Lenkawl

Bial tina vote tlak dan

Serchhip a\anga Mizoram Premier League khelh tuma inbuatsaih, New Serchhip FC chuan nimin khan MPL Qualifying match hmasa khelin Kanan FC, Aizawl nen goal inpe lovin an inhneh-tawk a, New Serchhip FC hian naktuk Inrinni khian Venghnuai FC an hmachhawn leh anga, hetah hian a chak zawk zawk MPL khel turin an tling dawn a ni.

MJA General Hqrs. Executive Committee tunhnaia \hukhawmin MJA atan mi 9 lakluh a remti a, heng zingah hian Serchhip District a\angin T. Biakchamliana (Serchhip Cable Network) leh RL. Hlupuia (TT Vision) te an tel a, tunah hian MJA Serchhip District-ah hian Member 12 awm mekin 15 an ni dawn ta a ni. MJA member thar atana lakluhte hian Membership Fee Rs. 400 leh Welfare Fund Rs. 100 pe nghal tura ngen an ni a, Fee an pek hunah MJA Member a chhiar \an nghal an ni dawn a ni.

Thla thar ni 11-a Assembly inthlanpui-a Vote tla te chhiarna neih turah \umdang aia Vote chhiar zofel hma tura ruahman a ni.

Nithum chhung awh XXXIII Annual Convention & National Symposium 2018 chu College of Veterinary Sciences & Animal Husbandry (CVSc & AH), Central Agricultural University (CAU), Selesih-ah neih mek niin Vawiin hian zawhfel a ni ang.

Lawngtlai District Tuichawng Constituency-a Ajasora Polling Station-ah Assembly inthlanpui neih zawh taka inthlanna hmanrua a \hat loh avangin Vawiin mipuiin vote an thlak \ha dawn.

Mizoram Legislative Assembly inthlanna atana niminpiah a vote thlakna Electronic Voting Machine leh VVPAT te chu nimin chawhnu khan District Hqrs. hrang hrangah dawn kim a ni a. Zawhna chhangin Chief Electoral Officer,Ashish Kundra chuan tun dinhmuna vote tla zat hi chawhrualin za zela 80.13 a tling tih a sawi.

Mizoram Assembly inthlanpui-a nimin a vote thlak takah party hrang hrang hotuten hnehna chan ngei an inrin thu an sawi.

Mizoram Legislative Assembly inthlanpui atan nimin khan tluang taka vote thlak a ni a, Mizoram pumah thil duhawmlo liantham thleng a awm hriat a ni lo.

Serchhip District-a Vote tlak dan tlangpui Mizoram State Assembly 8-na din tura inthlanpui chu nimin khan Serchhip District-ah tluang taka neih a ni a, khawi hmun a\ang mahin thil duhawmlo a thlen hriat a ni lo a, Serchhip District chhunga Assembly bial pathum (3) ah a vaiin Vote zaa 84.11 a tla phak.

Vote thlak hi ka mawhphurhna a ni - C. Lalrochhuanga, New Serchhip

Mizoram Larsap, Kummanam Rajasekha-ran chuan nimin khan Aizawl Khatla-a Motherless Babies’ Home leh Zonunsang Handloom, Chhinga Veng te a tlawh.

Serchhip IOC Veng-a cheng C. Lawm-zuala JCB chu Pathianni khan Serchhip leh Kei\um inkarah a chesual a, he chetsualna ah hian JCB Operator, VK. Liana (39), Zuangtui chu a hmunah boralin he vanduaina thleng avang hian nunna chan, VK. Liana nu chu a boral zui ve leh bawk.

Mercy Hospital (Rural Diagnostic & Research Centre), Serchhip chuan nimin khan an kum khat tlin lawmna an nei.

Tukin dar 7:00 a\anga member 40 awmna Mizoram State Assembly inthlanpui vote thlak turin inbuatsaihna engkim peihfel a ni tawh a, inthlanna buaipuitu zawng zawng pawhin an duty-na hmun \heuh an thleng kim tawh.

Mizoram State Legislative Assembly inthlanpui vawi 8-na Vawiin-a neih tur atan inbuatsaihna peihfel a ni ta a. He intlanna a Serchhip District chhunga Polling Station hrang hranga duty tur Polling Party te pawhin nimin khan an duty-na tur hmun an pan fel ta bawk.

Vote i thlak \heuh ang u

Serchhip District Assembly bial pathum-a duty tur Polling Party te chuan nimin khan inthlanpuia an hman tur bungrua te an lachhuak \an.

Assembly inthlanpuia Serchhip District chhunga venhimna hna thawktu tur Police te tan nimin khan an hnathawh tur inhrilhhriatna leh infuihna hun hman a ni.

Mizoram Legislative Assembly inthlanpui neih tura campaign chuan a vawrtawp a thleng ta a, nimintlai dar 4:00 khan inthlanpui atana campaign theih hun pawh tawpin Political Party te chuan nimin tlai thleng khan Campaign hi an nei a ni.