Rural Development Minister hovin Aizawl-ah SARAS Fair neiin SHG thawk\ha te lawmman hlan an ni

Mizoram sawrkar Rural Development Department buatsaih Sale of Articles of Rural Artisans Society (SARAS) Fair chu nimin khan Aizawl-a Assembly Annexe Conference Hall-ah neih \an a ni a. He hun hi RD Minister, R. Lalzirliana chuan hmanpuiin Self Help Group thawk\ha te hnenah lawmman sem a ni.

Sale of Articles of Rural Artisans Society (SARAS) Fair hawnna hunah hian Rural Development Minister, R. Lalzirliana chuan Self Help Group (SHG) kaltlanga mi retheite chawikanna tur, National Rural Livelihoods Mission (NRLM) hnuaiah State tina SHG te enkawltu tura din Mizoram State Rural Livelihoods Mission (MzSRLM) chuan tun dinhmunah Mizoram-ah pawh Kolasib, Serchhip, Mamit, Lawngtlai, Champhai leh Saiha District-a Block tinah hma a la mek tih a sawi a, a tahtawla hma zauh chho zelin kum 2022 hmaa Mizoram chhung District zawng zawng tuam chhuak turin ruahmanna a siam a ni, a ti. RD Minister chuan Sawrkar laipuiin a ngaih pawimawh he programme hi Mizoram sawrkar pawhin a ngai pawimawh hle tih sawiin, SHG kaltlang hian mirethei chhungkaw tam tak tan hmasawnna nghet leh bulfuk zawk a thlen ngei a beisei thu leh RD Department hnuaia SHG member-te theihna haichhuak tura SARAS Fair buatsaih \hin chu an tan hlawkna leh chona \ha zawk siamtu a nih a beisei thu a sawi a. SHG rintlak taka kalpuite chuan ham\hatna dang pawh an hmu zel dawn tih sawiin, an chakkhai lam nan, damdawi In an panna leh an eizawnna \anpuitu tur motor 18 lai chu November 22 khan a vailiam thu Minister chuan a sawi bawk.
Rural Development Minister, R.Lalzirliana chuan lo neitu hmeichhiate ham\hatna atana hma la tur Mahila Kisan Sashaktikaran Pariyojana (MKSP) hawn a nih tawh thu leh Block 2 - Kolasib leh Serchhip District hnuaia Block pali - Thingdawl Block, Bilkhawthlir Block, Serchhip Block leh East Lungdar Block-a SHG member mi 5000 ah bul \an tur niin tunah hian hma lakna chak taka kalpui mek a ni, a ti a. |halaite tana kut themthiamna leh eizawnna ngelnghet pe thei turin DDU-GKY pawh kalpui mek a nih thu sawiin, DDU-GKY hnuaiah hian thingtlang lama cheng \halai ten eizawnna tlaka an thiamna tah hriamsak leh hna hmuhsak thlengin hma a la dawn a ni, a ti bawk.
Nimin a SARA Fair hawnna inkhawm ah hian lawmman chi thum semchhuah a ni a. Village Organisation \ha berah Bilkhawthlir North thlan niin Self Help Group (SHG) ti\ha berah Women Seven Star, N. Vanlaiphai leh Jeptha, Kei\um te chu thlan an ni a. Self Help Group te hmasawnna tura thawhhlawk ber, Champion Bank lawmman chu Thenzawl Mizoram Rural Bank Manager, Lalniliani Pautu hnenah hlan a ni bawk.
Kum 2015 khan SARAS FAIR hmasa ber hi buatsaih a ni a, 2016-ah neih leh niin kumin 2017 ah Kolasib District-ah leh Aizawl-ah buatsaih a ni a. Tun \umah hian Block 17 a\angin  Self Help Group (SHG) ten Stall 102 \angin an thil zawrh chi hrang hrang an phochhuak a. Kum danga la tel ngai lo Block 7 - Chawngte, Lawng-tlai, Bungtlang S, Siaha, Ngopa leh Reiek te chu tun \umah hian an tel thar a ni.

Popular News

Retailer bukna diklo 3 man

MZU-a VC tur ruat thar a ni

Hmeichhia te hmasawnna tura hmalakna chungchang thlirho.