Posts

Showing posts from June 11, 2017

Thenzawl-ah thingphun hun hmang

Thenzawl-a AH&Vety Department leh Environment, Forest & Climate Change Depart-ment huaihawtin nimin khan Thenzawl-a AH & Vety Farm Complex-ah Tree Planting Camp neih a ni a. Thing\iak 100 chuang phun a niin, he hun hi AH&Vety Department Director, Dr. Saingura Sailo chuan Khuallian niin a hmanpui.

MLPC Act kenkawh kawngah mipuite duhkhawplohna avangin khauh taka kalpui mek a ni - Home Minister

Excise changtu Home Minister, R. Lalzirliana chuan Mizoram Liquor Prohibition & Control Act, 2014 chu a kenkawh kawngah mipui duhkhawp sorkar a tling lo nia hriatna a awm avangin tunah hian khauh taka he Dan hi kalpui chhoh mek a ni, a ti.

Thenzawl leh East Lungdar-ah BLO tan training neih a ni

Nimin khan Thenzawl leh East Lungdar-ah te Election Commission of India in Special Drive kalpui tura ruahmanna a siam chungchang BLO te tana zirhona neih a ni.

District Level Children’s Science Congress neih dan tur thlirho

Kumin a District Level Children’s Science Congress neih tur chungchang inhrilhhriatna chu nimin khan Serchhip District chhunga Middle School leh High School Zirtirtute tan buatsaih a ni.

Khawlailung-ah RTI Act chungchang zirhona neih a ni

Mizoram Information Commission (MIC) bultumin niminpiah, June 15 chawhnu khan Khawlailung-ah Right to Information Act, 2005 chungchang Awareness Campaign neih a ni a, he hun hi Mizoram Chief Information Commissioner, Lalduhthlana Ralte, IFS (Rtd) chuan khuallian ni.

Mizoram-a District khawpui ah eirawngbawlna Gas Online Refill Booking kalpui a ni tawh dawn

Mipuite hnena eirawngbawlna Gas sem dan kalpui mek chu tih danglam a ni dawn a, eirawngbawlna Gas la tur tan hian Online hmanga Booking tih phawt a ngai tawh dawn a. He ruahmanna hi tun thla ni 19, karleh Thawh\anni a\ang khian Mizoram-a District Capital tinah hman a ni dawn a ni.

Serchhip-a YMA Branch hrang hrang ten urhsun takin YMA Day an hmang

Mizoram-a Tlawmngai pawl lian ber, YMA Day vawi 82-na chu nimin khan Mizoram chhung leh pawna YMA dinna hmun hrang hrangah urhsun taka hman a ni.

Block Congress in \anpuina hlan

Serchhip Block Congress Committee chuan tunhnaia ruah sur nasa avanga mahni chenna In leh lo luah zui ngamlo te chu \anpuina Rs. 1000/- \heuh an hlan a, heng \anpuina an hlan te hi chhungkaw 11 an ni. Hei bakah hian Serchhip bialtu MLA, Chief Minister Lal Thanhawla chuan tunhnaia ruahsur nasa avanga lemin in harsatna a thlen, Ruatliana, Serchhip Vengchung te chu an In \hiah a nih avang leh sak \hat a nih avangin In chung tur Rangva a rawn tum sak bawk.

ODF endik dan tur sawihona nei

Niminpiah khan Serchhip District Water and Sanitation Missions hnuaia District chhung endiktu tur District Level Verification Team chu SDO (Sadar), R. Vanrengpuia hovin an \hu-khawm a, District chhunga khaw hrang hrangte endik dan tur an rel.

Digital Awareness Campaign nei

Niminpiah khan Presbyterian English School Serchhip-ah Digital Awareness Campaign neiin he School website hawnna neih nghal a ni.

Zofate inpumkhatna atan YMA in hma a la zel dawn tih Central YMA President in a sawi

Central YMA President, Lalbiakzuala chuan Zofate inpumkhatna atan YMA in hma a la zel dawn tih sawiin, Tuikuk ten Supreme Court-a YMA te an hekna ah an dikna hailang turin YMA chu a tawp thlengin a kal dawn tih a sawi a. YMA hmalakna reng rengah Party politics in chiah lo se a duh thu a sawi bawk.

In \hiah sak tan In sak sak leh

Tunhnaia ruahsur nasa avanga chenna In \hiah tak, Ruatliana, Serchhip Vengchung ami te chenna In tur chu nimin khan khawtlang huapa hnatlang neiin sak a ni a, he hnatlang ah hian mi 250 vel thawkchhuakin Vengchung Branch YMA chuan Vawiin hian YMA Day denchhenin he In sak hnatlang hi an nei chhunzawm leh dawn a, In hi Assam Type a sak sak an ni.

Chenna In 1 \hiah leh a ni

Tunhnaia Serchhip-a ruah sur nasa avangin niminpiah khan Serchhip P&E Veng, Judicial Veng tia sawi \hin a R. Lalneihthangi In, mi 6 te chenna chu an Inhnuai ah Sabereka Khuangkaih insiamin an chenna In ban thlanglam chu a la a, he In hi luah zui ngam chi a nih loh avangin nimin khan Serchhip-VIII VC leh P&E Veng Branch YMA chuan hnatlang neiin an \hiat a ni. Vanduaina tawkte tan hian Serchhip-VIII VC te chuan an ram pe nghalin nimin vek khan an In chak hlui te hmangin In thar sak hnatlang neih leh nghal a ni a, he hnatlang ah hian mi 75 vel thawkchhuakin In hi Assam Type a sak a ni dawn a, sorkar a\anga \anpuina awm thei te pawh khawtlang hruaitute hian an ngaihtuah sak nghal bawk a ni.

Vawiin YMA Day vawi 82-na

X Vawiin June 15, 2017 hi YMA Day vawi 82-na a ni a, Mizoram chhung leh pawna YMA dinna hmun hrang hrangah chuan uar taka hman a ni anga, he Ni hi sorkar Pisa chawlha puan a nih angin sorkar Office leh zirna In te khar a ni ang. Sub-Hqrs. YMA Serchhip-a hruaitute chuan he Ni hi Branch hrang hrangah an hmanpui dawn bawk a ni.

X Vawiin a YMA Day pual hian nimin khan Sub-Hqrs. YMA Serchhip chuan District Hos-pital Poor Fund, ARC Chhiahtlang, Old Age Home New Serchhip, Shalom Special School, Unity Orphanage Home, Serchhip leh Zoar Urban  Deprived Children  Home-ah te thilpek atan Rs. 2000/- \heuh an hlan a ni.

Serchhip-ah World Blood Donors Day hman a ni

‘Thisen pek hi a Mizo a, a Kristian a ni’ - President, MJA (SD)
Khawvel puma midangte tana thisen petute Ni, World Blood Donors Day chu nimin khan hmun hrang hrangah hman a ni a, Serchhip-ah pawh Association for Voluntary Blood Donation (AVBD) Serchhip Branch leh Serchhip Blood Bank te huaihawta hun hman niin damlote tan a thlawnin thisen pekna hun buatsaih a ni bawk.

NLUP leh RKVY Convergence Scheme hnuaia Sapthei chingtute hnenah \anpuina semchhuah a ni

NLUP leh RKVY Convergence Scheme hnuaiah Tuikum Cluster-a Sapthei chingtu chhungkaw 444 te hnenah Zirtawpni khan NLUP 2nd instalment sem a ni a, he hun hi MIFCO Chairman, PC. Zoram Sangliana, MLA chuan khuallian niin a hmanpui a ni.