Lenkawl

Serchhip Venglai-a Mizo Canteen (Prop - Robert Lalmuanawma) chu nizan hmasa khan misual ten rawkin FIR thehluh a\anga darkar 6 chhungin dawr rawktu nia hriat hi Police ten an man nghal.

Serchhip District-ah inbuatsaihna a tluang. Vawiin April 30, 2015 hian Mizoram District 6-ah Village Council leh Local Council inthlanna chu neih a ni dawn a, zing dar 7:00 a\anga vote thlak \anin zanin tlai hian vote tla te chhiar nghal a ni ang .

April ni 30, 2015 (Ningani) a Village Council inthlan lo awm tura Serchhip District chhunga Vote thlak theihna (Polling Station) hming, Polling Station khat huam chhunga chhungkaw awmzat leh vote thlak thei zat bakah Polling Booth leh Voting Compartment awm zat a hnuai ami ang hian ruahman a ni :

Kum 2009 a\anga tun thleng (kum 6 chhung) in Mizoram sorkar School Education Department chuan Director 9 a nei tawh a, hei hi MZP chuan \ha an tihloh thu an sawi.

Inrinni (April 25, 2015) zan khan Serchhip Bazar building chu rawk leh a ni a, Bazar rawktute hian thawmhnawi chi hrang hrang, pheikhawk leh Make-up an zawrh Rs. 70,000/- chuang hu ruin hemi chungchang hi Serchhip Police te chuan chhui zui nghalin he thila inhnamhnawih nia hriat- C. Lalramhluna (22) leh Lalruatfela (22), New Serchhip North nia insawi ve ve chu nimin khan an man nghal a ni.

Mizoram State Election Commission chuan Village Council leh Local Council inthlanna neih tura vote neih dan tur sawifiahna thuchhuah a siam.

April ni 30,2015 a Mizoram District 6-a Village Council leh Local Council inthlanna lo awm turah Polling Station ven ngun bik ngai 21 a awm a. Zirtawpni thleng khan State Election Commission (SEC) chuan Model Code of Conduct bawhchhiaa puhna, complaint 5 a dawng tawh bawk.

East Lungdar leh Sailulak inkar kawngpui siamna tur Alkatra barrel 15 rubotute chu nimin zing khan Serchhip Police ten Kei\um-ah an man.

Serchhip-a Nursing School sak mek, a rem neitute thilphut tih hlawhtlin a nih loh avanga hun engemaw chen chawlhsan tawh chungchang chu niminpiah khan Chief Secretary hovin Aizawl-ah sawiho a ni a. Thutlukna mumal tak erawh an siam theilo nia thudawn a ni.

YMA Sub-Hqrs. Serchhip Anti-Drug Squad te chuan nimin khan Serchhip-a Heroine zuar \hin a puh, Vanlalsiama (30) s/o Liansiami, Aizawl Bawngkawn-a khawsa mek nia insawi chu an man.

Ni 7 chhung neih a nih hnuah Mizo-ram Legislative Assembly Budget Session chu nimin khan zawhfel a ni ta a. Session neih chhung hian harsatna awm lovin Sorkar a\anga lut bill 7 pass vek a ni.

Union Minister of State for Commerce and Industry Pi Nirmala Sitharaman chuan nimin India leh Myanmar insumdawn tawnna tur Zokhawthar Land Custom Station chu a hawng.

Home Minister, R Lalzirliana chuan Mizoram a\anga Tripura a pem thla, Tuikuk hruaikir leh turte chu Mizoram mi an ni ngei em tih enfiah nan kum 1995 Electoral roll behchhana hman a la ni reng tih a sawi.

Serchhip District-a SSA Mission thuneitu sang ber District Education Committee chu nimin khan an Chairman, District Bawrhsap, Juhi Mukherjee, IAS hovin a Office Chamber-ah an \hukhawm .

Kumin ah TB vei 23 hmuhchhuah an ni tawh. Nimin March 24, 2015 kha World TB Day niin Serchhip-ah pawh he Ni pual hian zingkar ah inkhawm neih a ni a. Kumin chhungin Serchhip ah TB vei 23 hmuhchhuah an ni tawh tih he hunah hian tarlan a ni.

Mizo Students’ Union (MSU) Gen. Hqrs. hruaitute chuan nimin khan Serchhip-a thuthar lakhawmtute kawmin sorkar in School kai hun tihhma a tum chu mipui tam zawk duhdan anga tih danglam a nih loh chuan Session thara School kai Ni a\angin lungawilohna lantir an tum thu an sawi.

YMA Area fai berah Serchhip Vengchung. Rampuma Faina kawnga hmalakna, Swachh Bharat Mission tih hlawhtlinna atana kar kalta a National Rural Drinking Water and Sanitation Week hman puala Serchhip-a YMA Area fai thlanna neih ah Serchhip Vengchung Branch chu Veng fai berah thlan a ni.

Inrinni (March 21, 2015) zan dar 6:30 leh 7:00 inkar vel khan Chhiahtlang leh Chhingchhip inkarah balu phurtu Truck pakhat chu chesualin Truck khalhtu hi a hmunah a boral.

Mizoram sorkar in Mizoram-a Zu khuahkhirhna Dan thar, Mizoram Liquor Prohibition & Control (MLPC) Act a siam angin Vawiin a\ang hian Zu zawrhchhuah tum a ni a, amaherawh chu Zu zawrh tumna Ven hrang hrang 5 zingah Veng 4 chuan an Veng huamchhung ah zu zawrh an remtilo tih an sawi thung.

Mizoram District 6-a Village Council leh Local Council inthlan hun chu April thla tirah puan hman beisei a ni tih Mizoram State Election Commission thawktute chuan an sawi.

Nimin March 15, 2014 kha ‘World Consumer Rights Day’ a ni a, he Ni hi Pathianni a nih avangin Serchhip-ah chuan Inrinni, March 14, 2015 khan he Ni pual hian inkhawm neih niin thupui ah 'Healthy Diets' tih hman a ni.

Village Council inthlanpui neih tura hman tur Electoral Roll nimin a tarchhuah tak a\anga a lan danin Serchhip Town chhungah Village Council 11 a awm dawn a, heng VC 11-ah hian Member 57 awm theiin heng zingah hian VC member 45 te chu mipa an ni anga, VC Member 12 te chu hmeichhia an ni ang.

 Kumin a Mizoram District 6-a Villaeg Council inthlanpui neih tura hman tur Electoral Roll chu nimin khan tarchhuah a ni ta a, Ser-chhip District chhung Village Council 52-ah vote nei thei mi 45,945 an awm ang.

Mizo Zirlai Pawl (MZP) chuan Zirtawpni, Feb. 6, 2015 a\ang khan Bo-rapansury-ah Zofate Chawlhbuk sak hna chu an thawk \an.

HIV/AIDS dona kawnga Mizorama hma latu, NGO 37 te chuan sum an hmuh \hin ang an hmuh theih tawhloh avangin hna an thawk mumal thei lo a, ruihhlo ti \hinte leh KS te an enkawlna tam zawk an titawp tawh.

MP Model Village “Sansaad Adarsh Gram Yojana (SAGY)” Programme kalpui mekah Zirtawpni (Feb. 6, 2015) khan Chhiahtlang Community Centre-ah khawtlang mipui ten sorkar hmalakna chungchanga an vui leh vaina leh an ngaihpawimawhte an sawichhuahna hun buatsaih a ni.

Eirawngbawlna Gas hmangtu mipui ten man tlawm zawka eirawngbawlna Gas an hmuh zui zel theihna tur, Direct Benefit Transfer for LPG (DBTL) hmang turin Serchhip District mipuite hmanhmawh turin ngen an ni.

MNF Gen. Hqrs. chuan tun thla ni 12 khian Mi-zoram pumah ‘Total Bandh’ neih nise an ti.

Serchhip Chanmari Branch YMA chuan nimin Jan. 28, 2015 khan JN Hospital Serchhip Blood Bank-a dah turin thisen Unit 12 an pe a, hetihlai hian sorkar in thisen dawng turte hnena Processing Fee, thisen Unit khat (1) ah Rs. 550/- la tura a tih chu a taka kalpui ala ni lo.

Mizoram Flagship Programme NLUP hnuaiah Sorkar kum kal mek chhungin Mizoram sorkarin central a\angin sum hmuh a la nei lo a, NLUP sum hman danah Mizoram sorkar chu Niti Aayog hmaa a insawifiah hnuin sum hmuh tura beisei cheng vbc. 317 chu hmuh thuai beisei a ni tih NLUP Implementing Board Vice Chairman, PL Thanga chuan a sawi.

Mizoram-a MP ten Model Village atana Serchhip District a khaw pahnih an thlan, Khawlailung leh Chhiahtlang khua a hma la tura ruat bikte tan a training ni 5 awh tur chu nimin khan Serchhip-ah neih \an a ni.

India Republic Day vawi 66-na chu nimin Jan. 26, 2015 khan Serchhip-ah pawh urhsun takin Leisekawt Field-ah hman a ni a. District Bawrhsap, Juhi Mukherjee, IAS chuan India Hnam Puanzar a pawrpharh a ni.

Mizoram-a Zu khuahkhirhna Dan thar, MLPC Act hnuaia Zu in leh kawl phalna nei turin nimin Jan. 20, 2015 thleng khan Serchhip District-ah mi 1580 ten dilna Form an lachhuak tawh.

Airtel Company ten Serchhip khawpui chhunga 3G Fibre Cable phumna tur an laih avanga mipui ten har-satna an tawh chungchang chu nimin khan sorkar thuneitute nen sawiho a ni.

Serchhip Block East MNF chuan naktuk-a ‘Mipui thlavang hauhna kawngzawh’ an neih turah sorkar in tunhnaia thil man chi hrang hrang a tihsan dulotute chu ‘Party’ sawi lova tel \heuh turin an sawm.

Mizoram sorkar in ruahmanna a siam angin nimin Jan. 19, 2015 khan Serchhip-ah kangmei laka fimkhur a \ul zia inzirtirna Hapta, Fire Prevention Week chu Serchhip-ah pawh a hawnna neih a ni.

Serchhip District Information & Public Relations Officer (DIPRO), Andrew H. Lalremruata chuan nimin khan Serchhip District MJA Member te Kumthar thing-pui inpuiin Mizoram sorkar in Press Accreditation Rules a siam thar chungchang a sawipui.

Mizoram District 6-a Village Council leh Local Council inthlanpui chu February thla tawplam a buatsaih turin Mizoram State Election Commission chuan hma a la mek.

Serchhip |halai Pawl chuan tunhnai khan Ser-chhip khawpui chhung Veng \henkhat a mipui ten an tlan Tuikhur tui te enfiahin Tukhur \henkhata tui chu a thianghlim tawklo niin an sawi.

Zirtawpni zan zanlai a\anga tuialhthei man tihhniam a nih hnuah Serchhip-ah chuan Petrol man hi litre khat zelah Rs. 57.76 a ni tawh anga, Diesel man pawh litre khat zelah Rs. 47.66 a ni tawh ang.

Zoram Nationalist Party (ZNP) Vice President K. Liantlinga chuan, "NLUP hi kan hek lova, NLUP dawngtu tur an thlan dan leh pek dan ah Congress sorkar tih dikloh kan sawi mai a ni," a ti.

Nimin a\anga Mizoram-a Zu khuahkhirhna Dan thar, MLPC Act hman a nih laiin Public Sector Undertaking (PSU) te zingah MIFCO, ZIDCO leh MMACO ten zu zawrh chhuah hna kalpui turin dilna an pelut tawh.

Election Commission of India remtihna in Electoral Roll Special Summary Revision ni 01.01.2015 a kumtling chinte tana buatsaih chu zawhfel a nih hnuah nimin khan Mizoram pumah Electoral Roll chu tlangzarh a ni ta a, Mizoram pumah vote nei thei 7,13,574 an awm a ni.

Home Minister R. Lalzirliana chuan Mizoram mipuite chu Social Network chi hrang hrang hman kawngah fimkhur turin a ngen tih a sawi a, ni 13.01.2015-a Tuikhuahtlang nula pawngsual rawna thi ni awm a WhatsApp lama thawndarh-a bul tumtu ni a ngaih Ruth Chalthansawmi (22), Saron Veng-a khawsa chu man a nih tawh thu a sawi.

'Serchhip District-ah vote nei thei 831 in a pung.' Kumin January ni 1-a kum 18 tling chinte laa Electoral Roll siamthar hna chu zawhfel a nih hnuah nimin Jan. 15, 2015 khan Electoral Roll thar tlangzarh a ni a, Serchhip District pumah vote nei thei (General Voters) 46,388 leh Service Electors 334 an awm a ni.

Mizoram sorkar in record a neih danin Mizoram-ah kawng km. 7548.00 thu neih mek a ni.

Kum 2014 Krismas Kumthar (2015) denchhena Aizawl khawpui huamchhung Veng hrang hrang cheimawi te enfiah a nih hnuah a ti\hate hnenah Home Minister, R. Lalzirliana chuan nimin khan ‘Certificate of Appreciation’ a hlan.

Electoral Roll Special Summary Revision neih meka Serchhip District tana Observer tura ruat, Zothankhuma, IAS chuan nimin Jan. 13, 2015 khan Serchhip District-a Electoral Roll Special Summary Revision a rawn enfiah a, chawhnu dar 1:00 khan Serchhip District Addl. DC, VL Remliana, MCS Pisa-ah official pawimawhte a kawm nghal bawk.

Nehru Yuva Kendra (NYK) Serchhip District buatsaihin nimin (Jan. 13, 2015) khan National Youth Week pualin District Level Sports Meet neih a ni.

MZP in ‘The Mizoram (Selection of Candidates for Higher Technical Courses) Rules, 1999’ siam\hatna atana sorkar hnen a rawtna a thlen te chu tun thlengin sorkar in ala siam\ha lo.

FCS&CA Minister John Rotluangliana chuan mipuite chu Direct Benefit Transfer of LPG (DBTL) Scheme hnuaia inziaklut vek turin a ngen.

Zirtawp zan dar 7:30 bawr vela Aizawl Republic Veng a misualin chhungkaw pakhat-a mi 5 a thah te ruang chu Inrinni khan Republic Veng Community Hall-ah vui niin tlai lamah phum a ni.

Nehru Yuva Kendra (NYK) buatsaihin Jan. 13, 2015 dar 11:00 AM hian Leisekawt Field, Ser-chhip P&E Veng ah Athletics Open Competition neiin Jan. 1, 2015-a kum 15-25 inkar tling chinte tan Meter 100, 500 leh 1000 intlansiakna, mipa leh hmeichhia tan neih a ni dawn a, a duh apiang tel theih a ni anga, lawmma pakhatna a\anga pathumna thleng \heuh siam a ni ang. He intihsiakna a tel duh te tan Ph. No. 9612027815-ah zawhfiah theih a ni ang.

Sports & Youth Service Minister, Zodintluanga chuan India ram hi ram nuamah a siam theih tih sawiin, \halaite chakna chu hman \angkai a nih chuan India hian nasa takin hma a sawn dawn a ni, a ti.

Serchhip-a Excise & Narcotics Department chuan kum kalta (2014) chhung khan zu leh ruihhlo chi hrang hrang \hahnem tak manin sorkar-ah chhiah Rs. 15,66,715/- zet an chhunglut.

Nikum (2014) chhung khan Serchhip Police Station-ah thubuai 75 ziahluh a ni a, thubuai ziahluh zingah hian rukruk thubuai a tam ber a ni.

Presbyterian Mizoram Synod chuan nimin Jan. 8, 2014 khan Serchhip-ah Family Guidance & Counselling Centre(FG&CC) hawngin he Centre-a Councillor tur, Rev. C. Lalrintluanga chu dahnghehna neih nghal a ni.

Saipum Branch YMA chuan NEC sum a\anga Serkhan to Bagha Road kawng siam hna thawh mek chu awmze awm lovin sum a luanral an hlauh thu an sawi.

Mizoram hmun hrang hranga Excise & Narcotics Department chuan Dan hmanga Zu in phalna nei duhte hnenah dilna Form an hralhchhuak mek.

Army Recruiting Office, Sil-char chuan January 16-23, 2015 chhung hian Tripura state khawpui Agartala-ah India hmarchhak state hrang hranga \halaite tan sipai chi hrang hrang- Soldier Technical, Soldier Nursing Assistant, Soldier Clerk/Store Keeper Technical/ Clerk Inventory Management te a la dawn a. Hrechiang duh tan District Bawrhsap Pisa-ah Office hun chhungin zawhchian theih a ni.

Sorkar laipui in mipuite hnena eirawngbawlna Gas a man tlawma a pekchhuah ah April 1, 2015 a\angin Direct Benefit Transfer Scheme hman a nih dawn avangin hemi hmaa inziaklut fel hmanlo ten eirawngbawlna Gas an dawng thei dawnlo.

Uttarakhand Larsap \anglai, Dr. Aziz Qureshi chu sorkar laipuiin Mizo-ram Larsap atan a sawn a, hemi atan hian Dec. 30, 2014 zan khan khan sorkar laipui chuan hriattirna a chhuah a, Larsap a nih hun chhung chhiar zawmin kum 2017 May thla thleng, Mizorama awm tura tih a ni.

Zu khuahkhirhna dan thar, MLPC Act 2014 hmang thei tura hriattirna, Official Gazette chu tun thla chhunga tihchhuah a ni dawn.

Kristian te hunpui Krismas 2014 leh Kumthar 2015 lawmna chu Serchhip-ah pawh boruak muanawm tak hnuai ah neih a ni.

Mizoram pumah tun thla ni 19 leh 25 chhung khian Fire Prevention Week chu hman a ni dawn a, March ni 15, 2015 hmain Lo leh huan hal tur zawng zawng ten hal tur a ni bawk ang.

Horticulture Department in Serchhip Lengte rama Centre of Excellence an kalpui mek chu nimin Dec. 16, 2014 khan MJA Serchhip District Member ten tlawhin an hmalak dan an enfiah.

Mizoram sorkar Information & Public Relations Department in ‘Mizoram Calendar 2015’ an siam chu tunlai hian District Information & Public Relation Officer (DIPRO) Office, Serchhip IOC Veng a\angin hralhchhuah mek a ni a. Mizoram Calendar hi Serchhip District-ah 1500 rawn thlengin pakhat Rs. 50 hisap zelin lei theih a ni.

Serchhip Joint VC chuan kumin kumhlui thlahna programme buatsaih tura DC’s Office in an ngenna chu tih hlawhtlin nise an ti.

Inrinni kalta (Dec. 13, 2014) chhun dar 12:15 vel khan Lunglei District-a Tuipui Darzo kai lei dawh mek chu a chim a, lei hian mi 10 chim hnanin hliam an tuar a, hliam zinga pakhat chu damdawi In panpui a nih laiin a boral bawk. 

HPC (D) te chuan an demand area chhunga sorkar School Headmaster leh Head Teacher \henkhat te hnenah pawisa khawnna lehkha an thawn.

Synod Pastoral Committee \hukhawm chuan Synod Inkhawmpui a chhawpchhuah turin Pro Pastor 26 an la thar a, heng mite hi Mizo-ram chhunga thawk tur mi 20 leh Synod Mission Board hnuaia thawk tur mi 6 niin heng Pro. Pastor lak thar te hi tunkar Nilani, Dec. 10 khian Synod Rorelna Floor-ah inlan tura tih an ni a. Heng Pro. Pastor tura lak thar zingah hian C. Lalramchena Chhangte s/o  Upa C. Lalhmun-liana, Serchhip Field Veng pawh a tel nia thudawn a ni.

MJA Serchhip District chuan nimin Dec. 8, 2014 zing khan Executive Meeting neiin kumin a tualchhung chanchinbu tihchhuah Ni hnuhnung ber tura an lo ruahman tawh Dec. 20, 2014 chu remchan lohna a awm avangin Dec. 19, 2014 (Zirtawpni) thlengin tualchhung chan-chinbu tihchhuah nise an ti a. Hemi Ni hian intihhlimna neiin miharsate \anpuina hun hman nise an ti bawk.

Mizoram sorkar in Kumhlui thlah zana District hrang hranga sum a pekchhuah \hin chu Serchhip District chuan kumin hian Rs. 80,000/- a hmu leh a. He sum hman dan tur hi nimin khan District Bawrhsap hova sawiho niin a hma lama Concert lo huaihawt \hin chu a hlawhtling lo nia hriatna a awm bawk avang leh Concert huaihawt thei hi an awm mailo nia a lan avangin thutlukna siam lovin hun danga la ngaihtuah turin an dah nia thudawn a ni.

Mizoram puma ram hectare 20,377 a zau ah Oil Palm chin a ni tawh.

Mizoram District paruk a Tan In (Jail) 7-ah nitin chawhrualin mi tang 1,167.05 awm reng ang an ni a. Hetihlai hian Mizoram-a District 2- Serchhip leh Mamit District-ah chuan Jail hi hman theih ala nilo thung.

Mizo Zirlai Pawl (MZP) in Haflong Moulhoi-a ZOFEST 2014 a buatsaih chu nimin Dec. 4, 2014 khan Chief Minister, Pu Lal Thanhawla chuan a hmanpui.

Serchhip District Child Protection Unit leh DIET, Ser-chhip bultumin nimin Dec. 4, 2014 khan Serchhip District chhunga Primary School hrang hranga Nodal Teachers for Protection of Child Rights te pualin DIET Conference Hall, Serchhip Chanmari Veng-ah naupangte venhimna Dan chi hrang hrang zirhona neih a ni a, Serchhip District chhunga Primary School zirtirtu 77 an tel a ni.

Sericulture Minister Dr. BD.Chakma chuan NLUP 3rd leh 4th Phase beneficiary te tan pawisa dawn tur a awmsa vek tawh tih sawiin, ‘One Village, One Crop’ anga kalpui tum anih tawh avangin hma thar lak a nih thu leh peihfel \ep a nih tawh thu a sawi bawk.

Fisheries Minister Dr. BD. Chakma chuan nimin Dec. 4, 2014 khan Serchhip-a District Fisheries Development Officer’s (DFDO) Office tlawhin Serchhip-a DFDO leh Staff te lakah beiseina sang tak a neih thu a sawi.

Manager MIZOFED LPG Ser-chhip Branch hnen a\anga thu kan dawn danin MIZOFED LPG Serchhip-a Gas connection nei zawng zawng ten Direct Benefits Transfer Scheme (DBTS) hman a nih tawh dawn avangin MIZOFED Office ah MDBTL ‘Form 3’ leh ‘Form 4’ te Rs. 10/- in lei theih a ni a, a duh tan www.Indane.co.in-ah download theih a ni bawk ang. Hemi Form thehluhna atan hian Gas Card leh Bank Detail te hman tur a ni bawk ang.

Zoram Drivers’ Union (ZDU) chuan nimin Dec. 3, 2014 khan Ai-zawl-ah General Assembly neiin ZDU hruaitu hlun chawimawina an hlan a. He chawimawina hi ZDU Sub-Hqrs. Serchhip-a hruaitu nilai mi 6 te chuan an dawng \heuh a. ZDU Sub-Hqrs. Serchhip-a hruaitu 3 ten a zawna kum 10 chhung hruaitu nih chawimawina dawngin hruaitu dang 3 ten a zawna kum 5 hruaitu nih chawimawina an dawng bawk a ni.

Serchhip-a Horticulture Department chuan nimin khan Serchhip Cluster huamchhunga NLUP 2nd Phase \anpuina dawngtute hnenah 3rd Installment an sem.

India rama Member of Parliament (MP) ten Model Village an neih \heuhna tura ruahmanna chungchang zirhona chu nimin khan Serchhip DC’s Conference Hall-ah neih a ni.

‘Rualbanlote mamawh ber an dikna leh chanvo neih te dik taka an chan a ni.’ - D.C

Nimin Dec. 2, 2014 a\ang khan rorellai Mizoram Pradesh Congress Committee (MPCC) chuan Aizawl-a Vanapa Hall-ah General Assembly vawi 35-na an hmang a, Presidential Address petu MPCC President leh Chief Minister ni bawk Pu Lal Thanhawla chuan eptu party MNF-in Supreme Court a\angin sorkar tumin hma an la leh mek niin a sawi.

Nimin Dec. 2, 2014 a\ang khan Serchhip Chhim Veng-a Lalpui-thanga Hall-ah Serchhip-a a \um-khatna atan ‘Christian Book Festival’ chu neih a ni a, he Festival hi Rev. C. Lalengliana chuan Ribbon chep chata hawngin Pathian hnenah \awng\aina nen a hlan a ni. He Book Festival-ah hian Bible leh Pathian thu ziakna lehkhabu chi hrang hrang te leh CD bakah In cheina leh Krismas laia In cheina tur chi te chu a man pangngai aia za zela 10-a tlawmin zawrhchhuah a ni a, he hun hi tunkar Zirtawpni thleng khian neih tura ruahman a ni.

Nimin Dec. 2, 2014 khan Serchhip District chhunga Registrar of Birth & Death te tan Serchhip AOC Veng-a District Research Office-ah training buatsaih a ni a, he training hi Aizawl a\angin Pi Ann Puii, Deputy Director, Economic & Statistic Department chuan rawn hmanpuiin Form chi hrang hrang hman dan zirho a ni a, he hunah hian District chhunga Registrar of Birth & Death 44 zinga mi 42 an tel a ni.

UD&PA Department in SJSRY kaltlanga BPL member Furniture Workshop, Handicrafts leh Puan\hui (Tailoring) zirna Serchhip-a a buatsaih a zirchhuakte hnenah nimin khan Certificate leh hmanrua sem a ni.

Serchhip-a Excise & Narcotics Department chuan Krismas leh kumthar vuakvet lo thleng tur atan ngawh taka hma la mekin nimin Dec. 1, 2014 khan Chanmari Veng chhuahlam ah ramchhuakin Zu siamna hmun \hahnem tak an tichhiat bakah Rakzu thlawrsa leh a siamna bel \ha-hnem tak an man bawk.

Kumin Krismas leh kumthar vuakvet ah mipui ten an mamawh thil chi hrang hrang awlsam zawka an lam theihna turin Serchhip Ba-zar building chung zawl chu thil zawrhna hmun atan hman leh a ni dawn a. Hemi atan hian nimin khan Serchhip Bazar tual-ah Seat Number pawh niin Serchhip Bazar Building chung berah thil zawrh tum mi \hahnem takin Seat hi an pawt a ni.

Serchhip Kawnpui South Branch YMA chuan kumdanga an lo tih tawh \hin angin Krismas lo thleng tur atan nimin Dec. 2014 a\ang khan Serchhip Bazar cheimawi hna an thawk \an a, Taxi Stand hnung-a lungrem chu rawng an hnawih thar bawk a ni. Hetihlai hian kumin hian Krismas vuakvet-ah kumdang aiin mahni veng cheimawi tum an tam zawk nia thudawn niin veng hrang hrang chuan tunlai hian hma an la \an mek bawk a ni.

Serchhip-a thil rutu nia hriat mi pakhat chu nimin zing khan Serchhip Dinthar Veng-ah a thilruk te nen man a ni a, hetihlai hian nizan hmasa khan Serchhip Hmar Veng a In pakhat chu rawk a ni bawk.

Nimin Dec. 1, 2014 khan khawvel pumah ‘World AIDS Day’ hman a ni a, Serchhip-ah pawh he Ni pual hian inkhawm neiin Dr. ZD. Lalmuanawma, District Medical Superintendent chu khuallian a ni.

MZP buatsaih Zofate inkhawm-pui lian ‘Zofest’ chu a \um-6 na atan tun thla Dec. 3 a\anga ni 5 inkar chhung hian Assam-a Haflong khua-ah neih a ni dawn.

Mizoram Mathematics Society (MMS) chuan Inrinni kalta, Nov. 29, 2014 khan Serchhip District chhunga zirlai te tan Govt. Higher Secondary School Serchhip-ah Mathematics Subject Competitive Exam an buatsaih a. He Exam-ah hian Serchhip District chhunga zirna In hrang hrang a\angin zirlai 100 chuangin exam hi an bei a ni. Mathematics Competitive Exam hi Class V, Class VII, Class X leh Class XII ten an nei a ni.

Mizoram Public Service Commission chuan Directorate of Agriculture Crop Husbandry-a Agriculture Technology Management Agency (ATMA) hnuaia thawk tur, Deputy Project Director 5 lakna result chu kar kalta khan tichhuakin John Laltluangliana s/o Francis Lalmaka, Serchhip P&E Veng chu tling zingah a tel a.  ATMA hnuai veka Horticulture hnuaia thawk tur, Deputy Project Director 4 lakna ah Gregory Malsawmkima s/o Daniel Lalawmpuia, Serchhip P&E Veng chu a tling bawk.

Mizoram Synod Moderator, Rev. K. Lalhmuchhuaka chuan Inrinni kalta, Nov. 29, 2014 khan Presbyterian Serchhip Kawnpui Kohhran Biak In sak thar chu hawngin Pathian hnena hlanna neih a ni a. He Biak In sa thar tur hian Jan 12, 2009 khan lungphum phum niin Rs. 210,36,535 sengin a dung feet 90 leh avang ft 60 a zauva sak a ni a, a chhungah mi 1100 leng tura ngaih niin ni 2042 chhung sak a ni a, tun \um hi Biak In sak \um 4-na a ni.

Mizoram Health Care Society (MHCS) chuan kumin 2014-2015 chhungin damlo inenkawlna senso ah cheng vbc. 10 chuang a pechhuak tawh.

Bairabi leh Sairang inkar Rel kawng lian chi siamna tur lungphum chu Inrinni, Nov. 29, 2014 zan khan Prime Minister, Narendra Modi chuan phumin cheng vbc. 2000 chuang senga hna thawh a ni ang.