Chanchinthar thenkhat :
Lo hal hun tawp dawn
Posts
Inthlanpui neih tur thlirlawkna Serchhip-ah neih a ni
Lok Sabha inthlanpui neih tur leh Hrangturzo (ST) Assembly Constituency-a bye-election neih tur chung-chang thlirin Serchhip District Level Standing Committee chu an Chairman leh District Bawrhsap ni bawk Pi Juhi Mukherjee IAS hovin nimin khan an \hukhawm.
MGNREGS hnuaia mipuite inhlawhna siam zat inanglo chungchang RD Deptt. in sawifiah.
Rural Development Department chuan thuchhuah siamin MGNREGS sum chu Financial Year khat chhuanga District tin ten thla tin inhlawhna tur ruangam an lo siam lawk anga pekchhuah \hin a nih thu an tarlang.
Chargesheet thehluh hnuah thubuai ngaihtuahlo
Mizo Phantom ti-a hriat lar, Pu K. Chhawn\huama’n Chief Minister hnena thu a thawn thubuaiah Police te chuan Court-ah chargesheet an thehlut ta.
INC in MP inthlan leh bye-election-a an candidate tur puang.
Thla thar April 9, 2014-a Mizoram Lok Sabha inthlanpui neih tur leh hemi ruala 28-Hrangturzo (ST) Assembly Constituency-a bye-election neih tur atan nimin khan Indian National Congress (INC) chuan an candidate turte an puang.
Serchhip Sub-Hqrs. YMA-ah branch tlem hret
YMA Sub-Hqrs. Serchhip hnuaia |awi tlang Group YMA ami, Vanchengpui chu an dilna a\angin Saitual Group hnuaia awm tura tihfel an ni ta a, heti hi |awi tlang Group YMA ah hian Branch 12 awmin YMA Sub-Hqrs. Ser-chhip hnuaiah Branch 69 a awm dawn ta a ni.
Chhiatrupna lo thlen huna chhanchhuahna hna thawh dan tur lemchan hlawhtling taka neih a ni.
National Disaster Management Authority ruahmanna angin nimin khan Serchhip-ah chhiatrupna lo thlen huna chhanchhuahna hna thawh dan tur lem chan “Mega Mock-Drill” chu hlawhtling taka neih a ni.
Tripura Transit Camp-a vote thlak duhlo; Inthlanpui boycott tintuah?
MZP Gen. Hqrs. chuan MP inthlanpui lo awm turah Tripura Transit Camp-a vote thlak tir tumna awm chu \halo an tih thu an sawi.
ZNP in thawhho tumna tlawlh chhan sawifiah
ZNP chuan thuchhuah siamin MP inthlanna neih turah ZNP in Elected OB a\anga MP(Lok Sabha) Candidate tur rawt bik nei niawm takin a ngaih theih a sawi awm chu a diklo tih sawiin, Candidate tur hi sawi ala awmlo tih an tarlang.
Nikum chhungin Rakzu litre 37,318.49 zet man a ni.
Zu khap burna dan hman mekna Mizoram-ah nikum chhung khan Excise leh Police Department chuan tualchhung siam Rakzu litre 37318.49 manin, Zu bilhlai |in 98,315 bakah, Sap zu (IMFL-750ml) bottle 91,742 zet man an nei bawk.
Hmarchhak hmundangte rualin Vawiin ah Serchhip-ah Mega Mock-Drill neih a ni dawn.
India Hmarchhak State dangte rualin Vawiin hian Serchhip-ah Chhiatrupna thlen thulh a hmalak dan tur a tak anga lantirna, Mega Mock-Drill chu neih a ni dawn a, ruahmanna peihfel a ni tawh.
ZNP, BJP leh HWC thawkho dawn
ZNP President, Pu Lalduhoma chuan MP inthlanpui neih turah Mzioram-a eptu pawl te thawh-hona, United Democratic Front chhuahsanin BJP leh Hmar Welfare Committee nen thawhhona thuthlung an ziak tih a sawi.
Zirtirtu aikal la leh mahni post-a awmlo dapchhuah tum.
Mizo Students’ Union (MSU) chuan Zirtirtu aikal la leh mahni thawhna hmuna awm duhlote dapchhuakin a \ul anga hmalak nise an ti.
Chhan hriatloh in JCB kang
Nizan hmasa dar 8:00 vel khan Serchhip-II VCP, Pu T. Zadingliana te JCB, Zote ‘S’ a\anga KM 2 vela hla ramhnuaia Link Road laia riak mek chu an hnathawhna ah hian a kang a, mihring thi leh hliam an awm hriat a nilo thung. He JCB hi a kan chhan hriat a ni lova, JCB hi a kangchhe hneh hle nia thudawn a ni bawk. He JCB kang chungchang hi chhui zui mek a ni.
1st Serchhip Open Tennis khel tan
Serchhip District Tennis Association (SDTA) in an buatsaih Mizoram pum huap, 1st Serchhip Open Tennis 2014 chu nimin khan Serchhip Bukpui-a Synthetics Tennis Court-ah khelh \an a ni a, he intihsiakna ah hian Mi-zoram hmun hrang hrang-Aizawl, Lunglei, Hnahthial, Then-zawl leh Ngopa bakah Serchhip a\angin Tennis Players 68 an tel a, Category 6-ah \henin naktuk ah zawhfel a ni ang.
Bru Camp-a Polling Booth siam turin ngen
Mizoram Bru Displaced Peoples Forum (MBDPF) chuan Election Commission of India-ah thu thlenin, Lok Sabha inthlan lo awm turah Tripura Reilef Camp-a Polling Booth siamsak an duh thu an sawi.
Lok Sabha inthlanpui neih turah voters 7,00,422 awmin Polling Station 1,126 a awm dawn.
Thla thar ni 9-a Mizoram-a Lok Sabha inthlanpui neih turah vote nei thei mi 7,00,422 an awm mek a, heng mite vote thlakna tur hian Polling Station 1,126 siam a ni ang.
A thlawnin Hmui kak zaina neih a ni.
Nimin leh niminpiah khan Smile Train of India leh 42nd Bn. BSF \ang-kawp buatsaihin “Smile For All” tih thupui hmangin Greenwood Hospital-ah cleft lips (hmui kak) a thlawna zai runpui neih a ni.