Lenkawl

Kumin kumtawp Mizoram State Legislative Assembly inthlanpui  lo awm tur atana din Serchhip District Media Certification and Monitoring Committee (MCMC) chu nimin khan District Bawrhsap hovin an \hukhawm.

Mizoram KVI Board Chairman leh Tuikum bialtu MLA ni bawk, Pu K. Lianzuala chuan niminpiah khan cheng nuai 32 chuang senga sak Govt. Chhiahtlang High School RMSA Strengthening Building chu a hawng.

Serchhip Khawtetlang-a Tourist Lodge building sak hna hun rei tak chawlhsan tawh chu tunlai hian a sak \hat hna thawh mek a nih bakah In dang pathum (3) pawh sak mek a ni bawk.

Chief Minister Pu Lal Thanhawla chuan nimin khan Tuirial Hydro Electric Project 60 MW pe chhuak thei tur hna thawh mek chu a hmunah a tlawh.

Nimin khan Serchhip DC’s Meeting Room ah kumin MLA General Election lo awm tura Serchhip District chhunga Sectoral Magistrate tura ruat te tan training buatsaih a ni.

Mizoram sorkar-a Industry Department leh Mizoram Food Processing Society (MFPS) buatsaihin nimin khan Serchhip-ah National Mission on Food Processing (NMFP) chungchang zirhona neih a ni.

Mizo National Youth Front, District Hqrs.Saiha te chuan nimin khan Mara ram hmuhsitna dodalna Ni an hmang.

Bialtu MLA leh Chief Minister ni bawk, Pu Lal Thanhawla’n MLA Fund a pek hmangin Mizoram Upa Pawl (MUP) Sub-Hqrs. Serchhip chuan nimin khan Serchhip  leh Thenzawl-ah khawpui chhunga lungrem awm ang angte tihfai leh rawng hnawih \hat hnatlang an nei a, Serchhip Area-ah mi 134, Serchhip South Area-ah mi 246 leh Then-zawl Area-ah mi 70, an vaiin mi 450 an thawkchhuak a, Serchhip North Area (New Serchhip) erawh chhiat tawk an awm avangin hnatlang hi an nei theilo thung a ni. MUP Sub-Hqrs. Serchhip hruai-tute chuan bialtu MLA in Upa te Ni hmanna tur atana sum leh pai a pe leh he sum hmanga hnatlang an neih a thawkchhuak an member, a bik takin kum upa tak tak te chungah lawmthu an sawi tak meuh tih an sawi bawk.

Mizoram Chief Minister Pu Lal Thanhawla chuan \halaite zinga Central Service inziaktling an tlem ta zel chu ngaihmawh tham a nih thu sawiin, ‘Thiamna tak tak nei tur a zirlai ten lehkha an zir a \ul a ni,’ a ti.

Election Commission of India chuan Mizoram leh state dang 4-te inthlan hun tur a puan hnaih rin a ni.

Mizoram Upa Pawl (MUP) Sub-Hqrs. Serchhip chuan thuchhuah siamin bialtu MLA leh Chief Minister ni bawk, Pu Lal Thanhawla’n a bial chhung khawlai lungrem te rawng hnawih leh khawlai hnawk thenfai nan MLA Fund a pek thu tarlangin, Chief Minister chungah hian an lawm hle tih an tarlang a, he an sum hmuh hmang hian Upa te Ni inbuatsaihna atan Vawiin Sept. 23, 2013 hian Serchhip leh Thenzawl-ah te lungrem awm ang ang te rawng hnawiha hnatlang neih an tum thu leh MUP Member zawng zawngte thawkchhuak vek tura an ngen thu an tarlang bawk.

MNF East Block Serchhip chuan Inrinni kalta, Sept. 21, 2013 khan Block Conference neiin an Party zawm thar mi 208 an lawmlut a, he hun hi an Party President, Pu Zoramthanga chuan a rawn hmanpui a ni.

Home Minister Pu R. Lalzirliana chuan Inrinni khan Saitual-ah Labour Employment & Industrial Training Department hnuaia Labour Welfare Fund semna hun a hmang.

Food Security Scheme chu Mizoram-a hman turin hawn ni tawh mah se Mizoram Assembly inthlan hma chuan a taka kalpui a ni dawn lo.

Zoramthar Duhtute (Beiseina Thar) pawl chuan kumin kumtawp lama Mizoram MLA inthlanpui lo awm turah chuh an tum thu leh mipui sorkar a din theihnan theihtawp chhuah an tum thu an sawi.

Nimin (Sept. 20, 2103) khan Serchhip Chanmari Venga Horticulture Department Training Hall-ah; Horticulture Department hnuaia NLUP 3rd Phase leh 4th Phase beneficiary te hnenah NLUP first installment sem a ni a, hemi rual hian Thenzawlah leh North Vanlaiphai-ah NLUP hi sem a ni bawk.Tun \uma NLUP dawng zawng zawng hi mi 229 an ni.

Sorkar laipui in BPL chhungkua a chhungkaw eizawngtu  ber boralte \anpuina atana ruahmanna a siam, National Family Benefits Scheme (NFBS) chu nimin (20th Sept. 2013) khan Serchhip ICDS Project hnuaia mite hnenah semchhuah a ni.

UPA Chaiperson Pi Sonia Gandhi chuan nimin (20th Sept. 2013) khan lehlanga Mizoram rawn tlawhin Chhingchhip-a Sainik School sakna tur ribbon chep chatin lungphum a phum a, 4th Phase NLUP a hawn bakah Food Security Scheme Mizoram tan a tlangzarh bawk.

Mizoram University (MZU)-a Political Science Deptt. zirlaite chuan tunkar Ningani khan ZNP President Lalduhoma chu MZU Campus-ah an kawm a, tunlai Zoram politics leh inthlanpui lo awm tur an sawipui.

Tourism Department buatsaih, ni thum awh tur “Anthurium Festival 2013” chu nimin khan Art & Culture Minister, Pu PC. Zoram Sangliana chuan Tourist Resort, Reiek-ah a hawng.