Lenkawl

Nimin khan Mamit-ah Addl. DC, Jacob Lalawmpuia hovin United Nations Development Programme (UNDP) Team Gawahati leh Mamit-a Line Department hrang hrangte'n Mamit District chhunga hmasawnna hna thawhna kawnga thawhho dan tur an sawiho.

Tunkar Thawh\anni-a MZP General Hqrs. bultuma Bairabi Zophai a Zofate Chawlhbuk sakna tur chhinchhiahna tar chu a bo avangin hemi chungchangah hian MZP Sub-Hqrs. Kolasib chuan nimin khan Bairabi Police Station-ah FIR an thehlut.

Mizoram Chief Electoral Officer, Ashish Kundra chuan inthlanpui ah Mizoram chu rampum huap, a bikin North East State zingah entawn tlak a nih thu a sawi.

Mizoram Legislative Assembly 8-na \hut-khawm vawi 2-nâ kumin March thla a neih a Bill pass 14 te Larsap pawmpui tura thawn anih hnuah Larsap hian Bill 13 a pawmpui laiin Bill pakhat erawh ala pawmpui lo.

Institute of Chartered Financial Analysts of India (ICFAI) University Mizoram, Students Action Committee (SAC) leh ICFAI University Mizoram Employees’ Forum te chuan hun rei tak a\anga lungawilohna an lantirna kal zelah nimin zing khan Aizawl-a Chief Minister Office luhna Gate bulah lungawilohna an lantir.

Lai Autonomous District Council (LADC) huamchhunga Village Council 95-a inthlanpui chu Vawiin hian neih a ni dawn a, he inthlanna neih tur atan hian inbuatsaihna engkim peihfel a ni tawh.

Tunlaia Mizoram-a Vaimim ei chhe mektu pangang, Fall Armyworm chuan Serchhip District chhunga khaw hrang hrang 23-a Vaimim te a ei chhe tawh a, Agriculture Department chuan heng Pangang hi tirem turin theihtawp chhuahin hma an la mek a. Rannung thahna hlo tam tham tak semchhuah a ni tawh bawk.

YMA leh Mizoram Police-te \angkawp chuan Pathianni tlai khan Aizawl Edenthar Veng chuanhnuai lama cheng, Denghliri te In-ah hnamdang kum tlinglo nia hriat hmeichhe 8 leh mipa 4, Myanmar lama hruai turte an hmuchhuak a, Bawngkawn Police Station-ah dah an ni.

Bungtlang Pastor Bial K|P te chuan nimin khan Serchhip Blood Bank-a dah turin thisen Unit 32 an pe.

Lai Students Association (LSA) chuan LADC Sawrkar hnuaia Human Resource & Education Department in May ni 2 a\anga May 22 thleng zing dar 6:00 a\anga zing dar 9:30 thleng School kai tura School kai hun a sawn chu duh lovin LADC huamchhung a Primary School kai tur chu nimin zing a\ang khan tiamchin awm lovin an dang a. Hei vang hian Lawngtlai-ah chuan Primary School zawng zawng deuhthaw hawn theih lohin a awm.

ZPM Vice Chairman, Lalthansanga (Chatea), Ex-MLA chuan Mizoram leh Assam ramri chingfel tur chuan Economic Blockage hlaulo tura ei leh bara kan intodelh a ngai tih a sawi.

Home Minister, Lalchamliana chuan thla thar a\anga Aizawl khawpui chhunga lirthei intlan-chhawk tura tih chu a \hat loh chuan tihtawp leh nghal tur a nih thu a sawi.

Nimin-a UD&PA Office Serchhip a mi \hahnem-ngai kalkhawm chuan Serchhip khawpui chhung Bazar hmun leh kawngpui dung leh hmun pawi-mawh lai te chei mawia vawngfai turin Serchhip Beautification and Cleanliness Committee an din a,

MZP General Hqrs. hruaitute chuan nimin khan Bairabi Zophai hmun tlawhin Zofate Chawlhbuk sakna tur hmunah a chhinchhiahna turin Site Banner an tar a, hei hi lakthlak a nih loh nana venhim sak turin Mizoram sawrkar thuneitute chu an ngen bawk.

Serchhip District Superintendent of Police, R. Sathiyasundaram chuan nimin khan Serchhip-a tlawmngai pawl hrang hrang aiawhte leng-ah sawmin khawtlang tana hmalakna tur hrang hrang leh thawhhona \ha an neih theih dan tur a sawipui.

Mizoram Pradesh Congress Committee (MPCC) President, Lal Thanhawla chuan nimin khan Aizawl-a Congress Bhavan Golden Hall-a Political Session-ah MNF Sawrkarin MIMER hming an thlak chungchang sawiin, “Anmahni kutkawih pawh tel si lova, midangten theihtawp chhuah leh hah taka an sualchhuah sa a hming lam a awl zawk tih mai mai avanga a hming an han thlak hi thil tenawm tak a ni a, Zoram mipui te min zahlo hle a ni,” a ti a.

Mizoram Excise & Narcotics Constable Training Batch 9-na leh Mizoram Home Guards & Civil Defence-a Training Batch 39-na te chuan nimin khan CTI, Sesawng-ah Passing-Out an nei a, Home Minister, Lalchaliana leh Excise Minister, K. Beichhua te chuan an telpui a n i.

Serchhip Sub-Hqrs. YMA Kumpuan Committee chuan Serchhip leh Kei\um inkara bawlh-hlawh paihna hmun chu sawnchhuah a nih theih nana hma la turin Serchhip District Bawrhsap an ngen.

Mizoram Middle School Teachers’ Association (MSTA) Sub-Hqrs. Serchhip chuan nimin khan Annual Conference vawi 22-na hmangin thupui atan ‘Zirna tih hmasawn’ tih chu hman a ni a, he hun hi Serchhip SDEO, Vanlalchhana chuan khuallian niin a hmanpui a ni.

Nimin khan FOCUS- District Management Unit Serchhip District buatsaihin Serchhip DC’s Conference Hall-ah District Level Consultation Meeting neih a ni a, he hun hi Serchhip District Bawrsap leh FOCUS- District Management Unit-a Chairman ni bawk, Sangchhin Chinzah chuan khuallian niin a hmanpui a ni.