Posts

Latest News

D.EL.Ed zir turte lawmluhna neih a ni

IGNOU DIET Serchhip chuan an Study Centre hnuaia D.EL.Ed (Diploma in Elementary Education) zirlaite lawmluhna hun nimin khan DIET Conference Hall, Serchhip Chanmari Veng-ah an buatsaih.

Mizoram Legislative Assembly Session \an a ni. Thla 4 chhunga sorkar sum hman tur pharh a ni.

Nithum awh tur Mizoram Legislative Assembly 7-na \hutkhawm vawihnihna chu nimin (18th March, 2014) khan neih \an a ni a, Session \an Ni hian Larsap chuan House-ah thuchah sawiin, kum 2013-14 a sorkar sum indaihlohna phuhrukna tur leh sorkar kum thar thla 4 chhunga sorkar sum hman tur pharh a ni.

Pawisa leh therhlo sem phal a nilo tih tarlang

Sorkar chuan thuchhuah siamin inthlan laia mipui hnena vote zawn nana pawisa leh therhlo chi hrang hrang sem hi Dan kalh a ni tih a tarlang.

Tlawmngai pawl huaihawtin kawngzawh a ni dawn

Mizoram-a tlawmngai pawl hrang hrang Secretary te nimin a \hukhawm chuan Tuikuk raltlante Tripura Camp a vote thlaktir tum duhlohna lantir dan tur an duangfel.

Assembly Session \an Ni-ah Larsap in thuchah a sawi.

Nithum awh tur Mizoram Legislative Assembly 7-na \hutkhawm vawihnihna chu nimin (18th March, 2014) khan neih \an a ni a, Session \an Ni hian Larsap Pu Vakom B Purushothaman chuan House-ah thuchah a sawi a ni.

Chanchinthar thenkhat :

ZUALKO

PRISM leh SOSA in Mizoram tana Lokayukta duan hnathawk theilo tur nia an hriat thu an sawi

Mizoram-a eiruk dona kawnga tlawmngai pawl lian pahnih PRISM leh SOSA hruaitute chuan Mizoram-a hman tura Lokayukta dan duan chhin chu hna thawk theilo tur nia an hriat thu an sawi.

Vawiin ah Assembly Session \an dawn

Mizoram Legislative Assembly Budget Session chu Vawiin hian neih \an a ni dawn a, naktip Ningani thlengin neih a ni ang.

EVM dang rawn kalpui mek

April ni 9-a Mizoram aiawh tur Lok Sabha member 1 leh Hrangturzo by-election thlanna atana hman tur Electronic Voting Machine te chu Maha-rashtra a\angin rel-a rawn phurhchhoh mek a ni.

Bru Camp-a vote thlak duh lovin YMA in kawngzawh tintuah.

Central YMA-a Central Executive Committee (CEC) nimin March ni 17, 2014-a \hukhawm chuan Bru, Tripura Camp-a awm mek te an awmna hmuna vote thlak tir an duhloh thu an sawi nawn a, tun thla ni 24 khian lungawilohna lantira kawngzawh nise an ti.

UDF in inthlanpui-a Candidate tur an tifel dawn hnai?

Lok Sabha inthlanpui neih tur leh Hrangturzo Assembly by-election neih turah Mizoram-a eptu party \henkhat thawhhona tur, United Democratic Front (UDF) chuan an candidate tur an tifel hnai ni a thudawn a ni.

A thlawna Mit entirna buatsaih a ni

Kar kalta Zirtawpni leh Inrinni khan JN Hospital Serchhip-ah a thlawna Mit entirna buatsaih a ni a, he hunah hian Aizawl Civil Hospital a\angin Eye Surgeon, Dr. KL Rem-sanga bakah Opthalmic Assistant-2 leh Nurse-2 te lo kalin Mit \halo mi engemaw zat enin an zinga mi 40 te chu Mit naute Paw (Cataract) a thlawna zai sak an ni bawk.

Bike intlansiak-ah tel dawn

Federation de Motor Sports Championship in India (FMSCI) in tun thla ni 22-23, 2014 chhunga Buudh International Circuit, Noida, Delhi a One make Race a buatsaih turah Mizoram Motor Sports Association (MiMSA) chuan Bike khalhthiam mi 4 a tir dawn a, heng zingah hian PC. Lalduh-saka s/o PC. Thankunga, Serchhip AOC Veng chu telin Novice Class ah a tlan dawn a, tunkar chho hian Delhi hi an pan ang.

Serchhip DC leh SP transfer dawn

Election Commission thu angin Serchhip DC, Pi Juhi Mukherjee, IAS chu Aizawl DC hna chelh turin sawn a ni dawn a, a aiah Aizawl DC hna chelh mektu, Pu Frankline Lal-tinkhuma, IAS chu a rawn awm dawn a. Serchhip District SP, Pu Romil Baaniya, IPS pawh Aizawl District SP tura sawn tur niin Aizawl District SP hna chelh mektu, Pu LR Dingliana Sailo chuan Serchhip District SP hna hi a chelh bawk ang.   Hemi chungchang hi Election Commission chuan Ningani khan Chief Secretary a rawn hriattir a. Tun \uma Aizawl DC leh SP sawn an nih thut chhan hi Election Commission kalphung angin hetiang hna pawimawh chelhtu Officer-te an In leh lo neihna District-a an awm phal a nihloh vang a ni a, Aizawl DC hi Lok Sabha inthlanna neih turah hian Returning Officer a ni.

Inthlanpui neih tur atan hriattirna tihchhuah a ni. Serchhip District-ah inbuatsaih ngawrh mek.

Thla thar April 9, 2014-a Mizoram-a Lok Sabha inthlanpui neih tur leh hemi ruala Hrangturzo biala Assembly bye-election neih tur atan Inrinni khan hriattirna tihchhuah a ni ta.

Cosmetic hman chungchangah fimkhur turin mipuite chah.

Mizoram sorkar Health Services Department hnuaia Drugs Administration Wing (DAW) chuan mipuite chu cosmetics hman kawngah fimkhur tur leh, a bikin 'ngona' atana \ha nia sawi larte chu a him leh him loh ngaihtuah hmasa lova hmang mai lo turin an hriattir.

PRRS natna avangin Mizoram-ah Vawk note engemaw zat thi.

Vawk natna chikhat Porcine Respiratory & Reproductive Syndrome (PRRS) vangin vawk note thi engemaw zat a awm a, vawk pui erawh thi an la awmlo thung.

Chanchinthar thenkhat :

Lo hal hun tawp dawn

Inthlanpui neih tur thlirlawkna Serchhip-ah neih a ni

Lok Sabha inthlanpui neih tur leh Hrangturzo (ST) Assembly Constituency-a bye-election neih tur chung-chang thlirin Serchhip District Level Standing Committee chu an Chairman leh District Bawrhsap ni bawk Pi Juhi Mukherjee IAS hovin nimin khan an \hukhawm.

MGNREGS hnuaia mipuite inhlawhna siam zat inanglo chungchang RD Deptt. in sawifiah.

Rural Development Department chuan thuchhuah siamin MGNREGS sum chu Financial Year khat chhuanga District tin ten thla tin inhlawhna tur ruangam an lo siam lawk anga pekchhuah \hin a nih thu an tarlang.