Lenkawl

Kumin a Serchhip District-a PMEGP–Margin Money Scheme hnuaia loan lak dil te tana Interview chu neih zawh a nih hnuah Loan pek turte hi tihfel a ni tawh a. KVIC hnuaiah State Bank of India (SBI) in mi 23, Mizoram Rural Bank (MRB) in mi 29 leh Apex Bank in mi 3 thlengin KVIB hnuaiah SBI in mi 10, MRB in 28 leh Apex Bank in mi 14 an thlang a, District Industry Centre (DIC) hnuaiah SBI in mi 16 leh Apex Bank in mi 10 an thlang a, Loan pek tura thlan hi an vaiin mi 133 niin heng mite tana Margin Money dah chu cheng nuai 158.3 a ni.

India ram mipui, Bank hmang \angkai pha lo tena pawisa  dah kher lova Bank Account an neih theihna tur Scheme- Pradhan Mantri Jan-Dhan Yojana (PMJDY) chu Aug. 28, 2014 tlai khan Serchhip-ah pawh hawn a ni. 

Tuichangral Zirlai Pawl (TZP) hmalakna in nimin khan East Lungdar leh Sailulak inkar kawng siam\hat hna chak zawka thawh dan tur sawihona neih a ni.

Mizoram Sorkarin kum tam tak a lo kalpui tawh leh Sorkar tin in a an buaipui, K.Deposit chu zirchian ngai nia hriat avangin sorkar chuan Joint Secretary (EA), Pu Lalmalsawma kaihhruaina hnuaiah a zirchiangtu tur Committee a din a. He Committee hian K-Deposit a sum dah a tam tial tial chhan leh a \obul, a \ulna chhan te, K-Deposit a\anga sum pekchhuah dan tur \ha zawk awm thei leh K-deposit head a dah pumpelh theih dan tur te an zirchiang dawn a, thla khat chhunga report thehlut tura tih an ni.

Higher & Technical Education Department chuan thuchhuah siamin STEE 2014 chungchanga Mizoram sorkar dinhmun leh hmalakna te tarlangin, Zirlai pawl in August thla chhunga heng seat te cancel tura an ngenna chu ngaihtuah nawna, fel taka chinfel tlan hun nghak turin a ngen bawk.

Serchhip-a Chief Judicial Magistrate cum Senior Civil Judge building chu ngawrh taka sak mek niin kumin October thla hian zawhfel hman tura ruahman a ni.

NLUP Implementing Board Chairman, Pu JH. Ro\huama chuan nimin Aug. 28, 2014 khan Serchhip District chhunga NLUP hmalakna hrang hrangte a hmunah tlawhin, Serchhip-ah NLUP Line Department Official te a kawm nghal bawk.

NLUP Implementing Board Chairman, Pu JH. Ro\huama chuan nimin Aug. 28, 2014 khan Serchhip-a thuthar thehdarhtute kawmin NLUP hmalakna ah a \halam chauh ni lova a chhelam pawh puangzar zel turin a chah.

Serchhip-a Chief Judicial Magistrate, Sr. Civil Judge ni bawk, Pi Lalrochami  Ralte chuan Force mi ten MLTP Act hnuaia Zu an man te chu Court thleng lovin an hralhchhuak theilo tih a sawi.

Thingtlang khaw hrang hranga Ni zung hmanga kawtthler tih enna tur- Solar Street Light engmawzat dahna tur bul \anna programme nimin Aug. 27, 2014 khan Aizawl a DLAO Conference Hall-ah neih a ni a, LAD Minister Pu P.C. Lalthanliana chuan Solar Light hmet eng in a hawng a ni.

NLUP Implementing Board Chairman, Pu JH. Ro\huama chuan Vawiin leh naktuk hian Serchhip District chhunga NLUP hmalakna \henkhat a rawn tlawh dawn a, ruahman lawk ang chuan Baktawng Tlangnuam, Serchhip leh Thenzawl te a tlawh anga, Vawiin tlai hian Serchhip DC leh NLUP Line Department hotute a kawm dawn bakah MJA Member te a kawm nghal bawk ang. Pu JH. Ro\huama hi Mizoram KVI Board Chairman atana ruat thar, Pu K. Lianzuala, NIB Secretary Pu James Lalrin-chhana leh NLUP Chief Media Officer, Pu David L. Thangliana ten an rawn \awiawm ang.

Serchhip District Legal Services Authority chuan nimin Aug. 27, 2014 khan MJA Serchhip District Member te tan Dan hrang hrang zirna an buatsaih a, District Bawrhsap, Pi Juhi Mukherjee, IAS chuan a hmanpui a ni.

Mizoram Journalists Association Serchhip District PRESS RELEASE ADVERTISEMENT ATANA SERCHHIP A SORKAR DEPTT. THENKHATTE INSENSO DAN SERCHHIP DIST. MJA TEN RTI HMANGIN AN DILCHHUAK     Mizoram Journalists’ Association(MJA) Serchhip District chuan tunhnai khan Serchhip a sorkar Department lian zual te Right to Information (RTI) hmangin Kum 2013 - 2014 sorkar kum kan hman liam tak chhunga Development hnathawhna atana an sum hmuhzat leh Serchhip District MJA Member te enkawl Chanchinbu/Cable TV a Advertisement atana an sum sen tawh zat kan zawt a, hetiang hi chhanna kan hmuh khaikhawmna a ni. Heng a chunga sorkar department hrang hrang te sum hmuhdan leh mipuiin an sum hmanna an hriat ve theihna tur Advertisement tihchhuah nana an insen dan han thlir vang vang hian Serchhip a sorkar Department hrang hrang te hian an hnathawh dan mipui hriat an hlau emaw tih mai tur a ni a, Department \henkhat te phei chuan an hnathawh dan hi mipui hriatpui an hlau hle niin a lang a, a b

Thubuai nei ten Court thleng kher lova an thubuaia in-siamremna an neih theih dan tur sawihona hun, Lok Adalat chu nimin Aug. 26, 2014 khan Serchhip DC’s Office Video Conferencing Hall-ah neih a ni a, he hunah hian thubuai 6 ngaihtuah niin heng zingah hian pawisa inbat sak, nupa inkar chungchang leh inpuh hmingchhiat chungchang thubuai te a tel a ni. Lok Adalat -ah hian eng thubuai pawh ngaihtuah theih a ni a, Ukil rawih leh pawisa sen a ngai lova, Lok Adalat a thutlukna reng reng hi khawi hmunah mah zualko theih a ni lo bawk.

 Serchhip District-a NLUP No-dal Officer, Pu Lawmkima, MCS chuan report an dawn bawhzuiin Soil & Water Conservation Department hnuaia NLUP 2nd Phase-a beneficiary hma la \halo mi 13 hnenah September ni 13, 2014 ral hma ngeia insawifiah turin a hriattir a. Hemi hmalam hian Agriculture Department chuan NLUP-a hma la \halo mi 10 te chu hna an thawh \hatloh avangin insawifiah turin an lo hriattir tawh bawk a ni.

Nimin Aug. 26, 2014 zing dar 4:00 vel khan Pu Lalvulmawia (39), Pu Pa\hiaua (L) fapa, Serchhip Din-thar Veng chu ama silai in a inkaphlum nia hriat a ni a, nimin vek khan vuiliam nghal a ni.

Serchhip District chhunga Police Officer te tan naupangte humhalhna Dan hrang hrang zirhona chu nimin Aug. 26, 2014 khan Serchhip-ah neih a ni.

Sorkar laipui in khawpuia miretheite chawikanna atana ruahmanna a siam, Rajiv Awas Yojana (RAY) chu Serchhip-ah pawh kalpui tum niin he ruahmanna zirhona hi nimin Aug. 26, 2014 khan Serchhip-ah neih a ni.

Serchhip-II Village Council-a Vice President nilai, Pu T. Lalrin-sanga (63), Pi Liannghaki pasal, Serchhip Dinthar Farm Mual chu nimin Aug. 25 khan lungphuchawl in a boral a, Vawiin hian vuiliam a ni ang. Thudawn danin Pu Lalrinsanga hi nimin zing khan VC Sitting-ah pawh kalin an Sitting zawh hnua tuk\huan an eikham ah nikhaw hrelo in a awm thut a, JN Hospital panpui ni mah se damdawi In thlenpui a nih hma hian a boral hman nia thudawn a ni.

Revenue Department chuan Dan thar ‘The Mizoram (Land Revenue) Act leh Rules, 2013’ hmangin In hmun leh lo ram tehin pass chi hrang hrangte a siam chho mek zel a. Hetihlai hian Revenue Department hnuaia hnathawkte pawh mipui hnen a\anga sum leh therhlo la lo tur leh chutiang ti an awm chuan an chungah dan anga hremna lekkawh tur a nih thu hriattir an ni tawh tih sorkar chuan thuchhuah siamin a tarlang a. Chuvangin, Revenue Department dawr tuten Revenue Department hnuaia thawkte sum pe lo tur leh sum phut an awm pawhin Director, Land Revenue & Settlement hnenah emaw, Nodal Officer, Public Grievances, Directorate of Land Revenue and Settlement hnenah emaw, District Revenue hotu Settlement Officer emaw Asst. Settlement Officer hnenah emaw ziaka hriattir tura ngen an ni tih a tarlang bawk.

Tlangram leh hmun kilkhawr zawka thilsiamna hmun te \anpuina tura Central Sorkar in kum 1971-a a duan, Central Transport Subsidy (CTS) chu Mizoram-ah hman dikloh a hluar hle.

Mizoram sorkarin Lokayuka Draft Bill a siam chu PRISM chuan hmantlak loh leh awmze nei lo ah an ngai tih sawiin, Lokayukta awmze nei leh hmantlak zawk an duh thu an sawi.

MZP chuan sorkar laipui in Mizoram Governor a ruat dan chu Central sorkar in Mizo mipuite a hmuhsitna leh a thamlohna ah an ngai tih sawiin, Prime Minister hnenah ziaka thlen an tum thu an sawi.

Serchhip District Superintendent of Police, Pu Romil Baaniya, IPS chuan MV Act Sec 116 & Sec 17 (Act 59 of 1988) in thuneihna a pek angin Maxi Cab leh Bus stand a siam thar a.

Mizoram Police chuan Facebook a mi bum ching laka fimkhur turin mipuite an chah.

DIG (Southern Range) kalchhuak tur Pu LH. Shanliana, IPS chuan nimin Aug. 21, 2014 khan Lunglei-a tlawmngai pawl hrang hrangte kawmin Police te hmalakna leh mipuite tana hriat tur pawimawh hrang hrang a sawipui.

Chhingchhip Mualpui-a National Highway-54 kawng chhuat tlahniam \hin kal zelah nimin Aug. 21, 2014 khan chenna In 1 chu \hiah leh a ni a. Hetihlai hian he lei tlahniam \hin helna tura kawng siam tur atana hmalakna ah tun thlengin ram lak fel ala nilo thung.

Mizoram Journalists Association (MJA) chuan sorkar pawm chanchinbu nilo hnena Display Advertisement pe tawhlo turin Mizoram sorkar ngenin hemi chungchang hi an thlirzui tur an sawi bawk.

Serchhip District NGO Co-Ordination Committee (SEDNOC) chu nimin Aug. 20, 2014 khan an Chairman, Pu R. Laldaihzauva In, Serchhip Bazar-ah \hukhawmin tunhnaiah Sub-Hqrs. YMA Serchhip huaihawta NGO Co-Ordination Committee dang a lo din takah chuan an pawl chu tihtawp mai nise an ti a, an sum la neih Rs. 2750/- chu MZP ten Borapansury-a Zofate Chawlhbuk an sakna tur atan MZP Gen. Hqrs. a chhunluh relin nimin vek khan MZP Hqrs. Serchhip kal-tlangin an hlan nghal a ni.

State Technical Entrance Examination 2014 Category-I a Chakma zirlai 38 leh hnamdang 3 dahluh an nih chungchangah Higher & Technical Education chuan ‘The Mizoram Selection of Candidates for Higher Technical Courses Rules, 1999’ in Indigenous leh Permanent a tih chu hrilhfiah chiang turin Law Department-ah an thawn.

Serchhip Kawnpui, tuna Serchhip khua tih takin nakum (2015) a kum 60 a tlinna tur chungchang sawihona chu nimin Aug. 20, 2014 khan Serchhip-ah neih a ni.

Central YMA chuan M/s Mizo Carbon Products Pvt. Ltd. chhuichiangtu tur High Level Committee din \ha an tih thu Mizoram sorkar-a Industry Minister, Parliament Secretary, Secretary leh Director-ah lehkha siamin an thlen.

Mizoram sorkar in Mizoram-a School kai hun sawn hma a tum chu duhlo an awm mek laiin sorkar chuan School timing tih danglam chu \ha tiin zirchiang lehzualtu tur Committee din a ni.

Ni za inhlawhna MGNREGS sum hmuh tlem vangin State chhungah ni 3 chauh inhlawhna pek chhuah a ni.

 MPCC Media Department chuan thuchhuah siamin Aug. 13, 2014 thleng khan Mizoram puma Public Distribution Centre 121 ah Buhfai Quintal 82,597 a awm nia tarlangin, khawi Centre-ah mah Stock awmlohna a awmlo niin an tarlang a. He thuchhuah a an tarlan dan chuan Aug. 13, 2014 khan Serchhip District-a PDS Centre 12 ah buhfai quintal 8447 a awm a ni.

Serchhip Block Youth Congress Committee chuan nimin Aug. 19, 2014 khan JN Hospital Ser-chhip Blood Bank-a dah turin a thlawnin thisen an pe a. Thisen petu te hi Mipa 20 leh hmeichhia 4, an vaiin mi 24 niin Blood Bank-ah kalin an thisen te hi an pe a ni. Serchhip Block Youth Congress Committee te hian nikum  April thla khan thisen Unit 19 an lo pe tawh bawk a ni.

 Serchhip District Rural Development Agency (DRDA) Project Director hna chelh tura ruat, Pi Teressy Van-lalhruaii, MCS chuan nimin Aug. 19, 2014 khan he hna lo chelh lailawktu, District Bawrhsap, Pi Juhi Mukherjee, IAS hnen a\angin a mawhphurhna a la ta a. Pi Teressy Vanlalhruaii hi Serchhip mi niin MCS 1998 Batch a ni a, Serchhip in District kan nih tirh khan Serchhip-ah Asst. Deputy Commission (ADC), tuna SDC kan tih tak ang hna hi alo chelh tawh a ni.

Bible Society of India (BSI) Ai-zawl Auxilliary chu nimin Aug. 19, 2014 khan \hukhawmin Mizo Bible Revised Version siam chungchang leh pawimawh dangte te sawiho a ni.

Mizo Students Union (MSU) in Mizoram-a School timing sawn hma an duhloh thu an sawi hnuah Lai Students’ Association (LSA) leh Mara Students’ Orga-nisation (MSO) te pawhin School timing hi sawn hma an duhloh thu an sawi.

Mizoram-a tlawmngai pawl hrang hrangte chuan AMC Licensing Regulation, 2012 chungchangah an dinna ala ngai reng tih sawiin, an ngenna te tih hlawhtlin a nih loh chuan Sept. 1, 2014 a\angin AMC Office kai turte an dan tur thu an sawi bawk.

Mizoram sorkar in April 27, 2012 a\anga High Security Registration Plate (HSRP) vuah a kalpui a\angin lirthei 56,387-ah HSRP an vuah tawh.

Kar kalta Zirtawpni, Aug. 15, 2014 khan Serchhip a eirawngbawlna Gas dah tur phurtu Truck khalhtu chuan Aizawl-ah a Gas phurhlai bur 2 chu hralhin hei hi Supply Minister hovin man a ni nia thudawn a ni a. Hetianga Gas hralhru lai man a nih avang hian a Gas phurh hi Ai-zawl Zuangtui-ah hlanthlak a ni a. Gas hralhtu Driver hi thuneitute chuan hrem ngei an tum nia thudawn niin, amaherawh chu tunah  hian Motor leh a khalhtu bakah a Gas phurh te hi hren mek la niin karkhat chhunga Gas te hi Challan tihfel a nih si loh chuan Gas supply lo kal lehzel turah harsatna a thleng mai thei nia thudawn a ni.

YMA Sub-Hqrs. Serchhip-a Sub-Hqrs. Coordination Committee (SCC) chu nimin Aug. 18, 2014 khan \hukhawmin kumin a YMA General Conference neih tur atan thil pawimawh te an sawiho.

 Mizo Zirlai Pawl (MZP) chuan kumina Technical Course zir tur thlanna-a dan kalha Caterory-I pek nia an sawi, ram leilung fa nilo mi 41 te August, 2014 chhunga siam\ha leh turin Sorkar an ngen nawn.

NLUP Implementing Board (NIB) Chairman, Pu JH. Ro\huama chuan NLUP sum hmuh belh dan tur United Nations in a dapsak dawn niin a sawi.

Mizoram State Tobacco Control Society (MSTCS) chuan thuchhuah siamin 'Cigarette and Other Tobacco Product Acts 2003( vaihlo khuahkhirhna dan) section 7' in a tarlan angin Vaihlo hralh chhuahna reng rengah 40% khuhin vaihlo in hriselna a khawih chhiat theih dan (Vaukhanna thu) a lem leh a thu tarlan tur a ni, a ti.

YMA \hukhawm dawn

Mizoram-a Zu khap burna dan MLTP Act, 1995 thlakna atana tunhnaia Assembly in dan thar an siam Mizoram Liquor Prohibition and Control Act, 2014 a taka hman theihna tura dan tesep (rules) duan mek chu tun August thla chhunga zawh fel hman beisei a ni.

Mizoram-ah Vawk 8542 te chu Porcine Respiratory and Reproductive Syndrome (PRRS) an vei leh veiloh enfiah tawh ah Vawk 872 in he natna hi an kai tih hmuhchhuah a ni tawh a, Serchhip District-ah pawh Vawk 154 te chuan he natna hi an kai tih hmuhchhuah a ni tawh bawk.

Serchhip District chhunga NLUP 2nd Phase AH&Vety Department hnuaia Poultry Beneficiaries te hnenah nimin July 17, 2014 khan \anpuina thawh hnihna sem a ni a, tun \umah hian beneficiaries mi 35 te hnenah Ar note 150 leh Archaw man tur Rs.8000/- pek an ni. NLUP 2nd Phase ah hian Serchhip Cluster-ah 19, Tuikum Cluster-ah 21 leh Hrangturzo Cluster-ah 25, an vaiin mi 65 an ni a, heng mite hnenah hian 1st Installment atan Ar In sakna tur atan Rs. 20,000/- \heuh pek tawh niin, 2nd Installment-ah hmanraw leina tu Rs. 4500/-; Tuizem siamna tur Rs.3000/- leh Dam-dawi lei na tur Rs1100/- \heuh pek an ni tawh a ni.

Serchhip District Anti Tobacco Squad te chuan nimin July 17, 2014 khan Serchhip Bazar leh a chheh-vela mipui punkhawmna hmun leh mipui vantlang phur chu lirthei a meizuk khapna hmuna meizu te dap-chhuah hna thawkin COTPA 2003 in meizuk a khapna hmuna meizu mi 2 an man a, heng mite hi Dan angin pawisa chawitir nghal an ni.

 Serchhip District NGO Coordination Committee (SDCC) leh YMA Sub-Hqrs. Serchhip ten sorkar thuneitute hnenah an ngen angin JN Hospital Serchhip OPD ah Ha Doctor chu mipuite rawn theih turin an \hu ve leh ta a. Ser-chhip-ah hian sorkar-a a ngheta thawk Ha Doctor hi an awmloh avang leh NRHM hnuaia thawk Ha Doctor awm mek te chu OPD-ah \hu lova zirna In leh Anganwadi Centre te tlawh kual tura tih an nih avangin hun engemaw chen OPD-ah hian Ha Doctor rawn tur an awm tawhlo a ni.

Mizorama hna zawngtu ten awlsam taka hna an zawn theihna tur Mizoram Youth Commission hnuaiah Job Portal duan mek a ni.

Aizawl Municipal Council-a Opposition Councillor te chu intelkhawmin, rorellai Congress Chairman paihthlak an tum a, nimin khan MNF, ZNP leh MPC Councillor 10 te chuan Aizawl District Magistrate leh Urban Development & Poverty Alleviation Director hnenah resolution thehlutin, ‘AMC Chairman chuan Councillor thlawptu a ngah tawk tawh lo a ni’ an ti a, a nihna atanga paih tura ngenna an siam a ni.

Kumin sorkar kum kal mek 2014-2015 chhungin Mizoram State Health Care Scheme (MSHCS) hnuaiah mi 111,678 inziaklutin Rash-triya Swasthya Bima Yojana (RSBY) hnuaiah mi 152,983 an inziaklut bawk.

AH&Vety Minister, Pu C. Ngunlianchunga hova sorkar mi pawimawh te nimina a Office Chamber-a \hu-khawm chuan PRRS leh natna dang avanga Mizoram-a Vawk leh Vawk note tlahniam ta tihpun leh dan tur an sawiho.

Serchhip-a Excise & Narcotics Department chuan nizan hmasa (July 15, 2014) zan dar 10:00 vel khan Serchhip Sailiamkawn-ah Ganja Kg. 44 zet an man.

AH&Vety Department chuan Tanhril hmuna Animal Feed Plant an neih a\angin Ar, Vawk leh Bawng chaw Kgs. 108,17,500 an herchhuak tawh a, heng te hi ranvulhtute hnenah man tlawm zawka hralhchhuah \hin a ni.

Mizoram Merchant Association (MIMA) in AMC Licensing Regulations, 2012 an duhlohna an lantirna atan Vawiin July 17, 2014 hian AMC huamchhunga Dawr te khar a ni dawn.

Ramchhunga thingtlang khua zawng zawng Eng pekna tura ruahmanna, RGGVY hnuaiah Mizoram sorkar chuan ruahmanna kimchang (Detailed ProjectReport) a thehluh tlai avangin hnathawh a muan phah.

Sericulture Department chuan nimin July 15, 2014 khan Serchhip District Sericulture Office, Sericulture Complex, Kikawn-ah Institute of Village Programme (IVLP) kaltlanga Central Silk Board leh Sericulture Department, Govt. of Mizoram te hmalakna in pangang (Silkworm) keu sa leh khawi len sa (chowki-worm) an semchhuak a, heng te hi NLUP hnuaia pangngai khawi thlangtu mi 150 te hnenah 7500 Dfls (Disease Free Laying Eggs) zela sem niin a dawngtute hi Chhiahtlang, Serchhip, Thenzawl, Baktawng, Chhingchhip, Keitum leh Khawlailung khua te an ni.

Mizoram Police te chuan tun thla ni 12 zan khan Silchar-ah Tuikuk hel, Bru Democratic Front of Mizoram (BDFM) mi nia hriat mi 4 an man.

Niminpiah July 14, 2014 tlai khan ruahsur nasa avangin Aizawl Falkland Hebrai Veng-ah vai mistiri pakhat, Amar Hussein chenna In Assam Type chu a chim a, he In a cheng mi 6 chu In chim hian hnawlin mi 5 chu dam taka lak chhuah an niin nu ber chu he thu buatsaih lai theng hian hmuh ala ni lo.

Mizoram Building and Other Construction Workers Welfare Board hmalakna in nimin July 15, 2014 khan Hlimen leh Melthum-a quarry hnathawktute hnenah Safety Helmet 226 sem a ni a, Central YMA hnenah Disaster Volunteer te hman tur Helmet 30 pek a ni bawk.

Aizawl Municipal Council in Licensing Regulation a siam chu sumdawng pawl leh tlawmngai pawl te chuan an duhloh thu an la sawi zui zel a. AMC thuneitute chuan AMC Licensing Regulation chu sumdawn phalna ni lovin Sanitation Rules tihzauhna ang chauh a nih thu an sawi thung.

## FIFA World Cup 2014 chu ni-min, July 14, 2014 zing khan zawhfel a ni ta a,

MZP Hqrs. Serchhip chuan tunhnai khan Executive Meeting neiin Serchhip khawchhunga zirna In ten harsatna an neih te sutkian a nih theih nan sorkar ah theihtawp chhuaha hmalak nise an ti a. Tun dinhmun ah NIOS (Open School) te enfiahin MZP te nen a inremna an siam te inhrilhhriat leh nise an ti a. Govt. Higher Secondary School Serchhip a zirtirtu transfer, an aiawh dah loh chungchang leh Govt. Serchhip College building hrang hrang sak chungchang te pawh zirchian nise an ti bawk.

Mizoram a Mobile Phone Service Provider hrang hrang zingah Airtel hmangtu an tam ber a, Airtel hmangtu hi mi 376,666 awmin, Mizoram pumah Mobile Connection nei mi 930,024 kan awm mek bawk.

Statistical Abstract of Mizoram-2013 a tarlan a nih danin, natna malkhai ah Cancer chu Mizorama thihpui tam ber natna a ni a, hetihlai hian kum khat chhunga mitthi chhinchhiah zingah kum 70 leh a chunglam an tam ber.

National Health Survey vawi 3-na in a tarlan danin Mizoram a Mipa 73.6% leh Hmeichhia 16.1% ten meizial an zu a, Mipa 83.1% leh Hmeichhia 60.8% ten vaihlo a\anga siam a hmuam leh a ei chi ti an awm.

MZP Hqrs. Serchhip chuan MZP in Borapansury a Zofate Chawlhbuk an sakna turin Serchhip-ah pawh Bawm an dawh a, hetah hian Rs. 2361/- zet tlingkhawmin hemi atana sum thawhtu Serchhip mipui chungah MZP chuan lawmthu an sawi bawk.

Presbyterian English School Serchhip chu kum 2014 HSLC Examination ah Mizoram puma Presbyterian School HSLC Exam hmachhawn zingah ti\ha ber an nih avangin Synod Education Committee (SEC) chuan lawmman ah Desktop Computer Full set chu nimin khan an hlan a. An zirlai te zing ami Lianthangpuii s/o Vanlalzika, Chanmari Veng chu Mizoram a PES a mimal ti\ha ber dawttu anih avangin Laptop Computer a pe bawk. PES Serchhip te hian HSLC Exam hi kum 3 an hmachhawn tawh a, 100% an la passed vek a ni.

Mizoram-a zu khap burna Dan hman mek, The Mizoram Liquor Total Prohibition Act, 1995 thlaka The Mizoram Liquor Prohibition and Control Act 2014 hmang tura Bill pass a nih hnuah he Bill hian sawizui a hlawh nasa hle.

Serchhip-a LAD chuan BPL Self-Help Group (SHG) 37 te tan nimin July 11, 2014 khan \anpuina pe chhuakin SHG kalphung zirhona neih nghal a ni.

Serchhip District-a National School Safety Programme (NSSP) kalpui mekah nimin khan Serchhip District-a zirtirtu thlanbik te tan School a naupangte him taka an awm theih dan tur zirhona “Sensitization Workshop on Non-Structural Mitigation in Schools under NSSP” neih a ni.

Nimin a Assembly Session-a zawhna leh chhanna huna tarlan thenkhat :

Serchhip-II Village Council in MGNREGS sum cheng nuai 9 senga Serchhip Darnam kawrh (Rora chhutna kawrh) a\anga Darnam tlang panna kawng an siam chu Serchhip DRDA Project Director, Pu FJ. Liantluanga chuan nimin July 10, 2014 zing khan a hawng.

Mizoram-a Zu khap burna dan ‘MLTP Act 1995’ thlakna tura Zu khapna leh khuah-khirhna dan thar, ‘The Mizoram Liquor (Prohibition and Control) Bill 2014’ chu nimin a Mizoram Legislative Assembly Session-ah sawiho a nih hnuin pawm a ni.

Food Civil Supoplies & Consumers Affairs Minister Pu John Rotluangliana chuan Central Sorkar in ruahmanna kimchang a siam hma chuan Mizoram-ah Food Security Act hman theih a ni rihlo, a ti.

Thla 4 chhunga sorkar sum hman tur House in a pawm.

Mizoram Governor thar atan Dr. Kamla Beniwal chu nimin July 9, 2014 tlai khan rinawmna thu tiam tira lakluh niin Mizoram Governor Pu Vakkom B.Purushothaman chuan nimin khan Aizawl a chhuahsan bawk.

District Institute of Education & Training, Ser-chhip buatsaih kum 2014-2015 Session atana In-service Diploma in Teacher’s Education (D.T.Ed) Training tur Primary leh Middle School zirtirtute tan Induction Prog-ramme chu nimin July 8, 2014 khan DIET Conference Hall, Serchhip-ah neih a ni a, he hun hi SCERT Joint Director, Pi Laldawngliani Chawngthu chuan khuallian niin a hmanpui a ni.

Nithum chhung awh tur Mizoram Legislative Assembly Budget Session chu nimin July 8, 2014 khan neih \an a ni a, nimin khan thla 4 (August-November) thla chhunga Mizoram sorkar sum hman tur chu Vote-on-Account a phar niin Vawiin ah sawiho a ni ang.

Rawn pan ve rawh le

Tourist Lodge zofel tep

Mizoram chuan a \umkhatna atan Governor atan Hmeichhia a nei dawn niin a lang a, Gujarat Governor Dr. Kamla Beniwal (87) chu Mizoram Governor atan ruat niin he hna chelh mektu, Pu Vakkom B. Purusho-thaman chu Nagaland State Governor atan sawn a ni a, Tripura State Governor hna a chelh kawp rih ang.

Mizoram Presbyterian Kohhran puipate chuan Zu khap burna dan hlipa a khuahkhirhna dan thar hman Sorkar in a tum chu thlawp lo turin MLA zawng zawngte an ngen tih an sawi.

Nizan hmasa dar 11:00 vel khan Mizoram Police, SIB leh 14th Assam Rifle \angkawp chuan Keifang dai-ah Champhai a\anga Aizawl pan Motor pakhat a\angin ralthuam \hahnem tak an man.

Serchhip Town Rate & Wages Control Committee in Serchhip-a Sa rate a siam tawh chu hman zui zel tura tih a ni a, hemi ang hian Kg khat zelah Bawng thin Rs. 300/-, Bawng ti Rs. 280/-; Bawng sa, a ruh nena sahpawlh Rs. 250/-; Vawk sa Rs. 250/-; Ar puahsa Rs. 200/-; Ar puah loh Rs. 170/- leh phai Sangha Rs. 200/- a ni ang.

Nakum-a Mizoram Village Council inthlanpui neih hmain Serchhip-a VC \henkhat chu \hen tum niin hemi atan hian hma lak mek a ni.

Mamit District chhunga Zawlnuam High School pahnihin Science zirtirtu an neih loh avanga niminpiah July 1. 2014 a\anga lungawi lohna an lantir chu nimin khan chhunzawmin karleh Thawh\anni hian Mizoram leh Tripura inkal pawhna kawngpui dan pin an tum.

Tun thla ni  1 a\anga rampuma tuialhthei man tihsan a nih hnuah Mi-zoram khawpui hrang hranga Petrol leh Diesel man tur pawh bithliah fel a ni ta a. Serchhip-ah chuan Petrol hi litre khat zelah Rs. 72.39 a ni tawh anga, XP chu litre khat zelah Rs. 81.39 niin Diesel chu litre khat zelah Rs. 57.14 a ni tawh bawk ang. Mizoram-a Petrol tlawmna ber Vairengte-ah chuan litre khat Rs. 72.13 niin a to na ber Champhai-ah chuan Rs. 72.59 a ni anga. Diesel pawh Vairengte-ah Rs. 57/- niin a to na ber Champhai-ah Rs. 57.24 a ni bawk ang.

Aizawl-a Vanapa Hall kawt-a Vanapa lim hun chu nimin July 2, 2014 khan Art & Culture Minister Pu R.Romawia chuan a khuhna hawngin mipuite hmuh theih turin a pholang.

Mizoram-a tlawmngai pawl lian ber YMA chuan zu leh ruihhlo chu theihtawpa do zel \ha an tih thu an sawi.

Serchhip Town Rate and Wages Control Committee chuan Serchhip-a Thing Mistiri in rate an siam thar leh Bawngvulhtu ten Bawnghnute man an siam thar chu chu pawm lovin thingzai phel tirna man tihsan rawtna an hnawl.

ILP enfiah runpui neih a ni

Niminpiah June 30, 2014 kha India leh MNF ten inremna an ziahna Ni, Remna Ni a ni a, Serchhip-ah pawh MNF leh PAMRA te chuan a hrang ve ve in he Ni pual hian hun an hmang a ni.

Mizo Zirlai Pawl (MZP) chuan Borapansury khua a Zofate Chawlhbuk sak hna tluang taka \an a ni ta chu lawmawm an tih thu sawiin, he Chawlhbuk sak turah hian Zofa zawng zawng ten kut an thlak theihna turin Bawm dawh nise an ti bawk.

Mizoram Synod chuan Mizoram-a Zu khap burna Dan siam\hat tum chu duh lovin zu khapna Dan thlahdul a nih lohna turin hmalak an tum a, nimin khan Mizoram-a tlawmngai pawl hrang hrangte kawmin he an hmalakna turah hian thawhho pui atan an sawm bawk.

@@ Inrinni June 28, 2014 khan Ser-chhip District chhung Khawlailung-a nufa