Posts

Latest News

Lunglei-ah Doctor sawnna tura Order an hal

MZP Hqrs. Lunglei chuan Civil Hospital Lunglei-a Doctor transfer te aiawh Sawrkar-in tun thlenga a la dah loh avangin lungawi lohna lantir nan nimin khan Lunglei District Medical Superintendant Office kawtah transfer order copy an hal a. He hunah hian MZP hruaitute chuan Civil Hospital Lunglei a\anga Doctor transfer te aiawh dah turin MZP chuan Mizoram Sawrkar a lo ngen tawh tih sawiin, tun thlenga a hlawhtlinnna hmuh a la nih loh laiin June 18, 2018 khan Doctor pakhat sawnchhuah a ni leh tih an sawi a, he an hmalakna kal mekah hian June 16, 2018 a\angin picketting an \an dawn thu an sawi bawk.

Multi Level Car Parking-cum-Utility Centre sakna tur atan UD&PA Minister in lungphum a phum

UD&PA Minister, Zodintluanga chuan nimin khan New Economic Development Policy (NEDP) sum hmanga sak tur, Aizawl Zodin-a Multi Level Car Parking-cum-Utility Centre sakna tur lung a phum.

Serchhip-a leiminna hmun enfiah

Tunhnaia Serchhip-a leiminna hmun \henkhat chu nimin khan Pachhunga University College-a Geology lama mithiam chuan enfiahin, leimin zel tur venna atan tuihawk luanna \ha tak siam chu a pawimawh thu a sawi.

Finance Minister nen State Lottery-ah hian naia sen khat pawh kan ei lo - Lal Thanhawla

MPCC President leh Chief Minister, Lal Thanhawla chuan, “Kan Finance Minister leh Lal Thanhawla te hian State Lottery-ah hian naia sen khat pawh kan ei lo,” a ti.

Sinlung Hills Council-a sawrkar lailawk lakluh a ni

Sinlung Hills Council (SHC) sawrkar lailawk (interim) chu thla ruk (6) chhung atan nimin chawhma dar 10:00 khan Aizawl District Bawrh-sap, Dr. A. Muthamma chuan a Office Chamber ah a rinawmna tiam tirin a lalut a, Sawrkar in a ruat Member 2 te nen mi 14 lakluh an ni.

Project siam dan tur zirho

Nimin khan SSA Block Resource Centre, Serchhip-ah Children Science Congress Sensitization-2018 hman a ni a. He hun hi kumin September thlaa Serchhip District tana Children Science Congress buatsaih tur puala buatsaih  niin Resource Person atan Dr. Laldinpuia, Asst Professor,Department of Geology, Pachhunga University College Aizawl chu hman niin Children Science Congress-a Project siamdan leh kalphung inhrilhhriatna neih a ni.

Congress in NLUP sawiho

Serchhip Block Congress Committee chuan nimin khan Lalpuithanga Hall, Serchhip Chhim Veng-ah \hutkhawm neiin NLUP kalpui mek chungchang a sawiho.

YMA Vehbur khawn-ah Rs. 2,08,100/- hmu

Serchhip Sub-Hqrs. YMA in kumin June thlaa Serchhip-a ruahsur nasa avanga vanduaina tawk te chhawmdawlna tura Vehbur a khawn ah Rs. 2,08,100/- hmuh a ni.

Sawrkar leh Central YMA \angkawp buatsaihin Hlo Tur leh rannung thahna hlo hman dan zirho a ni

Mizoram sawrkar-a Agriculture Department (Crop Husbandry) leh Central YMA \angkawp buatsaihin nimin khan rannung thahna hlo leh hnimhnah suatna- hlo Tur hmandan tur, hman dan dik leh hman dan him zawk inzirtirna chu loneitute, YMA hruaitute leh dawrkai rannung-hnimhnah tur/hlo zuartute pualin Aizawl-ah buatsaih a ni.

Building 3 sak \anna tur lungphum phum a ni

UD&PA Minister, Zodintluanga chuan nimin khan New Secretariat Complex huamchhungah sawrkar building thar pathum - Aizawl Convention Centre (ACC), Administrative Training Institute (ATI) Car Parking leh Multi-Level Car Parking (MLCP) sak hna \anna tur lungphum a phum.

MSU ten FIR an thehlut

Mizo Students Union (MSU) General Hqrs. Aizawl chuan Cement rate chungchangah nimin chawhnu dar 1:30 khan an President, RB. Lalmal-sawma hmingin Aizawl SP hnenah FIR a thehlut.

PM in SHG a kawmna hunah Serchhip RD Block te tel

Prime Minister, Narendra Modi chuan nimin khan DAY-NRLM hnuaia Self Help Group (SHG) te Live Telecast-a kawmin 'Direct Samvad' hun an hmang a, he hunah hian Serchhip RD Block hnuaia Self Help Group te pawh an tel a ni.

Petrol pekna la siam\ha lo

Serchhip IOC Petrol Pump-a Petrol pekna khawl chu June 30, 2018-a a chhiat hnuah siam \hat ala ni lo a, hei vang hian Petrol pangngai pawh nimin thleng khan pekchhuah theih ala ni lo a, he khawl chhe siamtu tur hi tunkar tir lama rawn thleng tura beisei ni mah se nimin thleng khan ala rawn thlenglo nia thudawn a ni. Hetianga Petrol pangngai hralhchhuah theih a nih loh lai hian Petrol \ha chi, Xtra Premium (XP) erawh dan pangngaia hralhchhuah reng a ni a, hei hian mipuite harsatna tawh tur nasa takin a phuhru thung a ni.

Skill Development Training-a kal te hnenah Certificate semchhuak

Serchhip-a UD&PA Department chuan nimin khan DAY-NULM hnuaia Skill Development Training chhuak te hnenah Certificate an hlan.

Naupang pawngsual leh khuaikhem laka dona beihpui hawnna Minister hova neih a ni

World Vision India leh Mizoram State Child Protection Society \angkawp buatsaih, naupang pawngsual leh khuaikhem laka dona beihpui hawnna chu nimin khan neih a ni.

Tuikuk hruaikir tura inremna ah NGO te lawmin Inthlan kaihhnawih State pawn-ah kalpui an rem ti lo

Mizoram NGO Coordination Committee chuan Tripura Transit Camp-a awm Tuikuk-te hruaikir tura inremna siam a ni chu lawmawm an tih thu an sawi a. Inthlan kaihhnawih thil reng reng erawh chu Mizoram pawna kalpui a remti ngai dawn lo tih an sawi thung.

Cement leh Rod zuar te naktuk-ah inkhar tum

All Mizoram Cement & Iron Rod Dealers Association (AMCIRDA) chuan naktuk, July 11, 2018 khian Mizoram puma Cement leh Rod zuar zawng zawng ten an dawr an khar dawn tih an sawi.

Tripura Relief Camp a\anga Mizoram-a Bru te hruaikir dan tur sawihona Kolasib-ah neih a ni

Tripura Bru Relief Camp 6 a\anga Kolasib District-a Bru chhung-kaw 824 hruaikir dan tur chu nimin khan Kolasib DC’s Conference Hall-ah Home Department Joint Secretary, Lalbiaksangi hovin ngaihtuah a ni.

Synod Bookroom in an thil zawrh a man tlawmin an hralh

Synod Bookroom chuan nimin a\ang khan Mizoram chhunga Synod Bookroom Branch hrang hrangah an thil zawrh te a man tlawma hralhna hun an buatsaih.

MNF in Mizoram-a Loterry kalpui mek tihtawp phuta hma lain thuthar thehdarhtute an kawm

MNF Sr. Vice President leh MNF Action Committee Chairman, Tawnluia chuan Lottery-a Cheng vaibelchhe sing tel Mizoram sum eirukna chu Mizoram mipuite hmakhaw ngaiin tihtawp an duh thu a sawi.

Mi tlawmngai ten kawng hnawh

Serchhip Tuikhuah Veng-a NH. 54 kawng tlahniam chu nimin zing khan mi tlawmngai ten an sum sengin a hnawh mam hna an thawk.

Union Home Minister hova NEC Meeting neih ah Mizoram a\angin Governor leh Chief Minister an tel

North Eastern Council (NEC) Meeting vawi 67-na chu nimin khan Shillong State Convention Centre-ah neih a ni a. He hun hi Union Home Minister, Rajnath Singh chuan kaihruaiin Union Minister of State for DoNER, Dr. Jitendra Singh leh India Hmarchhak state Governor leh Chief Minister-te pawh he hunah hian an tel a ni.

Aizawl Traffic Jam Free Rally neih a ni

Inrinni khan Aizawl Traffic Jam Free Rally chu Mizoram Enfield Riders ten an nei a, Aizawl |huampui a\anga he Rally hi neiin Aizawl khawpui Veng hrang hrang an fangkual a, Transport Department Directorate Office-ah Aizawl Traffic Jam Free Rally kharna hun hman a ni.

Kolasib-ah Zilla Sainik Board dincham lawm

Kolasib-a Zilla Sainik Board chuan Inrinni khan an Rising Day vawi 8-na an hmang a, he hun hi bialtu MLA leh MIFCO Chairman, PC. Zoram Sangliana chuan khuallian niin a hmanpui.

Bru lokir tawh ten Bru lakkir leh turte tana hamthatna ruahman ang pek ve an phut

Tripura Bru Relief Camp 6-a awm mek Bru hote lakkir tuma ruahmanna a kal mek laiin Tripura Camp a\anga rawn kir tawh te chuan heng lakkir leh tura ruahman te tana \anpuina pek tur ang te an dawn ve loh chuan nawrh huaihawt an tum tih an sawi.

Laldenga thihcham hmang

Inrinni kalta, July 7, 2018 kha MNF Founder President, Laldenga thihcham \um 28-na a ni a, Aizawl Treasury Square-a a Thlan-ah amah zahna pangpar dah a ni.

YMA in Retailer ngen nawn

Serchhip Sub-Hqrs. YMA in mipui ten an sum pek ang Ration buhfai an lak theihna tura hma an lak mek laiin July thla Ration semtu Retailer \henkhat chuan buhfai hi buk tlinglo bawkin an sem leh nia hriat a ni a.

Mizoram-a School-ah te zirtirtu indaihloh chhan zirtirtu inkhairual loh vangah MZP in an ngai

Mizo Zirlai Pawl (MZP) chuan Mizoram-a School-ah te zirtirtu indaihloh chhan chu zirtirtu inkhairual loh vang nia ngaiin, zirtirtu semrual chungchangah thuneitute leh sawkara thiltitheite inrawl lo tur leh harsatna siam lo turin an ngenin an hriattir.

Naupiang leh Mitthi chhinchhiah zat

Mizoram-ah tunhnai kum 10 (2007-2016) chhungin nau piang chhinchhiah 2,45,269 an awm laiin, mitthi chhinchhiah 59,200 an awm a, kum 2013 a\anga nau piang zat a tlakhniam laiin, kum 2014 a\angin kum 1-a mitthi awm zat a pung thung.

TT intihsiakna \an a ni

Serchhip District Table Tennis Association (SDTTA) buatsaih Season Opening Tournament chu nimin khan Serchhip Indoor Stadium-ah khelh \an a ni a.

Employment Exchange nawr tum

Serchhip Town Joint VC te chuan Serchhip-ah District Employment Exchange dah a nih theih nan hmalak an tum.

MNF in an sawrkar veleh New Education Policy duansa an kalpui dawn tih an sawi

MNF Party chuan Pathian leh mipui zara sawrkar-na a siam veleh New Education Policy duan sa an kalpui dawn tih an sawi.

Serchhip-a MHIP Branch hrang hrang ten MHIP Day vawi 44-na uar takin an hmang

Mizo Hmeichhe Insuihkhawm Pawl (MHIP) Day vawi 44-na chu nimin khan Mizoram hmun hrang hrangah uar taka hman a ni a, Serchhip-a MHIP Branch hrang hrangte pawhin he Ni hi urhsun taka hmangin Serchhip District Bawrhsap, Sangchhin Chinzah chuan New Serchhip Venglai leh New Serchhip Bazar Branch ten a huhova an hman chu khuallian niin a hmanpui.

NEDP–NLUP Convergence Scheme Phase–II kalpui dan tur chungchang sawihona neih a ni

NEDP–NLUP Convergence Scheme Phase–II (2017-2018) kalpui dan tur sawihona chu nimin khan NLUP Implementing Board Vice Chairman, PL. Thanga hovin NIB Conference Hall-ah NLUP Line Department hrang hrang ten an nei.

Khawnglung Run vanga hriat LT. Muana Khiangte vuiliam

Mizo hla zinga hriat hlawh tak, ‘Khawnglun Run’ tih a phuah avanga mipuite hriatlar, LT. Muana Khiangte, Serchhip P&E Veng chu nizan hmasa khan Aizawl-ah boralin nimin khan Ser-chhip-ah vuiliam a ni.

K|P ten Thisen Unit 17 pe

Serchhip Bazar Branch K|P te chuan nimin khan Serchhip damdawi In Blood Bank-a dah turin thisen Unit 17 an pe.

Serchhip Damdawi In sakna tur sum FFC-ah dil mek a ni

Health Minister, Lal Thanzara chuan Khum 100 awmna tur Serchhip District Hospital sakna tur sum chu 15th Finance Commission-ah dil mek a nih thu leh hmuh ngei beisei a nih thu a sawi.

Tlabung-a Airtel Tower khar sak tum

Tlabung-a Mobile Communication leh Internet hmanga inbiakpawh harsat vanga mipuiten harsatna an tawh \hin chungchang leh a sutkian dan tur sawihoin nimin khan Tlabung YMA Rún ah Tlabung khawtlang hruaitute an \hukhawm. Tun thla ni 7 ralhmaa Airtel-in Tlabung-ah 4G an pechhuak lo a nih chuan tiamchin awm lova an Tower khar an rel.

Union Home Minister in Bru laklet chungchang Mizoram leh Tripura Chief Minister te a sawipui

Union Minister of Home Affairs, Rajnath Singh chuan nimin tlai dar 4:00 khan Mizoram Chief Minister, Lal Thanhawla leh Tripura Chief Minister, Biplab Kumar Deb te chu New Delhi-a a Office-ah hmu in, Tripura-a Bru chengte Mizorama laklet chungchang a hmalak dan tur a sawipui.

MZP in House-a Resolution pass vangin lawmthu sawi

Mizo Zirlai Pawl (MZP) General Hqrs. chuan Mizoram State Legislative Assembly hnuhnung ber neih zawh taka 'The Citizenship Amendment Bill 2106' duhlohna Resolution pass a ni chu lawmawm an tih thu an sawi.

Dinhmun \ha zawka dan phut

Mizoram Govt. Aided School Association (MIGASA) chuan Adhoc Grant-in-Aid a hlankai an ngenna chu tih hlawhtlin sak ngei an beisei tih an sawi.

Ration buhfai leh eirawngbawlna Gas buk tling ngeia mipui ten an dawn theih nan YMA in hma la zel

Serchhip Sub-Hqrs. YMA chuan mipui ten buk dik taka Ration buhfai an lak theihna tur atan hma la chhunzawm zelin Eirawngbawlna Gas pawh a semna hmunah buk a nih ngei theihna turin hma an la chhunzawm.

Zirna siam\ha turin Primary school-ah \an tum

ZPM Southern Hqrs-a Women Cell President, Lalrinpuii chuan ZPM a sawrkar chuan zirna siam\ha turin Primary School a\anga bul\an a nih tur thu a sawi.

Sawrkar hrawn tawh te thlai thar hralhna Dan siam chu Dan chhe ber leh hmantlakloh niin sawi

Zoram People's Movement (|angrual Pawl) Chief Ministerial Candidate, Lalduhoma chuan sawrkar kan hrawn tawh ten thlai tharchhuah hralhna dan an siam chu dan chhe ber leh hmantlak loh a ni, a ti a. ZPM an sawrkar chuan heng thlai hralhchhuah khuahkhirhna Dan te hi \hiah a nih tur thu a sawi bawk.

PAMRA in Remna Ni hmang

Inrinni kaltaa Remna Ni hi Peace Accord MNF Returnee Association (PAMRA) District Hqrs. Saizahawla District Serchhip pawhin Hmangaihzauva In, Hermon Veng-ah an hmang.

MZI ten thilpek an hlan

Mizo Zaimi Inzawmkhawm (MZI) Hqrs. Serchhip leh Lunglei te chuan tunhnaia hmun hrang hranga Charity Concert an buatsaih \uma thilpek an dawnkhawm Rs. 1,40,000/- chuang chu tunhnaia leimin avanga chhiatna rapthlak tak tawktu, Vanlalpeka, Lunglei leh Lalduhsaka, Lunglei te hnenah an hlan a, heng \anpuina hlanna inkhawm hi Zirtawpni khan Lunglei Press Club-ah buatsaih niin he hun hmang tur hian Serchhip a\ang pawhin MZI Hqrs. Serchhip-a OB te leh Executive Member mi 9 an kal a ni. MZI Hqrs. Serchhip chuan heng vanduaina tawk te \anpuina tura Charity Concert an buatsaih kaltlanga thil-pek petute zawng zawng chungah lawmthu an sawi bawk.

TT-a naupang Talent nei te haichhuahna tur programme hawng

Serchhip District Table Tennis Association in Catch Them Young Programme hnuaia Table Tennis a Naupang talent neite chher chhuahna atana ruahmanna, Intensive Coaching Programme hawnna chu Inrinni khan an buatsaih.

Bazar-a meizu mi 8 man

Serchhip District Anti-Tobacco Squad te chuan Inrinni zing khan Serchhip Bazar-ah dan phallohna hmuna meizu mi 8 an man.

MTA-in State pawn Tipper-te nimin atangin Mizoram-ah hnathawh phallo

Mizoram Tipper Association chuan an lo sawilawk tawh angin nimin, July 1, 2018 a\ang khan state pawn a\anga hnamdang Tipper-ten Balu leh Brick an rawn phurhluh \hin chu an remti tawh lova, Mizoram a\anga Balu phurchhuak \hinte pawh an titawp dawn tih an sawi. DTO-te chu State pawnlam mi lirthei neite registration tihsak tawh lo turin an ngen tih an sawi bawk.

Cement rate tihsan hrethiamlo

All Mizoram Cement & Iron Rod Dealer's Association chuan tunlai Fur khawchhia in min tlakbuak lai leh Cement rate te pawh Monsoon discount hial an beisei laia, Cement company \hen-khat Dalmia, Star, Topcem leh Best Cement ten an rate Rs. 15/- laia an rawn tito chu Mizo mipuite hmuhsitna ah an ngai tih thuchhuah siamin an tarlang a. An rate tihto chhan hi an pawmpui loh rualin \henawm State- Assam, Tripura leh Meghalaya ah pawh tito lova Mizoram ah chauh rate an tito chu chhun enlai leh men reng laia inrawkna ah an ngaih thu an sawi a. Heng Cement Company te hian July 3, 2018 tlai dar 5:00 (PM) ralhmaa an rate to-na an hnuk hniam lo a nih chuan an Cement Brand te an zuar rih dawn lo tih pawh sawiin, Mizoram-a a luh loh nan an pawl in hma a la nghal bawk ang tih an tarlang.

Mizoram hmundangte rualin Serchhip-ah MZP huaihawtin Remna Ni hman a ni

India sawrkar leh MNF ten inremna an siamna Ni, Remna Ni chu Inrinni khan Mizoram hmun hrang hrangah hman niin Serchhip-ah pawh MZP Hqrs. Serchhip buatsaihin Serchhip Hmar Veng YMA Hall-ah Remna Ni hi hman a ni a. He hunah hian tlawmngai pawl leh Political Party hrang hrang ten thu an sawi a ni.

Aspirational District (Mamit) chungchang sawiho

NITI Aayog hnuaia Mizoram a\anga Aspirational District Programme atana thlanchhuah, Mamit District chungchang sawihona chu nimin khan Chief Secretary, Arvind Ray, IAS hovin Chief Secretary Conference Hall-ah neih a ni.

Mizoram in DISHA hma la \ha lawmman a dawng

Ministry of Rural Development in District Development Coordination and Monitoring Committee (DISHA) hma la \ha a thlanchhuah panga (5) zingah Mizoram chu a tel.

Mizoram Assembly dinglai term-a thutkhawm hnuhnung ber tur tluang takin zawhfel a ni ta

Mizoram Legislative Assembly 7-na \hutkhawm vawi 16-na ni hnih (2) awh chu nimin khan zawhfel a ni a, nimin \hutkhawm ah hian Official Resolution pakhat chu pawm a ni.

Gas connection 32 pechhuak

Pradhan Mantri Ujjwala Scheme (PMUY) kalpui mek hnuaiah nimin khan Serchhip-a MIZOFED Gas Agency chuan Serchhip District chhunga E. Lungdar leh Kei\um khuaa chhung-kaw 32 te hnenah a thlawnin Gas Connection thar an pechhuak leh a. Heti hian Serchhip-a MIZOFED hian he Scheme hnuaiah hian Ser-chhip District chhung khaw hrang hranga chhung-kaw 200 chuang te hnenah Gas Connection hi an pechhuak tawh a ni.

BBBP Action Plan pawm a ni

Serchhip District Task Force on Beti Bachao Beti Padhao (BBBP) Scheme chu nimin khan an Chairman, Serchhip District Bawrhsap, Sangchhin Chinzah hovin a Office-ah an \hukhawm a, kum 2018-19 chhunga BBBP Scheme hmalakna tur Action Plan siam chu Central lama thehluh atan an pawm.

MiMIR inhrilhfiahna nei

Nimin khan NEDP hnuaia Project duan 'My Project, My NEDP - Mipui Mamawh In\awm Ruahmanna (MiMIR)' inelna chungchang inhrilh-fiahna hun chu Serchhip DC Conference Hall-ah neih a ni.

District Sanitation Task Force Committee \hukhawm

Image
Hmarchhak bial khaw fai-ah Serchhip khua 23-na Serchhip District Sanitation Task Force Committee chu nimin khan an Chairman, Serchhip District Bawrhsap, Sangchhin Chinzah hovin a Pisa-ah an \hukhawm a. Swachh Survekshan, 2018 Result a tihchhuahah Northeast Zone-ah Serchhip khua in 23-na a hauh phak chu lawmawm an tih thu sawiin, kumin atana Serchhip District Action Plan kalpui dan tur rel a ni.

Zirlai ten zirna chhunzawm duhna an lantir

Adhoc Grant-In-Aid ngiata Higher Secondary School khar mekna School zirlaite chuan nimin khan an School tual \heuh ah zirna chhunzawm vat an duhzia lantirna Sit-in Demonstration an nei.

Mizoram State Lottery kalpuitu firm pali (4) term tawp tawhte chawlhtir nghal turin MNYF in an ngen

Mizo National Youth Front (MNYF) Hqrs. chuan nimin khan Aizawl Tuikhuahtlang-a Mizoram State Lottery Office tlawhin Mizoram State Lottery kalpuitu Firm pali (4) term tawp tawhte chu chawlhtir nghal turin an ngen.

MYC Cash Incentive Award sem

Mizoram Youth Commission chuan nizan hmasa khan Aizawl-a Lal Thanhawla Auditorium-ah Cash Incentive Award semna an nei a, he hun hi Chief Minister, Lal Thanhawla chuan a hmanpui a ni.

Mizoram Legislative Assembly Session-ah Sinlung Hills Council Bill, 2018 pass a ni

Mizoram Legislative Assembly 7-na \hutkhawm vawi 16-na chu nimin chawhma dar 10:30 khan Assembly Speaker, Hiphei-a kaihhruaiin \an a ni a, Sinlung Hills Council Bill, 2018 lungrual taka pass a ni.

Mizoram in MoHFW a\angin lawmman dawng dawn

Ministry of Health and Family Welfare chuan kum 2017 leh 2018 inkara nu nau chunga thi tihtlem kawnga hnathawk tha state zingah Mizoram chu a thlang a. Hnathawk \ha lawmman hi tun thla ni 29 khian Union Minister of Health & Family Welfare(MoHFW), Jagat Prasad Nadda chuan a sem dawn a ni.

Mizoram-a a hmasa ber turin Serchhip-ah Rualbanlote tan District Resource Centre hawn a ni

Zoram Entu Pawl (ZEP) leh National Institute for Empowerment of Person with Disability (NIEPMD) Chennai \angkawp buatsaihin nimin khan Serchhip District Bawrhsap, Sangchhin Chinzah chuan Serchhip P&E Veng-ah District Resource Centre a hawng a. Hemi rual hian rualban lohna hmuhchhuah hma a pawimawh zia zirhona neih a ni bawk.

Serchhip-a YMA hruaitu ten Vaihlo leh a kaihhnawih hrang hrang chungchang sawihona an nei

National Tobacco Control Programme, Serchhip District buatsaihin nimin khan tlawmngai pawl hruaitute tan Vaihlo leh a kaihhnawih hrang hrang khuahkhirhna chungchang sawihona neih a ni.

DC in kawng siam thar a tlawh

Serchhip leh Kei\um inkara National Highway-54 kawng chhuat tlabal niminpiah tlaia sial tlang leh tak chu nimin khan Serchhip District Bawrhsap, Sangchhin Chinzah leh Addl. DC, Chuauhnuna te chuan a hmunah tlawhin hnathawh dan leh hmalak zel dan tur an enpui a.

Khawvel hmundangte rualin Aizawl-ah Ruihhlo hman khawloh leh a tawlhruk dona Ni hman a ni

Ruihhlo hman khawloh leh a tawlhruk dona Ni, International Day Against Drug Abuse & Illicit Trafficking chu nimin khan khawvel pum a hman a ni a, Aizawl-ah pawh Chief Minister, Lal Thanhawla hovin he Ni hi hman niin Court-a chinfel tawh ruihhlo mankhawm sa Rs. 84,37,000/- hu chu halral a ni bawk.

Buhfai pechhuak lai enpui

Mipui ten Ration buhfai an lakna dawnah an pawisa pek zat ang buhfai an lak theihna tura Serchhip Sub-Hqrs. YMA in hma an lakna kal zelah nimin khan Serchhip Kudam a\anga Retailer te hnena Ration buhfai pekchhuah tur chu YMA hruaitu rual ten an enpui a. Tunhnaia Serchhip khawpui chhunga Retailer te YMA in an kawm \um khan Kudam a\anga buhfai lakchhuah ah a buk tlinglo deuh a awm \hin nia an hriat thu Retaikler ten an sawi avangin hetiang hian buhfai pekchhuah lai hi YMA hian an enpui a ni.

NH. 54 sial tlang a ni leh ta

Image
Serchhip leh Keitum inkara NH. 54 chu tun thla ni 14-a Sailiamkawn bula kawngchhuat a tlakbal hnuah PWD (Highway) chuan nimin tlai dar 5:00 khan lirthei kaltlang theih turin an sial tlang leh ta a. He kawng sialtlang tur hian June 17 khan khawl lian pakhat hmanga hna thawh tan niin June 18 atangin khawl pahnih in hna an thawk a ni. He kawng hi Vawiin hian Road Roller hmanga chil mukin Boulder phah a ni ang.

Finance Minister in Central Jail dinhmun a enfiah; Tang 536 awm theihna turah 638 an tang mek

Finance Minister, Lalsawta chuan nimin khan Aizawl Tanhril-a Central Jail chu tlawhin Central Jail enkawltute nen Tan In hung chhunga hmun hrang hrang te fangkualin an endik.

Mizoram State Pollution Control Board Office Building thar Chief Minister in Aizawl-ah a hawng

Chief Minister, Lal Thanhawla chuan nimin khan Aizawl  New Secretariat Complex, Khatla-a Mizoram State Pollution Control Board (MPCB) Office Bulding thar chu a hawng a. Chief Minister chuan Mizoram chu State dangte nen khaikhin chuan la hring viau mahse ramngaw dik tak sawi tur a tlem tawh hle tih a sawi bawk.

BCM Serchhip Bial \hen a ni

Baptist Church of Mizoram (BCM) Serchhip Pastor bial chu \hen niin Inrinni khan New Serchhip Pastor bial hawn a ni.

Bazar-ah Vawksa hralh a har

Serchhip Bazar-a Vawksa zuar \hin te chuan tunhnaiah Social Media-a thuthang awm avangin Serchhip-ah Vawksa hralh lamah harsatna an tawh thu an sawi.

Serchhip-a Weightbridge diklo

Serchhip Supply Kudam-a Weightbridge chu hman theiha siam\hat a nih hnuah rinhlelhna a awm avangin Inrinni khan buhfai a buk te enfiah a ni a, a diklo tih hmuchhuah a ni.

Kawng sial tlang theih beisei

Serchhip leh Kei\um inkar NH. 54 kawng-chhuat bal sialtlang leh tura PWD (Highway) ten Pathianni kalta a\anga hma an lakna chu chak taka chhunzawm zel niin Vawiin lam hi chuan a zualpui zoin kawng hi sial tlang theih beisei a ni a, helai hmuna kawng sialtute cuhan a chhaklam a 132kV Line chhia \hiah tur chu \hiah ala nih loh avangin an hnathawhna ah harsatna an neih phah thu sawiin, kawng peihfel thlap hun tur erawh ala rei deuh an rin thu an sawi bawk.

Chhiatna thleng hrang hranga Politics-a hamthatna lak lo tum Congress Thalai in hriatthiam har an ti

Serchhip Block Youth Congress Committee chuan tunhnaia Serchhip-a chhiatna thleng hrang hranga MNF Serchhip East Block inti ten politics-a ham\hatna lo lak an tum chu hriatthiam har an tih thu an sawi.

High Court-in MNF candidate thuthlen a hnawl

Gauhati High Court, Aizawl Bench chuan Chakma Autonomous District Council (CADC)-a Futuli bial buaina chungchangah MNF Candidate, Sumir Tonchongya thu thlen chu a hnawl.

Larsap in NIT Mizoram Convocation hmanpuiin zirlai mi 171 te hnenah degree hlan an ni

National Institute of Technology (NIT) Mizoram te chuan Inrinni tlai khan Mizoram University Auditorium, Tanhril-ah Convocation vawi 2-na an hmang a. He hunah hian Mizoram Governor, Kummanam Rajasekharan chu Khuallian niin, UPSC Chairman hlui Prof. DP. Agarwal leh IIT Hyderabad Director Prof. UB. Desai te Khualzahawm an ni. 

Dan bawhchhia mi 2 man

 Serchhip District Anti-Tobacco Squad chuan vaihlo leh a kaihhnawih khuahkhirhna kawnga hma an lakna kal zelah Inrinni zing khan Serchhip Bazar leh a chhehvel fangin COTPA in puipunna hmuna mei zuk a khap bawhchhia a Bazar hmuna meizu mi pahnih an man a, heng mite hi Dan in a phal angin pawisafai chawitir an ni. Serchhip District Anti-Tobacco Squad te chuan chak zawka hmalak chhunzawm zel an tum thu sawiin, mipuite chu Dan zawm hram hram turin an ngen bawk.

Bazar tual zauh tum mek a ni

Serchhip Market Building tual zawl chu zauh tumin Serchhip Town Development Committee chuan hma an la mek.

Serthlum \iak semchhuak

North East Initiative Development Agency (NEIDA) TATA TRUSTS te chuan Inrinni khan Kei\um leh Bungtlang khuaah Serthlum \iak an sem.

YMA in Damdawi In hotute hnenah Kuang siamsa an hlan

Serchhip Sub-Hqrs. YMA chuan Inrinni khan Serchhip Damdawi In-a a mamawh apiang te hman atan Kuang siamsa 5 an hlan.

MURA Member ten chawi nghei chhunzawm zel

Mizoram Underground Returnee Association (MURA) leh Mizoram Pradesh Congress Committee (MPCC) te inremna siam tihpuitlin nawr nana MURA member ten tun thla ni 7 a\anga chaw an nghei chu an la chhunzawm zel a, an thilphût a hlawhtlin hma chu chawnghei an tum tih MURA President, PC. Lal\huama chuan a sawi.

Tripura Relief Camp-ah Electoral Roll enfiah hna thawk turin ECI in Mizoram sawrkar a rawn hriattir

Election Commission of India chuan July 31 a\anga Mizoram-a Electoral Roll ennawn hna kalpui leh turah  Tripura Relief Camp paruk (6)-a awmte chu telh ve turin Mizoram sawrkar hnenah a rawn hriattir a. Hei hi Mizorama tlawmngai pawl hrang hrangte chuan an duhloh thu an lo sawi tawh a ni.

Naupang kut dawh tirtu Champhai-ah man

Tunhnaia Champhai khawpui chhunga naupang pahnih leh mitdel pahnih te kut dawh tirtu a puh Suresh Kumar Chakma chu Champhai-ah man a ni.

Mizoram PWD in Permanent Bridge an dawh zinga sei ber tur Bairabi Tlawng Lei CM in a hawng

Mizoram chhunga Permanent Bridge PWD in a dawh tawh zinga sei ber leh Mizoram-a Lei sei ber dawttu, Bairabi Tlawng Lei (Pre-Stressed Concrete Bridge), NEC 10th Plan Scheme a\anga dawh chu niminpiah khan Chief Minister, Lal Thanhawla chuan a hawng.

AVBD ngenna angin mi tlawmngai ten thisen an pe

Serchhip Blood Bank-ah thisen dahkhawl sa a awm mumalloh avangin Association for Voluntary Blood Donation (AVBD) Serchhip Branch ngenna angin nimin khan mi tlawmngai engemaw zat ten thisen an pe.

Hriangtlang kawng hawn hun leh khar hun siam a ni

Serchhip leh Hriangtlang inkar kawng chu PMGSY hnuai a\angin laih mek a ni a. He kawng laih hna hi chak zawka thawh a nih theih nan kawng hawn hun leh khar hun hi siam a ni.

MURA ten MPCC nena inremna thu an thlun tawh tih hlawhtlin phut nan chawnghei an \an

Mizoram Underground Returnees' Association (MURA) chuan kum 2008 leh 2013-a Mizoram Pradesh Congress Committee nen inremna thuthlung an siam tihhlawhtlin phut nan niminpiah tlai a\ang khan chaw an nghei a. Ex-MNA Association chuan MURA thilphut chu tih hlawhtlin sak ngei turin Mizoram sawrkar chu an phut thu an sawi bawk.

Chhiahtlang-ah Solar Power Plant hawn a ni

Rajya Sabha MP, Ronald Sapa Tlau-in SAGY Model Village atana a thlan hmasak ber, Chhiahtlang-a Zoram Energy Development Agency (ZEDA) in Ministry of New & Renewable Energy bultuma Solar Power Plant an bun thar chu niminpiah khan Rajya Sabha MP, Ronald Sapa Tlau chuan a hawng.

PRISM |halai ten SAI hmunhma an zirchiang

PRISM |halaite chuan Aizawl-a Sports Authority of India (SAI) hmunhma te chu Mizoram sawrkarin ngaihthah hle lo se chuan hei ai hian infiamna lama tuimi te chher chhuak tam thei leh talent nei \ha tak tak te India ram mai nilo, khawvel mithmuha phochhuahna kawng awmah an ngai tih an sawi.

Lunglei-a In chim-ah mi 10 in nunna an chan

Nizan hmasa dar 6:40 vel khan Lunglei Lunglawn-a Vanlalpeka In chu an kawmchhak leimin in a hnawl a, mi 10 thiin hliam tuar mi 4 an awm a. Thi zingah hian In neitu Vanlalpeka nupui Lalchawiliani (29) leh a fapa kum 7 mi, a pa HC. Aichianga bakah a nupui nu leh pa te an tel.

YMA Day chibai buk

Central YMA chuan thuchhuah siamin tun thla ni 15-a YMA Day vawi 83-na lo thleng tur atan Mizo mipuite chibai an buk a.

Dapchhuah-a Tut Lei hawng

Chief Minister, Lal Thanhawla chuan nimin khan Dapchhuah-ah Public Works Department in Tut Lei (Pre-Stressed Concrete Girder Bridge) an dawh chu a hawng.

Mizoram pumah thla thar atangin Electoral Roll Special Summary Revision neih a ni dawn

Kumin atana Electoral Roll Special Summary Revision vawihnihna chu thla thar July 31 a\ang khian neih leh a ni dawn a, hei hi kumin a Assembly inthlanpui neih a nih dawn vang nia ngaih niin he Special Summary Revision neih tur atan hian nimin khan Serchhip District chhunga BLO leh Supervisor te tan training neih a ni.

Pangzawl leh Rawpui inkar-a Bus chesual ah mi 11 in nunna chanin hliam tuar engemaw zat an awm

Nizan hmasa dar 12:15 vel khan Aizawl a\anga Siaha pana tlan Night Bus pakhat chu Pangzawl leh Rawpui inkarah chesualin hriat theih chinah mi 11 in nunna an chan a. Hliam tuar mi engemaw zat damdawi In-ah enkawl an la ni bawk a. DM&R Minister, C. Ngunlianchunga chuan nimin vek khan vanduaina thlenna leh hliam tuar te hi a tlawh nghal.

Town Development Committee in kawng zauh dan tur rel

Serchhip Town Development Committee chu nimin khan \hukhawmin Serchhip khawpui chhunga inkalpawhna kawng \henkhat zauh dan tur an sawiho.

P&E Department Secretary hovin an Department kalphung sawihona hun Serchhip-ah neih a ni

Mizoram sawrkar-a Power Secretary, H. Lalengmawia, IAS chuan nimin khan Serchhip rawn tlawhin P&E Department thawktute leh tlawmngai pawl hrang hrang hruaitute nen an Department hmalakna an sawiho.

Sawrkar hnathawk hlawh pun remti

Nimin a Chief Minister, Lal Thanhawla hova Cabinet \hukhawm chuan Mizoram sawrkar hnuaia hnathawkte hlawh chungchang a ngaihtuah a.

Mizoram MP pahnih te hova DISHA \hutkhawm ah sawrkar laipui sum hmanga hnathawh hrang hrang thlirho a ni

Sawrkar kum kalmek-a Serchhip District Development Co-Ordination & Monitoring Committee (DDCMC)/DISHA Meeting hmasa ber chu nimin khan Serchhip DC’s Conference Hall-ah neih a ni a, Committee Chairman, CL. Ruala, MP (Lok Sabha) leh Co- Chairman Ronald Sapa Tlau, MP (Rajya Sabha) bakah Tuikum bialtu MLA, Er. Lalrinawma ten an telpui a ni.