Lenkawl

Aizawl Civil Hospital Blood Bank chuan April 2013 - March 2014 chhung khan thisen unit 9,321 an la a, chung zinga unit 8,893 (95.41%) chu Voluntary Donation niin, Unit 428 (4.59%) chu Blood Bank-a thisen awmna rulhna, replacement a ni a, hemi chhung hian damdawi In dang 15 velah thisen unit 3,745 pekchhuah a ni bawk a ni. Kumin (2014) chhung bikah, January-March chhungin Aizawl Civil Hospital hian thisen unit 2,018 an la a, chung zinga unit 241 (11.94%) chu replacement a ni a, voluntary donation chu 88.06% a ni. ACH ah hian nitin thisen Unit 40-50 vel pekchhuah \hin a ni.

Mizo Zirlai Pawl (MZP) chuan Bru laklet tura ruahmanna awm mek ah kum 1995 Electoral Roll hmanga Mizoram mi leh sa dik tak te chiah lakluh an nih theih nan a tir a\anga a tawp thlengin laklet tur te chu enfiah an tum tih an sawi.

Mizoram Police, Aizawl District Special Branch te chuan nimin zing dar 2:00 vel khan Aizawl Kulikawn leh Ngaizel inkarah Pseudoephedrine nia hriat kg 198 an man a, tualchhung rate-a chhutin cheng nuai 90 chuang man hu a ni.

Serchhip District chhung, Chhingchhip khua a Sainik School sak hna chu chak taka chhunzawm mek zel niin nakum (2015) ah zawhfel hman an beisei tih he hna thawktute chuan an sawi.

Central YMA Committee sang, Central Executive Committee (CEC) nimin a \hukhawm chuan hlamzuih chungchangah kohhran ten kalphung thlak mahse, YMA chu kal ngaiin a la kal rih dawn tih an sawi.

Mizoram sorkarin Lottery zuar mektute hun pawhsei a tum nia sawiin, PRISM chuan dan dik taka tender chhuaha lottery zuar tur hi thlang zawk turin Sorkar an ngen tih an sawi.

Lai Autonomous District Council (LADC) huamchhung VC 93-a inthlanna neihah rorellai Congress party in VC 57 ah hnehna an chang a. MNF in VC 6 la in ZNP leh MPC ten lak an neilo thung.

Mizo Students’ Union (MSU) chuan thuchhuah siamin kumin a zirna In te hawn a nih hnuah nikum (2013) a sorkar nen inremna an siam tawh ti hlawhtling tura hmalakna a awmlo nia hriain hmalak zui an tum tih an sawi.  

Dt.12.April.2014 a YMA Sub-Hqrs. Serchhip SEC meetting chuan a hnuaia mi ang hian kum 2014-15 chhung atan Committee peng hrang hrang 11 din in hetiang hian hruaitu tur te ruat an ni.

SEC \hutkhawm hmasa

Social Welfare Department hnuaia scheme KSY leh RGSEAG-SABLA hnuaiah hmeichhe tleirawl, sorkar a\anga ham\hatna dawng mi 41,650 an awm mek a. Heng zinga 5265 hi KSY scheme hnuaia mi an niin dang 36385 hi RGSEAG-SABLA scheme hnuai ami te an ni .

Lok Sabha inthlanpui leh Hrangturzo bial Assembly bye-election neih a hman EVM leh VVPAT te chu District hrang hranga Strong Room-ah dahlutin uluk taka ven mek a ni.

Tlawmngai pawl \angrualte phut ang leh sorkar duhdan angin Tripura Relief camp-a Bru awm mekte lalet turin ruahmanna a awmsa niin Home department hotute chuan an sawi.

Mizoram Lok Sabha inthlanpui April 11, 2014-a neih zawh taka vote tlak dan hriatchian chhoh zel a ni a, hriat theih chinah vote tla hi za zela 61.05 tling tawhin vote tla hi 62% a tlin beisei a ni.

Hrangturzo Assembly bye-election chu nimin April 11, 2014 khan tluang taka neih a ni a, vote 73.78% a tla a ni.

Mizoram in Lok Sabha Seat khat a neih luah tura Lok Sabha inthlanpui chu nimin April 11, 2014 khan tluang taka neih a ni a, khawi hmun a\ang mahin thil duhawmlo a thlen hriat a ni lo.

Tunkar Thawhlehni  a\anga chin hriat loha awm, Pu Ramnunsiama, Pi Medalpari pasal, Khawtetlang chu nimin ah khawtlang huapa zawn a nih hnuin dam takin hmuh a ni ta.

Mizoram Compulsory Registration of Marriage Act 2007 hman a nih a\angin tun thlengin Mizoram-a Marriage Registration ti mi 12,554 an tling tawh.

Mizoram Lok Sabha inthlanpui neih tur atan Vawiin April ni 11, 2014 hian mipui ten vote an thlak dawn ta a, he inthlanna neih tur atan hian ruahmanna pawh peihfel a ni tawh a ni.

New Serchhip Bazar Branch YMA huamchhunga awm, Pu Ramnunsiama, Pi Medalpari pasal chu niminpiah tlai a\ang khan chin hriatloha awmin nimin tlai a\ang khan mi tlawmngai ten an zawng.