Serchhip Sub-Hqrs. YMA Conference vawi 6-na nakum April 24-26 chhungin neih a ni dawn

Serchhip Sub-Hqrs. YMA chuan nimin, Dec. 5, 2017 khan Sub-Hqrs. Executive Committee (SEC) \hutkhawm neiin Serchhip Sub-Hqrs. YMA Conference vawi 6-na chu nakum April ni 24 leh 26 inkar chhungin neih nise an ti.
Nimin a Serchhip Sub-Hqrs. YMA Executive Committee \hutkhawm hi Serchhip Sub-Hqrs. YMA President, R. Sanghmingthanga chuan kaihruaiin nakum April thlaa Serchhip Sub-Hqrs. YMA Conference vawi 6-na neih tur thleng tura lo ruat tawh, Hriangtlang Branch chuan harsatna lian tak an neih avanga an thlen leh theihloh tur thu an thlen chu sawiho in Sub-Hqrs. YMA Conference thleng duh tan kumthar January ni 15 thleng dilna thehluh theih hun hawn leh nise an ti a, dilna thehlut te a\angin a thlengtu tur hi thlangin, hemi chhunga dil an awmlo a nih erawh chuan Sub-Hqrs. YMA Executive in thlen nise an ti a. Conference neih hun atan April ni 24 atanga 26 nise an ti a. A thlengtu tur tihfel a nih hnuah Programme Committee te siama hmalak zui nise an ti bawk.
Nimin a SEC \hukhawm hian kan hma lawka hunpui lo thleng tur pawh thlirin JN Hospital Poor Fund, District Jail, Unity Orphanages Home, Zoar Urban Deprived Children Home, Adult Rehabilitation Center (ARC) leh Beiseina In (Old Age Home)-ah te Krismas thilpek atan Rs. 2000/- \heuh hlan nise an ti a. Sorkar in Halpuah, halmawi leh Silai lem, a mu nei chi hal, hman leh zawrh khapna thupek a tihchhuah chu a hlawhtlin ngei theihna turin Branch tin ten theihtawp chhuahin hmalak nise an ti a, sorkar in halpuah leh halmawi hal lo Branch tana lawmman a siam tur chu dawng thei ngei tura hma la turin Branch hrang hrangte chu an ngen bakah Serchhip Sub-Hqrs. YMA in Krismas thuchah tihchhuah nise an ti a. Mipui ten he hunpui lo thleng tur hi hlim leh thlamuang taka an hman theih nan Branch tin ten mahni huamchhung theuh ah a remchan anga duty in siam leh nise, heng Duty-na te hi Sub-Hqrs. YMA hruaitute pawhin tlawhkual nise an ti bawk.
Nimin a SEC \hukhawm hian Pawisa khelhna, Hupthuk siam phalna pek \hin chungchang pawh sawihoin, hetianga pawisa khelhna ualau taka siam a ni \hin hi thil \ha tawklo nia an hriat thu sawiin, hetiang pawisa khelhna hi siam phalna pe lo turin District Magistrate hnenah ngenna thlen nise an ti bawk.

Popular News

Retailer bukna diklo 3 man

MZU-a VC tur ruat thar a ni

Hmeichhia te hmasawnna tura hmalakna chungchang thlirho.