Lenkawl

MHIP General Hqrs. leh Art & Culture Department \angkawp te buatsaihin nimin khan Aizawl Sipai Lammual-ah Siktuithiang Kut hman a ni a, he hun hi Art & Culture Minister, R. Romawia chuan khuallian niin a hmanpui a ni.

Niminpiah khan Plenary Hall, Vigyan Bhawan, New Delhi-ah rampum huapa RD hnuaia hnathawk \ha lawmman semna hun, National Awards Distribution Function chu Ministry of Rural Development chuan a huaihawt a. He hunah hian Mizoram pawhin hnathawk \ha lawmman hi Mahatma Gandhi National Rural Employment Guarantee scheme hnuaiah category 4-ah a dawng a ni.

Tripura Bru Relief Camp 6-a awmte Mizoram-ah let duhlo mah se sawrkar laipui a\anga \anpuina leh chhawmdawlna pekte chu October chawlhkar hmasa ber a\anga tihtawp vek a ni dawn tih sawrkar laipuiin a sawi nawn.

Central YMA rorelna sang, Central Coordination Committee (CCC) \hutkhawm chu nimin khan Aizawl-a Central YMA Committee Room-ah neih niin YMA Rorel Inkhawm neih tura Agenda chhawpchhuah tur an sawiho.

Mizoram Larsap, Kummanam Rajasekharan chuan Mizoram chu thei leh thlai chi hrang hrangah a hausa tih sawiin, Food Processing lamah a hmalam hun a eng a ni, a ti.

Serchhip-a a man tlawma damdawi zawrhna, Jan Aushadhi (Generic Medicine Store) Dawr damdawi chu, damdawi dawr dang a mi nen a inang reng tih Lalsawma Pachuau, Jt.Director Food & Drug Administration chuan a sawi.

Serchhip District Sporth & Youth Officer mawhphurhna latu Neng Thianlal, Serchhip DLAO ni bawk chuan nimin khan Serchhip-a Sports Complex sak mek tlawhin Serchhip District Sports Committee hruaituten an \awiawm.

Mizoram Pradesh Congress Committee (MPCC) hnuaia Disciplinary Committee chuan an Vice President, R. Lalzirliana chu show-cause notice pe in, hrem a nih loh chhan tur tunkar Zirtawpni tlai dar 3:00 hmaa sawifiah turin a hriattir.

Mizoram inthlan awm tur atana inbuatsaihna kal mek zela District Election Officer-te training neihpui tura Election Commission of India-in Mizorama a rawn tirh, Tripura CEO, Sriram Taranikanti, IAS leh Nagaland CEO, Abhijit Sinha, IAS te chuan inthlan neih tur inbuatsaihna kal mek chu a felfaiin a lungawithlak an ti.

Mizoram Youth Commission (MYC) Chairman, Joseph Lalhimpuia MLA chuan kumin a\angin Mizo \halai UPSC Prelims paltlangte chu cheng nuai 1 leh Mains paltlang te chu chang nuai 2 pek an nih dawn thu a sawi.

MNF President, Zoramthanga chuan nimin khan Diakkawn Kolasib-ah Kolasib-a MNF Office thar a hawng a, MNF Party zawm thar mi engemaw zat a lawmlut nghal bawk.

Tlabung RD Block siam an duhna lantirin nimin khan Tlabung leh a chhehvel khaw mipui ten Tlabung Zodin kawn a\anga Bungkawn thleng kawng an zawh a, he kawngzawh a tel mipuite chuan Tlabung RD Block a pian hma chu hmalam pana kal zel an tum thu resolution siamin an puang bawk.

Chief Minister, Lal Thanhawla chuan nimin khan Mizoram Science Centre, Berawtlang-ah 'Innovation Hub & Space Education Centre' chu a hawng.

Nimin khan Mizoram hmun hrang hrangah Mizoram State Anti-Tobacco Day vawi 5-na hman a ni a, he Ni puala inkhawm lian ber Aijal Club Conference Hall-a neih chu Transport Minister, John Rotluangliana chuan a hmanpui a ni.

Bungtlang Pastor Bial |halai Kristian Pawl (|KP) te chuan nimin khan Serchhip damdawi In Blood Bank-a dah turin thisen Unit 50 an pe.

Serchhip District chhungah Drug License 166 awmin Drug license 8 chu cancel a ni tawh.

Mizoram sawrkar Health Department hnuaia Food & Drug Administration buatsaihin nimin khan mipui ten eitur leh damdawi thianghlim chauh an hmuh theihna tura hmalak dan tur sawihona leh inrawnkhawmna chu Serchhip-ah neih a ni.

Nimin khan Project HIMNA-SADAT (Serchhip Against Drugs Alcohol & Tobacco) leh NationalTobacco Control Programme Serchhip buatsaih in Mizoram State Anti-Tobacco Day vawi 5-na chu Mizoram hmun dang rualin Serchhip-ah pawh hman a ni.

Zoram People’s Movement (ZPM) Chief Ministerial Candidate, Lalduhoma chuan kan hma inthlanpui lo awm turah politics khelh fuh tum leh khelh dik tum kan inbei dawn a ni, a ti.

Nimin September 10 khan Aizawl Press Club Conference Hall-ah World Suicide Prevention Day chu National Mental Health Programme (NMHP) Mizoram bultuma hman a ni a, he hun hi MJA General Hqrs. President, Zonunsanga Khiangte chuan khuallian niin a hmanpui a ni.