hriattir.

Chief Secretary, Lalnunmawia Chuaungo hova Mizoram leh Assam ramri chungchang ngaih-tuahtu, Core Committee Zirtawpni kaltaa \hu-khawm chuan Bairabi Zophai hmuna Mosolman Biakin sak mek titawp tura hmalak an rel a.

Kei\um Pastor Bial K|P chuan Serchhip Blood Bank-a dah turin Inrinni khan thisen an pe a, thisen petute hi Mipa 23 leh Hmeichhia 6, an vaiin mi 29 an ni a, heng mi tlawmngai te thi-sen hi Serchhip Blood Bank-a thawk ten Kei\um ah kalchilhin an lak sak a ni.

Thla kalta August 27-a Serchhip Darnam Veng-a cheng, Thangliana, Serchhip leh Then-zawl inkara Savawm in na taka a hliam avanga \anpuina tura Serchhip SP Office leh Serchhip Police Station hnuaia thawk ten pawisafai an thawhkhawm Rs. 13,000/- chu nimin khan Ser-chhip Police te hian SDPO, Victor Zothansanga hovin Darnam Branch YMA te kaltlangin an hlan.

Govt. Serchhip College NSS Unit leh Eco Club te chuan Inrinni khan Sesah lui leh Hmawng-awn lui hnar thenfai hna an thawk a, Bosgaurus Youth Adventure Club te pawhin he hnatlang hi an pui bawk a ni.

UPC (NEI) Serchhip Pastor Bial naupang Sunday School Conference leh Serchhip Vengchung Pastor Bial naupang Sunday School Inkhawmpui chu nizan khan a \iak ta.

Kei\um leh Khawilailung inkar-a Tuichang Lei chu a chhiat deuh tawh avangin lirthei tlan theih dan bithliah thar a ni.

Thla thar-a North Vanlaiphai-a YMA General Conference neihna tur Pandal Structure sak hna chu Vawiin hian zawhfel beisei niin naktuk a\angin khawtlang huap hnatlang neia chhunzawm a ni ang.

Chief Minister, Zoramthanga chuan hmarchhak State-ah kawng leh In sak (construction work) man a to hma \hin em avangin hmun dangte aiin hmasawnna hna a chak tawk \hin lo tih a sawi a. Hemi ah hian NITI Aayog chuan ngaih-tuahna lo sengin he harsatna sutkian sak turin Union Home Minister chu a ngen.

Ministry of Home Affairs chuan thla thar, October ni 1 a\angin Tripura Camp-a awm Bru laklet hna chu thawh \an leh turin a rel a, tun \umah hian Tripura Relief Camp 6-a awm Bru chhungkaw 4,447-te laklet tum niin hei hi Mizoram a Bru laklet hna hnuhnung ber a nih tur thu Ministry of Home Affairs thuneitute chuan an sawi bawk.

Mizoram Pradesh Congress Committee (MPCC) President, Lal Thanhawla chuan MNF sawrkar chu tihpalh thila sawrkar ni a sawiin, “Mi tam takte dil loh zawk Pathian in min pe a ni ber” a ti.

Mizoram sawrkar-a Health & Family Welfare Board Vice Chairman, Dr. ZR. Thiamsanga MLA chuan Health Care kalphung thar duan fel a nih tawh thu sawiin, October thla a\anga December thla thleng hian inziahluh theihna hun hawn a ni dawn tih a sawi.

Sports & Youth Services Minister, Robert Romawia Royte chuan nimin khan a Pisa-ah World Police & Fire Games, Chengdu China a neih a India aiawh a tel leh Medal la Mizo hmei-chhe boxer 3 - Vanlalduati (BSF), Lalbuat-saihi (SSB) leh Lalfakmawii Ralte (SSB) te chawimawina hun buatsaihin lawmpuina thilpek a hlan bawk.

Mizoram Deputy Chief Minister, Tawnluia chuan nimin khan State Guest House, Chaltlang-ah National Generic Document Registration System chu a tlangzarh.

Serchhip Block Congress Committee chuan nimin khan kum 2019-2021 chhunga an hruaitu tur thlanna neiin President-ah R. Vanlaldula, Serchhip Vengchung chu thlantlin a ni.

Nimin khan Serchhip District Level Science Seminar-2019 chu BNRGSK Hall, P&E Veng-ah neih a ni a. He hun hi Serchhip DEO, Lawmawm chuan khuallian niin a hmanpui a ni.