Latest News

I-Day Football Final lut tur hriat kim theih ala ni rih lo

Independence Day/Screening Football Tournament 2022 1st Division khelh mekah Final khel tur hriat kim theih a la ni lo.
Serchhip Sports Complex-a Independence Day/Screening Football Tournament 2022 khelh mekah hian nimin khan 1st Division-a Final lut tawh Hmar Veng FC chuan Final lut tura beiseina la nei New Ser-chhip FC hmachhawnin New Serchhip FC hian 3-2 in hnehna an chang a, New Serchhip FC tan C. Lalnuntluanga chuan goal hnih an khung bakah Nehemia Lalkulhpuia chuan goal khat a khung a, Hmar Veng FC tan Lalfamkima chuan goal hnih a khung a ni. Inkhel dangah Chanmari FC chuan FC Serchhip Kawnpui chu 3-2 bawka hnehin 1st Division Play-off khel lo turin beiseina an nei ve zel a, Chanmari FC tan Remruatfela, Felix Lalruatsanga leh V. Lalmalsawma te chuan goal khat theuh khungin FC Serchhip Kawnpui tan C. Laldintluanga leh Lalhriatpuia ten goal khat ve ve an khung bawk a ni.

Heti hian 1st Division Team 8 zingah Hmar Veng FC chuan an khelh tur khel zo in point 15 hmuin Final an lut tawh a, New Serchhip FC in point 14 an hmu tawh a, FC Serchhip Kawnpui erawh point 10 hmuin Final an lut zo ta lo thung a ni. Vawiin ah inkhel awm lovin naktuk-ah point 11 hmu tawh Vengchung FC ten AWC FC an hmachhawn leh dawn a, he inkhel result a zir hian New Serchhip FC te hi Final lut thei leh lut lo thei dinhmun ah an ding a, chutih rual chuan AWC FC te hi an chak a nih chuan 1st Division Play-off khelh ngai lova an awm theih laiin an chak zo lo a nih erawh chuan Play-off khelh ngai an ni dawn thung a ni.

Comments

Post a Comment

Popular News (Last 30 Days)