Serchhip-a Gas dinhmun la chianglo

Serchhip khawpui chhunga eirawngbawlna Gas harsatna sutkianna atana Borkhola a\anga Gas lak chu thlakhat hnuah tihtawp niin Borkhola a\ang hian eirawngbawlna Gas Trip 9 lak hman a ni.

Serchhip-a eirawngbawlna Gas harsatna nasa tak thleng sutkianna atan hian Mizoram sawrkar chuan hma lain thla kalta February thla a\ang khan Serchhip-a Gas sem tur hi Mualkhang Bottling Plant a\anga lak bakah Borkhola Bottling Plant a\angin lak belh a ni a. Borkhola Bottling Plant a\ang hian Trip 6 rawn thlenpui hman niin a vaiin bur 1836 a rawn thleng hman a, tun thla kan hman mek March thla chhung hian Trip thum rawn thleng hmanin hei hi bur 918 a ni bawk.

February thla chhung vek khan Mual-khang Bottling Plant a\ang hian Trip 9 rawn thlenpui niin March thla ah Trip 4 rawn thlenpui a ni tawh bawk a, thla hnih chhung hian Serchhip Mizofed hian Gas trip 22 an dawng hman a, Serchhip Mizo-fed-a thawk te chuan an quota pangngai ah thla khat ah Trip 13 an dawn theih thu sawiin, thla 2 (February leh March) chhunga Gas trip 22 lai a lo thlen tawh avang hian mipuite harsatna zualpui chu a reh niin an sawi a. Amaherawh chu Borkhola Trip a tawp dawn tak avang hian an dinhmun tur erawh hriat lawk theih a nih loh thu an sawi.