Lenkawl

Zoram Nationalist Party (ZNP) President Pu Lalduhoma chuan “Chief Minister \hutthlenga \hu thlak ringawt hian kan hnam damna a awm lova, keini chuan a system thlak hi kan zuar a ni,” a ti.

Zirna In-a naupangte dikna leh chanvo humhim a nih theihna tura hma la turin Serchhip District-a zirna In ah Nodal Teacher for Protection of Child Rights chu ruat vek an ni tawh.

Damdawi In bawlhhlawh sangbawl dan leh thehthang dan bakah danin a phut thil chi hrang hrangte zirhona tur chu nimin khan Aizawl-a I&PR Conference Hall-ah neih a ni a, Vawiin ah chhunzawmin zawhfel a ni ang.

Mizoram Women Workers Union Chairperson nia insawi Helena Lalsawmkimi chuan, Chiahpuam sum hi nuai 4000 vel chu bo tawh angin kan ngai a, he thil titute hi man chhuak turin sorkar kan ngen a ni' a ti.

Mizoram sorkar chuan Hmunphiah a\anga chhiah/royalty a lak \hin chu Re.1 a tihhniam a remti.

ZNP President Pu Lalduhoma, MLA chuan “Political Party reng reng kan thawhpui dawn lo tih hi zaah-za (100%) in kan chiang tawh a. ZNP ni lo, pawn lam mi min puih tumtu ten keini aiin thawhpui neih an hlau zawk a ni” a ti.

Chief Minister Pu Lal Thanhawla chuan miretheite khaichhuahna  tura Mizoram sorkarin NLUP a kalpui mek ah sum hman tur a tam tawk tih sawiin, “NLUP Third leh Fourth Phase te pawh kan kalpui zel dawn,” a ti.

Chief Minister Pu Lal Thanhawla chuan nimin khan Rural Land Use Plan for New Land Use Project (RLUP for NLUP) (Mizoram ram \heh leh hman \angkai dan) tih lehkhabu chu a tlangzarh.

Kum 2000 - 2013 (kum 14 chhung) inkar chhungin Human Trafficking (Mihring hmanga sumdawnna) tuartu mi 21 Mizoram Police ten an chhanchhuak tawh a, heng chhanchhuah mi 21 te zinga mi 12 te chu Aizawl District chhunga khawsa an ni.

Nimin Oct. 1, 2013 khan rampumah National Voluntary Blood Donation Day hman a ni a, Serchhip-ah pawh Serchhip Blood Bank leh Association for Voluntary Blood Donation (AVBD) Serchhip Branch huaihawtin he Ni pual hian hun hman a ni.

Nimin chawhma dar 10:00 khan Horticulture Department hmalakna in Serchhip DHO Pu Lalhmangaiha chuan an office ah Serchhip Vegetable Growers’ Society te kovin thlasik thlai chi chi hrang hrang pasarih an hlan a, heng thlasik thlai chi an hlan zawng zawng hlut zawnng hi Rs. 12,29,320 a ni.

Mizoram State Disaster Management Authority (SDMA) chu nimin khan \hukhawmin Ramhlun Sports Complex-ah leh Ramhlun Vengthar huamchhunga tunhnaia leimin leh lei tawlh tuartute sawn dan tur an sawiho bawk.

Mizo \halai sipai \ang tura thlan mi 209 te chu nimin khan Chief Minister, Pu Lal Thanhawla chuan Aizawl a\angin a vailiam a, kum 4 chhung in \halai 4000 vel sipai-ah thun an nih thu Chief Minister chuan a sawi bawk.

Darlawn District Demand Committee (DDDC) chuan hmartlangdungin District thar an neih theihna tura hma alakna kal zelah nimin zing dar 5:00 a\ang khan Darlawn leh a chhehvel-ah Total Bandh an huaihawt a, he Bandh hi tlai dar 5:00 thlenga neih niin mipui ten an thlawp \ha hle tih DDDC chuan an sawi

Bialtu MLA leh Chief Minister ni bawk, Pu Lal Than-hawla nu leh u, Lalsawmliani leh Lal Thanchunga hriatreng nan a Football Tournament buatsaih L&L Football Tournament chu nimin khan Serchhip Khawtetlang Field-ah khelh zawh a ni ta a, Final-ah hian champion lai FC Kulikawn chuan Serchhip Dinthar FC chu 5-1 a hnehin an champion a, champion Team hian Rs. 70,000/- leh Trophy dawngin pahnihna hian Rs. 30,000/- leh Trophy an dawng a, Goal 11 thuntu Lalrinzuala, IOC FC chu Top Scorer niin Lal-remruata, FC Kulikawn chu Best Player a ni a, Hmar Veng FC Serchhip ten Fair Play Award an dawng bawk a ni.

Mizoram sorkar GAD chuan an thuchhuah hmasa tidanglamin Mizoram Sorkar hnuaia thlasik office kai hun zing dar 9:30 a\anga tlai dar 4:00 chu October ni 1, 2013 nilovin October ni 15, 2013 a\anga hman tan tur a nih thu a tarlang a. Mi-zoram House - New Delhi, Kolkatta, Mumbai leh Bangalore chu zing dar 10:00 a\anga tlai lam dar 5:00 thleng office kai hun a ni ang a. Mizoram House Guwahati, Shillong leh Sil-char chu zing dar 9:30 a\anga tlai-lam dar 4:00 thleng office kai hun a ni ang. He office kai hun hi nakum February 14 thleng a ni ang.

Mizoram CSS Hindi Teachers’ Association (MCHTA) chuan nimin khan Aizawl Chanmari YMA Hall-ah Special Conference an nei a, he hun hi Education Minister, Pu Lalsawta chuan a hmanpui a ni.

Kumin kumtawp Mizoram State Legislative Assembly inthlanpui  lo awm tur atana din Serchhip District Media Certification and Monitoring Committee (MCMC) chu nimin khan District Bawrhsap hovin an \hukhawm.

Mizoram KVI Board Chairman leh Tuikum bialtu MLA ni bawk, Pu K. Lianzuala chuan niminpiah khan cheng nuai 32 chuang senga sak Govt. Chhiahtlang High School RMSA Strengthening Building chu a hawng.

Serchhip Khawtetlang-a Tourist Lodge building sak hna hun rei tak chawlhsan tawh chu tunlai hian a sak \hat hna thawh mek a nih bakah In dang pathum (3) pawh sak mek a ni bawk.