Posts

Latest News

CM hovin District Council hotute an \hukhawm

Chief Minister, Lal Thanhawla chuan nimin khan sorkar mi pawimawh te leh Autonomous District Council pathum- Lai Autonomous District Council (LADC), Mara Autonomous District Council (MADC) leh Chakma Autonomous District Council (CADC) hruaitute chu Autonomous District Councils (ADC’s) chung-changah kokhawm in thu pawimawh a sawipui.

Sports & Youth Services hmalakna in Mizoram-ah thisen pek runpui neih tan a ni

Sports & Youth Services Department huaihawtin Sports discipline hrang hrang leh Youth Services leh Mizoram State Sports Council hmangin thisen pek runpui ‘Voluntary Blood Donation Drive’ chu nimin khan neih \an niin naktuk thleng chhunzawm a ni ang.

Gas man bithliah thar a ni

Food, Civil Supplies & Consumer Affairs Department chuan Mizoram-a eirawngbawlna Gas man a bithliah thar.

Serchhip-III ten hnatlang nei

Serchhip-III Village Council chuan nimin khan hnatlang pui neiin Mizoram sorkar in ruahmanna a siam anga khawpui fai thlanna tur atan an huamchhung an tifai.

Mizoram State Commission for Women din thar a ni

Mizoram sorkar Social Welfare Department chuan Sept. 4, 2017 khan hriattirna tichhuakin Mizoram State Commission for Women chu kum 3 atan a din leh a. Vanlalawmpuii Chawngthu, MLA chu Chairperson niin Lalbiakkimi, DSWO, Aizawl West chu member Secretary niin Member atan mi 7- Sylvie Z. Ralte, Chief Judicial Magistrate, Kolasib; Dr.Lalrindiki T. Fanai, Mizoram University; Dr. Zokaitluangi, Mizoram University; Lalrosangi, Social Worker; Dr. T. Vanlaltlani; ATC, Durtlang; Tlangthanmawii, Social Worker leh Dr. Lalneihzovi, Mizoram University te ruat an ni bawk.

Mizoram University Students’ Council in MZU-a zirlai leh thawktute kal tur an dang

Mizoram University Students’ Council chuan an thilphut tih hlawhtlin a nih loh avangin nimin a\angkhan Mizoram University-a Zirtirtu leh Non-Teaching Staff-te Office kai rem ti lovin, hnathawktu Office kai tumte pawh an dang a. MZU Vice Chancellor chungchangah hian BJP Mizoram Pradesh chuan hma an la mek tih an sawi bawk.

Aadhaar leh Document dang inthlunzawm

Consumer i harh ang u – XVI Aadhaar leh Document dang inthlunzawm - Laldinpuia Secretary, Serchhip District Consumer Association

Ministry of Human Resource Development rawih ten Serchhip DIET tlawhin an rawn zirchiang

Sorkar laipui-a Ministry of Human Resource Development rawih, Tata Institute of Social Sciences (TISS) te chuan nimin leh niminpiah khan Serchhip DIET chu tlawhin a dinhmun hrang hrang an rawn zirchiang.

Sum rul turin CM an phut

PRISM President, Vanlalruata chuan Dan kalha Parliamentary Secretary kan neih avanga mipui sum (public money) cheng vbc. 18.81 kan khawhral thlawn chu Mizoram Chief Minister Lal Thanhawla’n a rulh a ngai a ni, a ti.

Serchhip DEO in Chhipphir ah Teachers Day hmanpui

Serchhip District Education Officer, Lawm-awma chuan nimin khan Chhipphir Education Workers Association buatsaih Teachers Day lawmna leh Education Campaign neih chu a hmanpui.

Sailulak YMA kum 75 tlin lawmna neih a ni

Sailulak Branch YMA chuan nimin khan an kum 75 tlinna, Platinum Jubilee an lawm a, he hun hi Hrangturzo Bialtu MLA, Vanlalawmpuii Chawngthu chuan Khuallian niin a hmanpui a ni.

Ramchhung hmundang rualin Serchhip-ah Zirtirtute Ni urhsun taka hman a ni

Nimin September 5, 2017 khan rampumah Zirtirtute Ni, Teachers’ Day hman a ni a, ramchhung hmundang te rualin Mizoram-ah pawh uar taka hman niin Serchhip-ah pawh zirna In hrang hrang ten an remchan dan angin anmahni in he Ni hi an hmang a ni.

School tan hun thu ah Serchhip Sub-Hqrs. YMA leh Central YMA ngaihdan a inanglo!

Inrinni kalta khan Science Teachers Association of Mizoram (STAM) huaihawtin Mizoram-a sikul \an hun (school timing) chungchanga inrawnkhawmna lehsawihona neih a ni a, Central YMA leh Serchhip Sub-Hqrs. YMA te chu School \an hun chungchang ah hian an duhdan a inmillo.

Synod in Seminar buatsaih

Inrinni kalta khan Chhimchhak Presbytery huapin Serchhip Kawnpui Kohhran Biak In ah Synod Missssion Board chuan Synod Mission Campaign Seminar an buatsaih.

Presbyterian English School ah CCC zirna hawng \an leh

Inrinni khan Presbyterian English School Serchhip-ah Course on Computer Concept (CCC) zirna chu hawn \an leh a ni a, tuna CCC zirna an hawn hi a Batch 3-na a ni.

Mizoram sorkar leh Lalhmingthanga kaihhruai HPC (D) inbiak tumna a tlawlh ta

Mizoram sorkar-in Lalhmingthanga Sanate kaihhruai HPC (D) nena August thla chawhnu lama inbe tura ruahmanna chu a tlawlh ta a, Lalhmingthanga hote hian inbiakna atana thu delhkilh an neih chu sorkarin a pawm saklo nia thudawn a ni.

Mamit-ah ‘Free Coaching Class’ hawng

Mamit District Bawrhsap, Lalbiaksangi chuan nimin khan Mamit ah Discussion Forum te buatsaih ‘Free Coaching Class’ chu a hawng. Discussion Forum hi Mamit District tana zirna lama mi \hahnemngai te din niin, Mamit District \halai te'n Competitive Exam hrang hrang an hmachhawnna turah Subject hrang hrangah Free Coaching neih \hin tura ruahman niin a ni a, faculty, Mamit-a Officer leh zirtirtu te'n thlakhat chhung atan zirtirna an pe dawn a ni. Coaching Class hi Govt. Mamit High School-ah zing dar 6:00 a\anga dar 7:30 inkarah period khat (1) neih \hin tur niin Inrinni-ah period thum (3) neih \hin a ni ang.

MNF in CM hnenah ngenna thlen nawn leh

MNF General Hqrs. hruaitute leh MNF |halai hruaitute chuan nimin khan Chief Minister leh Chief Secretary hnenah Mizoram Sorkarin Lottery a kalpui dan leh Zo Carbon chungchang CBI chhuitir tura ngenna lehkha an thehluh tawh bawhzui nan ngenna lehkha dang an thehlut leh.

Mizo leh Chakma chungchang ah JNU-a Mizo Students' Forum ten PM Office-ah Memorandum an thehlut

Jawaharlal Nehru University (JNU)-a Mizo Students' Forum chuan Mizo leh Chakma te buaina chungchangah nimin khan Prime Minister Office, New Delhi-ah Memorandum an thehlut a, he Memorandum-ah hian Chakma chungchanga buaina hrang hrang bakah Central Sorkar in he harsatna chingfel tur a an tih tur pawimawh te tarlan a ni.

Cement zawrh enfiah a ni

Nimin khan Serchhip-a Legal Metrology Enforcement Staff te chuan Serchhip-a Cement zawrhna dawrte an endik a, dan diklo leh buk tlinglo a zawrh hmuh tur a awmlo.

AWC dinchamphaphak lawm

AOC Veng Welfare Committee (AWC) chuan nimin khan an dinchamphaphak vawi 39-na pualin an huamchhung hmun hrang hrang thenfai hnatlang an nei.

DUDO Office hawng \an ta

Nimin a\ang khan Serchhip-ah UD&PA Office, District Urban Development Officer (DU-DO) Office chu hawn \an a ni.

Mipui kaltlanga Pathian rawngbawlna a ni tih hriain Parliamentary Secretary te ruat an ni - Lal Thanhawla

MPCC President, Lal Thanhawla chuan intih lalna leh sum siamna ni lovin mipuite kaltlanga Pathianrawngbawlna a ni tih hria in, chutiang avang chuan Parliamentary Secretary te chu ruat an nih thu a sawi a. “Kan ram sahthlak tumna a awm chuan huaisen takin a tawp thlengin kan \ang tur a ni,” a ti bawk.

Synod in ‘Ramthar Ni' hmang

Presbyterian Kohhran chuan nimin, Aug. 31 khan ‘Ramthar Ni’ an hmang a, kum 1972 Synod Inkhawmpui chuan Synod Mission Board in 'August Ni 31, Rev. D.E. Jones ( Pu Zosaphluia) Mizoram a rawn thlen ni hi 'Ramthar Ni' atan hman nise' tia a rawtna chu pawmin hemi ang hian kum 1973 a\angin August 31 hi Ramthar Ni atan an hmang a, kumin hi Zosaphluia'n Mizoram a rawn luh champhaphak kum 120-na niin Ramthar Ni kum 45 na a ni bawk. Kumin hian "Chanchin \ha hi hril rawh u" tih chu he Ni thupui atan hian hmangin nizan khan Kohhran hrang hrangah he Ni pual hian inkhawm neih a ni.

Serchhip Police ten debate nei

Nimin khan Serchhip-a awm Mizoram Police te chuan nimin khan Serchhip-a SP Conference Hall-ah Human Rights Commission in ruahmanna a siam angin ‘Mihring tihhluma hremna hi mihring Dikna chanvo, Nunna chanvo kalh tlat a ni’ tih thupui hmangin Debate neih a ni a, John Malsawmtluanga chu pakhatna niin Inspector H. Biakchhuma chu pahnihna a ni a, Inpector VL. Ramhluna chu pathumna a ni bawk.

Roll ennawn a ni leh dawn

Elelction Commission of India in ruahmanna a siam angin Mizoram pumah Electoral Roll Special Summary Revision, 2018 chu neih a ni leh dawn a, ruahman ang chuan tun thla ni 15 khian Draft Electoral Roll tarchhuakin sawiselna leh siam\hat, inthun thar ngai te tan hemi Ni a\anga October 13 thleng hun hawn leh a ni anga, heng dilna hrang hrangte hi enfiah a nih hnuah nakum January 15-ah Final Electoral Roll chu tarchhuah a ni ang.

Transformer peihfel ta

Tun thla ni 19 zana 132KV Serchhip Bukpui Sub-Station a 2.5MVA,33/11KV Transformer-II chhia thlakna tura Transformer thar bun chu tih tur \ul ang ang te tihfel a nih hnuah nimin chawhma dar 11:45 a\ang khan hman theih tura tihfel a ni ta.

Kumin chhungin Bank Account leh Aadhar Card zawm ngai

State Bank of India (SBI) Lead Bank Office chuan, mipuite chu kumin December ni 31 hmaa an Bank Account leh Aadhar Number thlunzawm vek turin a hriattir.

Serchhip District Jail-a kumtlinglo tang an awm leh awmloh enfiahna neih a ni

Serchhip District Jail Inspection Team chuan nimin khan a vawikhatna atan Serchhip District Jail chu tlawhin he Jail-a tang te zingah kum tlinglo tang an awm leh awmloh an enfiah.

Parliamentary Secretary-te Law Court order hlauhthawn vangin an bang – H Rammawi, Ex-Minister

MNF Party National Core Committee Member leh Law Minister hlui ni bawk, H Rammawi chuan,niminpiah a Mizoram sorkara Parliamentary Secretary 7 ten Chief Minister, Lal Thanhawla hnena banna an thehluh chu, Law Court order an hlauh vang niin a sawi a. High Court lama an hmalakna chu an chhunzawm zel dawn tih a sawi bawk.

Mizo \halai leh tlawmngai pawl te thisen pek uar Mizoram vanneihna a ni - Lal Thanzara

Health Minister, Lal Thanzara chuan, “Mizo \halaite leh tlawmngai pawl ten thisen pek an uar chu Mizoram vanneihna a ni,” a ti.

PES Serchhip zirlaite TT-ah ti\ha

Tunhnaia 3rd 11Sports Inter-School Teble Tennis Championship, Aizawl-a khelh zawh takah Presbyterian English School Serchhip hminga chhuak mi 8 te chuan Medal an la vek a, mi 4 ten Singles-ah Medal lain midang 4 te hian Team inelna-ah Medal an la bawk a ni.

Mizoram sorkar a Parliament Secretary mi 7 ten an nihna atanga banna an thehlut

Mizoram Sorkar-a Parliamentary Secretary zawng zawng te chuan nimin khan Parliamentary Secretary an nihna a\anga an banna Chief Minister, Lal Thanhawla hnenah an thehlut.

District Jail tlawh dawn

Mizoram sorkar in District Jail Inspection Team a din thar hnuah Serchhip District Jail Inspection Team ruat thar te chuan Vawiin hian a vawikhatna atan Serchhip District Jail an tlawh dawn a, he Inspection Team hi Principal Magistrate kaihhruaina hnuaia din niin Member zingah sorkar lam aiawh te bakah tlawmngai pawl leh thuthar thehdarhtute pawh an tel a ni.

MZI ten thisen an pe

Mizo Zaimi Inzawmkhawm (MZI) chuan nimin khan MZI dinchamphaphak vawi 37- na pualin Mizoram hmun hrang hranga damlo mamawh apiangte hman turin thisen an pe a, hemi rual hian MZI Hqrs. Serchhip te pawhin JN Hospital Serchhip Blood Bank-a dah turin thisen an pe a, thisen petute hi mi 3 in thisen an pe a, thisen pe tu zingah hian Hmeichhia 2 an tel a ni. MZI Hqrs. Serchhip hian nimin tlai khan an dinchamphaphak denchhen hian Member inhmuhkhawmna hun hmangin infuihtharna hun an hmang bawk a ni.

Transformer la hmang theilo

Tun thla ni 19 zana 132KV Serchhip Bukpui Sub-Station a 2.5MVA,33/11KV Transformer-II chhia thlakna tura Transformer thar bun chu nimin thleng khan hman theih ala ni lo a, Vawiin lam hian enfiah lehin hman theih beisei a ni.

Mizoram-a khawpui fai thlanna neih tur atana Serchhip khawpui inbuatsaih dan tur sawihona nei

Mizoram sorkar in Mizoram-a khawpui hrang hrangte faina kawnga inelna a buatsaih tura Serchhip khawpui chhunga hmalak dan tur sawihona chu nimin khan Serchhip District Bawrhsap kaihhruaina hnuaia sorkar Department hrang hrang, tlawmngai pawl leh khawtlang hruaitu ten an sawiho.

Vice Chancellor nghet dah turin na zawkin kar

Mizoram University Students’ Council chuan Mizoram University-in Vice Chancellor nghet a neih loh chungchang leh a rang thei ang bera Vice Chancellor nghet dha tura ngenin nimin khan Union Minister for Human Resource Development, Prakash Javadekar hnenah ngenna an thlen.

Mizoram in a mamawh aia tam Sub-Centre, PHC leh CHC Mizoram in nei niin tarlang

Rural Health Statistics 2016 a\anga a lan danin Mizoram-ah mamawh zat aia tam Sub-Centre, Primary Health Centre (PHC) leh Community Health Centre (CHC) a awm.

Vawiin Serchhip Programme thenkhat

Mass Clean Up Rally nei dawn

ODF hnuaiah enfiah \an

Serchhip District chhunga thingtlang khua te chu Swachh Bharat Mission (Gramin) hnuaia khawlai-a inthiar awmlohna, Open Defecation Free-a puan a nih hnuah nimin a\ang khan Ser-chhip District chhunga thingtlang khaw 8 te chu State Level a\angin enfiah hna thawh \an a ni.

BDS zir turte tan Counselling neih leh a ni

Mizoram Quota-a BDS zir turte tan nimin khan Chaltlang-a Higher and Techincal Department, Technical Wing Pisa-ah Counselling neih leh a ni a, BDS zir turin mi 7 hnenah Seat pek a ni.

Transport Department in ngaihhnathiamna hun an hawn hman \angkai nise an duh thu sawi

Mizoram Sorkar Transport Department chuan tunlai hian Tax leh Fee an lak hrang hrang ba te tan ngaihhnathiamna hun an hawng mek a, hei hi mipui ten hmang \angkai se a duh thu Serchhip District Transport Officer, B. Lalrinsanga chuan a sawi.

Bru laklet hun atan kumin kumtawp lam rawt a ni

Sorkar laipui-in kumin kumtawp lam, khaw hul huna Tripura Relief Camp 6-a awm Bru ho laklet hna thawh a rawt.

Central YMA bultuma Mizoram-a ILP endik runpui neih hnuah ILP diltu an pung nasa

Tunhnaia Central YMA bul tuma Mizoram hmun hrang hranga Police ten hnamdang Inner Line Permit (ILP) endik runpui neih a nih avangin tunlai hian Aizawl Bawrhsap pisa-ah ILP dil an pung nasa hle nia hriat a ni a, ILP pechhuaktute chuan, \umdangah chuan ILP dil hi ni khatah mi 30-40 vel an ni \hin a, tunah chuan nikhatah 100 chuang an awm deuh ziah niin an sawi.

Serchhip-ah ZEM din a ni ta

Inrinni zing khan Zoram Exodus Movement (ZEM) Serchhip chu din fel a ni a, hruaitu turte pawh insiam fel nghal a ni.

PRISM in Assembly bial 40 chuh vek tumin Mipui ah Zohnahthlak Candidate an zawng mek

PRISM chuan kum 2018 Mizoram Assembly inthlanpui ah mal din an tum thu leh Assembly bial 40 ah candidate 40 neih an tum thu an sawi a. Mipui huapzo sorkar siam anih theih nan mipuiah candidate tur an zawng mek tih an sawi bawk. 

Zirlaite avanga buaina thleng ah H&TE Minister chu mawhphurtu berah Dr. BD. Chakma-a’n a puh

Minister of State (MoS) anihna a\anga bang ta, Dr. BD. Chakma chuan Higher & Technical Minister, R.Romawia chu Technical Zirlai Counseling pek tur zinga Chakma Zirlai te an tel ve avanga buaina chhuakah a mawhphurtu bera a ngaih thu a sawi.

Pradhan Mantri Krishi Sinchayee Yojana - Watershed Development Component hmalak dan thlirletna nei

Pradhan Mantri Krishi Sinchayee Yojana-Watershed Development Component (PMKSY-WDC) hnuaia Mizoram-a hmalakna chu nimin khan RD changtu Minister, R. Lalzirliana hovin Aizawl-a RD Conference Hall-ah thlirletna neih a ni.

Education Campaign nei dawn

Sub-Hqrs. YMA Serchhip hnuaia Education & Youth Affairs Committee chuan Sept. 13 leh 14 khian North Vanlaiphai, East Lungdar leh Biate-ah te Education Campaign neih nise an ti a, Education Campaign hi Sub-Hqrs. YMA leh Govt. Serchhip College-a RUSA te \ang-kawp in an huaihawt tur a ni a, he campaign hawnna hi kumin April 18 khan neih ni tawhin a kharna chu Serchhip-ah la neih leh tura rua-hman a ni bawk.

MBBS leh BDS zir tur tan Counselling neih \hat leh a ni

Nimin a\ang khan Mizoram State a\anga Central Pool-a MBBS seat 17 leh BDS seat 8 tan Higher & Technical Department Technical Wing, Chaltlang-ah Counselling neih \an a ni a.

Serchhip-ah AH & Vety Department in NLUP-NEDP Convergence hnuaiah \anpuina an sem

Image
Serchhip-a AH & Vety Department chuan nimin khan NLUP-NEDP Convergence hnuaia a thawhkhatna atan chhungkaw 54 te hnenah \anpuina Rs. 21,17,620 an sem a. Heng \anpuina dawngtute hi Bawnglian vulh thlangtu te, Vawk vulh thlangtu te, Ar vulh thlangtu leh Sial vulh thlangtute an ni.

Zirtirtu \ha chawimawina

Govt. Bungtlang High School-a Headmaster, C. Remsanga chu rampum huapa Zirtirtu \ha chawimawina, National Award for Teachers dawng tura thlan niin Sept. 5 khian New Delhi-ah Award hi hlan a ni ang.

Larsap in Dr. BD. Chakma banna a pawm

Minister of State Dr. BD Chakma-a'n Minister of State a nihna a\anga banna a thehluh chu nimin khan Mizoram Larsap, Lt. General Nirbhay Sharma chuan a pawmpui.

Kumin ah Pre-Matric Scholarship diltu an la tlem

Sorkar laipui Ministry of Minority Affairs hnuaia Mizoram in Pre-Matric Scholarship a hmuh theih tur biktuk zat 12,300 a nih laiin Scholarship diltu nimin thlen khan zirlai naupang 1,564 chauh an la awm.

District Bawrhsap hovin District Executive Committee on DAY-NULM thutkhawm neih a ni

Serchhip District Executive Committee on DAY-NULM chu niminpiah khan an Chairman, District Bawrhsap, Sangchhin Chinzah hovin a Office Chamber-ah an \hukhawm a, DAY NULM hnuaia Shelter for Urban Homeless a\anga Shelter Home sak mek leh City Livelihood Centre a taka kalpui chhoh dan tur an sawiho.

Serchhip District Students’ Science Seminar neih a ni

Serchhip District Students’ Science Seminar-2017 chu nimin khan Serchhip-ah neih a ni a, Zoruatpuii, St. Peters Higher Secondary School Chhingchhip chu pakhatna a ni.

Service Voters Registration kalphung thar zirhona nei

Election Commission of India in Service Voter Online Registration kalpui dan thar a ruahman chu nimin khan Serchhip District chhunga Electoral Roll khawihtu Officer- ERO, AERO leh EO ten chuan an zirho a, he hun hi District Election Officer, Sangchhin Chinzah chuan a hmanpui a ni.

VC te Computer sem an ni

Hrangturzo bialtu MLA, Vanlalawmpuii Chawngthu chuan nimin khan a bial chhung khaw 7-a VC te hnenah Computer Set khat \heuh leh Printer a sem.

September thla laihawl a\angin Serchhip khawpui chhungah Parking Fee khawn tum a ni

Image
State Transport Authority in ruahmanna a siam angin Serchhip khaw chhung hmun thlan bik 5 (panga) ah kumin September thla laihawl a\angin Parking Fee khawn tum a ni a. Heng Parking Area atana puanna hmuna Collector hna dil duhte tan dilna hun hawn nghal a ni ang.

Gas buk tlinglo man a ni

Tunkar tira Central YMA Kumpuan Committee ten Serchhip-a eirawngbawlna Gas dah tur  ti chingpentu an man Truck pakhat chu nimin khan Serchhip-ah rawn thlengin eirawngbawlna Gas a phurh te chu Legal Metrology Enforcement Staff leh District Consumers Association hruaitute chuan an lo enfiah a, hetah hian Gas buk tlinglo bur 29 hmuhchhuah a ni. Heng Gas bur buktlinglo te hi manin, hremna chu a \ul anga ngaihtuah chhunzawm tura dah a ni a, Gas phurtu motor hi Serchhip chhuahsan lo tura tih a ni tih sorkar thuchhuah chuan a tarlang. Hetihlai hian YMA in an man Gas phurtu leh nimin ami hi Motor Regn. No. erawh a inanglo nia hriat a ni.

ODF sawiselna hun hawng

Serchhip District Bawrhsap, Sangchhin Chinzah chuan hriattirna tichhuakin Serchhip District-a khawpui, Urban Area te chu khawlaia inthiarna (Open Defecation) awmlohna leh mitin mahni ek In ngeia an inthiarna khawpui Open Defecation Free (ODF) atan a puang.

Operation Muskaan III nei

Nimin khan Superintendent of Police Conference Hall Serchhipah District Child Protection Unit, Social Welfare Department leh Superintendent of Police, Serchhip \angkawp buat-saihin naupang bo leh vakvaite tanpui beihpui thlakna– Operation Muskaan III neih a ni.

District Bawrhsap kaihhruaiin Serchhip District Screening Committee on PMAY (HFA) thutkhawm nei

Nimin khan Serchhip District Screening Committee on PMAY (HFA) te chu an Chairman, Sangchhin Chinzah, DC Serchhip hovin a Office Chamber ah an \hukhawm a, kum 2017-18 chhunga Pradhan Mantra Awas Yojana-Housing For All hnuaia (Credit Link Subsidy Scheme) Insakna diltu hrang hrangte dilna umzui dan tur ruahmanna an siam.

Tunkar an hman theih beisei

Inrinni zana 132kV Sub-Station Bukpui-a 2.5MVA,33/11KV Transformer-II chhia thlakna tur chu Serchhip rawn phurh thlen a nih hnuah nimin khan a bunfel hna thawh \an a ni a, tunkar chhung hi chuan bunfelin hman \an theih beisei a ni. He Transformer chhia avang hian Serchhip khawpui chhung leh a chhehvel a Eng pekna ah harsatna thlengin, a bik takin Power mamawh san laiin a inchhawka pek a \ul phah a ni.

Serchhip-ah Sankalp Se Siddhi-New India Manthan (New India Movement) chungchang zirhona neih a ni

Sorkar laipui hmalakna thar, India Ram Thar (New India By 2022) ruahmanna chungchang sawihona hun, Sankalp Se Siddhi Abhiyan chu nimin khan DRDA Serchhip buatsaihin Serchhip DC’s Conference Hall-ah neih a ni a. He hun hi Mizoram State Commision for Women-a Chairperson, Vanlalawmpuii Chawngthu chuan a hmanpui a ni.

Ramngaw leh Nungcha humhalh kawnga inzirtirna hun hman a ni

Nimin khan Khawlailung-ah Environment & Forest Department leh Model Village Forest Development Committee (MVFDC) Khawlailung buatsaihin Ramngaw leh Nungchate humhalh kawnga inzirtirna hun, ‘Awareness Campaign on Preservation of Flora and Fauna’ neih a ni.

Documentary Films siam dan zirhona neih a ni

I&PR Department-in Mizoram-a Film producer-te leh Film siam tuimi te tana a buatsaih ‘Workshop on Documentary Films’ chu nimin khan I&PR Conference Hall-ah neih a ni a, a hawnna inkhawm hi I&PR Director, Lalnithangi chuan khuallian niin a hmanpui a ni.

Darlawn in District thar siam \ul an tih thu an sawi

Darlawn District Demand Committee chuan District thar siam \ul an tih thu sawiin, District thar an neih hma chuan theihtawp chhuahin an thiam anga hma an lak zel tur thu an sawi.

MBBS Seat tih tlem MZP in an hrethiamlo tih sawi

MZP chuan Central Pool Quota-a Mizoram state MBBS seat kum dang aia tlem Union Ministry of Health & Family Welfare in min pe chu an hrethiam lo tih sawiin, Central sorkar in Mizote min hmuhsitna-ah an ngai tih an sawi.

Helen Lowry College of Arts & Commerce hawng

Chief Minister, Lal Thanhawla chuan nimin khan Aizawl Seventh Day Tlang-ah Helen Lowry College of Arts & Commerce(HLC) a hawng a. HLC hi Mizoram University, Tanhril hnuaiah a inziaklut a ni.

Transformer lo thlen beisei

Inrinni zana 132kV Sub-Station Bukpui-a 2.5MVA,33/11KV Transformer-II chhia thlakna tur chu nimin khan Aizawl a\angin Serchhip rawn phurh chhoh niin nizan kan lo thleng tura beisei a ni a, tukin hian hlangthlain Vawiin hian fit nghal theih an beisei tih thawktute chuan an sawi.

ZEP hnuaia zirna In hrang hranga Zirtirtute ten Mathematics zirtir dan zirhona neih a ni

Zoram Entu Pawl (ZEP) Serchhip leh Tata Trust, Mumbai \angkawp buatsaihin tunkar Zirtawpni thleng awh tur Zirtirtute tana training chu nimin khan Serchhip-ah neih \an a ni.

MZP Hqrs. Serchhip buatsaih Career Awareness Campaign nei

MZP Hqrs. Serchhip te buatsaihin nimin khan Serchhip Auditorium-ah zirlaite tan an kal zelna atana kawng inkawhhmuhna hun, Career Awareness Campaign neih a ni.

Dan lova Sa pel chingte laka hmalak dan tur sawiho a ni

Nimin khan Serchhip District Wildlife Crime Control Sub-Unit te chu an Chairman Serchhip District SP, Lalringdika hovin a Office Chamber-ah an \hukhawm a. District chhunga ramsa leh nungcha \henkhat, dan phal lohva kap leh sumdawn nana hman chingte zawnchhuah beihpui –Species Specific Wildlife Enforcement Operation neih dan tur an rel.

Serchhip District Sanitation Task Force \hukhawmin District chhunga khawpui Preliminary ODF-ah puan a ni

Nimin khan Serchhip District Sanitation Task Force chu an Chairman, Sangchhin Chinzah, Serchhip Bawrhsap ni bawk hovin a Office Chamber-ah an \hukhawm a. Serchhip khawpui leh District chhunga Census Town dangte chu Preliminary Open Defecation Free-ah puan a ni.

Serchhip-ah rawn chawl

 Taxation Department changtu Parliamentary Secretary, KS. Thanga chu nimin chhun khan Serchhip-ah rawn chawlin Taxation Department hotu ten an lo dawngsawng a, Serchhip-a Taxation Department-a thawktute nen inkawmna an neih bakah P&E Veng a Taxation Department ram chu a hmunah a thlir nghal bawk.

PRISM in Administrative District thar siam belh remchang rihlo ah an ngai tih an sawi

PRISM chuan tun dinhmun ah Mizoram-a Administrative District thar siam belh remchang rihlo ah an ngai tih sawiin, MLA Inthlanpui dawn boruaka vote zawn nana district thar pe lo turin sorkar an ngen a. Inthlan chuh tum te pawhin vote zawn nana District thar pek tiam lo turin an ngen bawk.

Serchhip-a dah tur Gas ti chingpen man a ni

Inrinni kalta zan khan Central YMA Kum-puan Committee te chuan Mualkhang leh Kham-rang velah eirawngbawlna Gas phur tih chingpen ching te dapchhuah hna thawk lehin mi 4 te hnen a\angin Gas tihchingpen an man leh a, heng te zingah hian Serchhip-a eirawngbawlna Gas dah tur phurtu Truck pawh a tel a, he Motor hi Mz-06-8488 niin Kamal Uddin Byarin s/o Sukur Ali Byarin khalh a ni a, Gas tihchingpen bur 9 an man a ni. Hei bakah hian Bullet (Phai a\anga Mualkhang-a dah tur Gas phurtu) a\anga la \hin, Nunhlina, Mualkhang hnen a\angin Gas bur 7; Mualkhang Bottling Plant bula khawsa Elly hnen a\angin bur 6 leh Champhai-a dah tur Gas phurtu Truck a\angin gas tihchingpen bur 6 man a ni bawk.

MNF-in midang kan thawhpui dawn lo, amah in a maldin dawn : Zoramthanga

MNF President, Zoramthanga chuan MNF-in midang an thawhpui dawn lo tih sawiin, BJP an thawhpui dawnloh thu leh a mal-a an din dawn thu a sawi.

Minister of State (MoS) anihna a\angin Dr. BD. Chakma-a’n banna a thehlut

Mizoram Sorkar-a Fisheries leh Sericulture Department changtu Minister of State, Dr. BD. Chakma chuan nimin khan Minister of State a\anga a banna a thehlut a. Dr. BD. Chakma hian nimin chawhma lam khan Chief Minister, Lal Thanhawla chu a Pisa-ah hmuin, Minister of State a nihna a\anga a banna hi ziakin a thehlut a ni.

MNF Party in Aizawl khawpui chhungah Furpui Campaign an buatsaih

MNF Party chuan nakum-a MLA inthlan lo awm tura inpuahchahna atan Inrinni zing khan Aizawl veng hrang hrang Kawn lunlaiah Furpui Campaign an hmang.

In enchhawk ngai dawn

Inrinni zan dar 1015 vel khan 132KV Serchhip Bukpui Sub-Station a 2.5MVA,33/11KV Trans-former-II chu a chian loh vangin off a ni a, hei hi enfiah a nih hnuah hmunpui lamah siam\hat a ngai tih hmuhchhuah a ni a, hei vang hian Ser-chhip-I, Serchhip-II, Sailam Feeder leh Chhiah-tlang Feeder te a ruala Eng pek theih a ni dawn lo tih P&E Department hotute chuan an sawi.

Boxer te chawimawina nei

Serchhip District Boxing Association chuan Mizoram Inter Club Boxing Championship zawh-fel taka Serchhip a\anga Boxer kal te chawi-mawina leh lawmpuina hun chu Inrinni khan Ser-chhip Boxing Hall-ah an buatsaih a.

Press Club hmun tur samfai

MJA Serchhip District te chuan Inrinni khan hnatlang neiin Serchhip Press Club sakna tura ruahman chu an samfai.

DAY-NULM ah hma la mek

Serchhip-a Antyodaya Yojana-National Urban Livelihoods Mission (DAY-NULM) hma-lakna hnuaiah Support to Urban Street Vendor (SUSV) chu kalpui mek niin he hmalakna hnuaiah hian kawngkama inpho \hin, bungraw zuar \hin te chu \anpuina hna thawh a ni a. Serchhip ah Streer vendor hi mi 112 awm mekin an ni ho hi Card te siam sakin, vanding Plan te siam mek a ni. Serchhip hi City Street Vending Plan ah Mizoram pilot Project atan thlan niin, Detail Implementation Plan pawh siam fel tawh bawk. DAY-NULM hnuaia hmalakna Employment through Skill Training (EST&P) kaltlangin mi 462 te chuan eizawnna tlak thiamthil chi hrang hrang a zir tawh bawk a ni.

ILP chungchang ah 38 man

19th Aug. 2017 : Mizoram hmundangte rualin nizan hmasa khan Serchhip Police te chuan Serchhip khawpui chhung Veng hrang hrangah hnamdang Mizo-ram-a awm te enfiah hna thawkin mi 38 zet an man.

UD&PA Department in a vawikhatna atan ‘Mizoram khawpui Fai inelna’ buatsaih dawn

UD&PA Department chuan kumin 2017 hian a vawikhatna turin ‘Mizoram Khawpui Fai Inelna-2017’ a kalpui dawn a, he inelna Guidelines tur chu Zirtawpni khan UD&PA Minister, Zodintluanga chuan a pisa-ah a tlangzarh.

Vawiin a rampuma Petrol Pump neitute nawrh tum \hulh a ni

All India Petroleum Dealers' Association-in an thil phut tihhlawhtlin nawr nan Vawiin a ram puma lungawi lohna lantir an tum chu \hulh a ni

Khawvel hmundangte rualin Serchhip-ah World Population Day 2017 hman a ni

Nimin khan Serchhip-ah World Population Day 2017 hman a ni a, kumin hian World Population Day-ah hian “Beiseina thar, Hmasawnna thar”, “I chhungkaw hmasawnna chu i mawhphurhna pumhlum a ni” tih chu thupui ah hman a ni a, he hunah hian Serchhip District chhunga Health Department-a thawktute an tel a ni.

NSS Volunteer ten thisen pe

Nimin khan Serchhip JN Hospital Blood Bank a dah turin Govt. Serchhip College NSS Unit te chuan thisen Unit 20 an pe a, thisen pe tute hi mipa 15 leh hmeichhia 5 an ni.

Transformer thlak fel ta

Chawlhkar hnih kaltaa chhia, Serchhip Venglai a Electric Transformer chhia chu nimin khan a thara thlak a ni ta.

Mizoram hmun hrang hranga thuthar thehdarhtute tan I&PR Department in Journalists Workshop an buatsaih

Information and Public Relation Department chuan nimin khan Mizoram-a chanchinbu mite tan 'Media-te leh an mawhphurhnate' tih thupui hmangin Aizawl-a I&PR Auditorium-ah Workshop a buatsaih a, he hun hi I&PR Minister, Lal Thanzara chuan khuallian niin a hmanpui a ni.

Power Supply

KEIMAHNI

M/S zirtirtu ten Lehkhabu thar an zirho

District Institute of Education and Training (DIET) Serchhip chuan tunkar Thawhlehni leh Nilaini khan Serchhip Cluster huamchhunga Middle School zirtirtute tan Middle School-a Syllabus thar chungchang zirhona chu Serchhip-ah an buatsaih.

SAROA in leimin thianfai

Serchhip Auto Rickshaw Owners Asso-ciation chuan Serchhip AOC Veng a\anga P&E Veng panna kawnga leimin thenfai hna nimin khan an thawk.

Ar vulhtute hnenah \anpuina sem

Serchhip-a AH&Vety Department chuan tunkar Thawhlehni khan Serchhip-a NLUP 3rd leh 4th Phase-a Ar vulh thlangtute hnenah Ar chaw bag 2 \heuh an sem leh a, Serchhip Cluster-ah hian NLUP hnuaiah chhungkua 136, Tuikum Cluster-ah chhungkua 97 leh Hrangturzo Cluster-ah chhungkua 283 ten Ar vulh hi thlangin NLUP \anpuina hi Kelkang Model anga sem a ni a, Ar vulh thlangtute hi Ar In sakna atan Rs. 30,000 pek an ni a, Ar note 150 bakah Ar chaw pekna thleng, Ar tui pekna, Tui dahkhawlna tuizemte, Vitamin leh damdawi pawimawh zualte an pek an ni bawk. AH&Vety Department hian NLUP hnuaia Ar vulh thlangtute hnenah hian Ar note chaw bag 3, starter chaw bag 6, finisher (a lian chaw) bag 13 sem \heuh pe tawhin  a hnuhnung ber atan Finisher bag 2 \heuh pek an ni leh a ni.

Zoram Exodus Movement (ZEM) kalpuitu ten Serchhip tlawhin hmalak an tum dan an sawifiah

Nimin khan Zoram Exodus Movement (ZEM) Steering Committee Member- Rev. Dr. K. Thanzauva, K. Sapdanga leh B. Lalchhanzova te chuan Serchhip rawn tlawhin Tourist Lodge-ah Serchhip-a Prominent Citizen, thuthar thehdarhtute leh khawtlang-a mi \henkhat te kawmin ZEM chungchang an sawipui.

Electric Transformer chhia thlakna tur ngaihtuah mek a ni

Inrinni kalta, July 1, 2017 zan dar 10:40 vel khan Serchhip Venglai-a Electric Trans-former chu chhe lehin siam\hat mai theih a nih loh avangin a thara thlak tura hmalak mek a ni.

Serchhip-a MHIP Branch 14 ten a huhovin MHIP Day vawi 43-na an hmang

MHIP Day vawi 43-na chu nimin khan Serchhip khawpui chhunga MHIP Branch 14 te chuan a huhova hmangin Chief Minister, Lal Thanhawla chuan khuallian niin a hmanpui a, Serchhip District Bawrhsap, Sangchhin Chinzah pawhin he hun hi Khual Zahawm nia hmanpuiin MHIP Gen. Hqrs. President, Saipuii pawhin MHIP Day Nu niin he hun hi a hmanpui a ni.