Posts

Showing posts with the label Mizoram

Latest News

Apps thar 'Thenzawl Calling' tlangzarh a ni

Tourism leh Information and Communication Department changtu Minister Robert Romawia Royte chuan Mizoram-a khualzin hipna hmun pakhat, Thenzawl khawchhung tlawhtute tana hman tangkai tur, Self Guided visitor app 'Thenzawl Calling' a tlangzarh.

Agniveers tan hna hauh leh

Sawrkar laipui chuan Agniveers te tan Central Industrial Security Force (CISF) ah hna zaa 10 (10%) hauhsak an ni dawn tih a puang a, hei bakah hian Agniveers te hi kum upat lam bithliah chinah ngaihnathiam an nih bakah Physical Efficiency Test pawh an awl dawn tih a sawi bawk. Tunhnaiah khan Union Home Ministry chuan Agniveers te tan Border Security Force (BSF) ah zaa 10 hauhsak an nih tur thu a lo puang tawh bawk a ni. Agnipath Scheme hi kum kum 17 leh a chanve atanga kum 21 inkarte chu kum li chhung sipai-a an tanna a ni.

Raltlan tan Vehbur khawn rel

ZORO Executive Committee hnuaia kumin February thlaa din, Refugee Committee te chuan nimin khan Aizawl Press Club-ah thuthar theh-darhtute kawmin Mizoram-a rawn raltlante dinhmun a tha lo hle niin an sawi a. Raltlan ten min rawn belhna hi kum 2 dawn lai a nih tawh thu leh anmahni puitu hi tunah chuan an rem ta duak mai nia sawiin, heng kan unau raltlante dinhmun hi ZORO chuan a manganpui tak tak avangin Vehbur khawn sak mai an tum thu an sawi bawk.

Thawhhona thuthlung ziak

Ministry of Skill Development & Entrepreneurship (MSDE); Labour, Employment, Skill Development & Entrepreneurship Department leh Automobile Dealers Association of Mizoram te chuan nimin khan thawhhona thuthlung ,Tri-Partite Agreement kum thum(3) chhung atan an ziak a a. He thawhhona hnuaiah hian ADAM Industry Cluster hnuaia ITI zirchhuak te leh Mizo thalai ten Training pahin hna an thawk anga, Stipend an dawng tel dawn bawk a ni.

VC E. Roll tur tarchhuak

Mara Autonomous District Council (MADC) hnuaia Village Council inthlanpui neih tur atana hman tur Electoral Roll thar chu nimin khan Siaha-ah tlangzarh a ni a, kumin January ni 1-a kum 18 tling chin te laa VC Electoral Roll thar siamah hian MADC hnuaiah VC 99 awmin chhungkua 12,091 an awm a, Vote nei thei Mipa 20,794 leh Hmeichhia 22,326; an vaiin vote nei thei 43,120 an awm a.Kumin February 17-a Draft Electoral Roll tarchhuah aiin Vote nei thei mi 229 in an pung a ni.

Candidate sum hman enfiah

Lunglei Municipal Council (LMC) inthlan neih tur atana Candidate te sum hman dan chu nimin khan a tum khatna atan enfiah a ni a, he inthlanna neih turah hian Candidate tin te chu cheng nuai khat zel hman phalsal niin Candidate emaw, an aiawh Election agent-te hian nitin a an insenso dan record fel tak leh Bill, Voucher te an keng a ni. Expenditure endikna hi tum thum neih tur niin a tum hnihna hi March ni 22 (Nilaini)-ah neih leh tur a ni a, a tum thumna leh tawpna hi March ni 28-ah neih leh a ni ang.

EF&CC Minister in thlen

Dampa Tiger Reserve sum dawn tlai avanga thawktuten harsatna an tawh meka hmalak dan tur chungchangah EF&CC Minister TJ. Lalnun-tluanga chuan nimin khan Ministry of Environment, Forest and Climate Change-a Director General of Forests & Special Secretary CP. Goyal IFS chu New Delhi-ah a hmu a, CP. Goyal chuan Finance System thar chungchanga buaina an tawh thu leh Mizoram leh Maharastra State bikah mutan an la neih thu a lo hrilh a. Hemi buaipui tur hian Forest Officer-ten National Tiger Conservation Authority kaltlanga hma an lo lakpui tur thu a lo hrilh a. Sawrkar kum kal lai (tun financial year) tawp hma ngeiin sum tang te pekchhuah a nih ngei theihna turin hma an lo lakpui tur thu a hrilh bawk a ni.

Mizoram mamawh te sawrkar laipui-ah thlen

Commerce & Industries Minister Dr. R. Lalthangliana chuan nimin khan sawrkar laipui a mi pawimawhte kawmin Mizoram mamawh hrang hrang a sawipui.

Border Trade atan cheng vbc. 552.25 ruahman

Khawthlangtuipui bul Kawrpuichhuah-a Indo-Bangladesh Border Trade atan sawrkar laipui chuan cheng vbc. 552.25 a ruahman.

RD Minister in Aibawk Mini-Sports Complex hawng

Cheng nuai 400 senga sak Aibawk Mini-Sports Complex chu nimin khan Rural Development Minister Lalruatkima chuan a hawng.

Aizawl-ah AB PM-JAY kalpui dan thlirletna neih a ni

 Health Care Scheme changtlung tak neih a pawimawh - Chief Minister Chief Minister Zoramthanga chuan nimin khan Aijal Club-ah ni 2 awh tur AB PM-JAY hmalak dan thlirletna hun, Ayushman Sangam - North Eastern Regional Review Meeting chu hmanpuiin, mi khawsak harsa ber pawhin inenkawlna an mamawh ang an hmuh theihna tura Health Care Scheme changtlung tak neih a pawimawh thu a sawi.

Lawmpuina hun hmang

Zo Career Solutions chuan kum 2020-21 leh 2021-22 Academic Sesion chhunga Zo Career Institute atanga JEE, MBBS leh Medical Course hrang hranga bakah Hnaruak hrang hranga hlawhtlinna changta te lawmpuina hun nimin khan Aizawl Chanmari YMA Hall-ah hmangin Minister Er. Lalrinawma chuan khuallian niin a hmanpui a, hmasawnna nei tura zirna leh thiamna tak tak neih a pawimawh zia sawiin, hetiang anga zirlai ten anmahni line-ah theuh zir thei tura Zo Career-in hmalakna chu ropui a tih thu a sawi bawk. He hunah hian MBBS zir thei mi 87, BDS-ah 14, JEE kaltlanga Engineer Course zir mi 32 leh Hnaruak dang-a hlawh-tlinna hmu mi 28 te lawmpui an ni.

Thu dik lo a nih thu sawi

Mizoram State AIDS Control Society (MSACS) tunhnaia hmarchhak State ten Anti-Retroviral Therapy (ART) damdawi chatlak vanga HIV Positive, ART damdawi ei mek ten harsatna an tawk mek anga thuthang awm chu thu diklo a nih thu thuchhuah siamin an tarlang a. Tunah hian Mizoram-ah AL-Adult damdawi thla khat ei aia tam leh ATV/r damdawi pawh ART Centre hrang hrangah thla 6 aia tam tla tur a la awm thu an tarlang bawk.

Police Station tha ber thlang

Sawrkar laipui-a Ministry of Home Affairs in ‘Annual Ranking of Police Stations 2022’ a neih a ‘Best Police Station of Mizoram 2022’ atana thlan Lunglei Police Station chawimawina hun chu nimin khan Lunglei SP Conference Hall-ah neih a ni a, Deputy Inspector General of Police (Southern Range) H. Ramthlengliana IPS chuan Inspector LP. Zohmangaiha, Officer In-Charge, Lunglei Police Station hnenah chawi-mawina Certificate of Excellence a hlan a ni.

Mamit-ah IR Office hawng

Mizoram DGP Devesh Chandra Srivastva IPS chuan nimin khan Mamit Luangpawl-ah Rs. 1, 17,45,753/- senga sak 4th IR Battalion Commandant Office building thar chu a hawng.

Organic Farming sawiho

Mizoram-a loneitu ten Organic Farming atanga ramdanga thawnchhuah an neih belh theihna tur chungchang sawihona chu nimin khan Agriculture Minister C. Lalrinsanga hovin a Pisa-ah neih a ni a, Minister chuan Organic Farming nihphung sawifiahin, Chemical Fertilizer hman loh mai piah lamah Organic huan chu ram leilung nena inhmeh, tu leh fa te thlenga eizawnna tlak, Organic thlai hrisel, eizawnna hlawk taka hman theih niin Mizoram leilung hausakna chemical in a la tih chhiatloh, lei hanna (manures) hmanga tualto thlai te sum tam taka chanchin theihna kawng a ni, a ti. He sawihona ah hian pawl hrang hrang sawrkar Department aiawhte telin Organic Farming inzirtirna atan Coordination Committee din nise an ti bawk.

NCC DG in Governor hmu

Mizorama cham mek National Cadet Corps (NCC) Director General Lt. Gen. Gurbirpal Singh leh a hote chuan nimin khan Governor Dr. Hari Babu Kambhampati chu Raj Bhavan-ah tlawhin NCC hmalakna hrang hrang an sawipui a. NCC hian Mizoram chhunga Unit 4 an neih mekah pathum hi Aizawl-ah awmin pakhat hi Lunglei-ah a awm a. Mizoram University-ah NCC hi dah tura hmalak mek a nih dan te Director General hian a sawi bakah Mizoram chauh ni lo North East State dang, Assam leh Tripura-a State University-ah te pawh dah belh tum a nih thu a sawi a ni. NCC in India ram tana a hna-thawh hrang hrang te, a bik takin vantlang mipui te leh thalaite hmasawnna tura tan a lak dan te, faina leh thianghlimna inzirtir kawngah leh sik leh sa humhalhnaa tha an thawh te chu Governor chuan fakawm a tih thu a sawi a ni.

FLAM General Body Meeting neih a ni

Former Legislators Association of Mizoram (FLAM) chuan nimin khan Assembly Conference Hall, Assembly House Annexe-ah General Body Meeting neiin Health Minister Dr. R. Lalthangliana chuan a hmanpui.

Mamit DEF kum 25 tlin lawmna DGP hovin nei

Mamit District Executive Force (DEF) chuan nimin khan an kum 25 tlin lawmna chu Mamit SP Conference Hall-ah an nei a, he hun hi Mizoram DGP Devesh Chandra Srivastva IPS chuan khuallian niin a hmanpui a ni.

Solar Technology-a siam khawl hrang hrang chhawpchhuahna hun hman a ni

Solar Technology hmanga siam khawl chi hrang hrang chhawp-chhuahna hun, Mizoram Trade Facilitation Fair 2023 chu nimin khan Aizawl-ah neih tan niin Vawiin hian chhunzawm a ni ang.