Lenkawl

Agriculture Department in WDPSCA sum cheng nuai 2.9 senga Chhingchhip CHC bula ‘Khualbuk’ an sak chu nimin khan Agriculture Department Director, Dr. C. Lalzarliana chuan hawngin Serchhip District-a Agriculture Department a thawkte Serchhip-ah a kawm nghal bawk.

Zirtirtute ni (Teachers’ Day) vawi 52-na (Sept ni 5, 2013) chu nimin chawhnu dar 2:00 khan DC’s Conference Hall Serchhip-ah urhsun taka hman a ni.

Chief minister Pu Lal Thanhawla chuan MLA Fund hmang diklo Unit/Block te tana hnawk MLA te chu sim turin a hriattir. Nimin a Congress Bhavan-a thu a sawina ah MLA inthlanna neih tur chungchang sawiin Pu Lal Thanhawla chuan, headquarter a\anga candidate siam te chu Unit leh Block hruaitute hian an duh loh anih pawhin ram hmasawnna tura thawk chhunzawm tur an la nih avangin candidate apiang te chu mittui tla chung pawha lo vote turin a ngen nghal bawk. Karleha MNF ten bandh an huaihawt tur chu Chief Minister chuan dodal tumna a awm loh thu a sawi a, amaherawhchu mahni duh dan ti hlawhtling tura midang harsatna ngaihtuah hi a \ha em tih inzawh a ngai a ni, a ti a, Power siamchhuahna kawnga Mizoram-a lui zawng zawng khuah an tum chu ramngaw tichhe thei tur a nih avangin ruahmanna dang an siam tak thu a sawi lang bawk.

ZNP President Pu Lalduhoma, MLA chuan “Damdawi \halo hmanga sumdawnna na-ah lal chhungkua an tel a, a zung chawpa phawia phoro ngam inti sorkar chet hun hi mipui ten kan nghak mek a ni,” a ti.

Serchhip District chhunga NLUP hnuaia Bawng-lian dawngtu mi 4 te chu an Bawng dawn an tihral avangin an chungthu ngaihtuah fel a ni.

Zoram Nationalist Party (ZNP) in Aizawl leh Lunglei inkara Zoram Saltang chhanchhuahna kawngzawh an buatsaih haw lam chuan nimin tlai khan Serchhip rawn lutin Serchhip-ah hian vantlang inkhawm tawi neih a ni.

MNF Party chuan ni 10th Sept.2013 zing dar 5 a\anga tlai dar 5 thleng, darkar 12 chhung Mizoram pumah Mizoram chhanchhuahna Total Bandh a huaihawt dawn tih an sawi.

Mizoram sorkar Flagship Programme, NLUP 3rd Phase leh 4th Phase chu nimin khan Lunglei-ah sem \an a ni.

ZNP President, Pu Lalduhoma chuan niminpiah khan Lunglei Press Club-ah thuthar thehdarhtute kawmin Congress party leh MNF-ten seat an duh khawp an pek chhuah theih a rin loh thu a sawi.

Nimin khan District Bawrhsap leh District Level NLUP Implementing Committee Chairman ni bawk Pi Juhi Mukherjee, IAS hovin NLUP 3rd phase leh 4th Phase sem tur chungchangah thu pawimawh ngaihtuahin Line Department hrang hranga Officer-te leh District Level Implementing Committee member te chu Serchhip DC’s Meeting Room-ah an \hukhawm a.He hunah hian pem avang te, thihna avang leh chhan hrang hrang avangte a district pumpui chhunga khaw hrang hrang a\angin Trade thlak dil te, Beneficiary thlak dil te, a dawngtu hming thlak leh thun luh belh dilte chungchang ngaihtuah a ni a, NLUP \anpuina hi a rang lama sem leh thuai a nih theih nan he meeting thutlukna hi NLUP Implementing Board pawmpui turin Aizawl-ah thawn thlak nghal a ni ang.

Serchhip-a Horticulture Department in Centre of Excellence a kalpui hnuaia kuthnathawktute tan nimin khan Serchhip District Horticulture Office Training Hall, Serchhip Chanmari Veng-ah thlai chin dan chungchang zirhona neih a ni.

Nimin (3rd Sept. 2013) khan Serchhip District SP Office Training Hall-ah Serchhip District chhunga Police Officer, Inspector leh a chung lam chin tan inthlan leh a kaihhnawiha Police te tih tur leh mawhphurhna te zir hovin training neih a ni.

Mizoram Government Doctors’ Association (MGDA) chuan thuchhuah siamin an hlawh leh Secretariat Post chu tihfel thuai an phut tih an sawi.

Mizoram chhimlam |awipui North-II khua a chhungkaw pakhata member pathumte chu nimin zing khan an chenna In-ah thi-a hmuh an ni a, hriamhrei hmanga nasa taka khawihna hnuhma an taksa ah hian hmuh an ni.

School Education Minister, Pu Lalsawta chuan, “Ram leh hnam tana mi hmantlak chherchhuah chu zirtirtute mawhphurhna pawimawh tak a ni,’ a ti.

Chief Minister Pu Lal Thanhawla chuan, “Mizoram hi Zohnathlak te tan kan Jerusalem a ni a. India ramah leh khawvel hmun hrang hrangah awm darh mah ila, insuihkhawm duhna rilru hi a thi ngai lo a ni,” a ti.

Mizoram in kumin kumtawp lama inthlanpui a hmachhawn tur atana inbuatsaihna ni pah fawmin Serchhip District mipui ten inthlan kaihhnawih leh an hriat duh te an hriat zung zing theihna turin facebook Group “District Election Office, Serchhip” chu siam thar a ni.