Lenkawl

Mizoram sawrkar chuan lirthei a\anga Chhiah lak dan thar tur, The Mizo-ram Motor Vehicles (Taxation) Act, 2019 (Act No. 13 of 2019) chu hman theih tura pawm tawhin Mizoram Gazette-ah tihchhuah a ni tawh a, karleh lam a\ang hian hman \an theih beisei a ni.

Mizoram chhunga innei thar inziaklut zingah Kristian dana innei an tam lawr hle.

Central YMA chuan tunkar Inrinni, June 15-a YMA Day vawi 84-na lo thleng tur puala Mizo mipui zawng zawngte Chibai bukin Sub-Hqrs, Group leh Branch YMA zawng zawng in mahni huamchhungah YMA Day Function hmang \heuh turin an ngen.

Serchhip Press Club sak mek chu Inrinni khan Adviser to Chief Minister, C. Lalramzauva chuan a hmunah tlawhin MJA Serchhip District hruaitu ten an hnathawh dan an lo hrilhfiah a. Adviser to Chief Minister chuan MJA ten cheng nuai 10 an hmuh hmanga Press Club sak hna an thawh chin chu \ha a tih thu sawiin, an sum neih ang ang te hlawk taka an hmang chu lawm-awm a tih thu a sawi bawk.

Kar kalta Ningani-a Mizoram chhimlam District Council pahnih-a MDC bye-election neih ah MNF candidate te chu thlantlin ve ve an ni.

Serchhip-a tlawmngai pawl hrang hrang, NGO Coordination Committee te chu Inrinni chawhma khan Adviser to Chief Minister, C. Lalramzauva chuan kawmin khawtlang tana an ngaih pawimawh hrang hrang an sawiho.

Mizoram Legislative Assembly Budget Session chu tunkar Nilaini, June 12 a\ang khian neih a ni dawn.

Adviser to Chief Minister, C. Lalramzauva chuan Inrinni zing khan Serchhip Lengte ram-a Centre of Excellence chu tlawhin helai hmuna Horticulture Department hmalakna hrang hrang a en.

BJP Mizoram Pradesh-a General Secretary, Vanlalhmuaka chuan Inrinni khan Aizawl-a an Office-ah thuthar thehdarhtute kawmin MNF President in BJP an thawhpui lo angin sawi \hin mah se an thawhpui ngei tih a sawi a, June 17-a Parliament \hutkhawm \an turah MNF nihna chu a takin chiang taka hmuh theih a nih tur thu a sawi bawk.

Chief Minister, Zoramthanga chuan Inrinni khan Lengpui Airport tlawhin Airport tih-changtlunna tura hmalakna kal mek te enpuiin, ruahmanna siamte chu Airport Authority of India (AAI) aiawhte leh Aviation Department hotute nen an sawiho.

Institute of Advanced Studies in Education (IASE) Festival 2019 chu nimin khan IASE Auditorium-ah hman niin Higher and Technical Education Minister Dr. R.Lalthangliana chuan khuallian niin a hmanpui.

Nimin khan khawvel pumah ei tur vawn thianghlim leh ei in hriselna inzirtirna Ni, 'World Food Safety Day' hman a ni a, Mizoram-ah pawh a vawikhatna atan Directorate of Health Services Office, Dinthar, Aizawl-ah he Ni puala thutiam chhamrualna nei hun hmangin Principal Director, Health & Family Welfare Office Chamber-ah World Food safety pualin hun hman a ni bawk.

PHE Serchhip WATSAN Division chuan tunhnaia khawl thar an neih hrang hrang lawmna hun tunkar Ningani tlai khan an nei a, Serchhip khawpui chawmna atana PHE Department in Tuikum lui an lakna ah hian Tuikum lui a\anga tui pump chhuahna tur Vertical Turbine Pump te, Power Supply a awm loh changa Tui pump-na tur Gen set  thar te leh  Control Panel Board thar te a tel a, he hun hi Sr. EE, Er. F. Lalsanglura chuan a telpui a ni.

Tun thla chhunga Economics Cencus neih tur atana inbuatsaihna atan nimin khan Serchhip DRO Conference Hall-ah District Level Workshop on 7th Economics Cencus neih a ni a, he hun hi District Research Officer, Manliana chuan kai-hruaiin Lalramdinsangi, Field Officer, FOD in Economic Cencus neih tur pawimawhna leh Supervisor leh Enumerator te hnathawh tur hrang hrang a sawi a. Serchhip E-District-a District Manager, CHT. Charela chuan Economics Cencus a Supervisor leh Enumerator te hman tur ‘Mobile Aplication’ hman dan a zirtir bawk.

Nimin a Serchhip tlawhtu Chief Minister hnenah Serchhip Sub-Hqrs. YMA hruaitute chuan Serchhip a\anga Doctor sawnchhuah chungchang leh Serchhip District ramri rin \hat chung-chang an lo thlen.

Nimin khan Adviser to Chief Minister, C. Lalramzauva chuan Kawlri tlang-a Eklavya Model Residential School, Serchhip damdawi In leh Serchhip Bazar Market building te tlawhin sawrkar hmalakna te a enfiah.

World Environment Day denchhenin nimin khan Serchhip-ah Plastic bawlhhlawh chhar-khawm Ni, 'Mass Plastic Picking Day' hmangin khawpui chhunga Plastic bawlhhlawh chharkhawmna hun hman a ni.

Nimin khan Serchhip-ah National Integrated Forum of Artists & Activists (NIFAA) Mizoram Branch hawnna neih a ni a, he hunah hian Serchhip DIET Principal, Lalrammawia chu khuallian a ni.

Chief Minister, Zoramthanga chuan nimin khan Serchhip rawn tlawhin Serchhip P&E Veng-a Leisekawt Mual laihzauh dan tur leh Helipad bula Circuit House sak dan turte a enpui a, nimin vek khan Aizawl panin Serchhip a chhuahsan leh nghal.

Fisheries Minister, K.Lalrinliana chuan Mizoram chhungah Sangha market a \ha sawt hle tih sawiin, ramdang a\anga Sangha kan lakluh nasat danah a hralhna tur a vang lo tih a lang chiang hle tih a sawi.