Lenkawl

Tripura Relief Bamp 6-a awm Bru te Mizorama hruaikir hna \an a nih hma a Mizoram mi dik takte endik hna thawh hnihna chu tun thla ni 2 a\ang khan \an a ni a, tunkar Inrinni a zofel hman tura ruahman a nih laiin an zo hman dawn nge dawn lo tih a la hriat loh.

Tunhnaia ruahsur nasa avanga Chhiatna thleng chu District chhung hmun hrang hrang a\angin report dawn belh mek zel a ni a

Mizoram Rural Bank (MRB) Chhingchhip Branch rawk tumtu a puh mi pahnih (2) te chu nimin zing khan man niin nimin vek khan Serchhip Police kutah hlan an ni.

Serchhip Bialtu MLA, Lalduhoma chuan Inrinni khan leimin avanga Serchhip-a chhiatna thlenna hmun hrang hrangte a tlawh.

Tunhnaia ruahsur nasa avangin Serchhip Tuikhuah Veng-a National Highway-54 chu a tlahniam leh tawh.

Congress MDC 4 leh sawrkar thlawptu Independent member pakhatin sawrkar an thlawpna an hnuhdawh avanga Lai Autonomous District Council-a Congress sorkar dinglai tlu mai thei dinhmuna ding mek chu Court in thu leh awm hma chu a ngai anga kal rih turin a ti.

School Education Minister, Lalchhandama Ralte chuan Zofate chuan zirna ah Top Class-a awm zel kan tum a \ul thu leh chumi hmang chuan kan hnam chhan a ngaih thu a sawi.

Mizoram Pradesh Congress Committee (MPCC) chuan nimin khan Aizawl-a Congress Bhavan-ah Friday Political Session neiin Mizoram ramri zirhona an nei.

Mizoram Public Service Commission (MP-SC) in  Rashtriya Uchchatar Shiksha Abhiyan (RUSA) hnuaia Assistant Professor Stage-I a lak thar zingah Dr. K. Lalhmingsangi D/o K. Lalchhunga, New Serchhip North chu tlingin Laltlanmawia S/o HL. Ramlawma, Hualtu pawh a tling bawk.

Serchhip bialtu MLA, Lalduhoma chuan Ser-chhip Saron Veng-a leimin avanga In chhia leh bungraw thiarchhuaka hnatlang ten an mamawh apianga an hman turin nimin khan Serchhip Saron Branch YMA kutah Rs. 2000/- chu ZPM Ser-chhip hruaitute kaltlangin a hlan a, hun remchang hmasa ah Serchhip hi rawn tlawh a tum thu a sawi bawk.

Mizoram sawrkar in Serchhip District Hospital-a Surgeon awm lailawk tura a dah, Dr. Lalchhandama, Sr. Resident, Dept. of Surgery, Zoram Medical College chuan nimin khan a hna thar hi a rawn zawm ta a, a thawh mekna ah hna laklawh a neih avangin hei hi a buaipui leh phawt anga, karleh lamah emaw mipui tan rawn theih tura awm tura beisei a ni.

Nimin khan Serchhip-ah Health Department-a thawk te tan Rannung Seh natna, Scrub Typhus chungchang zirhona neih a ni.

Serchhip District Immunization Task Force Committee chu nimin khan an Chairman, Serchhip District Bwrhsap Sangchhin Chinzah hova \hu-khawmin naupang kaw\halo laka invenna tur, Rota Virus Vaccine pek dan tur chungchang an sawiho.

Tunhnaia ruahsur nasa avanga Serchhip-a chhiatna thlengah chenna In luahlai pahnih chu luahzui tlak loha chhe tawhin In saklai pathum te pawh sak chhunzawm tlaklohin a awm tawh a. Chhungkaw 9 in an bungrua thiarchhuakin chenna In an chhuahsan tawh.

Mizoram Planning & Programme Implementation Department hnuaia din, Mizoram Entrepreneurship Development & Monitoring Committee (MEDMOC) hmalaknaa Entreprenuership Development Scheme (EDS) chungchang inzirtirna leh Mizoram Kailawn 2019 kalpui mek chungchang inhrilhfiahna hun chu nimin khan Serchhip-ah neih a ni.

Nimin khan Biate Village Council leh Biate Welfare Society (BWS) Aizawl hruaitute chuan Chief Minister, Zoramthanga chu a Office-ah hmuin Biate khua-in Khawzawl District-a tel an duh thu leh District thar hnuaia Civil Sub-Division Office Biate khuaah dah ngei turin an ngen.

Health Minister, Dr. R. Lalthangliana chuan nimin zing khan Aizawl Civil Hospital tlawhin Department hrang hrang awmna hmun leh building hrang hrang bakah hmanrua leh khawl chi hrang hrang te enin thawktute nen inkawmna an nei bawk.

Mizoram sawrkar buatsaiha Documentary Film Competition 2019 lawmman semna chu nimin khan Aizawl-ah neih niin I&PR Minister, Lalruatkima chuan khuallian niin a hmanpui a. “Dampa Tiger Reserve” tih thupui hmanga lemchan chuan lawmman pakhatna a dawng a ni.

Mizoram Entrepreneurship Development Monitoring Committee (MEDMOC), Indian Institute of Management Calcutta Innovation Park (IIMCP) leh Mizoram Consultancy Group (MzCG) \angkawp buatsaiha Mizoram District hrang hranga Entrepreneurship zirtirna leh chawilarna kalpui mek, Mizoram Kailawn-2019 chungchang inhrilhhriatna chu Vawiin chawhma dar 11:00 hian Serchhip DC’s Conference Hall-ah neih a ni dawn a. He hunah hian Self Help Group, Sumdawnna lama tuimite leh mahni kutkawih thiamna hmanga eizawnna ngelnghet din tumte chu tel tura sawm an ni.

Kristian |halai Pawl (K|P) Chhimchhak Presbytery Meet vawi 6-na chu zanin a\ang hian Bethel Kohhran Biak In, Serchhip P&E Veng-ah neih \an a ni dawn a, naktip Pathianni zan thleng a awh ang. Tun \uma K|P Chhimchhak Presby-tery Meet-ah hian Thupui atan ‘Rawngbawl tura Chhandam’ tih chu hmangin Speaker atan Dr. Ramdinthara Sailo chu hman a ni ang. Chhim-chhak Presbytery huamchhung ah hian Pastor Bial 5 a awm mek a ni.