Posts

Showing posts from February, 2017

Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

Sakhisih ngaw-ah mipuite tana \angkai turin thukhur siam

Serchhip Sub-Hqrs. YMA chuan Sakhisih YMA Sanctuary-ah Inrinni khan hnatlangin zin veivak leh an Sanctuary tlawhtute tan tui intur an laksak.

Town Development Committee \hutkhawm neih a ni

Serchhip Town Development Committee chuan nimin chawhnu khan Serchhip Sub-Hqrs. YMA Committee Room-ah Meeting neiin an hmalak tawhna an thlirlet bakah hmalak zel dan tur an sawiho.

Serchhip District chhunga Internet Speed chak zawk leh Internet changtlung zawk a awm theih dan tur sawiho

Serchhip District chhunga Internet Speed chak zawk leh Internet changtlung zawk a awm theihna turin nimin khan Serchhip District Bawrhsap, Dr. Lalrozama, IAS hovin Serchhip District-a Government of India Undertaking Internet Provider - BSNL Serchhip Office hotute leh District Officer pawimawhte chuan \hutkhawm an nei.

Rilru hrisel inzirtirna leh a thlawna inentirna neih a ni

Inrinni kalta khan LifeCode leh National Mental Health Programme (NMHP) bultumin Mental Health Awareness Campaign leh Free Clinic chu Serchhip Hmar Veng YMA Hall-ah neih a ni a, Serchhip CMO, Dr. Laldawngliana Sailo chuan a hawng a ni.

Serchhip-a DIET Office rawk

Serchhip Chanmari Vengthar-a DIET Of-fice chu Zirtawpni zan khan misual tu tih hriatloh ten rawkin pawisafai engemaw zat rukchhuah a ni.

Khawlai-a inthiar awmlohna District-a puang turin Serchhip District-ah chak taka hmalak mek zel a ni

Serchhip District chu khawlai-a inthiar awmlohna, Open Defecation Free (ODF) District-a puang turin hmalak mek zel a ni a, District chhunga chhungkaw 1346 te tan Sanitized Latrine sakna tur dil mek niin he sum hi tihfel a nih chuan Serchhip District chu khawlai-a inthiar awmlohna, Open Defecation Free (ODF) District-ah puan theih a ni ang.

MUP East Lungdar Area Conference nei

Nimin khan Mizoram Upa Pawl (MUP) E.Lungdar Area Conference Vawi 11-na chu Thangburha Hall, E.Lungdar ah neih a ni a, Dr. K. Lalbiakzuala, Director NHM chuan khuallian niin a hmanpui a ni.

NH. 54 siamna atan cheng vbc. 6,168 pek remti

Aizawl leh Tuipang inkar kawngpui, National Highway 54 chei \haa laih zauh belh nan sorkar laipui in cheng vbc. 6,168 pek a remti.

Tuichangral South Group YMA Conference zawhfel a ni

Tuichangral South Group YMA Confe-rence Vawi 45-na chu Zialung Community Hall, Biate-a neih chu nizan khan a \iak a, he Group YMA Conference hi Mizoram State Women Commission-a Chairperson, Vanlalawmpuii Chawngthu, MLA chuan khuallian niin a hman-pui a ni.

MZP hruaitu ten Sipai hotu kawm

Mizo Zirlai Pawl (MZP) Hqrs. Serchhip hruaitute chuan nimin khan Serchhip-a awm 10th Assam Rifles-a Commandant, Col. Ku Karumbiah, SM chu hmuin zirlaite mamawh leh an ngaih pawimawh te an thlen.

Serchhip District tana Tribal Sub Plan siam enfiahna nei

 Monitoring Committee on Article 275(1) chuan Bawrhsap pisa-ah Line Department hrang hrang te Tribal Sub-Plan siam enfiahna an nei a, he hun hi an Chairman leh Bawrhsap ni bawk Dr. Lal-rozama, IAS hova neih a ni.

Serchhip District Hospital thar sak hna bul tan thuai dan tur Bawrhsap hovin sawiho

Niminpiah khan Serchhip District Bawrhsap Pisa-ah District Bawrhsap, Dr. Lalrozama, IAS leh Dr. K. Lalbiakzuala, Director, Health and Medical Education leh Official pawimawh ten Serchhip District Hospital thar (Extended District Hospital) sak hna bul \an thuai a nih theih dan tur an rel.

Mizoram Chief Minister leh CIJW School hotu inkawmin CIJW School chungchang an sawidun

Counter Insurgency and Jungle Warfare School Vairengte hotupa, Commandant, Maj. Gen. M.S. Ghura chuan nimin khan Chief Minister, Lal Thanhawla chu a chenna In-ah kawmin CIJW chu Indian Army hmun chhuanvawr anih thu a sawi. 

Officer te dawr hun tur bik siam

Tun thla ni 6-a Mizoram Sorkar hnuaia Secretary-te \hukhawm chuan Office dawrtu tur mipuite tan a awlsam leh remchan zawk theih nan Senior Officer-ten interview hun bithliah se tiin an rel.

Puantahna khawl leh \anpuina sem

Hrangturzo biala Puantah zir te hnenah Indus-try Department chuan nimin khan Puantahna khawl leh Puantahna In sakna tur \anpuina an sem a, bialtu MLA, Vanlalawmpuii Chawngthu, Mizoram State Women Commission Chairperson ni bawk chuan a hmanpui.

Tuichang lui-a Sangha mantu man

Bungtlang Chhim Veng Branch YMA chuan Tuichang Lui an humhalh chhunga Sangha man mi 2 te chu nimin zing khan an Sangha manna hman-rua leh Sangha man sa te nen an man.

Serchhip District-a zirna In 18 te zirchianna neih a ni dawn

Serchhip District chhunga zirna In 18 te dinhmun zirchianna tura hmalakna tur sawihona leh inzirtirna chu nimin khan Serchhip-ah neih a ni.

DAY-NULM Serchhip District Executive Committee in Serchhip District chhunga hmalakna tur an thlirho

Nimin khan Serchhip District Bawrhsap Pisa-ah Deendayal Antyodaya Yojana-National Urban Livelihoods Mission (DAY-NULM), Serchhip District Executive Committee chu \hukhawmin Serchhip District chhunga hmalak dan tur hrang hrang an rel.

Pradhan Mantri Awas Yojana- Housing For All Mizoram-a kalpui turin hawn a ni

UD&PA Minister, Zodintluanga chuan nimin khan Pradhan Mantri Awas Yojana (PMAY)- Housing For All chu Aizawl-a Lal Thanhawla Auditorium-ah a hawng a, PMAY hi Mizoram puma District-ah kalpui tur a ni ang.

LE&IT Minister leh MYC Chairman te banna pawm a ni

NIAS-a zirlai buaina chungchang chhuichian a nih theihna tura LE&IT changtu Minister, Lal-rinmawia Ralte-in Chief Minister hnena a banna thehluh chu Chief Minister chuan pawm a nih thu nimin khan thuthar lakhawmtute a hrilh a. Hemi hmalam hian Mizoram Youth Commission Chair-man, T. Sangkunga banna chu pawm a ni tawh bawk a ni.

DRDA hnuaiah hmasawnna hna hrang hrang thawh a ni

Serchhip District Rural Development Agency (DRDA) chuan nikum October thla a\anga December thla thleng khan MGNREGA hnuaiah mipuite tan ni 17 atan inhlawhna an siam tawh.

District Development Co-ordination and Monitoring Committee in sorkar hmalakna hrang hrang an thlirho

Serchhip District Development Co-ordination and Monitoring Committee (DDCMC), DISHA tia sawi bawk chu nimin khan Serchhip DC’s Conference Hall-ah an Chairman, CL. Ruala, MP Lok Sabha hova \hukhawmin nikum October a\anga December, 2016 chhunga District chhunga hmalakna hrang hrang an thlirho.

Kangmei lakah i fimkhur ang u

Kangmei lakah i fimkhur ang u - Laldinpuia

Harsatna tam tak paltlang hnua State sualchhuah ngaihhlut tur a nih thu Larsap in a sawi

Nimin Feb. 20, 2017 kha Mizoram State Day vawi 30-na a ni a, Mizoram State chhungah sorkar chawlh puan a ni a, a hmanna hun hranpa erawh siam a ni lo a. Mizoram Larsap chuan remna leh muanna nei turin kum 20 chhung teh meuh rambuai kan paltlang tih sawiin, harsatna tam tak paltlang hnua State sual chhuah hi ngaihlut tur a nih thu a sawi.

Serchhip IOC Veng-ah Auto Rickshaw tlan lai kang

Nimin zing tuk\huan eikham, dar 8:00 vel khan Serchhip IOC Veng-ah Auto Rickshaw pakhat chu a tlan laiin a kang a, vanneihthlak takin mihring thi leh hliam an awmlo.

Legal Metrology ten hma la nasa

Serchhip-a Legal Metrology-a thawk te chuan mipui ten an chanvo an chan theihna turin kum kalta chhung khan bukna leh tehna hrang hrang endik hna thawkin, dan bawhchhiah an man te a\angin Rs. 15,500/- an hmu a, sorkar sum bawm-ah Rs. 52,035/- an chhunglut bawk.

MJA (SD) in Meeting nei

MJA Serchhip District chuan Inrinni khan an President, C. Lalhminghlua te In-ah General Body Meeting neiin tun thla ni 10-a Chief Minister, Lal Thanhawla hova MJA (SD) Annual Conference vawi 10-na an hman zawh tak chu an thlirlet a, hei bakah hian Serchhip Press Club chu sak thuai a nih theih nan chak zawka hmalak chhunzawm an rel nghal bawk.

Vawiin sorkar Pisa chawlh

Vawiin February 20, 2017 hi State dinhmun a Mizoram hlankai a nihna Ni champhaphak vawi 30-na a ni a, sorkar Pisa chawlh a puan a nih angin sorkar Office leh zirna In te khar a ni ang. Mizoram State Day hi sorkar in programme siama lawmna buatsaih a tum hriat a ni lova, Mizoram sorkar in he Ni pawimawh tak hi sorkar Pisa chawlha a puan angin zirna In leh sorkar Office te chu khar a ni thung dawn a ni.

Assam Rifles-ah dilna thehlut

Assam Rifles hnuaia - Carpenter, Electrician, Plumber, Cook, Barber, Safai leh Dhobi-a hnaruak hnawhkhahna atan Sipai lakna chu neih a ni dawn a, hemi atan hian Serchhip-a Assam Rifles te chuan dilna an thawn sak thei a. Dilna thehluh theih hun hi chawpchilh taka hawn a nih avangin Inrinni khan Serchhip a\anga heng hna dil duhte tan dilna thehluhna hun hi Sub-Hqrs. YMA Office-ah buatsaih a ni.

Serchhip-a Chapchar Kut hman dan tur ruahman \an

Serchhip District Bawrhsap hova \hukhawm in kumin a Serchhip-a Chapchar Kut hman dan tur ruahmanna siam tura Serchhip Sub-Hqrs. YMA a ruat angin Inrinni zing khan Serchhip Sub-Hqrs. YMA OB te leh Cultural Committee chuan Chapchar Kut hman dan tur an sawiho.

‘LE&IT Minister leh MYC Chairman te hi Party hotute nawr vanga bang an ni lo’ - R. Lalzirliana

MPCC Vice President, R. Lalzirliana chuan tunhnaia LE&IT Minister, Lalrinmawia Ralte leh MYC Chairman, T. Sangkunga ten banna an thehlut chu an party hotute nawrna vang ni lovin, an chhia leh \ha hriatna vang liau liaua ti an nih thu a sawi a. Heng mi pahnih te hian nimin khan an banna chungchang hi an sawifiah bawk.

Baktawng-ah Mizoram Rural Bank Branch thar hawn a ni

Mizoram Rural Bank-in Baktawng Branch a hawn thar chu mipuite hman theih turin Ser-chhip DC, Dr. Lalrozama’n niminpiah khan a hawng.

Primary School zirtirtu ten rualbanlo te enkawl dan zirho

Serchhp District chhunga Primary School zirtirtute tan nimin khan Serchhip-a SSA Block Resource Centre-ah Rualbanlo te enkawl dan chungchang inzirtirna hun, ‘One Day Sensi-tization Programme on Disability Rehabilitation’ chu neih a ni.

Bru hruaikir tura ruahmanna ti puitling rihlo turin hriattir

Tripura Bru Relief Camp 6-a Mizoram Bru awm te lakkir dan tur ruahman chu Supreme Court in tihpuitlin rihlohna tur thupek a chhuah.

Mizoram State Commission for Women buatsaihin E. Lungdar-ah Dan zirhona neih a ni

Mizoram State Commission for Women leh Mizoram State Legal Services Authority \angkawp buatsaihin nimin khan East Lungdar-a Thangburha Hall-ah Legal Awareness Campaign neih a ni.

March 15-a lo hal vek turin Bawrhsap in hriattirna siam

Serchhip District Bawrhsap Dr. Lalrozama, IAS chuan ram kang leh Lo hal chungchangah thupek tichhuakin, Serchhip District chhunga huan, Lo leh Leipui hal turte chuan March ni 15, 2017 aia tlai lovah hal vek tur a nih thu a tarlang.

Serchhip-ah rualbanlote enkawl dan zirhona neiin mi pathum hnenah Wheelchair hlan a ni

Rualbanlo te enkawl chungchanga inzirtirna hun ‘One Day Sensitization Programme on Disability Rehabilitation’ chu nimin khan National Institute for Locomotors Disabilities (NILD), North East Regional Centre (NERC) leh Social Welfare Department te \angkawp buatsaihin Serchhip-ah neih a ni.

Consumer te i harh ang u -VIII :

 Eng ang chiaha pawimawh nge??

Finance Minister in SIMsePAY (mobile wallet) a tlangzarh

Finance Minister, Lalsawta chuan nimin khan Aizawl-a I&PR Auditorium-ah SIMsePAY (Mobile wallet) a tlangzarh a, he hunah hian Health Minister, Lal Thanzara chuan PACS Documentary Film a tlangzarh nghal bawk.

Remchan zawkna avangin Serchhip-ah Chapchar Kut hman hun tur sawn a ni

Kumin a Chapchar Kut lo thleng tur, March 3-a hman tura tih chu Serchhip-ah chuan remchan zawkna avangin March 24-ah hman tum a ni.

HIV/AIDS ven dan tur sawiho

Mizoram Social Defence & Rehabilitation Board (MSD&RB), Link Workers Scheme hnuaiah Mid Media Campaign chu nimin khan Serchhip-a CMO Conference Hall-ah neih a ni a, he hunah hian HIV/AIDS darh zel tur venna kawnga hmalak dan tur hrang hrang sawiho a ni bawk.

Kangmei laka him theihna turin Magistrate in thupek chhuah

Serchhip District Magistrate, Dr. Lalrozama, IAS chuan kangmei laka mipuite kan him theihna turin thupek a tichhuak.

MUP Area hruaitu thlanna nei

Mizoram Upa Pawl (MUP) Serchhip North Area chuan nimin khan MUP New Serchhip South Unit Run-ah kum 2017-2019 chhunga hruaitu tur thlanna, MUP Sub-Hqrs. Serchhip-a President, CL. Ramngaia kaihhruaiin an nei a, Presi-dent-ah H. Lalliana, Vice President-ah KL. Dengchhuana leh Treasurer-ah F. Zahleia te thlan an ni a, heng hruaitu thlan thar te hian an thawhpui tur Secretary leh OB dangte an la ruat leh dawn a ni.

Valentines’s Day-ah thisen pe

Nimin Feb. 14 khan khawvel hmun hrang hranga Valentine’s Day hman a ni a, Serchhip-ah pawh he Ni pual hian mi \hahnem takin Se-chhip Blood Bank-ah a thlawnin thisen an pe a ni.

PMAY hnuaia In sak \anpuina dawng tur list tarchhuah a ni

PMAY - Housing For All (Urban) hnuaia Serchhip UD&PA (LAD) kaltlanga In sak \anpuina diltute zinga dawng thei tur list chu LAD/UD&PA Notice Board ah tarchhuah a ni a, In sak \anpuina dil te tan ngaihven theih a ni ang. In sak \anpuina diltu zingah Document (Adhaar, Bank Account leh a dangte) kim lova thehlut ten Feb. 24, 2017 hmain thehluh vek tur a ni bawk. Tin, In sak \anpuina dil thei zingah dilna la thehlut ve lo te pawhin Feb. 24, 2017 ralhmain dilna thehluh theih a ni bawk ang.

SCRET buatsaihin Serchhip-ah Meeting on Adolescence Education Programme hman a ni

State Council of Education Reasearch & Training (SCERT) hnuaia Population Education Cell buatsaihin nimin khan Serchhip DIET-ah Tleirawl leh rawlthar te nun kal chho zel atan a inzirtirna, 'Tentative Programme on Adolescence Education for Interactive Meeting Leaders of Church Youth Fellowship' chu neih a ni.

Sorkar laka lungawilo CSS Hindi Teacher ten nimin atangin School an kai duhlo

Mizoram-a CSS Hindi Teachers te chuan thla 10 zet hlawh an lak tawhloh avanga an lungawilohna lantir nan nimin a\ang khan School an kallo.

Serchhip District Tribal Sub-Plan (TSP) siam dan tur an sawiho

Nimin khan Serchhip District Planning and Monitoring Committee (DPMC) on Article 275 (1) chu an Chairman, District Bawrhsap, Dr. Lalrozama hova \hukhawmin kum 2016-17 chhung atana Serchhip District Tribal Sub-Plan (TSP) siam dan tur an sawiho.

Artificial Turf phah dawn

Serchhip tlawha rawn zin Chief Minister, Lal Thanhawla chuan DC’s Playground, Khaw-tetlang-ah Phullem, Artificial Turf phah a ni dawn tih a sawi a, he hna \an hun tur tak erawh sawi mai theih a nih loh thu leh phah ngei erawh a ni dawn tih a sawi a ni. Tarlan tawh angin tunah hian sorkar hmalakna in Serchhip Hmar Veng a Sports Complex-ah Stadium sak mek niin he Stadium-ah hian Artificial Turf hi phah tum a ni bawk a, tunah hian Field siamrem hna thawh mek a ni bawk.

Zirlai naupang Mit enfiah sak

Zoram Entu Pawl ,(ZEP) leh Indian Vision Institute te buatsaihin nimin khan Zoram Entu Pawl Office, Serchhip P&E Veng-ah zirlai naupangte tan a thlawna Mit entirna neih a ni.

Khawmpui Pandal hlan hun tur ruahmanna siam a ni

Serchhip khua in thla thar-a Mizoram Presbyterian Kohhran Hmeichhe Inkhawmpui Lian a thlen tur atana Pandal sak hna chu chhunzawm zel niin nimin khan Serchhip Vengchung Pastor Bial K|P ten hnatlang an nei leh a, tunah hian \hutphah te remfel thawkhat tawh niin Stage siam hna leh a chhung tihfel hna thawh mek a ni. Rua-hman lawk ang chuan Pandal hlanna inkhawm hi thla thar March 7, 2017 zan khian Bial huapa neih a ni dawn a, he hun hi Synod Moderator, Rev. Lalzuithanga chuan a rawn hmanpui ang.

Aizawl City College Joint Students’ Union huaihawtin Aizawl-ah Zirlaite thlavang hauhin kawng zawh a ni

Aizawl City College Joint Students’ Union (ACCJSU) chuan an lo sawilawk tawh angin nimin khan Zirlai te thlavang hauhin Aizawl khawpui chhungah kawng an zawh a, kawng hi \huang hnihah zawhin Kulikawn leh Chanmari a\angin an zawh a, Vanapa Hall kawtah an intawkkhawm a ni.

Bial inkhawmpui \iak

Serchhip-a Kohhran pathum te chuan nimin, Pathianni hmang khan Bial khawpui neiin nizan khan heng khawmpui te hi a \iak a ni.

H/S Headmaster ten training nei

Serchhip District Education Officer hnuaia High School Headmaster te tan Zirtawpni khan an hnathawhna atana thil pawimawh hrang hrang zirhona neih a ni.

Lok Adalat \hutkhawm nei

Inrinni kalta, Feb. 11, 2017 khan Serchhip District Court Building hmun hnih ah Lok Adalat neih leh a ni a, hetah hian Serchhip a Bank hrang hrang-a leiba nei te thubuai leh thubuai dang engemaw zat ngaihtuah a ni.

Aizawl-a Labour & Employment Directorate-ah Bomb ni ngeia hriat tihpuah a ni

Zirtawpni zan dar 9:00 pelh hret khan Aizawl Upper Republic-a Labour & Employment Directorate ah mi tu tih hriatloh ten geletine nia hriat Bomb an tipuak a, Office bang leh darthlalang engemaw zat a chhia a, he thil thleng chungchang hi Police ten chhui mekin a ti tu nia rinhlelh man erawh an awm hriat ala nilo thung.

MJA (SD) Annual Conference neih a ni

Zirtawpni kalta, Feb. 10, 2017 khan MJA, Serchhip District chuan Serchhip Sub-Hqrs. YMA Meeting Hall-ah Annual Conference vawi 10-na an hmang a, he hun hi Chief Minister, Lal Thanhawla chuan khuallian niin a hmanpui a ni.

Hmanraw man thehlut turin hriattir

Serchhip Sub-Hqrs. YMA chuan Serchhip Town chhunga Branch YMA leh Direct-a an awp Branch, luidung humhalhtute hnena hriat-tirna tichhuakin, YMA ten tha leh zung tam tak senga luidung an humhalh te chu mi awmmawh leh kuthlei zual ten an lo khawih leh an lo suasam \hin chu a rilru nat thlak takzet tih an tarlang a. Hei vang hian heng mite chungah na zawka action lak a nih theihna turin hetianga an ngenna pawisa lo leh dan bawhchhia a che an man te reng reng chu Branch YMA in dan leh dun an siam, pawisa chawitir leh thildang hmanga action an lak bakah an hmanrua man te chu Sub-Hqrs. YMA Office-a dahlut zel turin an hriattir a ni.

Lirthei khalhtute tan training nei

Road Safety Week 2017 denchhenin nimin khan Serchhip District chhunga Public Trans-port Driver te tan Serchhip DC’s Conference Hall-ah Training buatsaih a ni a, he hun hi Zosang-zuali Pachuau, MCS, Addl. DC Serchhip chuan a hmanpui a ni.

AH&Vety Deptt. leh Sericulture Deptt. ten hma la mek

Serchhip-a AH&Vety Department chuan kum kalta chhung khan ran chi hrang hrang 17,776 damdawi hmangin an enkawl a. Sericulture Department pawhin Pangang khawitute tan theihtawp chhuahin hma an la mek bawk.

District Level Standing Committee on EMRS in School mamawh leh hmasawnna tur an thlirho

Nimin khan District Level Standing Committee on Eklavya Model Residential School chu an Chairman, Dr. Lalrozama, IAS hovin an \hukhawm a, he School mamawh leh hmasawnna tur hrang hrang an sawiho.

MPF District Forum inruat thar

Nimin chawhma dar 11:00 khan Mizoram People Forum (MPF) Serchhip District Forum chuan Serchhip Kawnpui Kohhran Committee Room No 2-ah Special Meeting neiin District Forum hruaitu an ruat thar a, kum 2017-2019 chhunga MPF District Forum hruaitu atan President-ah Rev. H. Lalawmpuia; Vice Presi-dent-ah Rev. C. Lalrintluanga, Rev. Dr. PR. Hmuaka leh Upa K. Chawiliana; Secretary-ah R. Sang-hmingthanga; Jt. Secretary-ah T. Biakchamliana leh PC. Vanlalluna; Treasurer-ah Upa T. Lalrawng-bawla leh Fin Secretary-ah K. Zaithantluanga te ruat an ni a, heng bakah hian Committee Member tur ruatin OB te hi Budget lo duang tura ruat nghal an ni bawk.

Serchhip-ah Road Safety Week hman chhunzawm mek zel a ni

Lirthei avanga chetsualna thleng thei laka fimkhur a \ul zia inzirtirna Hapta, Road Safety Week hawnna a neih hnuah lirthei avanga chetsualna thleng thei laka mipuite an him theih nana inzirtirna chu ngawrh taka kalpui zui nghal a ni.

In neilo te In sakna tura sorkar hmalakna tur Pradhan Mantri Awas Yojana-Gramin hawn a ni

Thingtlang khuaa cheng, In neilo leh Di In-a khawsa te tana In thar sakna tur leh In chhe tawh thawm\hatna tura sorkar laipui hmalakna, Pradhan Mantri Awas Yojana - Gramin (PMAY-G) chu nimin khan Rural Development Minister, R. Lalzirliana chuan Aizawl-a Assembly Annexe Conference Hall-ah a hawng.

Horti Deptt. in \anpuina sem tam

Serchhip-a Horticulture Department chuan kum kalta (2016) chhung khan mi 11 hnenah Green House sakna chu 90% Subsidy in an pe-chhuak a, huan siamtu chhungkaw 56 hnenah Tanky siam sakin Thei \iak 45,200 zet an semchhuak a, RKVY hnuaiah Serthlum \iak 26,560 chu chhung-kaw 70 te hnenah pechhuakin Purunsen chi pawh tunhnai ah nuai 4 zet an semchhuak bawk.

Naupang vanduai vuiliam a ni

Pathianni tlai-a lungrem-a tla boral zui ta, Lalropeka (7), Serchhip Dinthar Veng chu nimin khan vuiliam a ni.

Bawrhsap hovin National Deworming Day hman dan tur rel

Nimin chawhnu dar 3:00 khan National Deworming Day, Serchhip District-a hman dan tur chungchang ngaihtuahin District Level Co-ordination Committee on National Deworming Day chu an Chairman, Dr. Lalrozama, IAS hovin a Pisa-ah an \hukhawm.

Mizoram hmundangte rualin Serchhip-ah Road Safety Week vawi 28-na hman tan a ni

Mizoram pumah nimin khan kawngpui-a lirthei vanga chetsualna thleng thei laka fimkhur tura inzirtirna Hapta, Road Safety Week vawi 28-na chu hman \an a ni a, Serchhip-ah pawh he Hapta hi nimin khan hawn a ni.

Kangmei laka fimkhur a \ul zia inzirtirna Hapta, Fire Prevention Week hawnna Serchhip-ah neih a ni

Kangmei laka mipuite fimkhura \ul zia inzirtirna Hapta, Fire Prevention Week chu nimin a\ang khan Mizoram-ah hman \an a ni a. He Hapta hawnna hi Serchhip-ah chuan District Bawrhsap, Dr. Lalrozama, IAS hovin nimin khan DC’s Conference Hall-ah neih a ni.

Serchhip Bial-a ding turin Lal Thanhawla duh leh

Mizoram Pradesh Congress Committee (MPCC) President, Chief Minister, Lal Thanhawla chuan Politics chu dawta inchirhthehna hmanrua a ni lo a, khawvel nun piah lama thlarau nun thleng nghawng thei anih avangin a kal dik a ngai a ni, a ti. Inrinni kaltaa Congress Party Serchhip West Block Conference, Thenzawl-a neih a hman-puinaah he thu hi sawiin Chief Minister ni bawk, Lal Thanhawla chuan Politics a kal fuh loh chuan engkim, thlarau nun thlengin a chhe zawngin a nghawng thei a ni, a ti a. Politics thiltihtheihna chu chhungkhat laina sahmim tih puarna tur a ni lova, ram siamna tur a ni, a ti bawk. Serchhip West Block Congress Conference, an President, V. Lalrem-ruata kaihhruaiah hian palaite chuan resolution pass in Lal Thanhawla chu a bial ngai, Serchhip bial-ah ding leh ngei se an ti a ni. 

SPA in hruaitu thlanna nei

Inrinni kalta khan Serchhip Photographers Association (SPA) chuan HD Picnic Spot, Ser-chhip-ah kum 2017 chhunga hruaitu tur thlanna neiin President-ah F. Lalengkima, AOC; Vice President-ah R. Vanlalhriata, IOC Veng; Gen. Secretary-ah Lalthianghlima Ralte, Vengchung; Asst. Secretary-ah Zoramthanga Ralte, Hmar Veng; Treasurer-ah Elisianmawia Sailo, Bazar Veng leh Fin. Secretary-ah R. Lalchhandama, Tuikhuah Veng te thlan an ni. Serchhip Photographers Association hi thlalak-a tui mi leh eizawnna atana hmangtute intelkhawmna a ni.

Football Stadium sak meka hnathawh YMA in enfiah

Sub-Hqrs YMA Serchhip hnuaia Vigilance & Monitoring Committee chuan Inrinni zing khan Serchhip Hmar Veng Complex Field-a Football Stadium sak mek tlawhin hnathawktute hnenah rawtna an neih te an thlen.

Serchhip District-a chhungkaw 9524 ten NLUP tanpuina Rs. 750,438,514 an dawng tawh

Image
Mizoram sorkar in NLUP a kalpui mekah Serchhip District chhungah chhungkaw 9524 ten NLUP \anpuina hi dawng tawhin heng mite hnenah hian Rs. 750,438,514/- semchhuah a ni tawh.

LPG man bithliah thar a ni

Mizoram sorkar chuan Mizoram-a eirawng-bawlna Gas man tur a bithliah thar leh ta.

LE&IT Minister leh MYC Chairman te’n tihsual an neihloh avangin an bang dawnlo - Chief Minister

Chief Minister, Lal Thanhawla chuan Kolkata-a Nalanda Institute of Advance Studies (NIAS)-a zirlai 32thawn an nih chungchangah LE&IT Minister, Lalrinmawia Ralte leh Mizoram Youth Commission Chiarman, T. Sangkunga te chu engmah tihsual an neih loh avangin an bang dawn lo tih a sawi.

Sanctuary-a thang kam man

Sub-Hqrs. YMA Serchhip in an enkawl lai, Sakhisih Sanctuary-ah tunhnai khan mi \hen-khat ten Thang kamin an thangkam zinga 14 zet chu tunkar khan man a ni a. Sub-Hqrs. YMA chuan helai hmuna thing leh Mau leh nungcha dangte ti rem thei leh ti chereu zawnga che lo turin mipuite chu an ngen a ni.

Sorkar Pisa kai hun thar siam

Mizoram sorkar chuan Feb. 16, 2017 a\anga hman \an turin a hnuaia Pisa hrang hrang te Pisa kai hun tur a bithliah thar leh ta.

SerpEnt Inc. hruaitu thlanna nei

Serchhip khawpui chhunga Entertainment lama inhmang te inthlunkhawmna, Serchhip Entertainment Incorporated (SerpEnt Inc.) chuan nizan hmasa khan Mizo Zaimi Inzawmkhawm (MZI) Hqrs. Serchhip kaihhruaina in hruaitu thlanna an nei a, President-ah Johny Lalhruai-tluanga, Venglai; Vice President-ah Hmingthan-siama (Maa), Bazar Veng; Secretary-ah R. Lalrinfela, Bazar Hnuai; Asst. Secretary-ah Freddy Lalhruaitluanga, Bazar Veng; Treasurer-ah Samuel Lalrinawma, Vengchung leh Fin. Secretary-ah Denghlira, Chhim Veng te thlan an ni. SerpEnt Inc. hian midangte \anpuina kawngah Entertainer te hmang \angkaiin hma an la \hin a ni.

North Vanlaiphai khua in SDO (C) insawn tur dan titawp

North Vanlaiphai khua in an khuaa SDO (Civil) hna chelh mektu, a thlaktu dah lova sawn an danna chu nimin chawhnu dar 2:00 khan an titawp ta.

Horticulture Department buatsaih ‘District Level Horticulture Crop Exhibition’ zawhfel a ni

Serchhip Horticulture Division buatsaiha Serchhip Town Hall-a District Level Horticulture Crop Exhibition chu nimin khan zawhfel a ni a, he Exhibition kharna inkhawm hi District Bawrhsap, Dr. Lalrozama, IAS chuan a hmanpui a ni.

Kumin ah Tuirial Hedel Project hawn hman beisei a ni

Tuirial Hydro Electric Power Project chu kumin kum laihawl velah siam zawh a, kumtawp hmaa hawn hman beisei a ni.

SDO (Civil) hna chelhtu insawn tur dangin North Vanlaiphai mipuite an pungkhawm

Serchhip District chhunga Sub-Division Hqrs. pakhat, North Vanlaiphai-a SDO (Civil) hna chelh mektu chu sorkar in a sawn a, hemi duhloh vang hian North Vanlaiphai mipuite chuan niminpiah a\anga nimin thleng khan SDO (Civil) insawn tur dangin an pungkhawm.

Essay inziahsiakna a ti\hate hnenah lawmman hlan a ni

Nimin khan Serchhip District Court Conference Hall-ah College leh School zirlai naupang te tana inelna, State Level Essay Writing Com-petition-a ti \hate hnenah lawmman hlanna Serchhip District Legal Service Authority buatsaihin neih a ni.

Serchhip-a Officers ten Property Returns zirhona an nei

Nimin khan Serchhip DC’s Conference Hall ah Serchhip District-a Group A leh Group B Officers chin zawng zawngte pualin Vigilance Department chuan ni khat awh tur Property Returns chungchang training an buatsaih a, he training hi District Bawrhsap, Dr. Lalrozama, IAS chuan a hawng a ni.

Horticulture Department buatsaihin Serchhip-ah District Level Horticulture Crop Exhibition neih a ni.

Serchhip District Level Horticulture Crop Exhibition chu nimin khan Serchhip Town Hall-ah neih \an a ni a, Horticulture Department Director, R. Zotawna chuan he Exhibition hi hawngin he huna thlai leh pangpar phochhuah te chu Vawiin chawhnu lam thleng hian a duh apiangte tan tlawh theih turin phochhuah a ni ang.

Serchhip Sub-Hqrs. YMA Committee hrang hrang hruaitu thar te

Kum 2017-2018 chhunga Serchhip Sub-Hqrs. YMA hnuaia Committee hrang hrang hruaitu turte hetiang hian ruat thar an ni :

‘Commercial Silkworm Rearing and Disease, Pest Management’ training Serchhip-ah neih a ni

State Agricultural Management & Extension Training Institute (SAMETI), Mizoram buatsaihin nimin khan Agriculture Conference Hall, Serchhip-ah ni 2 awh tur ‘Commercial Silkworm Rearing and Disease, Pest Management’ tih thupui hmanga training chu neih \an a ni.

Serchhip-a Road Safety Week hman dan tur sawiho

Nimin khan Serchhip District Road Safety Committee chu an Chairman Dr. Lalrozama, IAS, Serchhip Bawrhsap ni bawk hovin a Pisa-ah an \hukhawm a, tun thla ni 6 leh ni 11 inkara Road Safety Week, 2017 hman tur chungchang an sawiho.

Zo hnahthlak te insuihkhawm leh inpumkhatna atan sorkar ang pawha hmalak mek a ni - Lal Thanhawla

 Chief Minister, Lal Thanhawla chuan Zo hnahthlak hnam hrang hrang te insuihkhawmna leh inpumkhatna atan Sorkar ang pawha theihtawp chhuaha hma lak mek a nih thu sawiin, Pathian in rem a tih hunah rorelna pakhat hnuaia kan awm ngei a beisei thu leh a rin thu a sawi bawk.

Hrangturzo Bialtu MLA in Tuichang Lei siam\hat tlawh

Hrangturzo bialtu MLA, Vanlalawmpuii Chawngthu chuan niminpiah khan Kei\um leh Khawlailung inkara Tuichang Lei siam\hat hna thawh mek chu a enfiah.

Sub-Hqrs. YMA in Rorel Inkhawm neih dan tur duang

Sub-Hqrs. YMA chuan kumin atana Executive Committee \hutkhawm hmasa ber chu nimin khan neiin Sub-Hqrs. rorel Inkhawm neih tur chungchang bakah nungcha humhalhna kawnga hmalak dan tur an rel.

Serchhip District-a Fire Prevention Week hman dan tur duan a ni

Nimin khan Serchhip District Fire Prevention Committee chu an Chairman leh Bawrhsap ni bawk, Dr. Lalrozama, IAS hovin an \hukhawm a, thla thar Feb. 6 a\anga Feb. 11 chhunga 'Fire Prevention Week, 2017' hman dan tur leh kumin |hal chhova District chhunga ramkang a awm loh nana hmalak dan tur hrang hrangte an rel.

Zeng hri umbo tura beihpuithlak thawhkhatna Serchhip District-ah Bawrhsap in a hawng.

Rampuma Zeng hri umbo beihpui thlakna tura hmalakna atan nimin khan Serchhip District-ah naupang kum 5 hnuai lamte hnena Zeng hri danna pek beihpui thlak thawhkhatna (IPPI First Round) chu \an a ni a. He beihpui thlakna hi District Bawrhsap, Dr. Lalrozama, IAS chuan New Serchhip Bazar-ah a hawng a ni.