Posts

Latest News

Home Minister hovin Bru laklet dan tur sawiho.

Tripura-a Bru Refugee Transit camp 6 a\anga Refugee-te lak let leh dan tur chungchang nimin April 21, 2014 khan Home Minister, Pu R. Lalzirliana hovin a office-ah sawiho a ni.

MSU in PWD Act a nihna anga hmang turin sorkar phut.

Mizo Student Union (MSU) chuan, The Persons With Disabilities Equal Opportunities Protection of Right and Full Participation Act 1995 (PWD Act) chu a nihna ang taka hmang turin Mizoram sorkar an phut.

Kumkhat chhunga Serchhip damdawi In a thisen pek ah a thlawna pek 97.34% tling phak.

Kum 2013 April thla a\anga kumin (2014) March 31 thleng  khan JN Hospital Serchhip Blood Bank-ah thisen Unit 678 pek a ni a, heng zinga Unit 660 (97.34%) chu mi tlawmngai ten a thlawna an pek a ni a, a bak Unit 18 (2.65%) chu mi tute emaw tan bika pek a ni.

Chanchinthar thenkhat :

Serchhip MZP te inthlang thar

NPR hnuaiah mi 20,000 chuang ziahluh an ni tawh.

National Population Registration hnuaia Mizoram mipui chhinchhiahna Aadhhar/UIDAI neih mekah hriat theih chinah mi 20,000 chuang hming ziahluh a ni tawh.

Mizoram Lok Sabha inthlanpui ah vote 62.20% a tla.

Kumin April 11-a Lok Sabha Mizoram seat khat inthlanna-a vote tla zat chu Tripura Relief Camp-a Bru vote tla tiamin za zela 62.20 a tling.

Lengte-a Ispat Industry Pvt. Ltd. hmun MSU ten enfiahin sorkar pawh enzui turin ngen.

Mizo Students' Union (MSU) chuan Lengte-a Ispat Industry Pvt. Ltd.-a an chemical êkchhia (slag & mill scale) thehthang danah thil fello awm nia a hriain April 19, 2014 khan helai hmun hi an enfiah.

ACH-ah a thlawna thisen pe tam

Aizawl Civil Hospital Blood Bank chuan April 2013 - March 2014 chhung khan thisen unit 9,321 an la a, chung zinga unit 8,893 (95.41%) chu Voluntary Donation niin, Unit 428 (4.59%) chu Blood Bank-a thisen awmna rulhna, replacement a ni a, hemi chhung hian damdawi In dang 15 velah thisen unit 3,745 pekchhuah a ni bawk a ni. Kumin (2014) chhung bikah, January-March chhungin Aizawl Civil Hospital hian thisen unit 2,018 an la a, chung zinga unit 241 (11.94%) chu replacement a ni a, voluntary donation chu 88.06% a ni. ACH ah hian nitin thisen Unit 40-50 vel pekchhuah \hin a ni.

Mizoram mi leh sa diktak lakluh nan MZP in hmalak tum.

Mizo Zirlai Pawl (MZP) chuan Bru laklet tura ruahmanna awm mek ah kum 1995 Electoral Roll hmanga Mizoram mi leh sa dik tak te chiah lakluh an nih theih nan a tir a\anga a tawp thlengin laklet tur te chu enfiah an tum tih an sawi.

Mizoram Police ten Pseudoephedrine tam tham tak man.

Mizoram Police, Aizawl District Special Branch te chuan nimin zing dar 2:00 vel khan Aizawl Kulikawn leh Ngaizel inkarah Pseudoephedrine nia hriat kg 198 an man a, tualchhung rate-a chhutin cheng nuai 90 chuang man hu a ni.

Chhingchhip-a Sainik School sak hna thawk mek Kum 2015-ah zawhfel hman beisei a ni.

Serchhip District chhung, Chhingchhip khua a Sainik School sak hna chu chak taka chhunzawm mek zel niin nakum (2015) ah zawhfel hman an beisei tih he hna thawktute chuan an sawi.

Hlamzuih chungchangah YMA a kal ngaiin la kal rih dawn

Central YMA Committee sang, Central Executive Committee (CEC) nimin a \hukhawm chuan hlamzuih chungchangah kohhran ten kalphung thlak mahse, YMA chu kal ngaiin a la kal rih dawn tih an sawi.

Dik taka Lottery zuar tur thlang turin sorkar ngen.

Mizoram sorkarin Lottery zuar mektute hun pawhsei a tum nia sawiin, PRISM chuan dan dik taka tender chhuaha lottery zuar tur hi thlang zawk turin Sorkar an ngen tih an sawi.

LADC VC inthlan ah Congress che\ha

Lai Autonomous District Council (LADC) huamchhung VC 93-a inthlanna neihah rorellai Congress party in VC 57 ah hnehna an chang a. MNF in VC 6 la in ZNP leh MPC ten lak an neilo thung.

Sorkar nena inremna tih hlawhtlinloh vangin MSU in na zawka sorkar nawr leh tum.

Mizo Students’ Union (MSU) chuan thuchhuah siamin kumin a zirna In te hawn a nih hnuah nikum (2013) a sorkar nen inremna an siam tawh ti hlawhtling tura hmalakna a awmlo nia hriain hmalak zui an tum tih an sawi.  

Committee peng siam fel

Dt.12.April.2014 a YMA Sub-Hqrs. Serchhip SEC meetting chuan a hnuaia mi ang hian kum 2014-15 chhung atan Committee peng hrang hrang 11 din in hetiang hian hruaitu tur te ruat an ni.

Chanchinthar \henkhat :

SEC \hutkhawm hmasa

SWD in hmeichhe tleirawlte tan Scheme 2 kalpui mek.

Social Welfare Department hnuaia scheme KSY leh RGSEAG-SABLA hnuaiah hmeichhe tleirawl, sorkar a\anga ham\hatna dawng mi 41,650 an awm mek a. Heng zinga 5265 hi KSY scheme hnuaia mi an niin dang 36385 hi RGSEAG-SABLA scheme hnuai ami te an ni .

EVM te venhimna hnuaiah dah an ni

Lok Sabha inthlanpui leh Hrangturzo bial Assembly bye-election neih a hman EVM leh VVPAT te chu District hrang hranga Strong Room-ah dahlutin uluk taka ven mek a ni.

Tuikuk raltlan lalet turin ruahmanna awmsa tawh

Tlawmngai pawl \angrualte phut ang leh sorkar duhdan angin Tripura Relief camp-a Bru awm mekte lalet turin ruahmanna a awmsa niin Home department hotute chuan an sawi.