Posts

Latest News

MJA Serchhip District in HSLC Exam-2017 a Laldintluanga, Serchhip chawimawina hun an hmang

Mizoram Journalists Association (MJA) Serchhip District chuan HSLC Exam-2017 result tihchhuah taka Mizoram puma pakhatna, Laldintluanga s/o C. Lalengthanga, Serchhip chu nimin khan lawmpuina hun hmangin chawimawina thilpek an hlan a. He hun hi District Information & Public Relations Officer, K. Saitluanga, MIS chuan a hmanpui bawk a ni.

Computerised Bill avanga harsatna thleng lo hrethiam turin P&E Deptt. in mipuite an ngen

Serchhip-a Power & Electricity Department chuan Computerised Billing chu Serchhip Town chhungah thla kalta a\ang khan an hmang \an a. Hemi avang hian Bill semchhuah chungchangah harsatna thleng mekin mipuite lo hrethiam turin an ngen.

SAA Zirtirtu intelkhawmna tur pawl thar din a ni

Mizoram SSA Teacher Association (MSSTA) Sub-Hqrs. Serchhip chuan nimin khan Hmar Veng YMA Hall-ah General Assembly neiin hruaitu thlanna an nei.

Tobacco Awareness Campaign nei

Khawlailung Village Council hmalakna in nimin khan Khawlailung Community Hall-ah zirlai naupangte tan Tobacco Awareness Campaign neih a ni a, he hun hi National Tobacco Control Programme (NTCP) chuan hmanpuiin he khuaa zirna In hrang hrang a\angin zirlai \hahnem tak an tel a ni.

Serchhip Bazar-a chawhmeh zuartute bukna enfiah a ni

Nimin khan Serchhip Bazar Building chhunga chawhmeh zuartute bukna hmanrua te chu Ser-chhip-a Legal Metrology Department-a thawk ten an endik sak.

ODF District-a Serchhip District puang turin chak taka hmalak chhoh mek a ni

Serchhip District chu khawilai leh vantlang hmuna inthiar awmlohna, Open Defication Free (ODF) District-a puang tura hmalak mek zel niin tun thla chhung hian ODF Districe ni tur hian puan hman beisei a ni.

Bawrhsap in MJA (SD) member te a kawm.

‘Serchhip in nasa takin hmasawnna hmel a hmu’ - DC Serchhip Serchhip May 05: Serchhip District Bawrhsap thar, Sangchhin Chinzah chuan nimin khan MJA Serchhip District Member te chu a Pisa-a leng-ah sawmin inkawmna an nei a. Serchhip-a a awmloh chhungin Serchhip khua chuan nasa takin hmasawnna hmel a hmu tawh nia a hriat thu a sawi.

VAIHLO LEH NU HRISELNA

VAIHLO LEH NU HRISELNA - Tobacco Cessation Clinic JN Hospital, Serchhip

Serchhip-ah Electric Bill siam dan Computerised a ni

Serchhip-a Power & Electricity Department chuan Computerised Billing chu Serchhip Town chhungah thla kalta a\ang khan hman \an a ni.

Serchhip atanga HSLC Topper a tling Laldintluanga chawimawina hun hman a ni

Mizoram Board of School Education (MBSE) in niminpiah a Pawl 10, HSLC Exam result a tichhuah taka Mizoram puma pakhatna, Laldintluanga, Serchhip Chhim Veng chu nimin khan MZP Hqrs. Serchhip buatsaihin Serchhip Bazar-ah chawimawina hun hman a ni.

YMA te dinna ngai ah la ding chhunzawm zel

Sub-Hqrs. YMA Serchhip ten Serchhip Sports Complex-a Artificial Grass phah tura hna thawh mek a nihna tur ang lova thawh nia hriaa UD&PA Minister, Zodintluanga’n a rawn enfiah ve hma chu hnathawktu te pawh an hna lo chhunzawm tawhlo tura an ngenna chu kalpui zui zel an tum thu an sawi.

In sak \anpuina diltute tan hriattirna tichhuak

Mizoram sorkar UD&PA Department chuan thuchhuah siamin Pradhan Mantri Awas Yojana- Housing For All (Urban) Scheme hnuaia In sak \anpuina dilna (application) hmuh zawng zawng - direct-a UD&PA Department-a dilna thehluh te, sorkarin a ruat Govt. agencies/office te, Ministry of Housing and UD&PA-in portal (inziah luhna) leh state sorkar in Common Service Center (CSC) a inziahluhna a siam hmanga dilna dawn zawng zawng te chu UD&PA Department-in a finfiah leh vek dawn tih an tarlang a. He finfiahna (demand survey) hi a thlawna kalpui mek niin mimal leh pawl engpawh sorkar ruat a nih loh chuan demand survey hnuaiah hian pawisa khawn phal a ni lo tih tarlangin, helam kaihhnawih thil engmah lo tih ve phal a ni lo tih an tarlang a. Dan lo anga pawisa lo khawn an awma hriatchhuah an nih chuan mipui bum vangin na taka hrem theih an nih thu an tarlang bawk.

Sorkar kum liamta chhungin thisen Unit 846 pek a ni

Sorkar kum liamta, nikum April ni 1 a\anga kumin March 31 thleng khan Serchhip damdawi In Blood Bank-ah thisen Unit 846 pek a ni a, heng zinga za zela 69.73 chu mi tu emaw tan bik nilo, a mamawh apiang ten a thlawna an hman theih tura pek a ni.

Pathian vanga hetiang dinhmun chang thei hi ka ni - Dintluanga, HSLC Topper

MBSE in nimin a HSLC Exam result a tih-chhuak taka Mizoram puma pakhatna, Laldin-tluanga chuan Pathian \hatna avanga hetianga dinhmun \haa ding a nih thu a sawi.

MBSE in HSLC Exam result nimin-a a tihchhuah ah Marian H/S Serchhip-a zirlai in pakhatna hauh

Image
Mizoram Board of School Education (MBSE) chuan nimin khan kum 2017 High School Leaving Certificate (HSLC) Exam result tichhuakin Marian High School Serchhhip-a zirlai, Laldintluanga s/o C. Lalengthanga, Serchhip Chhim Veng chu Mizoram pumah pakhatna a ni.

Dan lova lakluh man hnem tawh

Mizoram-a Dan lova Vaihlo leh a kaih-hnawih lakluh Rs.33,42,600/- hu man a ni tawh.

“Citizenship (Amendment) Bill 2016 kan hnam tan a him lo” - Lalduhoma

ZNP President, Lalduhoma chuan Citizenship (Amendment) Bill 2016 chu sakhaw behchhana khua leh tui nih theihna tur Bill a nih avangin kan hnam tan a him lo thei dawn a ni, a ti.

Chamdur FMC ten Assembly nei

Serchhip Zawlpui Phai, Chamdur-a Leilet neitu, Chamdur FMC te chuan nimin khan Assembly neiin hmalakna tur hrang hrang an rel.

Anti-Tobacco Squad Drive nei

Serchhip District Anti-Tobacco Squad te chuan nimin khan COTPA Dan hnuaia zawrh phalloh vaihhlo leh a kaihhnawih hrang hranga siamchhuah te dapchhuah beihpui an thlak.

UD&PA Minister in a hmuna hnathawh a en hma chuan Sports Stadium sak hna thawktute chawl rih turin ngen

Sub-Hqrs. YMA Serchhip chuan Serchhip Hmar Veng-a Sports Stadium sak hna thawh mek ah ruahman lawk ang ni lova hnathawh a awm nia hriain UD&PA Minister chu a hmuna enfiah tura ngen nise an ti a. A hmuna enfiah a nih hma hi chuan hnathawh kallai pawh lo chhunzawm tawhlo turin hnathawktute chu an ngen bawk.

Silai kah zirna leh inelna Serchhip-ah buatsaih a ni

Serchhip District Rifles Association buatsaih 10 meter Air Rifles leh Pistol inkahsiakna chu Inrinni khan Serchhip Indoor Stadium-a Shooting Gallery-ah neih a ni.

Bazar-a Mei zu mi 3 man

Serchhip District Anti-Tobacco Squad te chuan Inrinni zing khan Serchhip Bazar leh a chhehvel ah vantlang puipunna hmuna Meizu dapchhuah hna thawkin dan bawhchhia mi 3 an man. Kumin chhung hian Serchhip Anti-Tobacco Squad te hi Dan in Mei zuk a khapna hmuna meizu vaiin vawi 15 an thawkchhuak tawh a, heng ah te hian mi 18 manin dan anga pawisa chawitir an nih \hin bakah Awareness pek nghal zel an ni bawk.

K|P ten a thlawnin thisen pe

Serchhip Chhim Veng Branch Kristian |halai Pawl (K|P) te chuan Inrinni khan JN Hos-pital Serchhip Blood Bank-a dah turin thisen Unit 31 an pe.

Serchhip-a Sports Stadium-a hnathawh \halo siam\hat a nih theih nan YMA in hmalak zui an tum

Sub-Hqrs. YMA Serchhip-a Vigilance & Monitoring Committee chuan Inrinni kalta tlai khan Serchhip Hmar Veng-a Sports Stadium sak mek chu tlawhin hnathawh kal mek an enfiah a. Stadium sak hna thawh meka \ha tawklo leh siam\hat ngai nia an hriat te siam\hat a nih theih nan hmalak zui an tum thu an sawi.

Serchhip-a Election buaipuitu Officer ten ERONet chungchang an zirho

Electoral Roll Online hmanga kalpuina Software thar ERONet hman dan tur zirhona chu nimin, April 27, 2017 khan Serchhip District Election Officer, District Bawrhsap ni bawk, Sangchhin Chinzah hovin Serchhip DC Office-ah neih a ni.

Sangha khawitute tan Sangha khawi dan zirhona buatsaih

Nimin khan Fisheries Department Serchhip District buatsaihin Hmar Veng YMA Hall-ah Sangha khawitute tan training buatsaih a ni.

PES Serchhip-in Motivation Lecture Programme hmang

Presbyterian English School, Serchhip chuan nimin, April 27, 2017 khan ‘Motivational Lecture’ Programme hun hmangin he hunah hian Resource Person atan Vanglaini Chanchinbu Editor, K. Sapdanga chu hman a ni.

Mizoram Sorkar leh HPC (D) inbiakna kal mek chu tun thla ni 28-ah chhunzawm a ni dawn - Home Minister

Home Minister, R. Lalzirliana chuan Mizoram Sorkar leh HPC (D)-in inremna zawnga inbiakna an kalpui mek chu tun thla ni 28 hian chhunzawm a ni dawn tih a sawi a. Tripura Camp-a awm, Bru te hruakir tura hmalakna kal lai chu Bru ten Supreme Court-ah thubuai an thehluh avangin chawlsan lailawk rih a ni, a ti bawk.

Mizoram Merchant Association (MIMA) in ‘Thingserh sah’ an tum thu an sawi

Mizoram Merchant Association (MIMA) te chuan Inrinni khan Aizawl Press Club-ah thuthar lakhawmtu te kawmin an hmalakna hrang hrangte an tarlang a, tunkar Nilaini hian khawmpui neiin ‘Thingserh sah’ an tum tih an sawi.

Sports Stadium ami tur Artificial Grass rawn phurh thlen a ni

Serchhip Hmar Veng-a Stadium sak meka phah tur Artificial Grass chu Inrinni khan Serchhip rawn phurh thlen a ni.

Salvation Army ten thisen pe

Serchhip District chhunga Salvation Army Youth te chuan Inrinni khan Salvation Army Indian Eastern Territory kum 100 tlin lawmna atan damlote hman turin Serchhip-ah thisen Unit 37 an pe.

MJA ten EE kal tur an thlah

MJA Serchhip District chuan PHE Ser-chhip WATSAN Division-a EE PHE kalchhuak tur, Er. Lalhruaia chu Aizawl lamah sawn anih dawn avangin nimin tlai khan a chenna In ah an thlah a, he hunah hian thlahna thuziak an hlan a ni. Er. Lalhruaia hian karleh tir lam khian EE thar tur, Er. F. Lalsanglura hnenah charge hi hlan a tum a ni.

New Serchhip Venglai-ah bungraw chuh hman lohin chenna In pakhat a kangral

Ningani (April 13, 2017) chhun dar 12:15 vel khan New Serchhip Venglai Branch YMA huamchhunga F. Lianchama (L) In, Lalramnghaka te nupa luahlai chu a kang a, bungrua engmah chuh hman a ni lo.

YMA Rorel Inkhawm neih tur thlirlawkna nei

Sub-Hqrs. YMA Serchhip Coordination Committee chu Ningani khan Sub-Hqrs. YMA Meeting Room, Serchhip-ah Sub-Hqrs. YMA Serchhip President, R. Sanghmingthanga kaih-hruaia \hukhawmin April ni 20, 2017-a Sub-Hqrs. YMA Serchhip Rorel Inkhawm neih tur chungchang an sawiho.

Khaw 13,000 te Eng pe tawh

Sorkar laipui Ministry of Power chuan India ram chhunga kawlphetha hmanga Eng la nei ve lo thingtlang khaw 18,452 a\angin 13,000 zet chu Deen Dayal Upadhyaya Gram Jyoti Yojna (DDUGJY) kaltlangin Eng a pe tawh tih sorkar thuchhuah chuan a tarlang a. May ni 1, 2018 ralhma ngeiin Eng nei lo khaw 4,481 chu Eng pek hman tum a ni. Thingtlang khaw Eng pek dan hi GARV Mopile app leh web portal (https://garv.gov.in/garv2/dashboard/main) kaltlangin  a duh apiang tan en theih reng a ni a. Data thar ber ber englai pawha dah a nih bakah State sorkar te hnena DDUGJY fund pekchhuah dan leh an project kalpui mek te tarlan a ni bawk.

Naupang thihna tihtlem dan tur chungchang zirhona Serchhip-ah neih a ni

Nimin khan Serchhip-a CMO Conference Hall-ah Naupang Thihna chungchang zirhona leh naupang kumkhat hnuailam thihna tihtlem dan tura inzirtirna hun hman a ni.

Mi 382 ten zuk leh hmuam bansan

Sorkar kum liamta chhung khan Serchhip-a Tobacco Cessation Clinic (TCC) pantu mi 382 awm zingah mi 69 ten zuk leh hmuam an tih \hin te an bansan tawh.

Serchhip damdawi In rawn zirchiang

Mizoram-a District Hospital hrang hrang dinhmun enfiahtu, Quality Assurance Moni-toring te chuan Serchhip District Hospital tlawh mekin nimin khan thawktute nen inkawmna an nei.

Kalphung pangngai leh siamthat tumna indona kan puang a ni ta ber- President, PRISM

PRISM chuan Mizoram siam\hatna atana hmalakna an tumna hrang hrang puangin, “Kalphung pangngai leh siam\hat tumna indona kan puang a ni ta ber,” an ti.

New Pension Scheme zirho

Nimin khan Serchhip P&E Veng YMA Hall-ah Accounts & Treasuries Department Aizawl bul tumin Serchhip District Treasury hnuaia Drawing & Disbursing Officer (DDO) leh NPS Dealing staff te tan New Pension Scheme (NPS) chungchang zirna buatsaih a ni a, he hunah hian NPS Form hrang hrang fill-up dan te leh NPS chungchanga hriat tur pawimawh chi hrang hrangte powerpoint hmanga entir leh zirtirna neih a ni. NPS hi Mizoram sorkar hnuaia a ngheta thawk, ni 1.9.2010 leh hnu lama mite tana hman vek tura duan a ni a, tun dinhmunah NPS dan hmang mi 5,200 an awm mek a ni. He Training hi Sangliana, Treasury Officer, Serchhip in a kaihruai a, Esther Leihang, MFAS, Assistant Director (NPS), Accounts & Trea-suries Department chuan inlawmna thu sawiin, F. Malsawmkima, Assistant Auditor leh Bernadeth Lalhmangaihtluangi, Assistant Auditor ten NPS chungchang hi chipchiar takin kalkhawmte hi an zirtir a ni.

PMAY-ah YMA inrawlh loh rel

Tunhnaia Serchhip khawpui chhunga YMA Branch hrang hrangte \hukhawm chuan PMAY hnuaia In sak \anpuina dawngtu verification neih mekah hian YMA chu inrawlh loh nise an ti nia thudawn a ni .

RBSK hnuaia hmalak dan tur zirhona Serchhip-ah neih a ni

Rashtryia Bal Swasthya Karyakram (RB-SK) hnuaiah nau pianghlim leh kum 18 hnuailam piansualna leh rualbanlohna neite zawnchuah hna thawh tur inzirtirna, One Day Facility Based Training chu nimin khan Serchhip-ah neih a ni.

Housing For All hnuaia Serchhip khawpui chhunga In sak \anpuina diltute dilna enfiah hna thawh a ni

Sorkar laipui in khawpui-a chenna In neilo ten In an neih vek theihna tura hma a lakna, Housing for All hnuaia Beneficiary-led Construction (BLC) kaltlanga Serchhip-a In sak \anpuina dil te dilna enfiah hna chu nimin khan thawh \an a ni a. Serchhip khawpui chhungah In ak \anpuina dil hi 683 an awm a ni.

Thalkah zirna buatsaih

Serchhip District Archery Association buatsaihin naupangte tana Thalkah zirna chu nimin khan Serchhip P&E Veng-a Leisekawt Mual-ah neih \an a ni a. Thalkah lama tuimi te zirtir tur hian Sports Department a\angin Coach, Dinpuia chu chah chhuakin naupangte tan Thalkah zirna hi an buatsaih a, he Coaching Camp hi Vawiin hian Leisekawt Field-ah bawk hian chhunzawm leh tura ruahman niin helama tui mi a duh apiangte tel turin an sawm a, a tel duhte chuan Registration Fee Rs. 20/- pek chawpin inziahluh theih a ni ang.

U-14 & 17 Football Tournament zofel

Serchhip District Football Association (SDFA) buatsaih Under-14 leh Under-17 Football Tournament chu Vawiin khan Final khela zawhfel a ni a, he Tournament kharna inkhawm Vawiin a neih chu MJA Serchhip District President, C. Lalhminghlua chuan khuallian niin a hmanpui a ni.

India rama UN Agency International Fund for Agricul-ture Development (IFAD) palai ten Mizoram tlawh

Mizorama kuthnathawktute dinhmun zir chiang tur leh hmalakna hrang hrang ngaihven turin International UN hnuaia IFAD Design Mission Team te chuan niminpiah khan Aizawl an lo thleng.

“Budget hi campaign nana hman tham anih lo chuan a tha lo tihna a ni,” - Lal Thanhawla

MPCC President leh Chief Minister ni bawk, Lal Thanhawla chuan, “Budget hi campaign nana hman tham anih lo chuan a \ha lo tihna a ni,” a ti.

Tun thla tawp lamah Scholarship pekchhuah hman beisei a ni

Nimin khan MZP General Hqrs. hruaitute leh Mizoram Scholarship Board Secretary, JH. Zoremthanga te chuan Mizoram Scholarship Board Office-ah inkawmna neiin Zirlaite Scholarship chungchang sawihona neih a ni.

IFAD Team ten Serchhip District an rawn zirchiang mek

Nimin khan International Fund for Agricultural Development (IFAD) Missions Team chuan Serchhip leh Thenzawl tlawhin kuthna-thawktute, kuthnathawktu pawl hotute, khawtlang hotute leh NLUP Line Department hotute an kawm a. Mizorama Loneitu leh kuthnathawktu te chawikan dan tur ruahmanna thar siam dan tur an rawn zir chiang.

Serchhip-ah SEDP Launching Programme hman a ni.

‘NLUP vangin sorkar hnathawk ten thawh tur an haihchham’ - Dr. Thangtea MNF Vice President, Dr. R. Lalthangliana chuan Congress NLUP avangin sorkar hnathawkten thawh tur an haihchham a, an Office rawkin a awm a; MNF SEDP vang erawh chuan thawh tur an haihchham lovang a, cheng vbc. telin kan thuam ang, a ti.

Shelter for Urban Homeless (SUH) Amended Guidelines zirho

Urban Development & Poverty Alleviation Department hnuaia Scheme kalpui mek, National Urban Livelihood Mission (NULM) component pakhat, Shelter for Urban Homeless (SUH) Amended Guidelines zirchianna leh zirhona ni 2 awh chu nimin khan Serchhip-a DLAO Con-ference Hall-ah chhunzawmin zawhfel a ni.

Bawrhsap kalchhuak tur thlah

Serchhip District Bawrhsap hna chelh mektu Dr. Lalrozama, IAS chu National Health Mission Director tura sawn a nih hnuah tunkar tawp khian a hna thar zawm turin a kal dawn ta a, nimin tlai khan MJA Serchhip District chuan a chenna, Khawtetlang-ah thlahna hun an hmang. Nimin a MJA ten Bawrhsap an thlahna hunah hian MJA (SD) President, C. Lalhminghlua leh DC, Dr. Lalrozama te chuan thu sawiin, Serchhip DC hna a chelh chhunga thawhhona \ha tak an nei chu lawmawm an tih thu an sawi a, MJA te hian DC hi ngaihhruihna thuziak an hlan bawk.

Serchhip Bazar Building-ah thil zawrh lai misual in hal sak

Serchhip Bazar Building chhunga thil zawrh-lai \henkhat chu nimin zing khawvar hma khan misual tu tih hriatloh ten an hal sak a, vanduaina nasa zawk a thlen hmain kangmei hi \helh hman a ni.

Serchhip-ah Under 14 leh 17 Football Tournament khelh tan a ni

Serchhip District Football Asssociation buatsaih Under 14 leh 17 Football Tournament chu nimin khan Serchhip P&E Veng-a Leisekawt Mual-ah khelh \an a ni.

Vishal Mega Mart hawn duh loh lantirna atan Aizawl-ah sumdawnna dawr tam tak khar a ni

Mizoram Merchant Association (MIMA) leh an thawhpui pawl hrang hrangte chuan, Aizawl-a Vishal Mega Mart hawn duh loh lantire nan nimin khan dawr kharin lungawilohna an lantir a. Hetihlai hian Vishal Mega Mart neitute chuan MIMA chuan eng ang pawhin dodal mah se an dawr hawn tur chu an \hulh loh tur thu an sawi.

Mi kutthlak dem thu tarlang

Serchhip Venglai-a tlangval pakhat, Lal-hruaizela chu Inrinni zan khan Serchhip Chhim Veng mi nia hriat mi 10 rual ten kut an thlak a, he thil thleng hi Govt. Serchhip College Students Union leh New Serchhip Football Club te chuan an dem thu thuchhuah siamin an sawi.

Damdawi In tan thilpek hlan

 Serchhip Vengchung Pastor Bial K|P te chuan nimin khan JN Hosptial, Serchhip-a hman turin Almirah leh Hmunphiah an pe.

Serchhip District-ah 79% in Adhaar Card siam tir

Sorkar laipuiin India khua leh tui dik tak te chhinchhiahna tura hmalakna kal mekah Serchhip District chhunga mipui za a 79 (79%) chuangten ten Adhaar Card nei/siamtir tawh.

SEDP hmang hian Mizote khawvel thar kan siam ang - Dr. R. Lalthangliana

MNF Vice President, Dr.R.Lalthangliana chuan, “SEDP hmang hian Mizote khawvel thar kan siam ang,” a ti.

National Commission for Women Member in Mizoram Chief Minister a kawm

Mizoram tlawha rawn zin, National Commission for Women (NCM) Member, Hmarchhak enkawltu, Rekha Sharma chuan Chief Minister, Lal Thanhawla kawmin ramchhung hmundang nena khaikhinin Mizoram-ah Hmeichhiate dinhmun chu a \ha zawk nia a hmuh thu a sawi.

ZEP leh YWCA ten D-i-C Serchhip-ah training buatsaih

Inrinni khan Zoram Entu Pawl (ZEP) Drop-in-Centre Serchhip Tuikhuah Veng-ah Young Women Christian Association (YWCA) leh Zoram Entu Pawl (ZEP) bultumin ‘Be the Best Version of You’ tih thupui hmangin training neih a ni.

Serchhip-ah World TB Day hman a ni

World TB Day, March 24-a hman \hin chu Inrinni khan Serchhip-ah hman a ni a, kumin chhungin Serchhip District-ah TB vei mi 16 hmuhchhuah an ni tawh.

Volleyball-ah Friends Club leh Chhim Veng te an champion

Serchhip District Volleyball Association buatsaih Season Opening Tournament chu nizan khan khelh zawh a ni a, Hmeichhia-ah Friends Club, New Serchhip leh Mipa-ah Chhim Veng Volleyball Club ten an khingpui te hnehin an champion.

MLTP Act hman leh rawtna Resolution hnawl

Mizoram Legislative Assembly Budget Session nimin a chhunzawm-ah MNF Member, Lalrinawma resolution putluh, 'MLPC Act kan hman mek hian Kohhran, Khawtlang, chhungkua leh mimal ah harsatna leh buaina nasa tak min thlen avangin he dan hi titawpin MLTP Act kan hman \hin ang kha hman leh ni rawh se' tih chu sawiho anih hnuah hnawl a ni.

ZNP Block hruaitu thlanna nei

Zoram Nationalist Party (ZNP) Serchhip Block chuan nimin khan Serchhip AOC Veng-a Lalrinliana In-ah hruaitu thlanna neiin he hun hi ZNP General Hqrs. hruaitu ten an rawn hmanpui a, President atan Ralliana, Serchhip Field Veng, Vice President atan R. Zakapa, New Serchhip leh Lalsipaia, Chanmari Veng bakah Treasurer atan Rammawia, IOC Veng te thlan an ni a, Adviser atan mi 3- Lalrinliana, AOC Veng, F. Zahleia leh Pachhunga, New Serchhip ve ve te thlan an ni bawk.

Serchhip-a Chapchar Kut-2017 ropui leh hlawhtling taka hman a ni

Nimin March 24, 2017 khan Serchhip P&E Veng-a Leisekawt Field-ah Chapchar Kut 2017 chu hlawhtling taka hman a ni a,  Serchhip Sub-Hqrs. YMA President, R. Sanghmingthanga chu Kut thlengtu niin Bawrhsap, Dr. Lalrozama, IAS chu Kut Pa a ni.

MZP in Aizawl-a Vishal Mega Mart hawn dodal tum

Mizo Zirlai Pawl (MZP) chuan Vishal Mega Mart chuan LRM Building Bawngkawn Aizawl-ah sumdawnna lian kalpui tumin an inbuatsaih mek nia sawiin, \halo an tih thu an sawi.

Doctor rual ten Serchhip-ah TB enkawl dan tur an zir.

Kumin ah TB vei mi 13 hmuhchhuah an ni tawh Sorkar chuan TB natna enkawl dan thar ruahmanna a siam a, hemi chungchang hi nimin khan Serchhip District chhunga Medical Officer (MO) te tan zirhona neih a ni. Hetihlai hian kumin January thla a\anga nimin thleng khan Serchhip District-ah hian TB vei mi 13 hmuhchhuah an ni tawh bawk.

Semi Indoor Tennis Stadium sak thar hawng.

** Serchhip tana hman tur Grass thleng \ep tawh 

DEO in School building hawng

Zirtawpni kalta khan Rs. 31,78,909/- senga sak Presbyterian English School Khawlailung Building thar chu District Education Officer, Lawmawma chuan a hawng.

Chapchar Kut atan inbuatsaih

Tunkar Zirtawpni-a Serchhip-a Chapchar Kut hmang turin inbuatsaihna kalpui mek a ni a, Chapchar Kut hi Leisekawt Field-ah March 24, 2017 zing dar 11:00 a\anga hman tur niin Kut Pa atan District Bawrhsap, Dr. Lalrozama a ni a, Sub-Hqrs. YMA President, R. Sanghming-thanga chu Kut thlengtu a ni ang. Chapchar Kut-ah hian Serchhip-a YMA Branch hrang hrang ten Hnam Lam an entir dawn bakah Serchhip khawpui pawn lam a\angin Sailulak Branch YMA leh Chhingchhip Mualpui Branch YMA te pawh an rawn kal dawn a ni.

World Consumer Day hmang

Serchhip District Consumer Association buatsaihin Inrinni zing khan Serchhip Bazar-ah 'World Consumer Day' hman a ni a. Kumin a he Ni Thupui atan hian 'Consumer Rights in the Digital Age' tih hman a ni.

Khawpui chhung kawng siam zel

PWD Serchhip Division chuan Serchhip khaw-pui chhung kawngpui siam\hat hna an thawh chu chhunzawm zelin tunlai hian Serchhip Bazar leh Hmar Veng YMA Hall panna kawng leh IOC Veng, NH. 54 a\anga DC Office panna kawng siam\hat hna an thawk mek a. Tarlan tawh angin PWD te hian Fur ruahtui tlak hma ngeia khaw-pui chhung kawngpui siam\hat hna thawk tur hian nikum kumtawp lam a\ang khan theihtawp chhuahin hma an la tawh a ni.

Adhaar Number leh Bank Account Number thlun-zawm chungchanga Campaign neih dan tur sawiho

Nimin khan Serchhip District Bawrhsap Pisa-ah District Bawrhsap Dr. Lalrozama, IAS hovin R. Ralkhuma, Chief Manager, Lead Bank leh District chhunga Bank hrang hrang Manager leh mi pawimawh ten Adhaar Number leh Bank Account Number thlunzawm chungchanga Campaign neih dan tur relin Special District Level Consultative Committee an nei.

Talent Search Exam-ah Marian H/S a\angin zirlai 7 tling

SCERT in a buatsaih State Level National Talent Search Examination result tihchhuah tak ah National Talent Search Examination hmachhawn tura zirlai tling mi 25 zingah Marian H/S Serchhip a\angin zirlai 7 an tel.

Rualbanlote ham\hatna leh an dinhmun chawikan dan tur zirho

Rehabilitation Council of India leh SCERT, Aizawl \angkawp buatsaihin rualbanlote ham-\hatna leh an dinhmun chawikanna tura hmalak dan tur hrang hrang zirhona leh sawihona ni thum awh tur chu Serchhip-ah neih mek a ni.

Gauhati High Court, Aizawl Bench Building sa \an thuai dawn

Law and Judicial Minister, Lalsawta chuan Gauhati High Court, Aizawl Bench Building thar chu tun a\anga reilote ah sak \an thuai tum a ni tih House a hrilh.

Mizoram chu thlai engkim \hat duhna hmun anih avangin State intodelh leh state awhawma siam theih a ni - Chief Minister

Nimin a Mizoram Legislative Assembly inkhawm ah Chief Minister, Lal Thanhawla chuan Mizoram chu thlai engkim \hat duhna hmun anih avangin state intodelh leh state awhawma siam theih a ni, a ti a. Session \an Ni-a Larsap thusawi chungchanga lawmthu sawina Motion putluh chu lungrual taka pass a ni bawk.

Mizoram hmasawnna leh sorkar hmalakna hrang hrang Assembly House-ah Larsap in a sawilang

Mizoram Legislative Assembly 7-na \hutkhawm vawi 12-na nimin a \an Ni-ah Mizoram Governor, Lt. Gen. (Rtd) Nirbhay Sharma chuan House chhungah thu sawiin, sokar kum liamta chhunga Mizorama hmasawnna leh sorkar hmalakna hrang hrang a sawi 

“Kan ram siamthat nan Chanchintha a pawimawh ber a ni,” - MPF President

Aizawl khawpui huamchhunga Mizoram People Forum (MPF) hruaitute Inhmuhkhawmna hun chu niminpiah khan Aizawl-a Synod Conference Centre-ah neih a ni a, he hunah hian MPF President, Rev. Lalzuithanga chuan, “Kan ram siam\hat nan Chanchin\ha a pawimawh ber a ni,” a ti.

Damdawi zuartu ten General Meeting neiin hruaitu thlang

Serchhip District Chemists and Drugists Association chuan nimin khan CMO Confe-rence Hall-ah General Meeting hruaitu thlanna an nei.

Vety Department in Serchhip-ah NLUP \anpuina semchhuak

Serchhip-a AH&Vety Department chuan nimin khan an Department hnuaia NLUP thlangtute hnenah NLUP \anpuina an sem-chhuak.

Indian Vision Institute leh ZEP ten zirlaite hnenah Tarmit an sem

Nimin March 14, 2017 khan Indian Vision Institute leh Zoram Entu Pawl (ZEP) \angkawp chuan Serchhip leh Chhingchhip-a zirlai naupangte hnenah a thlawnin Tarmit an sem.

Vawiin atangin Mizoram Legislative Assembly Budget Session neih a ni dawn

Mizoram Legislative Assembly Budget Session chu Vawiin, March 14, 2017 a\ang hian neih \an a ni dawn a, tun thla ni 30 thleng a awh ang.

Pandal \hiah hnatlang nei nghal

Serchhip in Zoram Kohhran Hmeichhe In-khawmpui Lian a thlenna atana hman Pandal chu nimin khan hnatlang-a \hiah nghal a ni a, nimin a hnatlang ah hian khawchhung hmun hrang hrang a\angin mi 300 chuang an thawkchhuak a, nimin khan a ruhrel te chu \hiah nghal niin Pandal \hiahna ah hian C. Lawmzuala, Serchhi Field Veng chu chesual palhin a ke-artui leh Banrek ruh a tliak a, Serchhip damdawi In ah hruai nghal a ni bawk.

Entlang-a Company bungrua rutu a puhte Police in man

Tunhnaia Serchhip Entlang-a Reliance Telecom Company te Battery leh BTS Card rutu a puh mi 3 leh heng mite thil hralhruk lo leitu mi 2 te chu Serchhip Police ten an man.

Kumin a Lo hal theih hun chhung pawhsei a ni dawn

March ni 15, 2017 aia tlai lova Lo hal ngei ngei tura sorkar thupek chu sawn hlat a ngai dawn niin Agriculture Minister, R. Lalzirliana’n a sawi.

UPC (NEI) Aizawl East District Conference zawhfel a ni

UPC North East India Aizawl East Distict Conference chu Ningani zan a\ang khan Chhiah-tlang-ah neih a ni a, nizan khan a \iak a ni.

Presbyterian Kohhran Hmeichhe Inkhawmpui Lian Serchhip-a neih chu zawhfel a ni

Zirtawpni zan a\anga neih Mizoram Presbyterian Kohhran Hmeichhe Inkhawmpui Lian Vawi 47-na, Serchhip P&E Veng Leisekawt Field a neih chu nizan khan a \iak ta.

Auditorium kawng lai chhunzawm

Serchhip Field Veng-a Auditorium panna kawng laihzauh hna chu nimin khan chhunzawm leh a ni a, nimin a he kawng laihzauh hna thawhna ah hian Auditorium leh Sports Complex Field sak hna thawktu, Agni Shanti Company ten an JCB thawhin khawchhunga mi tlawmngai ten leivung paihna tur Motor an thawh leh bawk a, tunah hian he kawngpui zauhna chin blacktop-na tur laih mek a nih bakah Health Department ram-chhunga Staff Quarters pakhat bul pawh laih leh tur a ni a, a bulhnaia Electric ban te pawh sawn a ni tawh a ni.

Serchhip-ah Digidhan Outreach Campaign/Awareness neih a ni

Sorkar laipuiin sum fai tello a thil lei leh hralh leh pawisa khawih chet dan (Cashless Economy) kalpui tura hma a lakna chungchang mipuite hnen a hrilh hriatna hun Digidhan Outreach Cam-paign/Awareness chu nimin khan Serchhip Bazar-ah neih a ni.

Mizoram hmun hrang hrangah Chapchar Kut hman a ni.

‘Tu te mah inlahrang thei kan awm lo’ - Chief Minister Mizote Kut zinga ropui leh hriathlawh ber Chapchar Kut chu nimin khan Mizoram hmun hrang hrangah hman a ni a. Chapchar Kut 2017 lawmna pui ber chu  Aizawl Sipai Lammual-ah neih niin Chief Minister, Lal Thanhawla chu Kut Pa a ni a, Art & Culture Minister, R. Romawia chuan kut a thleng a ni bawk.

Tun thla 23-ah SEDP tlangzarh a ni dawn

MNF Programme & Policy Implementing Committee-in Socio-Economic Development Programme (SEDP) an duan chu tun thla ni 23 khian an tlangzarh dawn.

Serchhip-a Lecturer sawn duhlo

MZP Hqrs. Mamit chuan Govt. Mamit Col-lege-a Assistant Professor pakhat chu thlaktu awmlo a Govt. Serchhip College-a sawn tum a nih avangin nimin khan Assistant Professor sawnna tura Order chu Mamit-ah an hal.

IOC Veng a\anga P&E Veng panna kawng siam\ha

Serchhip Town Development Committee hmalakna in Serchhip IOC Veng a\anga P&E Veng panna kawng laihzauh hna nimin khan thawh \an a ni.

Fur ruahtui tlak loh laiin Serchhip-a PWD ten khawpui chhung kawngpui siam\hat hna an thawk mek

 PWD Serchhip Division chuan Serchhip khawpui chhunga inkalpawhna kawngpui hrang hrangte siam\hat hnachu nikum October thla a\ang khan thawkin, nimin thleng khan heng kawngpui siam hna hi chhunzawm ala ni a. Tunah hian an hnathawh tur ruahman lawk 13 zinga hna 8 chu zofel tawhin hna 2 thawh mek a ni bawk.

National Science Day-2017 pualin Govt. Serchhip College-ah hun hman a ni

Nimin khan Govt. Serchhip College Smart Class Room-ah 'National Science Day-2017' chu Govt. Serchhip College leh Mizoram Science Technology and Innovation Council (MISTIC) te \angkawp buatsaihin hman a ni.

Phalna la hmasa turin hriattir

Serchhip District Bawrhsap, Dr. Lalrozama, IAS chuan, ramchhung venhimna leh van boruak a chhiatrupna pumpelh nan thupek tichhuakin Serchhip District huamchhunga Sky Diving, Parasailing, Hot Air Ballon flying leh hetiang lam thil mimal emaw, pawl ang emaw-a ti tur leh huaihawt turte chuan Deputy Commissioner, Serchhip District Serchhip hnenah emaw, Indian Air Force a\angin phalna an la hmasa ngei tur a ni tih a tarlang.

Mental Health Awareness Programme hman a ni

imin khan Natonal Mental Health Prog-ramme (NMHP) hnuaia District Mental Health Programme, Serchhip District leh Light for Com-prehensive Development (LiFCoDe) \angkawp buatsaihin Lal Thanhawla Higher Secondary School, Serchhip-ah Mental Health Awareness Programme hman a ni.

Sakhisih ngaw-ah mipuite tana \angkai turin thukhur siam

Serchhip Sub-Hqrs. YMA chuan Sakhisih YMA Sanctuary-ah Inrinni khan hnatlangin zin veivak leh an Sanctuary tlawhtute tan tui intur an laksak.