South Zone M/S Sports \an

Serchhip South Zone Middle School Sports chu nimin khan Leisekawt Mual-ah neih \an a ni a, Serchhip khawpui chhunga Middle School 5 bakah Govt. Hriangtlang M/S a\angin zirlaite an tel a ni.
Serchhip South Zone Middle School Sports hawnna hi Organising Committee Chairman, F. Lalhmunsiama kaihhruai ah neiin Khual-lian, V. Tlang\huama, Convener leh Govt. M/S Serchhip-a Headmaster chuan he Sports hi hawngin sorkar in kaihhruaina a siam anga zirlaite tana Sports neih hi naupangte talent haichhuahna atana pawimawh tak a nih avangin naupangte tana an theihtawpa inpe turin Zirtirtute chu a chah a, zirlaite pawh theihtawp chhuah tura chahin, he Sports hi \hian insiamna atana hmang ngei turin a chah bawk.
Serchhip South Zone Middle School Sports-ah hian Chawngbuangi Memorial School, Goodwill English Academy, Model M/S, LM M/S, Govt. Chanmari M/S, Govt. M/S, Eklavya Model Residential School leh Hriangtlang M/S te an tel a, he School hrang hrang aiawhte hian H. Lianhnuna kaihhruaina hnuaiah thianghlim taka inelna nei turin thu an tiam a ni. He Sports-ah hian mimal-a infiamna hrang hrang bakah Football leh Volleyball (Mipa leh Hmeichhia) ah te inelna neih a ni anga, ruahman lawk ang chuan he Sports hi tunkar chhunga neih tur ni mah se sorkar hnathawk inzawmkhawm pawl in Nilaini a\anga lungawilohna lantira Mass Casual Leave lak an tum tak avangin Vawiin hian zawh hman tum a ni a, an zo hman talo a nih pawhin naktuk chawhma ah chuan zo ngei tura ruahman a ni.

Popular News

Retailer bukna diklo 3 man

MZU-a VC tur ruat thar a ni

Hmeichhia te hmasawnna tura hmalakna chungchang thlirho.