Posts

Showing posts from May 14, 2017

MBDPF te puhna ah Central YMA lawm lovin puh an nihna sawifiah turin hmalak mek a ni

Mizoram Bru Displaced People Forum (MBDPF) in Supreme Court-a Central YMA leh MZP te diklo taka a puhna vangin Central YMA a lawmlo hle a, diklo taka puh an nihna sawifiah a Court-a ding tur Ukil ruaiin, Central YMA chuan hmalakna a kalpui mek.

Khawpui huamchhung ODF a puang turin hmalak mek a ni

Serchhip District chhunga Thingtlang khua ten khawlaia inthiar awmlohna, Open Defication Free (ODF)-a an inpuan hnuah khawpui (Urban Area leh Cencus Town) te pawh ODF-a puang tur hian chak taka hmalak mek zel a ni a, tunah hian khawpui chhunga Ek In neilo chhungkaw 89-te Ek In sak sak mek a ni a. ODF hi dan ang chauha puang lova a taka kalpui a nih ngei theih nan uluk taka hma lak chhoh mek a ni tih UD&PA Sanitation Officer, Lalfakawma Chhakchuak chuan a sawi a ni. Serchhip District-a Urban Area (Ser-chhip) leh Census Town (Thenzawl leh N. Van-laiphai)-a Ek In nei lo chhungkaw 89 te Ek In sak nan UD&PA a\angin Rs. 3,91,600/- hmuh a ni a. Ek In pakhat (1) sak nan Rs. 4,400/- zel hman tur a ni a, sum hi pekchhuah vek tawh a ni a, lo buaipui a a \ul anga hma lo la turin VC te kutah dah a ni a. Tunkar Zirtawpni hmaa zo hman vek tura beisei an ni.

Education Complex sak mek tlawh

Nimin khan Serchhip District Education Complex, Serchhip AOC Veng-a sak mek leh SDEO Quarters sak lai te chu School Education Director, K. Lalthawmmawia’n a tlawh a, hna thawh tur hma bak la awm te a enpui bawk.

MNF Party in CBI koluh sak tura ngenna CM-ah an thlen

MNF Party chuan nimin khan Mizo Carbon leh Lottery chungchanga thil dik lo tam tak awm te CBI chhui tir tura ngenna Chief Minister hnenah an thlen.

Serchhip-ah dan lova lakluh leh zawrhchhuah Sikret tam tham tak man a ni

Image
Nimin khan Serchhip-ah khawchhak lam a\anga lakluh nia hriat Sikret, Dan lova zawrh leh Sikhaar tam tham tak man a ni.

Kawng siam mek enfiah

Serchhip Sub-Hqrs. YMA Vigilance & Monitoring Committee chuan Inrinni khan Chhingchhip leh Thentlang inkar kawng blacktop hna thawh mek chu a hmunah tlawhin duhthusamlo nia an hriat te chu Contractor lamin lo siam\hat an tum tur thu an sawi a ni. Chhingchhip to Thentlang kawng siam mek Metal Road chin tur hi 12.8kms a thui niin 600metres chu PCC hmanga siam tur a ni a, Estimate hi cheng nuai 595 niin kumin December thla velah thawh zawh hman tura ruahman a ni a, tunah hian 66% vel an zo tawh a ni.

District Sports Comtt. General Body Meeting neih a ni

Serchhip District-a Sports Association hrang hrang inthlunkhawmna, Serchhip District Sports Committee chuan Inrinni khan General Body Meeting an nei.

Bishop hovin HSLC Result lawmna hun hmang

Inrinni kalta khan Marian High School, Serchhip chuan HSLC Exam result tichhuah taka an School in hlawhtlinna an chan lawmna leh Pathian hnena lawmthu sawina hun Our Lady of Assumption Church, Serchhip P&E Veng-ah an hmang a, he hun hi Most. Rev. Stephen Rotluanga, Aizawl Bishop chuan a rawn hmanpui bawk a ni. HSLC Exam result tihchhuah takah khan Marian High School Serchhip a\ang hian zirlai 77 exam in 76 an pass a, pass zingah hian Distinction-a pass 24 awmin 1st Div. ah 30 leh 2nd Div. ah 22 an pass a, an zirlai naupang, Laldintluanga chu Mizoram pumah pakhatna a ni bawk. Aizawl Bishop, Most Rev. Stephen Ro-tluanga hian nimin Pathianni kha Serchhip-ah hmang nghalin Mass hlanna a neih bakah Koh-hran rawngbawl tura Brother-a inpe mi pakhat chu kawrfual a haktir nghal bawk.

New Serchhip Branch K|P ten thisen unit 24 an pe

Kristian |halai Pawl (K|P) New Serchhip Branch chuan Inrinni khan an dinchamphaphak pualin damlo mamawh apiangte hman turin JN Hospital Serchhip Blood Bank-ah Thisen Unit 24 an pe.

Serchhip SDEO hnuaia Middle School zingah Hindi Zirtirtu neilo School 21 zet an awm

Centrally Sponsored Scheme (CSS) hnuai Hindi Teachers te an hna tihtawp a nih hnuah Serchhip SDEO hnuaia Middle School hrang hrangah Hindi Zirtirtu neilo \hahnem tak an awm mek a, hetihlai hian Middle School zingah hian Hindi zirtirtu pakhat aia tam nei zirna In 4 lai an awm thung.

Serchhip-III VC leh Chhim Veng Branch YMA in HSLC leh HSSLC-a pass te lawmpuina hun an hmang

Serchhip-III Village Council leh Serchhip Chhim Veng Branch YMA chuan Inrinni zan khan HSLC leh HSSLC Exam result tihchhuah taka an huamchhung a\anga Exam zawng zawngin an pass lawmna hun an hmang a, District Education Officer (DEO), Lawmawma leh Govt. Serchhip College Principal, Lalhmangaiha Sailo ten an hmanpui a ni.