Posts

Latest News

Chanchinthar thenkhat :

Kawngpui siam zo

June 25-ah ‘Zofate Chawlhbuk’ sak bul\an tum a ni.

Mizo Zirlai Pawl (MZP) chuan Borapansury-a ‘Zofate Chawlhbuk’ sak an tum chu tun thla ni 25-ah \an an tum tih an sawi.

Khawzawl-a inthahna thlengah a fapa in a pa a that nia hriat a ni.

Nizan hmasa June 11, 2014 zan dar 12:00 vel khan Khawzawl Vengthar-a cheng, Lianhenga (83) chu a fapa |huankipmanga (Mang-manga) kum 35 mi chuan a that nia sawi a ni a, a taksaah hliam hnuhma, a nghawng, a awm leh a ban-ah te a tam hle a ni.

World Day Against Child Labour hmang

Nimin June 12, 2014 khan Serchhip-ah World Day Against Child Labour pualin hun hman a ni.

Mizoram-a Gas tihchingpen leh black-a hralh awm \hin khauh taka vil turin ruahmanna siam a ni.

Food, Civil Supplies & Consumer Affairs Department, Central YMA leh Consumer Union te chuan Gas tihchingpen awm \hin leh black-a hralh \hin te khauh taka vil nise an ti.

Tualchhung thuthar thenkhat :

Serchhip-ah thing phun

Mizoram-ah Green Mizoram Day hman a ni. Kangmei veng \ha ber - Mamit District.

Mizoram ti hring tura thingphunna Ni, Green Mizoram Day chu nimin June 11, 2014 khan Mizoram pumah urhsun taka hman a ni a, kumin a kangmei venna kawnga ti\ha ber District-ah Mamit District chu thlan a ni.

Naisingpara-a NGO ten Bru lakletna tur dodal tum

Tripura Bru Camp Naisingpara-a Bru NGO te chuan Bru lalet tura sorkar ruahmanna chu a tawp thlenga dodal an tum tih an sawi.

Home-a thawktu ten intuaitharna nei

Serchhip District chhunga Nau hnuchham enkawlna Home-a thawktute tan nimin khan intuaitharna hun hman a ni.

Assam Rifles CO te nupa in tlawh

Serchhip-a awm 14th Assam Rifles Commandant Kushal Singh Rajawat leh a nupui chuan nimin khan Serchhip Hmar Veng-a Orphanage Home tlawhin an building-a phah tur Carpet leh eitur chi hrang hrang an pe a, he Home-ah hian naupang 8 awm mekin thawktu tunhnaiah sorkar in a rawih thar sak angin mi 7 an awm mek bawk. Hemi hnu hian Assam Rifles Commandant leh a nupui hian Shalom Special School pawh tlawhin eitur chi hrang hrang an pe a, he School-ah hian zirlai 38 an awm mek a ni.

IWMP Serchhip hnuaia thawk ten training nei

Nimin June 10, 2014 khan IWMP Serchhip-a thawktu te tan Serchhip Hmar Veng YMA Hall-ah Training Needs Assesment (TNA) chungchang zirhona neih a ni a, he hun hi DRDA Serchhip District Project Director, Pu FJ. Liantluanga chuan hmanpuiin Serchhip District chhunga IWMP hmalakna hrang hrang kalpui tawh ah a hlawhtlinna hmel hmuh a ni zel chu lawmawm a tih thu leh, IWMP Scheme hnuaia a hlawhtlinna kan hmuh zel theih nan training chu hlawkpui taka hmang turin a chah bawk.

Kumtin a Lovah vangin Mizoram-ah rambua a tam phah.

National Remote Sensing Agency-in ‘Wastelands Atlas of India 2005’ a tarlan danin kumtina lovah vangin Mizoram zau zawng 21,081 SqKms-ah 4,469.88 SqKms zet chu rambua a ni a, hei hi a ram zau zawng a\angin 21.20% lai a tling a ni.

Mizoram-ah Gas phur Truck 94 leh Bullet 125 te rawn lut.

Kumin May 2014 chhung khan khan Mizoram-ah eirawngbawlna Gas phur Truck 94 lutin, heng Truck te Cylinder phurh zawng zawng hi 27,816 niin, hei bakah hian Bullet 125 Mualkhang mi tur phurh luh a ni bawk.

Class-XII pass Admission hmulo tam MZP in hriatthiam har ti.

Mizo Zirlai Pawl (MZP) Gen. Hqrs. chuan Class XII pass zirlai zanga (500) chuangin College Admission an hmu lo chu hriatthiam har an tih thu an sawi.

DCPU-a thawk ten intuaitharna nei

Naupangte chunga hleilenna thleng \hin dolettu leh an chanvo humhalh sak a, naupang thil tisual (child offender) leh rahbi tleu tawhte chhanchhuaktu pawl Serchhip District Child Protection Unit (DCPU) a thawktute chuan nimin June 10, 2014 khan Serchhip-a I&PR Conference Hall-ah intuaitharna hun ‘Capacity Building Programme on Soft Skills’ an hmang.

P&E Department Corporation-a leh hmaloh chuan Electric chhitman tisanglo turin sorkar phut.

Mizoram-a tlawmngai pawl hrang hrangte nimin a Aizawl a \hukhawm chuan Mizoram-a Power & Electricity Department chu Corporation-a leh a nih hma chuan Electric chhitman tisang lo turin sorkar an phut.

Serchhip District chhunga Hualtu khua ah inkaphlum

Image
Serchhip District chhung a Hualtu khuaah Inrinni zan zanlai vel khan in-kaphlum an awm a, mi kaphlumtu hi Police ten an man tawh a ni.

Kolasib-a Salvation Army pawl 2 ten inremna siam.

Image
Salvation Army Kolasib Vengthar Corps Biak In-a bungraw \henkhat niminpiah Pathianni-a lakchhuah a nih chungchangah nimin June 9, 2014 khan Sub-Divisional Police Officer (SDPO), Pu Lalchhuanawma office-ah pawl pahnihte inkarah inremna thuthlung siam a ni.

Mahni in hal hliam tuarchhuak zo lovin boral

Image
Zirtawpni kalta, June 6, 2014 zana mahni inhal, Vanlalnghaka (33) h/o Lalremruati, Serchhip Darnam Veng chu nimin zing dar 7:35 vel khan boralin nimin vek khan vuiliam nghal a ni.

RS MP chuh turin mi 2 in hming pelut

Image
Mizoram Rajya Sabha MP inthlanna neih tura chuh tumte tana hming pekluh hun chu nimin khan khar a ni ta a, he inthlanna chuh tur hian mi 2 in an hming an pelut a ni.

Mizoram Medical College atan inbuatsaih mek niin Aug. 2015-ah Class \an hman theih beisei a ni.

Image
Mizoram-a Medical College din turin inpuahchahna ngawrh taka kalpui mek zel a ni a, Mizoram Medical College-ah hian August, 2015 ah Class \an hman theih beisei a ni.

Vengchung Pastor Bial KTP in thisen pe

Image
Serchhip Vengchung Pastor Bial K|P chuan Bial khawmpui a an thurel tih hlawhtlinna atan Inrinni kalta, June 7, 2014 khan Synod Hospital, Durtlang-a dah turin thisen Unit 88 an pe a, thisen petute hi mipa 80 leh hmeichhia 8 an ni. Mi tlawm-ngaite thisen pek la tur hian Synod Hospital a\ang hian Doctor leh thawk-tu dangte rawn kalin Serchhip Bazar Biak In-ah thisen hi an pe a ni. Ser-chhip Vengchung Pastor Bial ah hian K|P Branch 5 awmin member mipa 620 leh hmeichhia 410, an vaiin 1030 an awm mek a ni.

Serchhip-ah ILP enfiah runpui nei

Image
Central YMA in Mizoram-a dan lova hnamdang awmte dapchhuah hna thawk tura ruahmanna a siam angin Zirtawpni kalta, June 6, 2014 zan khan Serchhip-ah pawh YMA Sub-Hqrs. hnuaia Branch hrang hrang leh Police ten ILP nei lova hnam-dang awmte dapchhuah hna an thawk a, he hunah hian ILP neilo leh ILP in a huam baka hnamdang mi Mi-zoram-a awm mi 37 zet hmuhchhuah niin heng mite hi thuneitute kutah hlan nghal an ni a, heng zinga mi 10 chu a chhawrtu ten Permit (ILP) an kawlsak te leh Permit tihfel mek leh tihfel tura kal mek te a nih avangin chhuah nghal niin midang 27 te erawh chu thubuai siam sak an ni.

NGO te thawhhona tur Pawl din thar a ni

Image
YMA Sub-Hqrs. Serchhip huaihawtin Inrinni kalta, June 7, 2014 khan YMA, MHIP, MUP, MZP leh MSU aiawhte chu YMA Sub-Hqrs. Office, Serchhip-ah inhmukhawmin Serchhip District hmasawnna atana hna thawk tur leh a \ul anga sorkar finchhuaha thawhpui turin Serchhip District NGO Coordination Committee (SDCC) an din a, hruaitu pawh insiam nghalin Chairman-ah Pu RL. Chhuanawma (YMA), Vice Chairman-ah Pu CL. Ram-ngaia (MUP), Secretary-ah Pu R. Sanghmingthanga (YMA), Asst. Secretary-ah Tv. T. Biakchamliana (MZP), Treasurer-ah Pi Saimawii Sailo (MHIP) leh Fin. Secretary-ah Tv. H. Lalhruaikima (MSU) te ruat an ni.

Serchhip-ah Cane Beer \hahnem tak man

Image
Serchhip-a Excise & Narcotics Department Staff te chuan Inrinni kalta (7th June, 2014) khan Serchhip Sailiam Kawn-ah Beer (Diablo) bur 624 zet an man.

Central YMA huaihawta ILP enfiah runpui ah ILP fello mi 500 chuang hmuhchhuah an ni.

Zirtawpni kalta June 6, 2014 zan khan Central YMA huaihawtin  Mizoram pumah hnamdangmi dan lova awm dapchhuah beihpui thlak niin ILP neilo leh nei felfailo mi 500 chuang zet man an ni.

Chanchinthar thenkhat :

Serchhip-ah ITI dah tum

Green Mizoram Day-ah thing\iak 26,69,187 phun a ni tawh.

Kum 1999 a\anga Mizoram-a Green Mizoram Day hman a nih a\angin nikum 2013 thleng khan thing \iak 26,69,187 he Ni puala phun tur hian Mizoram chhung hmun hrang hrangah sem darh a ni tawh.

MDC bye-election a vote tla chhiar a ni

Mizoram Chhimlam District Council pathum (3) a MDC bye-election neih a vote tla te chu nimin June 6, 2014 khan chhiar a ni a, vote thlaktu awmlohna, Borapansury-II erawh State Election in a kalpui dan tur hriat ala nilo thung.

Kumin ah Gas bur 17,226 chauh thlen vangin Serchhip khawpui ah eirawngbawlna Gas a harsa.

Serchhip khawpui a eirawngbawlna Gas harsatna chuan ziaawm lam ala pan thei meuhlo a, kumin January thla a\anga nimin 6th June, 2014) thleng khan Gas hi Serchhip-ah bur 17,226 a rawn thleng tawh a ni.

Bairabi-a Rel chhuak tur dan tihtawp rih a ni.

Bairabi North Branch YMA te'n mipui tam zawkin an chhawr \angkai theih tura Rail tlan hun siamrem ngiata Bairabi a\anga Passenger phur Rail chhuak tur an dan chu nimin June 5, 2014 khan an titawp.

Khawpawna Maxi Cab Stand sawn tumna duhlo

Mizoram Maxi Cab Owners Association chuan sorkar in Maxi Cab Counter Licence zawng zawng Cancel a Maxi Cab Stand pawh Aizawl khawpawna sawnchhuah vek a tumna chu \ha an tihloh thu an sawi.

NLUP kalpuina ah hmasawnna leh hlawhtlinna tam tak hmuh a ni tih Chief Minister in sawi.

Chief Minister leh Chairman, NLUP Apex Board ni bawk Pu Lal Thanhawla chuan NLUP kalpui naah hmasawnna leh hlawhtlinna tam tak hmu in tluang taka kalpui zel a ni, a ti. 

Mizoram-ah 4G service bun duh

Mizoram a 4G service bun a nih theih nan nimin khan khan Reliance Jio Infocomm Ltd. a thawktu te chuan Home Minister, Pu R. Lalzirliana leh Planning Board Vice Chairman leh Member Secretary te kawmin, 4G Service hman a nih chuan Reliance company in Mizo-ram tana ham\hatna an siam theihte an chhawpchhuak a. Heng an chhawp-chhuah zingah chuan internet leh a kaihhnawih hmanga hmun hla taka damlo awmte enkawl theihna (Tele-medicine)-te, Sipai Lammual-a Football Field cheibawl te, sorkar hmun pawimawh a dah tur CCTV pek te a tel a. Kum thum chhung bandwidth a thlawn a pek an tiam bawk a, tunah hian Survey zo tawhin Sor-kar-in a remtih chuan Aug. 15-a hna \an an inhuam tawh a ni.

NLUP hnuaia pung awm lova Loan la te hmalakna thlir.

NLUP hnuaia din ‘Committee for Review of Interest Free Loan’ chu nimin khan \hukhawmin NLUP hnuaia pung awm lova loan pek te an hnathawh dan an thlirho bakah, loan dawngtute dinhmun leh hmalak zel dan tur an sawiho.

Rajya Sabha MP inthlanna neih tur atan hriattirna chhuah a ni.

Mizoram State Rajya Sabha MP Seat khat hnawhkhahna tura inthlanna tun thla ni 19-a neih tur atana hriattirna chu nimin June 2, 2014 khan Returning Officer, Pu Ngurthanzuala, Assembly Secretary chuan a tichhuak a, hemi rual hian Arunachal Pradesh leh Karnataka State-ah te pawh inthlanna hi neih a ni ang.

Thlasik thlai chingtuten Assembly nei

Serchhip-a Thlasik thlai ching \hinte telna Serchhip Agriculture & Horticulture Co-operative Society te chuan nimin June 2, 2014 khan Lalpuithanga Hall, Serchhip Chhim Veng-ah Assembly an hmang.

MZP in ‘MZP Signboard’ pawhthlak a nih chuan thlirliam mai mai an tumlo tih an sawi.

MZP Gen. Hqrs. chuan Borapansury II-a MZP signboard chu pawh thlak a nih chuan thlirliam mai an tumlo tih sawiin, dan lova Mi-zoram-a lut Chakma te chungah Dan anga hmalak an tum thu an sawi bawk .

Zu khapna leh khuahkhirhna thar duang

Chief Minister leh MPCC President ni bawk, Pu Lal Thanhawla chuan The Mizoram Liquor Prohibition & Control Act duan mek a ni, a ti.

Khawvel hmundangte rualin Aizawl-ah World No Tobacco Day hman a ni.

Khawvel hmun dang rualin Inrinni kalta May 31, 2014 khan Mizoram-ah pawh World No Tobacco Day hman a ni a, Aizawl-a he Ni puala hun hman chu Health Minister, Pu Lal Thanzara’n a hmanpui a ni.

Serchhip Pastor Bial |KP ten thisen pe

Baptist Church of Mizoram (BCM) hnuaia |halai Kristian Pawl (|KP) Serchhip Pastor Bial te chuan nimin May 29, 2014 khan |KP Ramthim Ni pualin JN Hospital Serchhip Blood Bank-a dah turin thisen Unit 38 an pe a, thisen petute hi Mipa 26 leh hmeichhia 12 an ni. BCM Serchhip Pastor Bial ah hian |KP Unit 8 awmin nimin a thisen petute hi Town chhunga Unit 5 a\angin an ni a, thisen pe turte hi Blood Bank-ah kalin Dr. Ramdin-puia leh a thawhpui ten an lo lak sak a ni. |KP te hian nimin a Ramthim Ni pual hian nizan lam khan Unit hrang hrangah hun an hmang bawk.

MZP Serchhip in zirlaite chawimawi

Mizo Zirlai Pawl (MZP) Hqrs. Serchhip chuan nimin May 29, 2014 khan kumin a HSLC leh HSSLC exam result chhuaka Serchhip District chhunga zirlai ti\hate chawimawina hun an hmang.

Mizoram-a a pathumna ni turin Muthi ah LED Village Campaign neih a ni.

Mizoram sorkar bultumin nimin May 29, 2014 khan Muthi khua ah Light Emitting Diode (LED) Village Campaign neiin chhungkaw tin te Electric Light leh Street Light te chu LED a thlak vek a ni.

Kum 15 chhungin lirthei chesual ah mi 864 in nunna chan.

Mizoram-ah kum 15 kalta chhungin lirthei chesual a thi mi 864 an awm a, lirthei chetsualna vanga hliam tuar mi mi 2007 zet an awm bawk.

Mizoram-ah Wine Demand a hniam deuh rih niin sawi.

Mizoram sorkar-a Excise & Narcotics Department in Wine Vendor Permit in pek \henkhat chuan Mizoram-a Wine demand chu a hniamin hralh pawh a kal talo deuh nia an hriat thu an sawi.

India PM 15-na atan Narendra Modi lakluh a ni

BJP Legislature Party hruaitu Narendra Modi chu nimin tlai dar 6:00 khan India Prime Minister 15-na atan rinawmna thu tiam tira lakluh a ni.

Serchhip Consumers Co-Op Society Assembly neih a ni

Serchhip District-a Society lian ber te zing ami, Serchhip Consumers Co-Op Society Ltd. chuan nimin May 26, 2014 khan Annual General Assembly an hmang.

Mizoram-a Bank leh Financial Institutions te mipui ten \angkai zawka an hman theih nan hma la.

Central YMA chuan Mizoram a Bank leh Financial Institutions (FI) te chu \angkai zawka mipui ten an hman theih nan nimin May 26, 2014 khan Central YMA Committee Room-ah an kawmin hmalak dan tur an sawipui.

YMA in Mautuai khawrh loh nan hmalak tum

YMA Sub-Hqrs. Serchhip chuan nikum lama hma an lo lak tawh angin kumin hian Serchhip leh a chhehvel ah mipui ten Mautuai an khawrh lohna turin hmalak leh nise an ti.

Blood Bank-a thisen awmloh vangin Raicheh in boral.

Saiha District Hospital Blood Bank-a thisen dah khawlsa a awm loh avangin nu kum 27 a upa chu Inrinni zing khan Raicheh in a thi.

June 14, 2014 hmaa Zirtirtu semrual turin MZP in phut.

Mizo Zirlai Pawl (MZP) Gen. Hqrs. chuan June 14,2014 ral hma ngeia zirtirtu semrual hna thawk turin Mizoram sorkar an ngen a, an ngenna in awmzia a neilo anih chuan zirtirtu nei mumallote harsatna sukiang turin a tawp thlengin hma an la dawn tih an sawi.

Mizoram leh Assam ramri buai chungchang a rang lama chingfel turin sorkar ngen.

Mizoram leh Assam State in ramri buai an neih chungchanga inrawnkhawmna chu Inrinni kalta, May 24, 2014 khan MSU huaihawtin neih a ni a, he huna tel te hian ramri buaina chinfel tur hian sorkar ngen nise an ti.

Chief Minister hovin Council of Minister \hutkhawm neih a ni.

Nikum December thlaa Mizoram-a sorkar thar a din hnua Council of Minister \hut-khawm hmasa ber chu nimin May 22, 2014 khan Chief Minister, Pu Lal Thanhawla hovin Chief Secretary Conference Room, New Secretariat Complex, Aizawl-ah neih a ni.

Selam khua leh Police te innawrin Tear gas hman hial a ni.

Lengteng Wildlife Sanctuary chhunga thingzai chungchanga Selam khaw mite leh Forest Department te inhmuhthiamlohna kal zelah nimin May 22, 2014 khan sorkar tirha kal 2nd IR sipai te leh Selam khaw mipuite an innawr buai a, Selam khaw mipui te zingah hmeichhe pathum telin mi 6 velin hliam an tuar a, ngaihtuahawm khawpa na erawh an awm lo.

DC mawhphurhna inthleng leh dawn ta

Lok Sabha MP thlanna neih chhunga Serchhip District Bawrhsap tura ruat, Dr. Franklin Laltinkhuma, IAS chuan a hun hmang zovin nimin, May 22, 2014 khan Serchhip a chhuahsan.

Serchhip District chhunga VC hrang hrang tan TFC sum hman dan tur zirhona neih a ni.

Serchhip District chhunga Village Council hrang hrangte tan nimin May 22, 2014 khan 13th Finance Commission sum hman dan leh Account vawn dan chungchang zirhona chu Serchhip-ah neih a ni.

IR Police rual leh Forest-a thawk ten Selam khua an pan.

Kar kalta Zirtawpni-a Selam khaw daia sorkar motor haltu zawngchhuak tur leh a \ul dan anga hmala turin nimin May 21, 2014 khan Khawzawl a\angin ralthuam keng 2nd IR sipai 100 rual vel te chuan Selam an pan a, Selam khua in danlo anga thing an zaite zawngchhuak tur leh senghawi turin nimin vek hian Aizawl, Champhai leh Khawzawl a Forest Staff engemawzah chuan Selam hi an pan bawk. Hetihlai hian Selam khua chu an khua humhim turin thu leh awm hma chuan puitling tumah ramriaklo tur in an in ngen mek bawk.

Persons with Disabilities Act hman hnuah Mizoram-a rualbanlo 44 sorkar hna pek an ni tawh.

Persons with Disabilities Act Mizoram-a kalpui mek ah kum 1996 a\ang khan Mizoram-ah pianphunga rualbanlo mi 44 te chu Mizoram sorkar hna a lak an ni tawh.

Rualbanlote tana PWD Act Mizoram-a bawhzui dan enfiah.

Sorkar laipui in rualbanlote enkawl leh an ham\hatna tura dan siam Persons With Disability (PWD) Act, 1995 Mizoram-a kalpui a nih dan en turin Chief Commissioner for Persons With Disabilities (PWD), Pu Prasanna Kumar Pincha chuan Mizoram a rawn tlawh mek.

Selam khaw mipuite chet dan E&F hnuaia pawl ten an dem.

Environment & Forest Department hnuaia hnathawk pawl hrang hrangte chuan Zirtawpni kalta, May 16, 2014-a Selam khaw mipui ten Forest Department hnathawkte kut thlaka sorkar Motor an hal chu an dem takzet tih an sawi.

Hrangturzo bial MLA thar lakluh a ni

Hrangturzo bial Assembly bye-election neih zawh taka thlantlin, Pi Vanlalawmpuii Chawngthu chu nimin May 20, 2014 khan rinawmna thu tiam tirin MLA atan lakluh a ni.

UDF hruaitu ten MP leh MLA bye-election result lungawithlak thawkhata an hriat thu an sawi.

Mizoram-a eptu pawl \angrual United Democratic Front (UDF) chuan nimin May 20, 2104 khan Aizawl-ah thuthar lakhawmtute kawmin inthlanpui zawhfel taka an result chu lungawithlak thawkhata an hriat thu an sawi.

MNF leh ZNP President ten Central-ah Congress a zung nen pawhphawi an ni niin sawi.

MNF President, Zoramthanga chuan India mipuiin Congress sorkar chu a zung nen pawt phawi in an phoro \an ta nia sawiin, ZNP President Lalduhoma chuan Central-a Congress chu a zung nen pawhphawi an nih thu a sawi.
Bial thum Joint Revival nei

Rampumah BJP sang fal INC & AAP in beisei phaklo

Lok Sabha inthlanpui result chu hriat kim theih a ni ta a, rampumah BJP chuan seat 282 zet an la a, tunhnaia thawm nei lian tak AAP erawh in beisei an phak lo niin a lang thung.

Postal Ballot-a vote thi tam ngaimawh

Lok Sabha inthlanpui neih zawh taka Postal Bal-lot-a vote thi 1312 lai a awm chu UDF chuan tunhnuah awm tawhlo se an duh thu an sawi a, hetianga vote thi a tam chhan hi Joint CEO chuan a sawifiah bawk.

Lok Sabha inthlanpui ah Election Department te an lawm.

Mizoram in Lok Sabha MP inthlan felfai taka a neih theih avangin Election department chuan lawmthu an sawi.

Mizoram Lok Sabha inthlan ah vote 62.26% tlain INC candidate in vote 6154 in hnehna a chang.

Mizoram Lok Sabha MP thlanna neih zawh takah General vote  leh Postal Ballot te nen a pumpuiah vote 434,513 a tla a, Indian National Congress (INC) Candidate, Pu CL. Ruala chuan Independent Candidate, Pu Robert Romawia Royte chu vote 6154 in a hneh a ni.

ASHA ten Iodine chi chungchang zirho

Nimin May 13, 2014 khan Serchhip District chhunga ASHA te tan Iodine chi chungchang zirhona chu Serchhip a CMO Conference Hall-ah neih a ni a. He hunah hian Dr. Chawngthansiami, State Programme Officer (IDD) chuan ASHA te hi Iodine chi chungchang hi zirtir in Iodine chi pawimawhna leh mamawh zat te, Iodine tlakchham avanga harsatna thleng thei hrang hrangte leh harsatna sutkian dan te zirtir a. ASHA te hi Iodine chi test-na pek vek niin an bial ah thlatin Iodine Chi hi test neiin sample 50 test-ah incentive Rs. 25/- an dawng \hin ang.

Chanchinthar thenkhat :

Diesel man tihsan a ni

Lok Sabha inthlanpui neih zawh takah vote a tla \ha hle.

Thla khat chuang zet awh khawvela ram hruaitu thlanna lian ber India rama Lok Sabha inthlan chu zawhfel niin tun thla ni 16-ah vote chhiar a ni ang.

Aizawl Civil Hospital tihchangtlunna turin State Referral Hospital mamawh phuhruk tum.

Health Minister Pu Lal Thanzara chuan Aizawl Civil Hospital tihchangtlunna tur cheng vbc. 5 chu hman theih a ni tawh tih sawiin, hemi hmang State Referral mamawh zual te phuhruk theih a nih tur thu a sawi.

Chanchinthar thenkhat :

Rakzu man hnem tawh

Joint VC in SAAB siam\hat leh an phut

Serchhip Town Joint VC Committee chuan Ser-chhip Town Site Allotment Advisory Board (SAAB) din thar ah Town chhunga VCP \heuh dah ve an nih loh chuan thawhpui loh nise an ti.

Plan Budget-a State sorkar tum tur chhunluh a nih loh avangin leiba inchhekkhawl a sang tial tial.

Finance Minister Pu Lalsawta chuan Mizoram Plan Budget a state sorkar tum ve tur za zelah sawm (10) chu sorkarin a chhunluh theih loh \hin avangin leiba inchhek khawl (debt liability) a sang tial tial a, hei hian hma-sawnna kawnga hmalak zelna tur a ti\huanawp a ni, a ti.

Chanchinthar thenkhat :

TT Championship \an

Cancer natna tam lutuk dolet dan tur sawihona nei.

Mizoram-a Cancer tam lutuk do let dan tur chungchang ngaihtuahin nimin May 8, 2014 khan Health Minister, Pu Lal Thanzara hovin \hutkhawm neih a ni.

MBSE in HSSLC Exam 2014 result a tichhuak. Serchhip-a School te tihtha thawkhat

Mizoram Board of School Education (MBSE) chuan nimin May 8, 2014 khan Higher Secondary School Leaving Certificate Examination (HSSLC) 2014 Result a ti-chhuak a, a pumpui ah zirlai exam zinga 71.32% in an pass a ni.

NLUP kalpui meka ‘One Crop-One Village’ Serchhip District-a kalpui dan tur sawiho.

Mizoram sorkar in ruahmanna a siam angin NLUP kalpui mek ah khaw pakhat tan Trade pakhat (One Crop-One Village) chu kalpui tawh tur niin hemi chungchang hi nimin khan Serchhip-ah pawh sawiho a ni.

Film letlingtu ten Meizuk khapna dan bawhchhe nasa.

Mizoram chhunga film letlingtute bakah film hlui chhuah \hin ten COTPA 2003 Section 5 (Vaihlo fawkmawi emaw tih lar emaw khapna) dan a bawhchhe nasa hle.

Ram kang chungchang sawihona nei

Tunhnaia Serchhip khawpui chhimlam kawtchhuah nasa taka kang chungchang ngaihtuahin nimin May 7, 2014 khan Serchhip khawtlang mi pawimawh te an \hukhawm.

Mizoram-a RTI Dan hman a nih hnuah zawhna zawt 4222 awmin SPIO 3 hrem an ni.

Mizoram-ah Right To Information (RTI) Act hman a nih a\angin he Dan hmanga zawhna 4222 a awm tawh a, hetihlai hian Mizoram Information Commission chuan State Public Information Officer 3 te hremna a pe tawh bawk.

Human Trafficking chung-changah inrawnkhawmna

Mizoram-a tlawmngai pawl hrang hrangte chu nimin khan Central YMA Office-ah mihringa sumdawnna chungchangah an inrawnkhawm.

Maubuang Drilling Site-ah leiverh hna \an thuai dawn.

Mizoram-a leilung hauhsakna haichhuak tura hma la mek, Oil India Limited (OIL) chuan Maubuang Drilling Site-a leiverh hna chu July thla tir lamah \an an tum thu an sawi.

State Emergency Operation Centre tlawh

National Disaster Management Authority (NDMA) Member leh hmarchhak bial viltu, Pu KM. Singh chuan nimin May 6, 2014 khan Aizawl Chawnpui-a State Emergency Operation Centre tlawhin State Disaster Management Authority (SDMA) member te kawm in an hmalakna te a endik.

UN Mizoram Mission Project siam turin UN Technical Mission Team ten hma an la \an.

Mizoram tana UN Mission Project buaipui turin UN Technical Mission Team te chuan niminpiah, May 5, 2014 tlai khan Mizoram rawn lutin naktuk a\angin District hrang hrang tlawhin an zinchhuak leh ang.

Chanchinthar thenkhat :

Misual in In rawk

MIRSAC Data hman \angkai ngai ti

Chief Secretary, Pi L. Tochhawng chuan Mizoram Remote Sensing Application Centre (MIRSAC) in Data an buatsaih chu sorkar-a Development Department hrang hrang ten an hmang \angkai a ngai a ni, a ti.

Mizoram-a eirawngbawlna Gas harsat vangin MDA in Mualkhang-a Gas Bottling Plant tlawh.

Mizoram in eirawngbawlna Gas-a harsatna a tawh mek chungchang ah Mizoram Democratic Alliance (MDA)-a MLA 5 te chuan nimin May 5, 2014 khan Mualkhang-a Gas Bottling Plant an tlawh.

Chanchinthar thenkhat :

Chhim Veng champion

Thingsulthliah-ah Vawk Farm din turin hmalak mek a ni.

Mizoram sorkar chuan RKVY programme hnuaiah Thingsulthliah-ah 'Vawk Farm' a din dawn a, hi farm dinna tur hmun hi Inrinni, May 3, 2014 khan Home Minister, Pu R. Lalzirliana leh AH&Vety Minister, Pu C. Ngunlianchunga ten an tlawh a. AH&Vety Director, Dr. LB Sailo leh a thawhpuiten an \awiawm.

Thlatin Mizoram in buhfai mamawh tam

Mizoram-a Public Distribution System (PDS) kalpui mek chu mipui zawng zawng huama kalpui mek niin hemi atan hian thlakhat ah buhfai quintal 1,33,000 zel mamawh a ni a, hemi leina atan hian thlatin cheng vbc. 18.19 vel sorkar in a hmang \hin a ni.

PHE Department in tui an semna ah thil tisualte ngaihthiamna awm lovin an hna tihtawp sak dawn.

PHE Minister, Pu Zodintluanga chuan mi tlem te rinawmlohna avanga department pumpui hming a chhiat a remloh thu sawiin, ‘Thil tisual tute chu hriatchhuah an nih chuan an hna tih tawp sak a \ul dawn a ni,’ a ti.

Chanchinthar thenkhat :

Licence neih tul ti

Zu leh a kaihhnawih a\angin Rs. 308,50,779/- chung hmu.

Kum 2013-2014 chhunga Mizoram Excise & Narcotics in Zu leh a kaihhnawih thildang a\anga sum a hmuhchhuah zawng zawng chu Rs. 308,50,779/- a tling a, MLTP Act vangin mi 2466 te chu thubuai an siamsak bawk.

Serchhip Khawpui chhung kawng siam mek zel

Serchhip khawpui chhung inkalpawhna kawng (Internal Road) Black top siam\hat hna chu chak taka kalpui mek a ni.

Mizo \halai 25,000 te eizawnna pe turin Kumkhat chhungin hmalak tum a ni.

Kumkhat chhungin Mizo \halai 25,000 te eizawnna pe turin Skill Development hrang hrangah training buatsaih tum a ni tih Labour, Employment & Industrial Training Director, Pu Rotluanga chuan a sa wi.

Chanchinthar thenkhat :

Kawngpui siam leh mek

Serchhip District-ah Kumkhat hnuailam thi 59 zet awm

Nikum 2013 April a\anga kumin (2014) March thla tawp thleng khan Serchhip District chhungah Nausen Kum 1 hnuailam thi mi 59 an awm.

Assam leh Mizoram ramri a buaina thlenna Home Minister in nimin khan a tlawh.

Home Minister Pu R. Lalzirliana chuan, “Kan ram chhunga Kut hnathawktute Thlam leh an thlai chinte tu misual mahin an rawn tichhe tawh tur a ni lova, kan ban pakhat pawh an thiat tawh tur a ni lo,’’ a ti.