Lenkawl

Kolasib District hnuaia Department hrang hrangte hmalakna thlirhona atana Committee din, District Level Coordination Committee chu nimin khan Kolasib DC’s Conference Hall-ah \hukhawmin sawrkar Department hrang hrang hmalakna thlirho a ni.

Serchhip P&E Veng-a Marian High School chu misual tu tih hriatloh ten rawkin pawisa leh bungraw \henkhat an ruchhuak.

Serchhip AOC Veng-a Masihi Sangati Biak In bul NH. 54 a\anga P&E Veng panna kawngpui pawhna tur Side Drain, a chunga Step awm tur siam-\hat hna chu thawh mek a ni.

Nimin khan Pi Seemantinee Sengupta, Scientist-G, Mizoram State Co-ordinator, National Informatics Centre, New Delhi chuan Serchhip rawn tlawhin Serchhip District Bawrhsap, Sangchhin Chinzah leh District Informatics Officer, Lalruatmawia Zadeng ten lo dawngsawngin inkawmna an nei.

Zoram Medical College-in kumin a\anga MBBS zirlaite hman tura MBBS syllabus thara siam, Competency based Medical Education chungchang zirhona ZMC Teaching Faculty te tana a buatsaih chu nimin khan neih \an a ni a, Mizoram sawrkara Health & Family Welfare Board Vice Chairman, Dr. ZR. Thiamsanga, MLA chuan khuallian niin a hmanpui a ni.

Serchhip Agriculture & Horticulture Cooperative Society Ltd. chuan tun kum kalta a Thlasik Thlai an chinna a\angin cheng nuai 280 vel an lakluh thu an sawi.

Aizawl North-II bialtu MLA, Dr. Vanlalthlana chuan, “Ba rulh hleihtheih lohna thang (Debt trap) ah kan lut mai ang tih a hlauhawm hle a ni,” a ti a. “Zirna chungchangah World Class Education tiamtu sawrkar hnuaia kan Education kal dan hi a zahthlakin tih tur a tam hle a ni,” a ti bawk.

Mizoram sawrkar chuan lirthei a\anga Chhiah lak dan thar tur, The Mizo-ram Motor Vehicles (Taxation) Act, 2019 (Act No. 13 of 2019) chu hman theih tura pawm tawhin Mizoram Gazette-ah tihchhuah a ni tawh a, karleh lam a\ang hian hman \an theih beisei a ni.

Mizoram chhunga innei thar inziaklut zingah Kristian dana innei an tam lawr hle.

Central YMA chuan tunkar Inrinni, June 15-a YMA Day vawi 84-na lo thleng tur puala Mizo mipui zawng zawngte Chibai bukin Sub-Hqrs, Group leh Branch YMA zawng zawng in mahni huamchhungah YMA Day Function hmang \heuh turin an ngen.

Serchhip Press Club sak mek chu Inrinni khan Adviser to Chief Minister, C. Lalramzauva chuan a hmunah tlawhin MJA Serchhip District hruaitu ten an hnathawh dan an lo hrilhfiah a. Adviser to Chief Minister chuan MJA ten cheng nuai 10 an hmuh hmanga Press Club sak hna an thawh chin chu \ha a tih thu sawiin, an sum neih ang ang te hlawk taka an hmang chu lawm-awm a tih thu a sawi bawk.

Kar kalta Ningani-a Mizoram chhimlam District Council pahnih-a MDC bye-election neih ah MNF candidate te chu thlantlin ve ve an ni.

Serchhip-a tlawmngai pawl hrang hrang, NGO Coordination Committee te chu Inrinni chawhma khan Adviser to Chief Minister, C. Lalramzauva chuan kawmin khawtlang tana an ngaih pawimawh hrang hrang an sawiho.

Mizoram Legislative Assembly Budget Session chu tunkar Nilaini, June 12 a\ang khian neih a ni dawn.

Adviser to Chief Minister, C. Lalramzauva chuan Inrinni zing khan Serchhip Lengte ram-a Centre of Excellence chu tlawhin helai hmuna Horticulture Department hmalakna hrang hrang a en.

BJP Mizoram Pradesh-a General Secretary, Vanlalhmuaka chuan Inrinni khan Aizawl-a an Office-ah thuthar thehdarhtute kawmin MNF President in BJP an thawhpui lo angin sawi \hin mah se an thawhpui ngei tih a sawi a, June 17-a Parliament \hutkhawm \an turah MNF nihna chu a takin chiang taka hmuh theih a nih tur thu a sawi bawk.

Chief Minister, Zoramthanga chuan Inrinni khan Lengpui Airport tlawhin Airport tih-changtlunna tura hmalakna kal mek te enpuiin, ruahmanna siamte chu Airport Authority of India (AAI) aiawhte leh Aviation Department hotute nen an sawiho.

Institute of Advanced Studies in Education (IASE) Festival 2019 chu nimin khan IASE Auditorium-ah hman niin Higher and Technical Education Minister Dr. R.Lalthangliana chuan khuallian niin a hmanpui.

Nimin khan khawvel pumah ei tur vawn thianghlim leh ei in hriselna inzirtirna Ni, 'World Food Safety Day' hman a ni a, Mizoram-ah pawh a vawikhatna atan Directorate of Health Services Office, Dinthar, Aizawl-ah he Ni puala thutiam chhamrualna nei hun hmangin Principal Director, Health & Family Welfare Office Chamber-ah World Food safety pualin hun hman a ni bawk.

PHE Serchhip WATSAN Division chuan tunhnaia khawl thar an neih hrang hrang lawmna hun tunkar Ningani tlai khan an nei a, Serchhip khawpui chawmna atana PHE Department in Tuikum lui an lakna ah hian Tuikum lui a\anga tui pump chhuahna tur Vertical Turbine Pump te, Power Supply a awm loh changa Tui pump-na tur Gen set  thar te leh  Control Panel Board thar te a tel a, he hun hi Sr. EE, Er. F. Lalsanglura chuan a telpui a ni.